Dasamacittaṃ
421. Dasamaṃ sasaṅkhārattā parehi ussāhitassa vā , paresaṃ vā aparādhaṃ sāritassa , sayameva vā paresaṃ aparādhaṃ anussaritvā kujjhamānassa uppajjati .
Idhāpi padapaṭipāṭiyā ekūnatiṃsa , aggahitaggahaṇena ca cuddaseva padāni honti .
Yevāpanakesu
V0.298 pana thinamiddhampi labbhati .Tasmā ettha vinā issāmacchariyakukkuccehi cattāri apaṇṇakaṅgāni thinamiddhanti ime cha issādīnaṃ uppattikāle tesu aññatarena saddhiṃ satta yevāpanakā ekakkhaṇe uppajjanti .
Sesaṃ sabbaṃ sabbavāresu navamasadisameva .
Imesu pana dvīsu domanassacittesu sahajātādhipatiyeva
P0.259 labbhati , na ārammaṇādhipati .Na hi kuddho kiñci garuṃ karotīti .