Soṇakoḷivisattheravatthu
205. Sattame hāpetabbameva ahosi accāraddhavīriyattā .
205. Sattame hāpetabbameva ahosi accāraddhavīriyattā .
Udakena samupabyūḷheti udakena thalaṃ ussāretvā tattha tattha rāsikate .
Haritūpalittāyāti gomayaparibhaṇḍakatāya .
Tividhena udakena
V1.150 posentīti khīrodakaṃ gandhodakaṃ kevalodakanti evaṃ tividhena udakena posenti paripālenti .Parissāvetvāti parisodhetvā gahite taṇḍuleti yojetabbaṃ .
Devo maññeti devo viya
M1.164 .Vīṇovādenāti ‘‘ taṃ kiṃ maññasi , soṇa , yadā te vīṇāya tantiyo accāyatā honti , api nu te vīṇā tasmiṃ samaye saravatī vā hoti kammaññā vāti ?
No hetaṃ , bhanteti .
Evameva kho , soṇa , accāraddhavīriyaṃ uddhaccāya saṃvattati , atisithilavīriyaṃ kosajjāya saṃvattati .
Tasmātiha tvaṃ , soṇa , vīriyasamataṃ adhiṭṭhaha , indriyānañca samataṃ paṭivijjhā ’’ ti ( mahāva .243) evaṃ vīṇaṃ upamaṃ katvā pavattitena vīṇopamovādena .
Vīriyasamathayojanatthāyāti vīriyassa samathena yojanatthāya .