2. Saṅkhyāvāro
Suddhaṃ
48. Hetuyā tīṇi , ārammaṇe dve , adhipatiyā cattāri , anantare ekaṃ , samanantare ekaṃ
V3.123 , sahajāte tīṇi , aññamaññe ekaṃ , nissaye tīṇi , upanissaye dve , purejāte tīṇi , pacchājāte tīṇi , āsevane ekaṃ , kamme tīṇi , vipāke tīṇi , āhāre tīṇi , indriyeM3.103 tīṇi , jhāne tīṇi , magge tīṇi , sampayutteT3.120 ekaṃ , vippayutte tīṇi , atthiyā pañca , natthiyā ekaṃ , vigate ekaṃ , avigate pañca ( evaṃ gaṇetabbaṃ ).Anulomaṃ .
Paccanīyuddhāro
49. Sanidassano dhammo anidassanassa dhammassa ārammaṇapaccayena paccayo … upanissayapaccayena paccayo .(1)
Anidassano dhammo anidassanassa dhammassa ārammaṇapaccayena paccayo … sahajātapaccayena paccayo … upanissayapaccayena paccayo … purejātapaccayena paccayo … pacchājātapaccayena paccayo … kammapaccayena paccayo … āhārapaccayena paccayo … indriyapaccayena paccayo .(1)
Anidassano dhammo sanidassanassa dhammassa sahajātapaccayena paccayo … pacchājātapaccayena paccayo … kammapaccayena paccayo … āhārapaccayena paccayo … indriyapaccayena paccayo .(2)
Anidassano dhammo sanidassanassa ca anidassanassa ca dhammassa sahajātapaccayena paccayo … pacchājātapaccayena paccayo … kammapaccayena paccayo … āhārapaccayena paccayo … indriyapaccayena paccayo .(3)
Sanidassano ca anidassano ca dhammā anidassanassa dhammassa purejātapaccayena paccayo .(1)