Issues
Editor
Settings
Paṭṭhānapāḷi
Paṭṭhānapāḷi

Hetupaccayo

Author： _System_Pali_VRI_ @ Administrator

Hetupaccayo

10. Saññojanaṃ dhammaṃ paccayā saññojano dhammo uppajjati hetupaccayā … tīṇi ( paṭiccasadisaṃ ).
Nosaññojanaṃ dhammaṃ paccayā nosaññojano dhammo uppajjati hetupaccayā – nosaññojanaṃ ekaṃ khandhaṃ paccayā tayo khandhā cittasamuṭṭhānañca rūpaṃ … pe … dve khandhe … pe … paṭisandhikkhaṇe … pe … khandhe paccayā vatthu , vatthuṃ paccayā khandhā , ekaṃ mahābhūtaṃ … pe … mahābhūte paccayā cittasamuṭṭhānaṃ rūpaṃ , kaṭattārūpaṃ , upādārūpaṃ , vatthuṃ paccayā nosaññojanā khandhā .(1)
NosaññojanaṃV3.259 dhammaṃ paccayā saññojano dhammo uppajjati hetupaccayā – nosaññojaneT3.245 khandhe paccayā saññojanā , vatthuṃ paccayā saññojanā .(2)
Nosaññojanaṃ dhammaṃ paccayā saññojano ca nosaññojano ca dhammā uppajjanti hetupaccayā – nosaññojanaṃ ekaṃ khandhaṃ paccayā tayo khandhā saññojanañca cittasamuṭṭhānañca rūpaṃ … pe … dve khandhe … pe … vatthuṃ paccayā saññojanā , mahābhūte paccayā cittasamuṭṭhānaṃ rūpaṃ , vatthuṃ paccayā saññojanā sampayuttakā ca khandhā .(3)
11. SaññojanañcaM3.213 nosaññojanañca dhammaṃ paccayā saññojano dhammo uppajjati hetupaccayā – kāmarāgasaññojanañca sampayuttake ca khandhe paccayā diṭṭhisaññojanaṃ avijjāsaññojanaṃ , kāmarāgasaññojanañca vatthuñca paccayā diṭṭhisaññojanaṃ avijjāsaññojanaṃ ( cakkaṃ )(1)
Saññojanañca nosaññojanañca dhammaṃ paccayā nosaññojano dhammo uppajjati hetupaccayā – nosaññojanaṃ ekaṃ khandhañca saññojane ca paccayā tayo khandhā cittasamuṭṭhānañca rūpaṃ … pe … dve khandhe … pe …( cakkaṃ ).
Saññojane ca vatthuñca paccayā nosaññojanā khandhā .(2)
Saññojanañca nosaññojanañca dhammaṃ paccayā saññojano ca nosaññojano ca dhammā uppajjanti hetupaccayā – nosaññojanaṃ ekaṃ khandhañca kāmarāgasaññojanañca paccayā tayo khandhā diṭṭhisaññojanaṃ avijjāsaññojanaṃ cittasamuṭṭhānañca rūpaṃ , dve khandhe … pe …( cakkaṃ ).
Kāmarāgasaññojanañca vatthuñca paccayā diṭṭhisaññojanaṃ avijjāsaññojanaṃ sampayuttakā ca khandhā ( cakkaṃ . Saṃkhittaṃ ).(3)
12. HetuyāT3.246 nava , ārammaṇe nava ( sabbattha nava ), vipāke ekaṃ … pe … avigate nava .
13. NahetuyāV3.260 cattāri ( yattha yattha vatthu labbhati , tattha tattha ninnetabbaṃ ), naārammaṇe tīṇi … pe … novigate tīṇi .