6. Chachakkasuttaṃ

420. EvaṃT3.509V3.337 me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme .

Tatra kho bhagavā bhikkhū āmantesi –

‘‘ bhikkhavo ’’ ti .

‘‘ Bhadante ’’ ti te bhikkhū bhagavato paccassosuṃ .

Bhagavā etadavoca –

‘‘ dhammaṃ vo , bhikkhave , desessāmi ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ , kevalaparipuṇṇaṃ parisuddhaṃ brahmacariyaṃ pakāsessāmi , yadidaṃ – cha chakkāni .

Taṃ suṇātha , sādhukaṃ manasi karotha ;

bhāsissāmī ’’ ti .

‘‘ Evaṃ , bhante ’’ ti kho te bhikkhū bhagavato paccassosuṃ .

Bhagavā etadavoca –

‘‘ Cha ajjhattikāni āyatanāni veditabbāni , cha bāhirāni āyatanāni veditabbāni , cha viññāṇakāyā veditabbā , cha phassakāyā veditabbā , cha vedanākāyā veditabbā , cha taṇhākāyā veditabbā .

421.‘‘‘ Cha ajjhattikāni āyatanāni veditabbānī ’ ti – iti kho panetaṃ vuttaṃ .

Kiñcetaṃ paṭicca vuttaṃ ?

Cakkhāyatanaṃ , sotāyatanaṃ , ghānāyatanaṃ , jivhāyatanaṃM3.328 , kāyāyatanaṃ , manāyatanaṃ .

‘ Cha ajjhattikāni āyatanāni veditabbānī ’ ti – iti yaṃ taṃ vuttaṃ , idametaṃ paṭicca vuttaṃ .

Idaṃ paṭhamaṃ chakkaṃ .

‘‘‘ ChaP3.281 bāhirāni āyatanāni veditabbānī ’ ti – iti kho panetaṃ vuttaṃT3.510 .

Kiñcetaṃ paṭicca vuttaṃ ?

Rūpāyatanaṃ , saddāyatanaṃ , gandhāyatanaṃ , rasāyatanaṃ , phoṭṭhabbāyatanaṃ , dhammāyatanaṃ .

‘ Cha bāhirāni āyatanāni veditabbānī ’ ti – iti yaṃ taṃ vuttaṃ , idametaṃ paṭicca vuttaṃ .

Idaṃ dutiyaṃ chakkaṃ .

‘‘‘ Cha viññāṇakāyā veditabbā ’ ti – iti kho panetaṃ vuttaṃ .

Kiñcetaṃ paṭicca vuttaṃ ?

Cakkhuñca paṭicca rūpe ca uppajjati cakkhuviññāṇaṃ , sotañca paṭicca sadde ca uppajjatiV3.338 sotaviññāṇaṃ , ghānañca paṭicca gandhe ca uppajjati ghānaviññāṇaṃ , jivhañca paṭicca rase ca uppajjati jivhāviññāṇaṃ , kāyañca paṭicca phoṭṭhabbe ca uppajjati kāyaviññāṇaṃ , manañca paṭicca dhamme ca uppajjati manoviññāṇaṃ .

‘ Cha viññāṇakāyā veditabbā ’ ti – iti yaṃ taṃ vuttaṃ , idametaṃ paṭicca vuttaṃ .

Idaṃ tatiyaṃ chakkaṃ .

‘‘‘ Cha phassakāyā veditabbā ’ ti – iti kho panetaṃ vuttaṃ .

Kiñcetaṃ paṭicca vuttaṃ ?

Cakkhuñca paṭicca rūpe ca uppajjati cakkhuviññāṇaṃ , tiṇṇaṃ saṅgati phasso ;

sotañca paṭicca sadde ca uppajjati sotaviññāṇaṃ , tiṇṇaṃ saṅgati phasso ;

ghānañca paṭicca gandhe ca uppajjati ghānaviññāṇaṃ , tiṇṇaṃ saṅgati phasso ;

jivhañca paṭicca rase ca uppajjati jivhāviññāṇaṃ , tiṇṇaṃ saṅgati phasso ;

kāyañca paṭicca phoṭṭhabbe ca uppajjati kāyaviññāṇaṃ , tiṇṇaṃ saṅgati phasso ;

manañca paṭicca dhamme caT3.511 uppajjati manoviññāṇaṃ , tiṇṇaṃ saṅgati phasso .

‘ Cha phassakāyā veditabbā ’ ti – iti yaṃ taṃ vuttaṃ , idametaṃ paṭicca vuttaṃ .

Idaṃ catutthaṃ chakkaṃ .

‘‘‘ Cha vedanākāyā veditabbā ’ ti – iti kho panetaṃ vuttaṃ .

Kiñcetaṃ paṭicca vuttaṃ ?

Cakkhuñca paṭicca rūpe ca uppajjati cakkhuviññāṇaṃ , tiṇṇaṃ saṅgati phasso , phassapaccayā vedanā ;

sotañca paṭicca sadde ca uppajjati sotaviññāṇaṃ , tiṇṇaṃ saṅgati phasso , phassapaccayā vedanā ;

ghānañca paṭicca gandhe ca uppajjati ghānaviññāṇaṃ , tiṇṇaṃ saṅgati phasso , phassapaccayā vedanā ;

jivhañca paṭicca rase ca uppajjati jivhāviññāṇaṃ , tiṇṇaṃ saṅgati phasso , phassapaccayā vedanā ;

kāyañca paṭicca phoṭṭhabbe ca uppajjati kāyaviññāṇaṃ , tiṇṇaṃ saṅgati phasso , phassapaccayāM3.329 vedanā ;

manañca paṭicca dhammeT3.512 ca uppajjati manoviññāṇaṃ , tiṇṇaṃ saṅgati phasso , phassapaccayā vedanā .

‘ Cha vedanākāyā veditabbā ’ ti – iti yaṃ taṃP3.282 vuttaṃ , idametaṃ paṭicca vuttaṃ .

Idaṃ pañcamaṃ chakkaṃ .

‘‘‘ Cha taṇhākāyā veditabbā ’ ti – iti kho panetaṃ vuttaṃ .

Kiñcetaṃ paṭicca vuttaṃ ?

Cakkhuñca paṭicca rūpe ca uppajjati cakkhuviññāṇaṃ , tiṇṇaṃ saṅgati phasso , phassapaccayā vedanā , vedanāpaccayā taṇhā ;

sotañca paṭicca sadde ca uppajjati sotaviññāṇaṃ … pe … ghānañca paṭicca gandhe ca uppajjati ghānaviññāṇaṃ … jivhañca paṭicca rase ca uppajjatiV3.339 jivhāviññāṇaṃ … kāyañca paṭicca phoṭṭhabbe ca uppajjati kāyaviññāṇaṃ … manañca paṭicca dhamme ca uppajjati manoviññāṇaṃ , tiṇṇaṃ saṅgati phasso , phassapaccayā vedanā , vedanāpaccayā taṇhā .

‘ Cha taṇhākāyā veditabbā ’ ti – iti yaṃ taṃ vuttaṃ , idametaṃ paṭicca vuttaṃ .

Idaṃ chaṭṭhaṃ chakkaṃ .

422.‘‘‘ Cakkhu attā ’ ti yo vadeyya taṃ na upapajjati .

Cakkhussa uppādopi vayopi paññāyati .

Yassa kho pana uppādopi vayopi paññāyati ,‘ attā me uppajjati ca veti cā ’ ti iccassa evamāgataṃ hoti .

Tasmā taṃ na upapajjati –

‘ cakkhu attā ’ ti yo vadeyya .

Iti cakkhu anattā .

‘‘‘ Rūpā attā ’ ti yo vadeyya taṃ na upapajjati .

Rūpānaṃ uppādopi vayopi paññāyati .

Yassa kho pana uppādopi vayopi paññāyati ,‘ attā me uppajjati ca veti cā ’ ti iccassa evamāgataṃ hoti .

Tasmā taṃ na upapajjati –

‘ rūpā attā ’ ti yo vadeyya .

Iti cakkhu anattā , rūpā anattā .

‘‘‘ Cakkhuviññāṇaṃ attā ’ ti yo vadeyya taṃ na upapajjati .

Cakkhuviññāṇassa uppādopi vayopi paññāyati .

Yassa kho pana uppādopi vayopi paññāyati ,‘ attā me uppajjati ca veti cā ’ ti iccassa evamāgataṃ hoti .

Tasmā taṃ na upapajjati –

‘ cakkhuviññāṇaṃ attā ’ ti yo vadeyya .

Iti cakkhu anattā , rūpā anattā , cakkhuviññāṇaṃ anattā .

‘‘‘ Cakkhusamphasso attā ’ ti yo vadeyya taṃ na upapajjati .

Cakkhusamphassassa uppādopi vayopi paññāyatiT3.513 .

Yassa kho pana uppādopi vayopi paññāyati ,‘ attā me uppajjati ca veti cā ’ ti iccassa evamāgataṃ hoti .

Tasmā taṃ na upapajjati –

‘ cakkhusamphasso attā ’ ti yoM3.330 vadeyya .

Iti cakkhu anattā , rūpā anattā , cakkhuviññāṇaṃ anattā , cakkhusamphasso anattā .

‘‘‘ VedanāV3.340 attā ’ ti yo vadeyya taṃP3.283 na upapajjati .

Vedanāya uppādopi vayopi paññāyati .

Yassa kho pana uppādopi vayopi paññāyati ,‘ attā me uppajjati ca veti cā ’ ti iccassa evamāgataṃ hoti .

Tasmā taṃ na upapajjati –

‘ vedanā attā ’ ti yo vadeyya .

Iti cakkhu anattā , rūpā anattā , cakkhuviññāṇaṃ anattā , cakkhusamphasso anattā , vedanā anattā .

‘‘‘ Taṇhā attā ’ ti yo vadeyya taṃ na upapajjati .

Taṇhāya uppādopi vayopi paññāyati .

Yassa kho pana uppādopi vayopi paññāyati ,‘ attā me uppajjati ca veti cā ’ ti iccassa evamāgataṃ hoti .

Tasmā taṃ na upapajjati –

‘ taṇhā attā ’ ti yo vadeyya .

Iti cakkhu anattā , rūpā anattā , cakkhuviññāṇaṃ anattā , cakkhusamphasso anattā , vedanā anattā , taṇhā anattā .

423.‘‘‘ Sotaṃ attā ’ ti yo vadeyya … pe …‘ ghānaṃ attā ’ ti yo vadeyya …‘ jivhā attā ’ ti yo vadeyya …‘ kāyo attā ’ ti yo vadeyya …‘ mano attā ’ ti yo vadeyya taṃ na upapajjati .

Manassa uppādopi vayopi paññāyati .

Yassa kho pana uppādopi vayopiT3.514 paññāyati ,‘ attā me uppajjati ca veti cā ’ ti iccassa evamāgataṃ hoti .

Tasmā taṃ na upapajjati –

‘ mano attā ’ ti yo vadeyya .

Iti mano anattā .

‘‘‘ Dhammā attā ’ ti yo vadeyya taṃ na upapajjati .

Dhammānaṃ uppādopi vayopi paññāyati .

Yassa kho pana uppādopi vayopi paññāyati ,‘ attā me uppajjati ca veti cā ’ ti iccassa evamāgataṃ hoti .

Tasmā taṃ na upapajjati –

‘ dhammā attā ’ ti yo vadeyya .

Iti mano anattā , dhammā anattā .

‘‘‘ Manoviññāṇaṃ attā ’ ti yo vadeyya taṃ na upapajjati .

Manoviññāṇassa uppādopi vayopi paññāyati .

Yassa kho pana uppādopi vayopi paññāyati ,‘ attā me uppajjati ca veti cā ’ ti iccassa evamāgataṃ hoti .

Tasmā taṃ na upapajjati –

‘ manoviññāṇaṃ attā ’ tiM3.331 yo vadeyya .

Iti mano anattā , dhammā anattā , manoviññāṇaṃ anattā .

‘‘‘ ManosamphassoV3.341 attā ’ ti yo vadeyya taṃ na upapajjati .

Manosamphassassa uppādopi vayopi paññāyati .

Yassa kho pana uppādopi vayopi paññāyati ,‘ attā me uppajjati ca veti cā ’ ti iccassa evamāgataṃ hoti .

Tasmā taṃ na upapajjati –

‘ manosamphasso attā ’ ti yo vadeyya .

Iti mano anattā , dhammā anattā , manoviññāṇaṃ anattā , manosamphasso anattā .

‘‘‘ Vedanā attā ’ ti yo vadeyya taṃ na upapajjati .

Vedanāya uppādopi vayopi paññāyati .

Yassa khoT3.515 pana uppādopiP3.284 vayopi paññāyati ,‘ attā me uppajjati ca veti cā ’ ti iccassa evamāgataṃ hoti .

Tasmā taṃ na upapajjati –

‘ vedanā attā ’ ti yo vadeyya .

Iti mano anattā , dhammā anattā , manoviññāṇaṃ anattā , manosamphasso anattā , vedanā anattā .

‘‘‘ Taṇhā attā ’ ti yo vadeyya taṃ na upapajjati .

Taṇhāya uppādopi vayopi paññāyati .

Yassa kho pana uppādopi vayopi paññāyati ,‘ attā me uppajjati ca veti cā ’ ti iccassa evamāgataṃ hoti .

Tasmā taṃ na upapajjati –

‘ taṇhā attā ’ ti yo vadeyya .

Iti mano anattā , dhammā anattā , manoviññāṇaṃ anattā , manosamphasso anattā , vedanā anattā , taṇhā anattā .

424.‘‘ Ayaṃ kho pana , bhikkhave , sakkāyasamudayagāminī paṭipadā – cakkhuṃ ‘ etaṃ mama , esohamasmi , eso me attā ’ ti samanupassati ;

rūpe ‘ etaṃ mama , esohamasmi , eso me attā ’ ti samanupassati ;

cakkhuviññāṇaṃ ‘ etaṃ mama , esohamasmi , eso me attā ’ ti samanupassati ;

cakkhusamphassaṃ ‘ etaṃ mama , esohamasmi , eso me attā ’ ti samanupassati ;

vedanaṃ ‘ etaṃ mamaT3.516 , esohamasmi , eso me attā ’ ti samanupassati ;

taṇhaṃ ‘ etaṃ mama , esohamasmi , eso me attā ’ ti samanupassati ;

sotaṃ ‘ etaṃ mama , esohamasmi , eso me attā ’ ti samanupassati … pe … ghānaṃ ‘ etaṃ mama , esohamasmi , eso me attā ’ ti samanupassati … pe … jivhaṃ ‘ etaṃ mama , esohamasmi , eso me attā ’ tiM3.332 samanupassati … pe … kāyaṃ ‘ etaṃ mama , esohamasmi , eso me attā ’ ti samanupassati … pe … manaṃ ‘ etaṃ mama , esohamasmi , eso me attā ’ ti samanupassati , dhamme ‘ etaṃ mama , esohamasmi , eso me attā ’ ti samanupassati , manoviññāṇaṃ ‘ etaṃ mama , esohamasmi , eso me attā ’ ti samanupassati , manosamphassaṃ ‘ etaṃ mama , esohamasmi , eso me attā ’ ti samanupassati , vedanaṃ ‘ etaṃ mama , esohamasmi , eso me attā ’ ti samanupassati , taṇhaṃ ‘ etaṃ mama , esohamasmi , eso me attā ’ ti samanupassati .

‘‘ AyaṃV3.342 kho pana , bhikkhave , sakkāyanirodhagāminī paṭipadā – cakkhuṃ ‘ netaṃ mama , nesohamasmi , na meso attā ’ ti samanupassati .

Rūpe ‘ netaṃ mama , nesohamasmi , na meso attā ’ ti samanupassati .

Cakkhuviññāṇaṃ ‘ netaṃ mama , nesohamasmi , na meso attā ’ ti samanupassati .

Cakkhusamphassaṃ ‘ netaṃ mama , nesohamasmi , na meso attā ’ ti samanupassati .

Vedanaṃ ‘ netaṃ mama , nesohamasmi , na meso attā ’ ti samanupassati .

Taṇhaṃ ‘ netaṃ mama , nesohamasmi , na meso attā ’ ti samanupassati .

Sotaṃ ‘ netaṃ mama , nesohamasmi , na meso attā ’ ti samanupassati … pe … ghānaṃ ‘ netaṃ mama , nesohamasmi , na meso attā ’ ti samanupassati … jivhaṃ ‘ netaṃ mama , nesohamasmi , na meso attā ’ ti samanupassati … kāyaṃ ‘ netaṃ mama , nesohamasmi , na meso attā ’ ti samanupassati … manaṃ ‘ netaṃ mama , nesohamasmi , na meso attā ’ ti samanupassati .

Dhamme ‘ netaṃ mama , nesohamasmi , na meso attā ’ ti samanupassati .

Manoviññāṇaṃ ‘ netaṃ mama , nesohamasmi , na meso attā ’ ti samanupassati .

Manosamphassaṃ ‘ netaṃ mama , nesohamasmi , na meso attā ’ ti samanupassati .

Vedanaṃ ‘ netaṃP3.285 mama , nesohamasmi , na meso attā ’ ti samanupassati .

Taṇhaṃ ‘ netaṃ mama , nesohamasmi , na meso attā ’ ti samanupassati .

425.‘‘ Cakkhuñca , bhikkhave , paṭicca rūpe ca uppajjati cakkhuviññāṇaṃ , tiṇṇaṃ saṅgatiV3.343 phasso , phassapaccayā uppajjati vedayitaṃ sukhaṃT3.517 vā dukkhaṃ vā adukkhamasukhaṃ vā .

So sukhāya vedanāya phuṭṭho samāno abhinandati abhivadati ajjhosāya tiṭṭhati .

Tassa rāgānusayo anuseti .

Dukkhāya vedanāya phuṭṭho samāno socati kilamati paridevati urattāḷiṃM3.333 kandati sammohaṃ āpajjati .

Tassa paṭighānusayo anuseti .

Adukkhamasukhāya vedanāya phuṭṭho samāno tassā vedanāya samudayañca atthaṅgamañca assādañca ādīnavañca nissaraṇañca yathābhūtaṃ nappajānāti .

Tassa avijjānusayo anuseti .

So vata , bhikkhave , sukhāya vedanāya rāgānusayaṃ appahāya dukkhāya vedanāya paṭighānusayaṃ appaṭivinodetvā adukkhamasukhāya vedanāya avijjānusayaṃ asamūhanitvā avijjaṃ appahāya vijjaṃ anuppādetvā diṭṭheva dhamme dukkhassantakaro bhavissatīti – netaṃ ṭhānaṃ vijjati .

‘‘ Sotañca , bhikkhave , paṭicca sadde ca uppajjati sotaviññāṇaṃ … pe … ghānañca , bhikkhave , paṭicca gandhe ca uppajjati ghānaviññāṇaṃ … pe … jivhañca , bhikkhave , paṭicca rase ca uppajjati jivhāviññāṇaṃ … pe … kāyañca , bhikkhave , paṭicca phoṭṭhabbe ca uppajjati kāyaviññāṇaṃ … pe … manañca , bhikkhave , paṭicca dhamme ca uppajjati manoviññāṇaṃ , tiṇṇaṃ saṅgati phasso , phassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā .

So sukhāya vedanāya phuṭṭho samāno abhinandati abhivadati ajjhosāya tiṭṭhati .

Tassa rāgānusayo anuseti .

Dukkhāya vedanāya phuṭṭho samāno socati kilamati paridevati urattāḷiṃT3.518 kandati sammohaṃ āpajjati .

Tassa paṭighānusayo anuseti .

Adukkhamasukhāya vedanāya phuṭṭho samāno tassā vedanāya samudayañca atthaṅgamañca assādañca ādīnavañca nissaraṇañca yathābhūtaṃ nappajānāti .

Tassa avijjānusayo anuseti .

426.‘‘ CakkhuñcaP3.286 , bhikkhave , paṭicca rūpe ca uppajjati cakkhuviññāṇaṃ , tiṇṇaṃ saṅgati phasso , phassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā .

So sukhāya vedanāya phuṭṭho samāno nābhinandati nābhivadati nājjhosāya tiṭṭhati .

Tassa rāgānusayo nānuseti .

Dukkhāya vedanāya phuṭṭho samāno na socati na kilamati paridevati na urattāḷiṃ kandatiV3.344 na sammohaṃ āpajjati .

Tassa paṭighānusayo nānuseti .

Adukkhamasukhāya vedanāya phuṭṭho samāno tassāM3.334 vedanāya samudayañca atthaṅgamañca assādañca ādīnavañca nissaraṇañca yathābhūtaṃ pajānāti .

Tassa avijjānusayo nānuseti .

So vata , bhikkhave , sukhāya vedanāya rāgānusayaṃ pahāya dukkhāya vedanāya paṭighānusayaṃ paṭivinodetvā adukkhamasukhāya vedanāya avijjānusayaṃ samūhanitvā avijjaṃ pahāya vijjaṃ uppādetvā diṭṭheva dhammeT3.519 dukkhassantakaro bhavissatīti – ṭhānametaṃ vijjati .

‘‘ Sotañca , bhikkhave , paṭicca sadde ca uppajjati sotaviññāṇaṃ … pe ….

‘‘ Ghānañca , bhikkhave , paṭicca gandhe ca uppajjati ghānaviññāṇaṃ … pe ….

‘‘ Jivhañca , bhikkhave , paṭicca rase ca uppajjati jivhāviññāṇaṃ … pe …V3.345 .

‘‘ Kāyañca , bhikkhave , paṭicca phoṭṭhabbe ca uppajjati kāyaviññāṇaṃ … pe ….

‘‘ Manañca , bhikkhave , paṭicca dhamme ca uppajjati manoviññāṇaṃ tiṇṇaṃ saṅgati phasso , phassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā .

So sukhāya vedanāya phuṭṭho samāno nābhinandati nābhivadati nājjhosāya tiṭṭhati .

Tassa rāgānusayo nānuseti .

Dukkhāya vedanāya phuṭṭho samāno na socati na kilamati na paridevati na urattāḷiṃ kandati na sammohaṃ āpajjati .

Tassa paṭighānusayo nānuseti .

Adukkhamasukhāya vedanāya phuṭṭho samāno tassā vedanāya samudayañca atthaṅgamañca assādañca ādīnavañca nissaraṇañca yathābhūtaṃ pajānāti .

Tassa avijjānusayo nānuseti .

So vata , bhikkhave , sukhāya vedanāya rāgānusayaṃ pahāya dukkhāya vedanāya paṭighānusayaṃ paṭivinodetvā adukkhamasukhāya vedanāya avijjānusayaṃ samūhanitvā avijjaṃ pahāya vijjaṃ uppādetvā diṭṭheva dhamme dukkhassantakaro bhavissatīti – ṭhānametaṃ vijjati .

427.‘‘ Evaṃ passaṃ , bhikkhave , sutavā ariyasāvako cakkhusmiṃ [ cakkhusmimpi ( syā . kaṃ .) evamitaresupi ] nibbindati , rūpesu nibbindati , cakkhuviññāṇe nibbindati , cakkhusamphasseT3.520 nibbindati , vedanāya nibbindati , taṇhāya nibbindati .

Sotasmiṃ nibbindati , saddesu nibbindati … pe …V3.346 ghānasmiṃ nibbindati , gandhesu nibbindati … jivhāya nibbindati , rasesu nibbindati … kāyasmiṃ nibbindati , phoṭṭhabbesu nibbindati … manasmiṃ nibbindati , dhammesu nibbindati , manoviññāṇe nibbindati , manosamphasse nibbindati , vedanāya nibbindati , taṇhāya nibbindati .

Nibbindaṃ virajjatiP3.287 , virāgā vimuccati .

Vimuttasmiṃ vimuttamiti ñāṇaṃM3.335 hoti .

‘ Khīṇā jāti , vusitaṃ brahmacariyaṃ , kataṃ karaṇīyaṃ , nāparaṃ itthattāyā ’ ti pajānātī ’’ ti .

Idamavoca bhagavā .

Attamanā te bhikkhū bhagavato bhāsitaṃ abhinandunti .

Imasmiṃ kho pana veyyākaraṇasmiṃ bhaññamāne saṭṭhimattānaṃ bhikkhūnaṃ anupādāya āsavehi cittāni vimucciṃsūti .

Chachakkasuttaṃ niṭṭhitaṃ chaṭṭhaṃ .

Issues

Select Version

Uparipaṇṇāsapāḷi

Uparipaṇṇāsapāḷi