Purejātapaccayo
158. Lokiyo
T3.166 dhammo lokiyassa dhammassa purejātapaccayena paccayo – ārammaṇapurejātaṃ , vatthupurejātaṃ .Ārammaṇapurejātaṃ – cakkhuṃ … pe … vatthuṃ aniccato dukkhato anattato … pe … domanassaṃ uppajjati ;
dibbena cakkhunā rūpaṃ passati , dibbāya sotadhātuyā saddaṃ suṇāti .
Rūpāyatanaṃ cakkhuviññāṇassa … pe … phoṭṭhabbāyatanaṃ kāyaviññāṇassa purejātapaccayena paccayo .
Vatthupurejātaṃ – cakkhāyatanaṃ cakkhuviññāṇassa … pe … kāyāyatanaṃ kāyaviññāṇassa … pe … vatthu lokiyānaṃ khandhānaṃ purejātapaccayena paccayo .(1)
Lokiyo dhammo lokuttarassa dhammassa purejātapaccayena paccayo .
Vatthupurejātaṃ – vatthu lokuttarānaṃ khandhānaṃ purejātapaccayena paccayo .(2)