4. Nandakovādasuttaṃ

398. EvaṃT3.486V3.324 me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme .

Atha kho mahāpajāpatigotamī pañcamattehi bhikkhunisatehi saddhiṃ yena bhagavā tenupasaṅkami ;

upasaṅkamitvā bhagavantaṃ abhivādetvā ekamantaṃ aṭṭhāsi .

Ekamantaṃ ṭhitā kho mahāpajāpatigotamī bhagavantaṃ etadavoca –

‘‘ ovadatu , bhante , bhagavā bhikkhuniyo ;

anusāsatu , bhante , bhagavā bhikkhuniyo ;

karotu , bhante , bhagavā bhikkhunīnaṃ dhammiṃ kathan ’’ ti [ dhammikathanti ( syā . kaṃ . ka .)].

Tena kho pana samayena therā bhikkhū bhikkhuniyo ovadanti pariyāyena .

Āyasmā nandako na icchati bhikkhuniyo ovadituṃ pariyāyena .

AthaM3.315 kho bhagavā āyasmantaṃ ānandaṃ āmantesi –

‘‘ kassa nu kho , ānanda , ajja pariyāyo bhikkhuniyo ovadituṃ pariyāyenā ’’ ti ?

‘‘ Sabbeheva , bhante , kato [ nandakassa bhante ( sī . pī .)] pariyāyo bhikkhuniyo ovadituṃ pariyāyena .

Ayaṃ , bhante , āyasmā nandako na icchati bhikkhuniyo ovadituṃ pariyāyenā ’’ ti .

Atha kho bhagavā āyasmantaṃ nandakaṃ āmantesi –

‘‘ ovada , nandaka , bhikkhuniyo ;

anusāsa , nandaka , bhikkhuniyo ;

karohi tvaṃ , brāhmaṇa , bhikkhunīnaṃ dhammiṃ kathan ’’ ti .

‘‘ Evaṃ , bhante ’’ ti kho āyasmāP3.271 nandako bhagavato paṭissutvāT3.487 pubbaṇhasamayaṃ nivāsetvā pattacīvaramādāya sāvatthiṃ piṇḍāya pāvisi .

Sāvatthiyaṃ piṇḍāya caritvā pacchābhattaṃ piṇḍapātapaṭikkanto attadutiyo yena rājakārāmo tenupasaṅkami .

Addasaṃsu kho tā bhikkhuniyo āyasmantaṃ nandakaṃ dūratova āgacchantaṃ .

Disvāna āsanaṃ paññāpesuṃ , udakañca pādānaṃ upaṭṭhapesuṃ .

Nisīdi kho āyasmā nandako paññatte āsane .

Nisajja pāde pakkhālesi .

Tāpi kho bhikkhuniyo āyasmantaṃ nandakaṃ abhivādetvā ekamantaṃ nisīdiṃsu .

Ekamantaṃ nisinnā kho tā bhikkhuniyo āyasmā nandako etadavoca –

‘‘ paṭipucchakathā kho , bhaginiyo , bhavissati .

Tattha ājānantīhi –

‘ ājānāmā ’ tissa vacanīyaṃ , na ājānantīhi –

‘ na ājānāmā ’ tissa vacanīyaṃ .

Yassā vā panassa kaṅkhā vā vimati vāV3.325 ahameva tattha paṭipucchitabbo –

‘ idaṃ , bhante , kathaṃ ;

imassa kvattho ’’’ ti ?

‘‘ Ettakenapi mayaṃ , bhante , ayyassa nandakassa attamanā abhiraddhā [ abhinandāma ( syā . kaṃ .)] yaṃ no ayyo nandako pavāretī ’’ ti .

399.‘‘ Taṃ kiṃ maññatha , bhaginiyo , cakkhu niccaṃ vā aniccaṃ vā ’’ ti ?

‘‘ Aniccaṃ , bhante ’’.

‘‘ Yaṃ panāniccaṃ dukkhaṃ vā taṃ sukhaṃ vā ’’ ti ?

‘‘ Dukkhaṃ , bhante ’’.

‘‘ Yaṃ panāniccaṃ dukkhaṃ vipariṇāmadhammaṃ , kallaṃ nu taṃ samanupassituṃ –

‘ etaṃ mama , esohamasmi , eso me attā ’’’ ti ?

‘‘ No hetaṃT3.488 , bhante ’’.

‘‘ Taṃ kiṃ maññatha , bhaginiyo , sotaṃ niccaṃ vā aniccaṃ vā ’’ ti ?

‘‘ Aniccaṃ , bhante … pe … ghānaṃ niccaṃ vā aniccaṃ vā ’’ ti ?

‘‘ Aniccaṃ , bhante ’’…‘‘ jivhā niccā vā aniccā vā ’’ ti ?

‘‘ Aniccā , bhante ’’…‘‘ kāyo nicco vā anicco vā ’’ ti ?

‘‘ Anicco , bhante ’’…‘‘ mano nicco vā anicco vā ’’ ti ?

‘‘ Anicco , bhante ’’.

‘‘ Yaṃ panāniccaṃ dukkhaṃ vā taṃ sukhaṃ vā ’’ ti ?

‘‘ Dukkhaṃ , bhante ’’.

‘‘ Yaṃ panāniccaṃ dukkhaṃ vipariṇāmadhammaṃP3.272 , kallaṃM3.316 nu taṃ samanupassituṃ –

‘ etaṃ mama , esohamasmi , eso me attā ’’’ ti ?

‘‘ No hetaṃ , bhante ’’.

‘‘ Taṃ kissa hetu ’’?

‘‘ Pubbeva no etaṃ , bhante , yathābhūtaṃ sammappaññāya sudiṭṭhaṃ –

‘ itipime cha ajjhattikā āyatanā aniccā ’’’ ti .

‘‘ Sādhu , sādhu , bhaginiyo !

Evañhetaṃ , bhaginiyo , hoti ariyasāvakassa yathābhūtaṃ sammappaññāya passato ’’.

400.‘‘ Taṃ kiṃ maññatha , bhaginiyo , rūpā niccā vā aniccā vā ’’ ti ?

‘‘ Aniccā , bhante ’’.

‘‘ Yaṃ panāniccaṃ dukkhaṃ vā taṃ sukhaṃ vā ’’ ti ?

‘‘ Dukkhaṃ , bhante ’’.

‘‘ Yaṃ panāniccaṃ dukkhaṃ vipariṇāmadhammaṃ , kallaṃ nu taṃ samanupassituṃ –

‘ etaṃ mama , esohamasmi , eso me attā ’’’ ti ?

‘‘ No hetaṃ , bhante ’’.

‘‘ Taṃ kiṃ maññatha , bhaginiyo , saddā niccā vā aniccā vā ’’ ti ?

‘‘ Aniccā , bhante … pe … gandhā niccā vā aniccā vā ’’ ti ?

‘‘ Aniccā , bhante ’’…‘‘ rasā niccā vā aniccā vā ’’ ti ?

‘‘ Aniccā , bhante ’’…‘‘ phoṭṭhabbā niccā vā aniccā vā ’’ ti ?

‘‘ AniccāT3.489 , bhante ’’…‘‘ dhammā niccā vā aniccā vā ’’ ti ?

‘‘ Aniccā , bhante ’’.

‘‘ Yaṃ panāniccaṃ dukkhaṃ vā taṃ sukhaṃ vā ’’ ti ?

‘‘ Dukkhaṃ , bhante ’’.

‘‘ Yaṃ panāniccaṃ dukkhaṃ vipariṇāmadhammaṃ , kallaṃ nu taṃ samanupassituṃ –

‘ etaṃ mama , esohamasmi , eso me attā ’’’ ti ?

‘‘ No hetaṃ , bhante ’’.

‘‘ Taṃ kissa hetu ’’?

‘‘ Pubbeva no etaṃ , bhante , yathābhūtaṃ sammappaññāya sudiṭṭhaṃ –

‘ itipime cha bāhirā āyatanā aniccā ’’’ tiV3.326 .

‘‘ Sādhu , sādhu , bhaginiyo !

Evañhetaṃ , bhaginiyo , hoti ariyasāvakassa yathābhūtaṃ sammappaññāya passato ’’.

401.‘‘ Taṃ kiṃ maññatha , bhaginiyo , cakkhuviññāṇaṃ niccaṃ vā aniccaṃ vā ’’ ti ?

‘‘ Aniccaṃ , bhante ’’.

‘‘ Yaṃ panāniccaṃ dukkhaṃ vā taṃ sukhaṃ vā ’’ ti ?

‘‘ Dukkhaṃ , bhante ’’.

‘‘ Yaṃ panāniccaṃ dukkhaṃ vipariṇāmadhammaṃ , kallaṃ nu taṃ samanupassituṃ –

‘ etaṃ mama , esohamasmi , eso me attā ’’’ ti ?

‘‘ No hetaṃ , bhante ’’.

‘‘ TaṃP3.273 kiṃ maññatha , bhaginiyo , sotaviññāṇaṃ niccaṃ vā aniccaṃ vā ’’ ti ?

‘‘ Aniccaṃ , bhante … pe … ghānaviññāṇaṃ niccaṃ vā aniccaṃ vā ’’ ti ?

‘‘ Aniccaṃ , bhante ’’…‘‘ jivhāviññāṇaṃ niccaṃ vā aniccaṃ vā ’’ ti ?

‘‘ Aniccaṃ , bhante ’’…‘‘ kāyaviññāṇaṃ niccaṃ vā aniccaṃ vā ’’ ti ?

‘‘ Aniccaṃ , bhante ’’…‘‘ manoviññāṇaṃ niccaṃ vā aniccaṃ vā ’’ ti ?

‘‘ Aniccaṃ , bhante ’’.

‘‘ Yaṃ panāniccaṃ dukkhaṃ vā taṃ sukhaṃ vāti ’’?

‘‘ Dukkhaṃ , bhante ’’.

‘‘ Yaṃ panāniccaṃ dukkhaṃ vipariṇāmadhammaṃ , kallaṃ nu taṃ samanupassituṃ –

‘ etaṃ mama , esohamasmi , esoT3.490 me attā ’’’ ti ?

‘‘ No hetaṃ , bhante ’’.

‘‘ Taṃ kissa hetu ’’?

‘‘ Pubbeva no etaṃ , bhante , yathābhūtaṃ sammappaññāya sudiṭṭhaṃ –

‘ itipime cha viññāṇakāyā aniccā ’’’ ti .

‘‘ Sādhu , sādhu , bhaginiyo !

Evañhetaṃ , bhaginiyo , hoti ariyasāvakassa yathābhūtaṃ sammappaññāya passato ’’.

402.‘‘ SeyyathāpiM3.317 , bhaginiyo , telappadīpassa jhāyato telampi aniccaṃ vipariṇāmadhammaṃ , vaṭṭipi aniccā vipariṇāmadhammā , accipi aniccā vipariṇāmadhammā , ābhāpi aniccā vipariṇāmadhammā .

Yo nu kho , bhaginiyo , evaṃ vadeyya –

‘ amussa telappadīpassa jhāyato telampi aniccaṃ vipariṇāmadhammaṃ , vaṭṭipi aniccā vipariṇāmadhammā , accipi aniccā vipariṇāmadhammā ;

yā ca khvāssa ābhā sā niccā dhuvā sassatā avipariṇāmadhammā ’ ti ;

sammā nu kho so , bhaginiyo , vadamāno vadeyyā ’’ ti ?

‘‘ No hetaṃ , bhante ’’.

‘‘ Taṃ kissa hetu ’’?

‘‘ Amussa hi , bhante , telappadīpassa jhāyato telampi aniccaṃ vipariṇāmadhammaṃ , vaṭṭipi aniccā vipariṇāmadhammā , accipi aniccā vipariṇāmadhammā ;

pagevassa ābhā aniccā vipariṇāmadhammā ’’ ti .

‘‘ Evameva kho , bhaginiyo , yo nu kho evaṃ vadeyya –

‘ cha khome ajjhattikā āyatanā aniccā [ aniccā vipariṇāmadhammā (?)];

yañca kho cha ajjhattike āyatane paṭicca paṭisaṃvedeti sukhaṃ vā dukkhaṃ vā adukkhamasukhaṃ vā taṃ niccaṃ dhuvaṃ sassataṃ avipariṇāmadhamman ’ ti ;

sammāV3.327 nu kho so , bhaginiyo , vadamāno vadeyyā ’’ ti ?

‘‘ No hetaṃ , bhante ’’.

‘‘ Taṃ kissa hetu ’’?

‘‘ TajjaṃT3.491 tajjaṃ , bhante , paccayaṃ paṭicca tajjā tajjā vedanā uppajjanti .

TajjassaP3.274 tajjassa paccayassa nirodhā tajjā tajjā vedanā nirujjhantī ’’ ti .

‘‘ Sādhu , sādhu , bhaginiyo !

Evañhetaṃ , bhaginiyo , hoti ariyasāvakassa yathābhūtaṃ sammappaññāya passato ’’.

403.‘‘ Seyyathāpi , bhaginiyo , mahato rukkhassa tiṭṭhato sāravato mūlampi aniccaṃ vipariṇāmadhammaṃ , khandhopi anicco vipariṇāmadhammo , sākhāpalāsampi aniccaṃ vipariṇāmadhammaṃ , chāyāpi aniccā vipariṇāmadhammā .

Yo nu kho , bhaginiyo , evaṃ vadeyya –

‘ amussa mahato rukkhassa tiṭṭhato sāravato mūlampi aniccaṃ vipariṇāmadhammaṃ , khandhopi anicco vipariṇāmadhammo , sākhāpalāsampi aniccaṃ vipariṇāmadhammaṃ , yā ca khvāssa chāyā sā niccā dhuvā sassatā avipariṇāmadhammā ’ ti ;

sammā nu kho so , bhaginiyo , vadamāno vadeyyā ’’ ti ?

‘‘ No hetaṃ , bhante ’’.

‘‘ Taṃ kissa hetu ’’?

‘‘ Amussa hi , bhante , mahato rukkhassa tiṭṭhato sāravato mūlampi aniccaṃ vipariṇāmadhammaṃ , khandhopi anicco vipariṇāmadhammo , sākhāpalāsampi aniccaṃ vipariṇāmadhammaṃ ;

pagevassa chāyā aniccā vipariṇāmadhammā ’’ ti .

‘‘ Evameva kho , bhaginiyo , yo nu kho evaṃ vadeyya –

‘ cha khome bāhirā āyatanāM3.318 aniccā [ aniccā vipariṇāmadhammā ( sī . pī .)].

Yañca kho cha bāhire āyatane paṭicca paṭisaṃvedeti sukhaṃ vā dukkhaṃ vā adukkhamasukhaṃ vā taṃ niccaṃ dhuvaṃ sassataṃ avipariṇāmadhamman ’ ti ;

sammā nu kho so , bhaginiyo , vadamānoT3.492 vadeyyā ’’ ti ?

‘‘ No hetaṃ , bhante ’’.

‘‘ Taṃ kissa hetu ’’?

‘‘ Tajjaṃ tajjaṃ , bhante , paccayaṃ paṭicca tajjā tajjā vedanā uppajjanti .

Tajjassa tajjassa paccayassa nirodhā tajjā tajjā vedanā nirujjhantī ’’ ti .

‘‘ Sādhu , sādhu , bhaginiyo !

Evañhetaṃ , bhaginiyo , hoti ariyasāvakassa yathābhūtaṃ sammappaññāya passato ’’.

404.‘‘ Seyyathāpi , bhaginiyo , dakkho goghātako vā goghātakantevāsī vā gāviṃ vadhitvā tiṇhena govikantanena gāviṃ saṅkanteyya anupahacca antaraṃ maṃsakāyaṃ anupahacca bāhiraṃ cammakāyaṃ .

Yaṃ yadeva tattha antarā vilimaṃsaṃ [ vilimaṃ ( sī . pī . ka .)] antarā nhāru antarā bandhanaṃ taṃ tadeva tiṇhena govikantanenaP3.275 sañchindeyya saṅkanteyya sampakanteyya samparikanteyya .

Sañchinditvā saṅkantitvā sampakantitvā samparikantitvā vidhunitvā bāhiraṃ cammakāyaṃ teneva cammena taṃ gāviṃ paṭicchādetvā evaṃ vadeyya –

‘ tathevāyaṃ gāvī saṃyuttā imināva cammenā ’ ti ;

sammā nu khoV3.328 so , bhaginiyo , vadamāno vadeyyā ’’ ti ?

‘‘ No hetaṃ , bhante ’’.

‘‘ Taṃ kissa hetu ’’?

‘‘ Amu hi , bhante , dakkho goghātako vā goghātakantevāsī vā gāviṃ vadhitvā tiṇhena govikantanena gāviṃ saṅkanteyya anupahacca antaraṃ maṃsakāyaṃ anupahacca bāhiraṃ cammakāyaṃ .

Yaṃ yadeva tattha antarā vilimaṃsaṃ antarā nhāru antarā bandhanaṃ taṃ tadeva tiṇhena govikantanena sañchindeyya saṅkanteyya sampakanteyya samparikanteyya .

Sañchinditvā saṅkantitvā sampakantitvā samparikantitvā vidhunitvā bāhiraṃ cammakāyaṃ tenevaT3.493 cammena taṃ gāviṃ paṭicchādetvā kiñcāpi so evaṃ vadeyya –

‘ tathevāyaṃ gāvī saṃyuttā imināva cammenā ’ ti ;

atha kho sā gāvī visaṃyuttā teneva cammenā ’’ ti .

‘‘ Upamā kho me ayaṃ , bhaginiyo , katā atthassa viññāpanāya .

Ayamevettha attho ;

‘ antarā maṃsakāyo ’ ti kho , bhaginiyo , channetaṃ ajjhattikānaṃ āyatanānaṃ adhivacanaṃ ;

‘ bāhiro cammakāyo ’ ti kho bhaginiyo , channetaṃ bāhirānaṃ āyatanānaṃ adhivacanaṃ ;

‘ antarā vilimaṃsaṃ , antarā nhāru , antarā bandhanan ’ ti kho , bhaginiyo , nandīrāgassetaṃ adhivacanaṃ ;

‘ tiṇhaṃM3.319 govikantanan ’ ti kho , bhaginiyo , ariyāyetaṃ paññāya adhivacanaṃ ;

yāyaṃ ariyā paññā antarā kilesaṃ antarā saṃyojanaṃ antarā bandhanaṃ sañchindati saṅkantati sampakantati samparikantati .

405.‘‘ Satta kho panime , bhaginiyo , bojjhaṅgā , yesaṃ bhāvitattā bahulīkatattā bhikkhu āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharati .

Katame satta ?

Idha , bhaginiyo , bhikkhu satisambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ , dhammavicayasambojjhaṅgaṃ bhāveti … pe … vīriyasambojjhaṅgaṃ bhāveti … pītisambojjhaṅgaṃ bhāveti … passaddhisambojjhaṅgaṃ bhāveti … samādhisambojjhaṅgaṃ bhāveti … upekkhāsambojjhaṅgaṃ bhāveti vivekanissitaṃ virāganissitaṃT3.494 nirodhanissitaṃ vossaggapariṇāmiṃ .

Ime kho , bhaginiyo , satta bojjhaṅgā , yesaṃ bhāvitattā bahulīkatattā bhikkhu āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharatī ’’ ti .

406. AthaV3.329P3.276 kho āyasmā nandako tā bhikkhuniyo iminā ovādena ovaditvā uyyojesi –

‘‘ gacchatha , bhaginiyo ;

kālo ’’ ti .

Atha kho tā bhikkhuniyo āyasmato nandakassa bhāsitaṃ abhinanditvā anumoditvā uṭṭhāyāsanā āyasmantaṃ nandakaṃ abhivādetvā padakkhiṇaṃ katvā yena bhagavā tenupasaṅkamiṃsu ;

upasaṅkamitvā bhagavantaṃ abhivādetvā ekamantaṃ aṭṭhaṃsu .

Ekamantaṃ ṭhitā kho tā bhikkhuniyo bhagavā etadavoca –

‘‘ gacchatha , bhikkhuniyo ;

kālo ’’ ti .

Atha kho tā bhikkhuniyo bhagavantaṃ abhivādetvā padakkhiṇaṃ katvā pakkamiṃsu .

Atha kho bhagavā acirapakkantīsu tāsu bhikkhunīsu bhikkhū āmantesi –

‘‘ seyyathāpi , bhikkhave , tadahuposathe cātuddase na hoti bahunojanassa kaṅkhā vā vimati vā –

‘ ūno nu kho cando , puṇṇo nu kho cando ’ ti , atha kho ūno candotveva hoti .

Evameva kho , bhikkhave , tā bhikkhuniyo nandakassa dhammadesanāya attamanā honti no ca kho paripuṇṇasaṅkappā ’’ ti .

407. Atha kho bhagavā āyasmantaṃ nandakaṃ āmantesi –

‘‘ tena hi tvaṃ , nandaka , svepi tā bhikkhuniyo tenevovādena ovadeyyāsī ’’ ti .

‘‘ EvaṃM3.320 , bhante ’’ ti kho āyasmā nandakoT3.495 bhagavato paccassosi .

Atha kho āyasmā nandako tassā rattiyā accayena pubbaṇhasamayaṃ nivāsetvā pattacīvaramādāya sāvatthiṃ piṇḍāya pāvisi .

Sāvatthiyaṃ piṇḍāya caritvā pacchābhattaṃ piṇḍapātapaṭikkanto attadutiyo yena rājakārāmo tenupasaṅkami .

Addasaṃsu kho tā bhikkhuniyo āyasmantaṃ nandakaṃ dūratova āgacchantaṃ .

Disvāna āsanaṃ paññāpesuṃ , udakañca pādānaṃ upaṭṭhapesuṃ .

Nisīdi kho āyasmā nandako paññatte āsane .

Nisajja pāde pakkhālesi .

Tāpi kho bhikkhuniyo āyasmantaṃ nandakaṃ abhivādetvā ekamantaṃ nisīdiṃsu .

Ekamantaṃ nisinnā kho tā bhikkhuniyo āyasmā nandako etadavoca –

‘‘ paṭipucchakathā kho , bhaginiyo , bhavissati .

Tattha ājānantīhi ‘ ājānāmā ’ tissa vacanīyaṃ , na ājānantīhi ‘ na ājānāmā ’ tissa vacanīyaṃ .

Yassā vā panassa kaṅkhā vā vimati vā , ahameva tattha paṭipucchitabboP3.277 –

‘ idaṃ , bhante , kathaṃ ;

imassa kvattho ’’’ ti .

‘‘ Ettakenapi mayaṃ , bhante , ayyassa nandakassa attamanā abhiraddhā yaṃ no ayyo nandako pavāretī ’’ ti .

408.‘‘ Taṃ kiṃ maññatha , bhaginiyo , cakkhu niccaṃ vā aniccaṃ vā ’’ ti ?

‘‘ Aniccaṃ , bhante ’’.

‘‘ Yaṃ panāniccaṃ dukkhaṃ vā taṃ sukhaṃ vā ’’ ti ?

‘‘ Dukkhaṃ , bhante ’’.

‘‘ Yaṃ panāniccaṃ dukkhaṃ vipariṇāmadhammaṃ , kallaṃ nu taṃ samanupassituṃ –

‘ etaṃ mama , esohamasmi , eso meV3.330 attā ’’’ ti ?

‘‘ No hetaṃT3.496 , bhante ’’.

‘‘ Taṃ kiṃ maññatha , bhaginiyo , sotaṃ niccaṃ vā aniccaṃ vā ’’ ti ?

‘‘ Aniccaṃ , bhante … pe … ghānaṃ niccaṃ vā aniccaṃ vā ’’ ti ?

‘‘ Aniccaṃ , bhante … jivhā … kāyo … mano nicco vā anicco vā ’’ ti ?

‘‘ Anicco , bhante ’’.

‘‘ Yaṃ panāniccaṃ dukkhaṃ vā taṃ sukhaṃ vā ’’ ti ?

‘‘ Dukkhaṃ , bhante ’’.

‘‘ Yaṃ panāniccaṃ dukkhaṃ vipariṇāmadhammaṃ , kallaṃ nu taṃ samanupassituṃ –

‘ etaṃ mama , esohamasmi , eso me attā ’’’ ti ?

‘‘ No hetaṃ , bhante ’’.

‘‘ Taṃ kissa hetu ’’?

‘‘ Pubbeva no etaṃ , bhante , yathābhūtaṃ sammappaññāya sudiṭṭhaṃ –

‘ itipime cha ajjhattikā āyatanā aniccā ’’’ ti .

‘‘ Sādhu sādhu , bhaginiyo !

Evañhetaṃ , bhaginiyo , hoti ariyasāvakassa yathābhūtaṃ sammappaññāya passato ’’.

409.‘‘ Taṃ kiṃ maññatha , bhaginiyo , rūpā niccā vā aniccā vā ’’ ti ?

‘‘ Aniccā , bhante ’’.

‘‘ Yaṃ panāniccaṃ dukkhaṃ vā taṃ sukhaṃ vā ’’ ti ?

‘‘ Dukkhaṃ , bhante ’’.

‘‘ Yaṃ panāniccaṃ dukkhaṃ vipariṇāmadhammaṃ , kallaṃ nu taṃ samanupassituṃ –

‘ etaṃ mama , esohamasmi , esoM3.321 me attā ’’’ ti ?

‘‘ No hetaṃ , bhante ’’.

‘‘ Taṃ kiṃ maññatha , bhaginiyo , saddā niccā vā aniccā vā ’’ ti ?

‘‘ Aniccā , bhante … pe … gandhā niccā vā aniccā vā ’’ ti ?

‘‘ Aniccā , bhante … rasā niccā vā aniccā vā ’’ ti ?

‘‘ Aniccā , bhante … phoṭṭhabbā niccā vā aniccā vā ’’ tiT3.497 ?

‘‘ Aniccā , bhante … dhammā niccā vā aniccā vā ’’ ti ?

‘‘ Aniccā , bhante ’’.

‘‘ Yaṃ panāniccaṃ dukkhaṃ vā taṃ sukhaṃ vā ’’ ti ?

‘‘ Dukkhaṃ , bhante ’’.

‘‘ Yaṃ panāniccaṃ dukkhaṃ vipariṇāmadhammaṃ , kallaṃ nu taṃ samanupassituṃ –

‘ etaṃ mama , esohamasmi , eso me attā ’’’ ti ?

‘‘ No hetaṃ , bhante ’’.

‘‘ Taṃ kissa hetu ’’?

‘‘ Pubbeva no etaṃ , bhante , yathābhūtaṃ sammappaññāya sudiṭṭhaṃ –

‘ itipime cha bāhirā āyatanā aniccā ’’’ ti .

‘‘ Sādhu sādhu , bhaginiyo !

Evañhetaṃ , bhaginiyo , hoti ariyasāvakassa yathābhūtaṃ sammappaññāya passato ’’.

410.‘‘ Taṃ kiṃ maññatha , bhaginiyo , cakkhuviññāṇaṃ niccaṃ vā aniccaṃ vā ’’ ti ?

‘‘ Aniccaṃ , bhante … pe … sotaviññāṇaṃ niccaṃ vā aniccaṃ vā ’’ ti ?

‘‘ Aniccaṃ , bhante … ghānaviññāṇaṃ niccaṃ vā aniccaṃ vā ’’ ti ?

‘‘ Aniccaṃ , bhante … jivhāviññāṇaṃ niccaṃ vā aniccaṃ vā ’’ ti ?

‘‘ Aniccaṃ , bhante … kāyaviññāṇaṃ niccaṃ vā aniccaṃ vā ’’ ti ?

‘‘ Aniccaṃ , bhante … manoviññāṇaṃ niccaṃT3.498 vā aniccaṃ vā ’’ ti ?

‘‘ Aniccaṃ , bhante ’’.

‘‘ Yaṃ panāniccaṃ dukkhaṃ vā taṃ sukhaṃ vā ’’ ti ?

‘‘ Dukkhaṃ , bhante ’’.

‘‘ Yaṃ panāniccaṃ dukkhaṃ vipariṇāmadhammaṃ , kallaṃ nu taṃ samanupassituṃ –

‘ etaṃ mama , esohamasmi , eso me attā ’’’ ti ?

‘‘ No hetaṃ , bhante ’’.

‘‘ Taṃ kissa hetu ’’?

‘‘ Pubbeva no etaṃ , bhante , yathābhūtaṃ sammappaññāyaV3.331 sudiṭṭhaṃ –

‘ itipime cha viññāṇakāyā aniccā ’’’ ti .

‘‘ Sādhu sādhu , bhaginiyo !

Evañhetaṃ , bhaginiyo , hoti ariyasāvakassa yathābhūtaṃ sammappaññāya passato ’’.

411.‘‘ Seyyathāpi , bhaginiyo , telappadīpassa jhāyato telampi aniccaṃ vipariṇāmadhammaṃ , vaṭṭipi aniccā vipariṇāmadhammā , accipi aniccā vipariṇāmadhammā , ābhāpi aniccā vipariṇāmadhammā .

Yo nu kho , bhaginiyo , evaṃ vadeyya –

‘ amussa telappadīpassa jhāyato telampi aniccaṃ vipariṇāmadhammaṃ , vaṭṭipi aniccā vipariṇāmadhammā , accipi aniccā vipariṇāmadhammā ;

yā ca khvāssa ābhā sā niccā dhuvā sassatā avipariṇāmadhammā ’ ti ;

sammā nu kho so , bhaginiyo , vadamāno vadeyyā ’’ ti ?

‘‘ No hetaṃ , bhante ’’.

‘‘ Taṃ kissa hetu ’’?

‘‘ Amussa hi , bhante , telappadīpassa jhāyato telampi aniccaṃ vipariṇāmadhammaṃ , vaṭṭipi aniccā vipariṇāmadhammā , accipi aniccā vipariṇāmadhammāM3.322 ;

pagevassa ābhā aniccā vipariṇāmadhammā ’’ ti .

‘‘ Evameva kho , bhaginiyo , yo nu kho evaṃ vadeyya –

‘ cha khome ajjhattikā āyatanā aniccā .

Yañca kho cha ajjhattike āyataneT3.499 paṭicca paṭisaṃvedeti sukhaṃ vā dukkhaṃ vā adukkhamasukhaṃ vā taṃ niccaṃ dhuvaṃ sassataṃ avipariṇāmadhamman ’ ti ;

sammā nu kho so , bhaginiyo , vadamāno vadeyyā ’’ ti ?

‘‘ No hetaṃ , bhante ’’.

‘‘ Taṃ kissa hetu ’’?

‘‘ Tajjaṃ tajjaṃ , bhante , paccayaṃ paṭicca tajjā tajjā vedanā uppajjanti .

Tajjassa tajjassa paccayassa nirodhā tajjā tajjā vedanā nirujjhantī ’’ ti .

‘‘ Sādhu sādhu , bhaginiyo !

Evañhetaṃ , bhaginiyo , hoti ariyasāvakassa yathābhūtaṃ sammappaññāya passato ’’.

412.‘‘ Seyyathāpi , bhaginiyo , mahato rukkhassa tiṭṭhato sāravato mūlampi aniccaṃ vipariṇāmadhammaṃ , khandhopi anicco vipariṇāmadhammo , sākhāpalāsampi aniccaṃ vipariṇāmadhammaṃ , chāyāpi aniccā vipariṇāmadhammā .

Yo nu kho , bhaginiyo , evaṃ vadeyya –

‘ amussa mahato rukkhassa tiṭṭhato sāravato mūlampi aniccaṃ vipariṇāmadhammaṃ , khandhopi anicco vipariṇāmadhammo , sākhāpalāsampi aniccaṃ vipariṇāmadhammaṃ ;

yā ca khvāssa chāyā sā niccā dhuvā sassatā avipariṇāmadhammā ’ ti ;

sammā nu kho so bhaginiyo , vadamāno vadeyyā ’’ ti ?

‘‘ No hetaṃ , bhante ’’.

‘‘ Taṃ kissa hetu ’’?

pagevassa chāyā aniccā vipariṇāmadhammā ’’ ti .

‘‘ Evameva kho , bhaginiyo , yo nu kho evaṃ vadeyya –

‘ cha khomeT3.500 bāhirā āyatanā aniccā .

Yañca kho bāhire āyatane paṭicca paṭisaṃvedeti sukhaṃ vā dukkhaṃ vā adukkhamasukhaṃ vā taṃ niccaṃ dhuvaṃV3.332 sassataṃ avipariṇāmadhamman ’ ti ;

sammā nu kho so , bhaginiyo , vadamāno vadeyyā ’’ ti ?

‘‘ No hetaṃ , bhante ’’.

‘‘ Taṃ kissa hetu ’’?

‘‘ Tajjaṃ tajjaṃ , bhante , paccayaṃ paṭicca tajjā tajjā vedanā uppajjanti .

Tajjassa tajjassa paccayassa nirodhā tajjā tajjā vedanā nirujjhantī ’’ ti .

‘‘ Sādhu sādhu , bhaginiyo !

Evañhetaṃ , bhaginiyo , hoti ariyasāvakassa yathābhūtaṃ sammappaññāya passato ’’.

413.‘‘ Seyyathāpi , bhaginiyo , dakkho goghātako vā goghātakantevāsī vā gāviṃ vadhitvā tiṇhena govikantanena gāviṃ saṅkanteyya anupahaccaM3.323 antaraṃ maṃsakāyaṃ anupahacca bāhiraṃ cammakāyaṃ .

Yaṃ yadeva tattha antarā vilimaṃsaṃ antarā nhāru antarā bandhanaṃ taṃ tadeva tiṇhena govikantanena sañchindeyya saṅkanteyya sampakanteyya samparikanteyya .

Sañchinditvā saṅkantitvā sampakantitvā samparikantitvā vidhunitvā bāhiraṃ cammakāyaṃ teneva cammena taṃ gāviṃ paṭicchādetvā evaṃ vadeyya –

‘ tathevāyaṃ gāvī saṃyuttā imināva cammenā ’ ti ;

sammā nu kho so , bhaginiyo , vadamāno vadeyyā ’’ ti ?

‘‘ No hetaṃ , bhante ’’.

‘‘ Taṃ kissa hetu ’’?

Yaṃ yadeva tattha antarā vilimaṃsaṃ antarāT3.501 nhāru antarā bandhanaṃ taṃ tadeva tiṇhena govikantanena sañchindeyya saṅkanteyya sampakanteyya samparikanteyya .

Sañchinditvā saṅkantitvā sampakantitvā samparikantitvā vidhunitvā bāhiraṃ cammakāyaṃ teneva cammena taṃ gāviṃ paṭicchādetvā kiñcāpi so evaṃ vadeyya –

‘ tathevāyaṃ gāvī saṃyuttā imināva cammenā ’ ti ;

atha kho sā gāvī visaṃyuttā teneva cammenā ’’ ti .

‘‘ Upamā kho me ayaṃ , bhaginiyo , katā atthassa viññāpanāya ayamevettha attho .

‘ Antarā maṃsakāyo ’ ti kho , bhaginiyo , channetaṃ ajjhattikānaṃ āyatanānaṃ adhivacanaṃ ;

‘ bāhiro cammakāyo ’ ti kho , bhaginiyo , channetaṃ bāhirānaṃ āyatanānaṃ adhivacanaṃ ;

‘ antarā vilimaṃsaṃ antarā nhāru antarā bandhanan ’ ti kho , bhaginiyo , nandīrāgassetaṃ adhivacanaṃ ;

‘ tiṇhaṃ govikantanan ’ ti kho , bhaginiyo , ariyāyetaṃ paññāya adhivacanaṃ ;

yāyaṃ ariyā paññā antarā kilesaṃ antarā saṃyojanaṃ antarā bandhanaṃ sañchindati saṅkantati sampakantati samparikantati .

414.‘‘ Satta kho panime , bhaginiyo , bojjhaṅgā , yesaṃ bhāvitattā bahulīkatattā bhikkhu āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajjaV3.333 viharati .

Katame satta ?

Idha , bhaginiyo , bhikkhu satisambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ .

Dhammavicayasambojjhaṅgaṃ bhāveti … pe … vīriyasambojjhaṅgaṃ bhāveti … pītisambojjhaṅgaṃ bhāveti … passaddhisambojjhaṅgaṃT3.502 bhāveti … samādhisambojjhaṅgaṃ bhāveti … upekkhāsambojjhaṅgaṃM3.324 bhāveti vivekanissitaṃ virāganissitaṃ nirodhanissitaṃ vossaggapariṇāmiṃ .

Ime kho , bhaginiyo , satta bojjhaṅgā yesaṃ bhāvitattā bahulīkatattā bhikkhu āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharatī ’’ ti .

415. Atha kho āyasmā nandako tā bhikkhuniyo iminā ovādena ovaditvā uyyojesi –

‘‘ gacchatha , bhaginiyo ;

kālo ’’ ti .

upasaṅkamitvā bhagavantaṃ abhivādetvā ekamantaṃ aṭṭhaṃsu .

Ekamantaṃ ṭhitā kho tā bhikkhuniyo bhagavā etadavoca –

‘‘ gacchatha , bhikkhuniyo ;

kālo ’’ ti .

Atha kho tā bhikkhuniyo bhagavantaṃ abhivādetvā padakkhiṇaṃ katvā pakkamiṃsu .

Atha kho bhagavā acirapakkantīsu tāsu bhikkhunīsu bhikkhū āmantesi –

‘‘ seyyathāpi , bhikkhave , tadahuposathe pannarase na hoti bahuno janassa kaṅkhā vā vimati vā –

‘ ūno nu kho cando , puṇṇo nu kho cando ’ ti , atha kho puṇṇo candotveva hoti ;

evameva kho , bhikkhave , tā bhikkhuniyo nandakassa dhammadesanāya attamanā ceva paripuṇṇasaṅkappā ca .

Tāsaṃ , bhikkhave , pañcannaṃ bhikkhunisatānaṃ yāT3.503 pacchimitā bhikkhunī sā [ yā pacchimā bhikkhunī , sā ( sī . syā . kaṃ . pī .), yā pacchimikā , tā bhikkhuniyo ( ka .)] sotāpannā avinipātadhammā niyatā sambodhiparāyanā ’’ ti .

Idamavoca bhagavā .

Attamanā te bhikkhū bhagavato bhāsitaṃ abhinandunti .

Nandakovādasuttaṃ niṭṭhitaṃ catutthaṃ .

Issues

Select Version

Uparipaṇṇāsapāḷi

Uparipaṇṇāsapāḷi