Issues
Select Version
Dhammasaṅgaṇī-aṭṭhakathā
Dhammasaṅgaṇī-aṭṭhakathā

Pañcakaniddesavaṇṇanā

Author: _System_Pali_VRI_ @ Administrator

Pañcakaniddesavaṇṇanā

967. PañcavidhasaṅgahaniddeseM0.374 kakkhaḷan ti thaddhaṃ .
Kharameva kharagataṃ , pharusanti attho .
Itare dvepi sabhāvaniddesā eva .
Ajjhattan ti niyakajjhattaṃ .
Bahiddhāti bāhiraṃ .
Upādiṇṇan ti na kammasamuṭṭhānameva .
Avisesena pana sarīraṭṭhakassetaṃ gahaṇaṃ .
Sarīraṭṭhakañhi upādiṇṇaṃ vā hotu anupādiṇṇaṃ vā , ādinnagahitaparāmaṭṭhavasena sabbaṃ upādiṇṇameva nāma .
969. Tejogatan tiV0.369 sabbatejesu gataṃ uṇhattalakkhaṇaṃ , tejo eva vā tejobhāvaṃ gatanti ‘ tejogataṃ ’.
Usmāti usmākāro .
Usmāgatan ti usmābhāvaṃ gataṃ .
Usmākārassevetaṃ nāmaṃ .
Usuman ti balavausmā .
Usumameva usumabhāvaṃ gatanti usumagataṃ .
970. Vāyanakavasena vāyo .
Vāyova vāyobhāvaṃ gatattā vāyogataṃ .
Thambhitattan ti uppalanāḷatacādīnaṃ viya vātapuṇṇānaṃ thambhitabhāvo rūpassa .