Kammapaccayo
148. Sahetuko ceva na ca hetu dhammo sahetukassa ceva na ca hetussa dhammassa kammapaccayena paccayo – sahajātā , nānākkhaṇikā .
Sahajātā – sahetukā ceva na ca hetū cetanā sampayuttakānaṃ khandhānaṃ kammapaccayena paccayo ;
paṭisandhikkhaṇe … pe ….
Nānākkhaṇikā
M3.65 – sahetukā ceva na ca hetū cetanā vipākānaṃT3.77 sahetukānañceva na ca hetūnaṃ khandhānaṃ kammapaccayena paccayo .(1)Sahetuko ceva na ca hetu dhammo hetussa ceva sahetukassa ca dhammassa kammapaccayena paccayo
V3.76 – sahajātā , nānākkhaṇikā .Sahajātā – sahetukā ceva na ca hetū cetanā sampayuttakānaṃ hetūnaṃ kammapaccayena paccayo ;
paṭisandhikkhaṇe … pe ….
Nānākkhaṇikā – sahetukā ceva na ca hetū cetanā vipākānaṃ hetūnaṃ kammapaccayena paccayo .(2)
Sahetuko ceva na ca hetu dhammo hetussa ceva sahetukassa ca sahetukassa ceva na ca hetussa ca dhammassa kammapaccayena paccayo – sahajātā , nānākkhaṇikā .
Sahajātā – sahetukā ceva na ca hetū cetanā sampayuttakānaṃ khandhānaṃ hetūnañca kammapaccayena paccayo ;
paṭisandhikkhaṇe … pe ….
Nānākkhaṇikā – sahetukā ceva na ca hetū cetanā vipākānaṃ khandhānaṃ hetūnañca kammapaccayena paccayo .(3)