Adhipatipaccayo
36. Sanidassano dhammo anidassanassa dhammassa adhipatipaccayena paccayo .
Ārammaṇādhipati – sanidassanaṃ rūpaṃ garuṃ katvā assādeti abhinandati , taṃ garuṃ katvā rāgo uppajjati , diṭṭhi uppajjati .(1)
Anidassano dhammo anidassanassa dhammassa adhipatipaccayena paccayo
T3.113 – ārammaṇādhipati , sahajātādhipati .Ārammaṇādhipati – dānaṃ datvā sīlaṃ … pe … uposathakammaṃ katvā
V3.117 taṃ garuṃ katvā paccavekkhati , pubbe suciṇṇāni … pe … jhānā vuṭṭhahitvā … pe … ariyā maggā vuṭṭhahitvā maggaṃ garuṃ katvā paccavekkhanti , phalaṃ garuṃ katvā paccavekkhanti , nibbānaṃ garuṃ katvā paccavekkhanti ;nibbānaṃ gotrabhussa , vodānassa , maggassa , phalassa adhipatipaccayena paccayo ;
cakkhuṃ … pe … vatthuṃ anidassane khandhe garuṃ katvā assādeti abhinandati , taṃ garuṃ katvā rāgo uppajjati , diṭṭhi uppajjati .
Sahajātādhipati – anidassanādhipati sampayuttakānaṃ khandhānaṃ anidassanānaṃ cittasamuṭṭhānānañca rūpānaṃ adhipatipaccayena paccayo .(1)
Anidassano dhammo sanidassanassa dhammassa adhipatipaccayena paccayo .
Sahajātādhipati – anidassanādhipati sanidassanānaṃ cittasamuṭṭhānānaṃ rūpānaṃ adhipatipaccayena paccayo .(2)
Anidassano dhammo sanidassanassa ca anidassanassa ca dhammassa adhipatipaccayena paccayo .
Sahajātādhipati – anidassanādhipati sampayuttakānaṃ khandhānaṃ
M3.98 sanidassanānañca anidassanānañca cittasamuṭṭhānānañca rūpānaṃ adhipatipaccayena paccayo .(3)