341. VinītavatthūsuV2.133 ādito vatthupañcake paṭiggahitamattattā dukkaṭaṃ .

Kalahavatthusmiṃ sammodanīyaṃ akāsīti taṃ saññāpetvāP3.561 puna gehagamanīyaṃ Akāsi .

Nālaṃvacanīyāti na pariccattāti attho . Yā hi yathā yathā yesu yesu janapadesu pariccattā pariccattāva hoti , bhariyābhāvaṃ atikkamati , ayaṃ ‘‘ alaṃvacanīyā ’’ ti vuccati .

Esā pana na alaṃvacanīyā kenacideva kāraṇena kalahaṃ katvā gatā , tenevettha bhagavā ‘‘ anāpattī ’’ ti āha .

Yasmā pana kāyasaṃsagge yakkhiyā thullaccayaṃ vuttaṃ , tasmā duṭṭhullādīsupi yakkhipetiyo thullaccayavatthumevāti veditabbā . Aṭṭhakathāsu panetaṃ na vicāritaṃ .

Sesaṃ sabbattha uttānatthamevāti .

Sañcarittasikkhāpadavaṇṇanā niṭṭhitā .