Adhipatipaccayādi
372. Noupādā dhammaṃ paṭicca noupādā dhammo uppajjati adhipatipaccayā – noupādā ekaṃ khandhaṃ paṭicca tayo khandhā noupādā ca cittasamuṭṭhānaṃ rūpaṃ … pe … dve khandhe … pe ….(1)
Noupādā dhammaṃ paṭicca upādā dhammo uppajjati adhipatipaccayā – noupādā khandhe paṭicca upādā cittasamuṭṭhānaṃ rūpaṃ , mahābhūte paṭicca upādā cittasamuṭṭhānaṃ rūpaṃ .(2)
Noupādā dhammaṃ paṭicca upādā ca noupādā ca dhammā uppajjanti adhipatipaccayā – noupādā
V3.638 ekaṃ khandhaṃ paṭicca tayo khandhā upādā ca noupādā ca cittasamuṭṭhānaṃ rūpaṃ … pe … dve khandhe … pe ….(3)Anantarapaccayā tīṇi , samanantarapaccayā tīṇi , sahajātapaccayā pañca .