Vippayuttapaccayo
306. Cittasaṃsaṭṭhasamuṭṭhāno dhammo nocittasaṃsaṭṭhasamuṭṭhānassa dhammassa vippayuttapaccayena paccayo – sahajātaṃ , pacchājātaṃ ( saṃkhittaṃ ).(1)
Nocittasaṃsaṭṭhasamuṭṭhāno
M3.487 dhammo nocittasaṃsaṭṭhasamuṭṭhānassa dhammassa vippayuttapaccayena paccayo – sahajātaṃ , purejātaṃ , pacchājātaṃ ( saṃkhittaṃ ).(1)Nocittasaṃsaṭṭhasamuṭṭhāno dhammo cittasaṃsaṭṭhasamuṭṭhānassa dhammassa vippayuttapaccayena paccayo – sahajātaṃ , purejātaṃ .
Sahajātaṃ – paṭisandhikkhaṇe vatthu cittasaṃsaṭṭhasamuṭṭhānānaṃ khandhānaṃ vippayuttapaccayena paccayo .
Purejātaṃ – cakkhāyatanaṃ cakkhuviññāṇasahagatānaṃ khandhānaṃ vippayuttapaccayena paccayo … pe … kāyāyatanaṃ … pe … vatthu cittasaṃsaṭṭhasamuṭṭhānānaṃ khandhānaṃ vippayuttapaccayena paccayo .(2)
Nocittasaṃsaṭṭhasamuṭṭhāno dhammo cittasaṃsaṭṭhasamuṭṭhānassa ca nocittasaṃsaṭṭhasamuṭṭhānassa ca dhammassa vippayuttapaccayena paccayo – sahajātaṃ , purejātaṃ .
Sahajātaṃ – paṭisandhikkhaṇe vatthu cittassa sampayuttakānañca khandhānaṃ vippayuttapaccayena
T4.143 paccayo .Purejātaṃ – cakkhāyatanaṃ cakkhuviññāṇassa
V3.601 sampayuttakānañca khandhānaṃ vippayuttapaccayena paccayo … pe … kāyāyatanaṃ … pe … vatthu cittassa sampayuttakānañca khandhānaṃ vippayuttapaccayena paccayo .(3)Cittasaṃsaṭṭhasamuṭṭhāno ca nocittasaṃsaṭṭhasamuṭṭhāno ca dhammā nocittasaṃsaṭṭhasamuṭṭhānassa dhammassa vippayuttapaccayena paccayo – sahajātaṃ , pacchājātaṃ ( saṃkhittaṃ ).