Nahetupaccayo
420. Upādinnaṃ dhammaṃ paṭicca upādinno dhammo uppajjati nahetupaccayā – ahetukaṃ upādinnaṃ ekaṃ khandhaṃ paṭicca tayo khandhā … pe … dve khandhe … pe … ahetukapaṭisandhikkhaṇe upādinnaṃ ekaṃ khandhaṃ paṭicca tayo khandhā kaṭattā ca rūpaṃ … pe … dve khandhe … pe … khandhe paṭicca vatthu , vatthuṃ paṭicca khandhā , ekaṃ mahābhūtaṃ paṭicca … pe … mahābhūte paṭicca kaṭattārūpaṃ upādārūpaṃ , asaññasattānaṃ ekaṃ mahābhūtaṃ paṭicca … pe … mahābhūte paṭicca kaṭattārūpaṃ upādārūpaṃ .(1)
Upādinnaṃ dhammaṃ paṭicca anupādinno dhammo uppajjati nahetupaccayā – ahetuke upādinne khandhe paṭicca cittasamuṭṭhānaṃ rūpaṃ .(2)
Upādinnaṃ dhammaṃ paṭicca upādinno ca anupādinno ca dhammā uppajjanti nahetupaccayā – ahetukaṃ upādinnaṃ ekaṃ khandhaṃ paṭicca tayo khandhā cittasamuṭṭhānañca rūpaṃ … pe … dve khandhe … pe ….(3)
421. Anupādinnaṃ
M3.539 dhammaṃ paṭicca anupādinno dhammo uppajjati nahetupaccayā – ahetukaṃ anupādinnaṃ ekaṃ khandhaṃ paṭicca tayo khandhā cittasamuṭṭhānañca rūpaṃ … pe … dve khandhe … pe … ekaṃ mahābhūtaṃ … pe … mahābhūte paṭicca cittasamuṭṭhānaṃ rūpaṃ upādārūpaṃ .Bāhiraṃ … āhārasamuṭṭhānaṃ … utusamuṭṭhānaṃ ekaṃ mahābhūtaṃ … pe … mahābhūte paṭicca upādārūpaṃ .
Vicikicchāsahagate uddhaccasahagate khandhe paṭicca vicikicchāsahagato uddhaccasahagato moho .(1)
Upādinnañca
V3.664 anupādinnañca dhammaṃ paṭicca anupādinno dhammo uppajjati nahetupaccayā – ahetuke upādinneT4.208 khandhe ca mahābhūte ca paṭicca cittasamuṭṭhānaṃ rūpaṃ .(1)