1. Vibhaṅgavāro
Hetupaccayo
52. Nīvaraṇasampayuttaṃ
V3.387 dhammaṃ paṭicca nīvaraṇasampayutto dhammo uppajjati hetupaccayā – nīvaraṇasampayuttaṃ ekaṃ khandhaṃ paṭicca tayo khandhā … pe … dve khandhe … pe ….(1)Nīvaraṇasampayuttaṃ
M3.315 dhammaṃ paṭicca nīvaraṇavippayutto dhammo uppajjati hetupaccayā – nīvaraṇasampayutteT3.367 khandhe paṭicca cittasamuṭṭhānaṃ rūpaṃ .(2)Nīvaraṇasampayuttaṃ dhammaṃ paṭicca nīvaraṇasampayutto ca nīvaraṇavippayutto ca dhammā uppajjanti hetupaccayā – nīvaraṇasampayuttaṃ ekaṃ khandhaṃ paṭicca tayo khandhā cittasamuṭṭhānañca rūpaṃ … pe … dve khandhe … pe ….(3)
53. Nīvaraṇavippayuttaṃ dhammaṃ paṭicca nīvaraṇavippayutto dhammo uppajjati hetupaccayā – nīvaraṇavippayuttaṃ ekaṃ khandhaṃ paṭicca tayo khandhā cittasamuṭṭhānañca rūpaṃ … pe … dve khandhe … pe … paṭisandhikkhaṇe … pe …( yāva ajjhattikā mahābhūtā ).(1)
Nīvaraṇasampayuttañca
V3.388 nīvaraṇavippayuttañca dhammaṃ paṭicca nīvaraṇavippayutto dhammo uppajjati hetupaccayā – nīvaraṇasampayutte khandhe ca mahābhūte ca paṭicca cittasamuṭṭhānaṃ rūpaṃ ( saṃkhittaṃ ).