Anantarapaccayo
22. Āsavo
M3.163 dhammo āsavassa dhammassa anantarapaccayena paccayo – purimā purimā āsavā pacchimānaṃ pacchimānaṃ āsavānaṃ anantarapaccayena paccayo .(1)Āsavo dhammo noāsavassa dhammassa anantarapaccayena paccayo – purimā purimā āsavā pacchimānaṃ pacchimānaṃ noāsavānaṃ khandhānaṃ anantarapaccayena paccayo ;
āsavā vuṭṭhānassa anantarapaccayena paccayo .(2)
Āsavo dhammo āsavassa ca noāsavassa ca dhammassa anantarapaccayena paccayo – purimā purimā āsavā pacchimānaṃ pacchimānaṃ āsavānaṃ sampayuttakānañca khandhānaṃ anantarapaccayena paccayo .(3)
23. Noāsavo dhammo noāsavassa dhammassa anantarapaccayena
T3.187 paccayo – purimā purimā noāsavā khandhā pacchimānaṃ pacchimānaṃ noāsavānaṃ khandhānaṃ anantarapaccayena paccayo ;anulomaṃ gotrabhussa … pe … phalasamāpattiyā anantarapaccayena paccayo .(1)
Noāsavo dhammo āsavassa dhammassa anantarapaccayena paccayo – purimā purimā noāsavā
V3.200 khandhā pacchimānaṃ pacchimānaṃ āsavānaṃ anantarapaccayena paccayo ;āvajjanā āsavānaṃ anantarapaccayena paccayo .(2)
Noāsavo dhammo āsavassa ca noāsavassa ca dhammassa anantarapaccayena paccayo – purimā purimā noāsavā khandhā pacchimānaṃ pacchimānaṃ āsavānaṃ sampayuttakānañca khandhānaṃ anantarapaccayena paccayo .(3)
24. Āsavo ca noāsavo ca dhammā āsavassa dhammassa anantarapaccayena paccayo … tīṇi .