Atthipaccayo
35. Parāmāso dhammo noparāmāsassa dhammassa atthipaccayena paccayo – sahajātaṃ , pacchājātaṃ .
Sahajāto – parāmāso sampayuttakānañca khandhānaṃ cittasamuṭṭhānānañca rūpānaṃ atthipaccayena paccayo .
Pacchājāto – parāmāso purejātassa imassa kāyassa atthipaccayena paccayo .(1)
36. Noparāmāso dhammo noparāmāsassa dhammassa atthipaccayena paccayo – sahajātaṃ , purejātaṃ , pacchājātaṃ , āhāraṃ , indriyaṃ ( saṃkhittaṃ ).(1)
Noparāmāso dhammo parāmāsassa dhammassa atthipaccayena paccayo – sahajātaṃ , purejātaṃ .
Sahajātā
T3.405 – noparāmāsā khandhā parāmāsassa atthipaccayena paccayo .Purejātaṃ – cakkhuṃ … pe … vatthuṃ assādeti abhinandati , taṃ ārabbha diṭṭhi uppajjati , vatthu parāmāsassa atthipaccayena paccayo .(2)
Noparāmāso dhammo parāmāsassa ca noparāmāsassa ca dhammassa atthipaccayena paccayo – sahajātaṃ , purejātaṃ .
Sahajāto – noparāmāso eko khandho tiṇṇannaṃ khandhānaṃ parāmāsassa ca cittasamuṭṭhānānañca rūpānaṃ atthipaccayena paccayo … pe ….
Purejātaṃ – cakkhuṃ … pe … vatthuṃ assādeti abhinandati , taṃ ārabbha parāmāso ca sampayuttakā ca khandhā uppajjanti , vatthu parāmāsassa ca sampayuttakānañca khandhānaṃ atthipaccayena paccayo .(3)
37. Parāmāso
V3.430 ca noparāmāso ca dhammā noparāmāsassa dhammassa atthipaccayena paccayo – sahajātaṃ , purejātaṃ , pacchājātaṃ , āhāraṃM3.349 , indriyaṃ .Sahajāto – noparāmāso eko khandho ca parāmāso ca tiṇṇannaṃ khandhānaṃ cittasamuṭṭhānānañca rūpānaṃ atthipaccayena paccayo … pe … dve khandhā ca … pe … parāmāso ca sampayuttakā ca khandhā cittasamuṭṭhānānaṃ rūpānaṃ atthipaccayena paccayo ;
parāmāso ca mahābhūtā ca cittasamuṭṭhānānaṃ rūpānaṃ atthipaccayena paccayo ;
parāmāso ca vatthu ca noparāmāsānaṃ khandhānaṃ atthipaccayena paccayo .
Pacchājāto – parāmāso ca sampayuttakā ca khandhā purejātassa imassa kāyassa atthipaccayena paccayo .
Pacchājāto – parāmāso ca sampayuttakā ca
T3.406 khandhā kabaḷīkāro āhāro ca imassa kāyassa atthipaccayena paccayo .Pacchājāto – parāmāso ca sampayuttakā ca khandhā rūpajīvitindriyañca kaṭattārūpānaṃ atthipaccayena paccayo .(1)