1. Vibhaṅgavāro
Nahetupaccayo
6. Noupādānaṃ dhammaṃ paṭicca noupādāno dhammo uppajjati nahetupaccayā – ahetukaṃ noupādānaṃ ekaṃ khandhaṃ paṭicca tayo khandhā cittasamuṭṭhānañca rūpaṃ … pe … dve khandhe … pe … ahetukapaṭisandhikkhaṇe … pe … khandhe paṭicca vatthu , vatthuṃ paṭicca khandhā , ekaṃ mahābhūtaṃ … pe … mahābhūte paṭicca cittasamuṭṭhānaṃ rūpaṃ kaṭattārūpaṃ upādārūpaṃ ;
bāhiraṃ … āhārasamuṭṭhānaṃ …
T4.236 utusamuṭṭhānaṃ … asaññasattānaṃ … pe … vicikicchāsahagate uddhaccasahagate khandhe paṭicca vicikicchāsahagato uddhaccasahagato moho .(1)Naārammaṇapaccayādi
7. Upādānaṃ
M3.562 dhammaṃ paṭicca noupādāno dhammo uppajjati naārammaṇapaccayā – upādāne paṭicca cittasamuṭṭhānaṃ rūpaṃ .(1)Noupādānaṃ dhammaṃ paṭicca noupādāno dhammo uppajjati naārammaṇapaccayā – noupādāne khandhe paṭicca cittasamuṭṭhānaṃ rūpaṃ ;
paṭisandhikkhaṇe noupādāne khandhe paṭicca kaṭattārūpaṃ , khandhe paṭicca vatthu , ekaṃ mahābhūtaṃ … pe …( yāva asaññasattā ).(1)
Upādānañca noupādānaṃ ca dhammaṃ paṭicca noupādāno dhammo uppajjati naārammaṇapaccayā
V3.692 – upādāne ca sampayuttake ca khandhe paṭicca cittasamuṭṭhānaṃ rūpaṃ , upādāne ca mahābhūte ca paṭicca cittasamuṭṭhānaṃ rūpaṃ .(1)Naadhipatipaccayā … naanantarapaccayā … pe … naupanissayapaccayā .
Napurejātapaccayo
8. Upādānaṃ dhammaṃ paṭicca upādāno dhammo uppajjati napurejātapaccayā – arūpe attavādupādānaṃ paṭicca kāmupādānaṃ , kāmupādānaṃ paṭicca attavādupādānaṃ .(1)
Upādānaṃ dhammaṃ paṭicca noupādāno dhammo uppajjati napurejātapaccayā – arūpe upādāne paṭicca sampayuttakā khandhā , upādāne paṭicca cittasamuṭṭhānaṃ rūpaṃ ( saṃkhittaṃ , navapi pañhā arūpe dve upādānā ).