Issues
Editor
Settings
Paṭṭhānapāḷi
Paṭṭhānapāḷi

Anantara-samanantarapaccayā

Author： _System_Pali_VRI_ @ Administrator

Anantara-samanantarapaccayā

68. Parāmāsasampayutto dhammo parāmāsasampayuttassa dhammassa anantarapaccayena paccayo – purimā purimā parāmāsasampayuttā khandhā pacchimānaṃ pacchimānaṃ parāmāsasampayuttakānaṃ khandhānaṃ anantarapaccayena paccayo .(1)
ParāmāsasampayuttoV3.444 dhammo parāmāsavippayuttassa dhammassa anantarapaccayena paccayo – parāmāsasampayuttā khandhā vuṭṭhānassa anantarapaccayena paccayo .(2)
69. Parāmāsavippayutto dhammo parāmāsavippayuttassa dhammassa anantarapaccayena paccayo – purimā purimā parāmāsavippayuttā khandhā pacchimānaṃM3.360 pacchimānaṃ parāmāsavippayuttānaṃ khandhānaṃ anantarapaccayena paccayo ;
anulomaṃ … pe … phalasamāpattiyā anantarapaccayena paccayo .(1)
ParāmāsavippayuttoT3.418 dhammo parāmāsasampayuttassa dhammassa anantarapaccayena paccayo – āvajjanā parāmāsasampayuttakānaṃ khandhānaṃ anantarapaccayena paccayo … samanantarapaccayena paccayo .(2)