4. Accayasuttavaṇṇanā
4. Catutthe
P2.170 accayaṃ accayato na passatīti attano aparādhaṃ aparādhato na passati .Accayato disvā yathādhammaṃ nappaṭikarotīti ‘‘ aparaddhaṃ mayā ’’ ti ñatvāpi yo dhammo , taṃ na karoti , daṇḍakammaṃ āharitvā accayaṃ na deseti nakkhamāpeti .
Accayaṃ desentassa yathādhammaṃ nappaṭiggaṇhātīti parassa ‘‘ viraddhaṃ mayā ’’ ti ñatvā daṇḍakammaṃ āharitvā khamāpentassa nakkhamati .
Sukkapakkho vuttapaṭipakkhato veditabbo .