Hetupaccayo
53. Sappaṭighaṃ
T3.122V3.126 dhammaṃ paṭicca sappaṭigho dhammo uppajjati hetupaccayā – sappaṭighaṃ ekaṃ mahābhūtaṃ paṭicca dve mahābhūtā , dve mahābhūte paṭicca ekaṃ mahābhūtaṃM3.105 , sappaṭighe mahābhūte paṭicca sappaṭighaṃ cittasamuṭṭhānaṃ rūpaṃ , kaṭattārūpaṃ , upādārūpaṃ , phoṭṭhabbāyatanaṃ paṭicca cakkhāyatanaṃ … pe … rasāyatanaṃ .(1)Sappaṭighaṃ dhammaṃ paṭicca appaṭigho dhammo uppajjati hetupaccayā – sappaṭighe mahābhūte paṭicca āpodhātu , sappaṭighe mahābhūte paṭicca appaṭighaṃ cittasamuṭṭhānaṃ rūpaṃ , kaṭattārūpaṃ , upādārūpaṃ , phoṭṭhabbāyatanaṃ paṭicca āpodhātu itthindriyaṃ … pe … kabaḷīkāro āhāro .(2)
Sappaṭighaṃ dhammaṃ paṭicca sappaṭigho ca appaṭigho ca dhammā uppajjanti hetupaccayā – sappaṭighaṃ ekaṃ mahābhūtaṃ paṭicca dve mahābhūtā āpodhātu ca , dve mahābhūte … pe … sappaṭighe mahābhūte paṭicca sappaṭighañca appaṭighañca cittasamuṭṭhānaṃ rūpaṃ , kaṭattārūpaṃ , upādārūpaṃ , phoṭṭhabbāyatanaṃ
V3.127 paṭicca cakkhāyatanaṃ … pe … rasāyatanaṃ āpodhātu itthindriyaṃ … pe … kabaḷīkāro āhāro .(3) 54. Appaṭighaṃ dhammaṃ paṭicca appaṭigho dhammo uppajjati hetupaccayā – appaṭighaṃ ekaṃ khandhaṃ paṭicca tayo khandhā appaṭighaṃ cittasamuṭṭhānañca rūpaṃ … pe … dve khandhe … pe … paṭisandhikkhaṇe … pe … khandhe paṭicca vatthu , vatthuṃ paṭicca khandhā
T3.123 , āpodhātuṃ paṭicca appaṭighaṃ cittasamuṭṭhānaṃ rūpaṃ , kaṭattārūpaṃ , upādārūpaṃ , āpodhātuṃ paṭicca itthindriyaṃ … pe … kabaḷīkāro āhāro .(1)Appaṭighaṃ dhammaṃ paṭicca sappaṭigho dhammo uppajjati hetupaccayā – appaṭighe khandhe paṭicca sappaṭighaṃ cittasamuṭṭhānaṃ rūpaṃ ;
paṭisandhikkhaṇe … pe … āpodhātuṃ paṭicca sappaṭighā mahābhūtā , āpodhātuṃ paṭicca sappaṭighaṃ cittasamuṭṭhānaṃ rūpaṃ , kaṭattārūpaṃ , upādārūpaṃ , āpodhātuṃ paṭicca cakkhāyatanaṃ … pe … phoṭṭhabbāyatanaṃ .(2)
Appaṭighaṃ dhammaṃ paṭicca sappaṭigho ca appaṭigho ca dhammā uppajjanti hetupaccayā – appaṭighaṃ ekaṃ khandhaṃ paṭicca tayo khandhā sappaṭighañca appaṭighañca cittasamuṭṭhānaṃ rūpaṃ … pe … dve khandhe … pe … paṭisandhikkhaṇe … pe … āpodhātuṃ paṭicca sappaṭighañca appaṭighañca cittasamuṭṭhānaṃ rūpaṃ , kaṭattārūpaṃ , upādārūpaṃ , āpodhātuṃ paṭicca cakkhāyatanaṃ … pe … phoṭṭhabbāyatanaṃ , itthindriyaṃ … pe … kabaḷīkāro āhāro .(3)
55. Sappaṭighañca
M3.106 appaṭighañca dhammaṃ paṭicca sappaṭigho dhammo uppajjati hetupaccayā – appaṭighe khandhe ca mahābhūte ca paṭicca sappaṭighaṃ cittasamuṭṭhānaṃ rūpaṃ ;paṭisandhikkhaṇe … pe … sappaṭighaṃ ekaṃ mahābhūtañca āpodhātuñca paṭicca dve mahābhūtā … pe … sappaṭighe mahābhūte ca āpodhātuñca paṭicca sappaṭighaṃ cittasamuṭṭhānaṃ rūpaṃ , kaṭattārūpaṃ , upādārūpaṃ , phoṭṭhabbāyatanañca āpodhātuñca paṭicca cakkhāyatanaṃ … pe ….(1)
Sappaṭighañca appaṭighañca dhammaṃ paṭicca appaṭigho dhammo uppajjati hetupaccayā – appaṭighe khandhe ca mahābhūte
T3.124 ca paṭicca appaṭighaṃ cittasamuṭṭhānaṃ rūpaṃ ;paṭisandhikkhaṇe appaṭighe
V3.128 khandhe ca mahābhūte ca paṭicca appaṭighaṃ kaṭattārūpaṃ , phoṭṭhabbāyatanañca āpodhātuñca paṭicca appaṭighaṃ cittasamuṭṭhānaṃ rūpaṃ , kaṭattārūpaṃ , upādārūpaṃ , phoṭṭhabbāyatanañca āpodhātuñca paṭicca itthindriyaṃ … pe … kabaḷīkāro āhāro .(2)Sappaṭighañca appaṭighañca dhammaṃ paṭicca sappaṭigho ca appaṭigho ca dhammā uppajjanti hetupaccayā – appaṭighe khandhe ca mahābhūte ca paṭicca sappaṭighañca appaṭighañca cittasamuṭṭhānaṃ rūpaṃ ;
paṭisandhikkhaṇe … pe … appaṭighe khandhe ca mahābhūte ca paṭicca sappaṭighañca appaṭighañca kaṭattārūpaṃ , phoṭṭhabbāyatanañca āpodhātuñca paṭicca sappaṭighañca appaṭighañca cittasamuṭṭhānaṃ rūpaṃ , kaṭattārūpaṃ , upādārūpaṃ , phoṭṭhabbāyatanañca āpodhātuñca paṭicca cakkhāyatanaṃ … pe … rasāyatanaṃ , itthindriyaṃ … pe … kabaḷīkāro āhāro .(3)