Anantarapaccayādi
125. Cetasiko dhammo cetasikassa dhammassa anantarapaccayena paccayo – purimā purimā cetasikā khandhā pacchimānaṃ pacchimānaṃ cetasikānaṃ khandhānaṃ anantarapaccayena paccayo .( Mūlaṃ pucchitabbaṃ ) purimā purimā cetasikā khandhā pacchimassa pacchimassa cittassa anantarapaccayena paccayo .( Mūlaṃ pucchitabbaṃ ) purimā purimā cetasikā khandhā pacchimānaṃ pacchimānaṃ cetasikānaṃ khandhānaṃ cittassa ca anantarapaccayena paccayo .(3)
126. Acetasiko dhammo acetasikassa dhammassa anantarapaccayena paccayo – purimaṃ purimaṃ cittaṃ pacchimassa pacchimassa cittassa anantarapaccayena paccayo ;
anulomaṃ gotrabhussa … pe … phalasamāpattiyā anantarapaccayena paccayo .(1)
Acetasiko
M3.417 dhammo cetasikassa dhammassa anantarapaccayena paccayo ( evaṃ tīṇi kātabbāni , paṭhamagamanasadisaṃ . Pūritvā kātabbaṃ , ninnānākaraṇaṃ ).Cetasiko ca acetasiko ca dhammā cetasikassa dhammassa anantarapaccayena paccayo … tīṇi ( āvajjanāpi vuṭṭhānampi natthi ).
Samanantarapaccayena paccayo … nava , sahajātapaccayena paccayo … nava ( paṭiccavārasadisaṃ )
V3.514 , aññamaññapaccayena paccayo … nava ( paṭiccavārasadisaṃ ), nissayapaccayena paccayo … navaT4.58 ( paccayavārasadisaṃ ).