Kammapaccayo
88. Ganthasampayutto dhammo ganthasampayuttassa dhammassa kammapaccayena paccayo – ganthasampayuttā cetanā sampayuttakānaṃ khandhānaṃ kammapaccayena paccayo .(1)
Ganthasampayutto dhammo ganthavippayuttassa dhammassa kammapaccayena paccayo – sahajātā , nānākkhaṇikā .
Sahajātā – ganthasampayuttā cetanā cittasamuṭṭhānānaṃ rūpānaṃ kammapaccayena paccayo ;
diṭṭhigatavippayuttalobhasahagatā cetanā lobhassa ca cittasamuṭṭhānānañca rūpānaṃ kammapaccayena paccayo ;
domanassasahagatā
T3.332 cetanā paṭighassa ca cittasamuṭṭhānānañca rūpānaṃ kammapaccayena paccayo .Nānākkhaṇikā – ganthasampayuttā cetanā vipākānaṃ khandhānaṃ kaṭattā ca rūpānaṃ kammapaccayena paccayo .(2)
Ganthasampayutto dhammo ganthasampayuttassa ca ganthavippayuttassa ca dhammassa kammapaccayena paccayo – ganthasampayuttā cetanā sampayuttakānaṃ khandhānaṃ cittasamuṭṭhānānañca
M3.286 rūpānaṃ kammapaccayena paccayo ;diṭṭhigatavippayuttalobhasahagatā cetanā sampayuttakānaṃ khandhānaṃ lobhassa ca cittasamuṭṭhānānañca rūpānaṃ kammapaccayena paccayo ;
domanassasahagatā cetanā sampayuttakānaṃ khandhānaṃ paṭighassa ca cittasamuṭṭhānānañca rūpānaṃ kammapaccayena paccayo .(3)
89. Ganthavippayutto
V3.350 dhammo ganthavippayuttassa dhammassa kammapaccayena paccayo – sahajātā , nānākkhaṇikā .Sahajātā – ganthavippayuttā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo ;
paṭisandhikkhaṇe … pe ….
Nānākkhaṇikā – ganthavippayuttā cetanā vipākānaṃ khandhānaṃ kaṭattā ca rūpānaṃ kammapaccayena paccayo .(1)