1-10.
Paṭhamadīghacārikasuttādivaṇṇanā
221-230.
Tatiyassa paṭhamādīni suviññeyyāni .
Pañcame raho nisajjāya āpajjatīti ‘‘ yo pana bhikkhu mātugāmena saddhiṃ eko ekāya raho nisajjaṃ kappeyya , pācittiyan ’’ ti imasmiṃ sikkhāpade ( pāci .290) vuttaṃ āpattiṃ āpajjati .
Paṭicchanne āsane āpajjatīti ‘‘ yo pana bhikkhu mātugāmena raho paṭicchanne āsane nisajjaṃ kappeyya , pācittiyan ’’ ti imasmiṃ vuttaṃ āpattiṃ āpajjati .
Mātugāmassa uttari chappañcavācāhi dhammaṃ desento
M3.80 āpajjatīti ‘ yo pana bhikkhu mātugāmassa uttari chappañcavācāhi dhammaṃ deseyya aññatraV3.76 viññunā purisaviggahenā ’’ ti ( pāci .63) evaṃ vuttaṃ āpattiṃ āpajjati .
Tenāha ‘‘ tesaṃ tesaṃ sikkhāpadānaṃ vasena veditabbānī ’’ ti .Chaṭṭhādīni uttānatthāni .