Vippayuttapaccayo
91. Ganthasampayutto dhammo ganthavippayuttassa dhammassa vippayuttapaccayena paccayo – sahajātaṃ , pacchājātaṃ ( saṃkhittaṃ , vibhajitabbaṃ ).(1)
Ganthavippayutto dhammo ganthavippayuttassa dhammassa vippayuttapaccayena paccayo – sahajātaṃ , purejātaṃ , pacchājātaṃ ( saṃkhittaṃ ).(1)
Ganthavippayutto dhammo ganthasampayuttassa dhammassa vippayuttapaccayena paccayo .
Purejātaṃ – vatthu ganthasampayuttakānaṃ khandhānaṃ vippayuttapaccayena paccayo .(2)
Ganthavippayutto dhammo ganthasampayuttassa ca ganthavippayuttassa ca dhammassa vippayuttapaccayena paccayo .
Purejātaṃ – vatthu diṭṭhigatavippayuttalobhasahagatānaṃ khandhānaṃ lobhassa ca domanassasahagatānaṃ khandhānaṃ paṭighassa ca vippayuttapaccayena paccayo .(3)
92. Ganthasampayutto
M3.287 ca ganthavippayutto ca dhammā ganthavippayuttassa dhammassa vippayuttapaccayenaV3.351 paccayo – sahajātaṃ , pacchājātaṃ .Sahajātā – diṭṭhigatavippayuttalobhasahagatā khandhā ca lobho ca cittasamuṭṭhānānaṃ rūpānaṃ vippayuttapaccayena paccayo ;
domanassasahagatā khandhā ca paṭighañca cittasamuṭṭhānānaṃ rūpānaṃ vippayuttapaccayena paccayo .
Pacchājātā – diṭṭhigatavippayuttalobhasahagatā khandhā ca lobho ca domanassasahagatā khandhā ca paṭighañca purejātassa imassa kāyassa vippayuttapaccayena paccayo .(1)