7. Tatuttarisikkhāpadavaṇṇanā
526. Sesakaṃ āharissāmīti dve cīvarāni katvā sesaṃ puna āharissāmīti attho .
Na acchinnakāraṇāti
V2.225 bāhusaccādiguṇavasena denti .
Ñātakānan tiādīsu ñātakānaṃ dentānaṃ sādiyantassa pavāritānaṃ dentānaṃ sādiyantassa attano dhanena sādiyantassa anāpattīti attho .
Aṭṭhakathāsu pana ‘‘ ñātakapavāritaṭṭhāne pakatiyā bahumpi vaṭṭati , acchinnakāraṇā pamāṇameva vaṭṭatī ’’ ti vuttaṃ .
Taṃ pāḷiyā na sameti .
Yasmā panidaṃ sikkhāpadaṃ aññassatthāya viññāpanavatthusmiṃyeva paññattaṃ , tasmā idha ‘‘ aññassatthāyā ’’ ti na vuttaṃ .
Sesaṃ uttānatthameva .
SamuṭṭhānādīsuM2.250 idampi chasamuṭṭhānaṃ , kiriyaṃ , nosaññāvimokkhaṃ , acittakaṃ , paṇṇattivajjaṃ , kāyakammavacīkammaṃ , ticittaṃ , tivedananti .Tatuttarisikkhāpadavaṇṇanā niṭṭhitā .