1. Vibhaṅgavāro
Hetupaccayo
50. Cittaṃ
T4.19M3.385V3.474 dhammaṃ paṭicca nocitto dhammo uppajjati hetupaccayā – cittaṃ paṭicca sampayuttakā khandhā cittasamuṭṭhānañca rūpaṃ ;paṭisandhikkhaṇe cittaṃ paṭicca sampayuttakā khandhā kaṭattā ca rūpaṃ .(1)
Nocittaṃ dhammaṃ paṭicca nocitto dhammo uppajjati hetupaccayā – nocittaṃ ekaṃ khandhaṃ paṭicca dve khandhā cittasamuṭṭhānañca rūpaṃ , dve khandhe paṭicca eko khandho cittasamuṭṭhānañca rūpaṃ ;
paṭisandhikkhaṇe … pe … khandhe paṭicca vatthu , vatthuṃ paṭicca khandhā , ekaṃ mahābhūtaṃ paṭicca … pe ….(1)
Nocittaṃ dhammaṃ paṭicca citto dhammo uppajjati hetupaccayā – nocitte khandhe paṭicca cittaṃ ;
paṭisandhikkhaṇe nocitte khandhe paṭicca cittaṃ ;
paṭisandhikkhaṇe vatthuṃ paṭicca cittaṃ .(2)
Nocittaṃ dhammaṃ paṭicca citto ca nocitto ca dhammā uppajjanti hetupaccayā – nocittaṃ ekaṃ
V3.475 khandhaṃ paṭicca dve khandhā cittañca cittasamuṭṭhānañca rūpaṃ , dve khandhe … pe … paṭisandhikkhaṇe nocittaṃ ekaṃ khandhaṃ paṭicca dve khandhā cittañca kaṭattā ca rūpaṃ , dve khandhe paṭicca eko khandho cittañca kaṭattā ca rūpaṃ ;paṭisandhikkhaṇe vatthuṃ paṭicca cittañca sampayuttakā ca khandhā .(3)
Cittañca nocittañca dhammaṃ paṭicca nocitto dhammo uppajjati hetupaccayā
T4.20 – nocittaṃ ekaṃ khandhañca cittañca paṭicca dve khandhā cittasamuṭṭhānañca rūpaṃ , dve khandhe ca … pe … cittañca mahābhūte ca paṭicca cittasamuṭṭhānaṃ rūpaṃ ;paṭisandhikkhaṇe nocittaṃ ekaṃ khandhañca cittañca paṭicca dve khandhā kaṭattā ca rūpaṃ , dve khandhe … pe … paṭisandhikkhaṇe cittañca vatthuñca paṭicca nocittā khandhā ;
paṭisandhikkhaṇe cittañca mahābhūte ca paṭicca kaṭattārūpaṃ .(1)
Ārammaṇapaccayo
51. Cittaṃ dhammaṃ paṭicca nocitto dhammo uppajjati ārammaṇapaccayā – cittaṃ paṭicca sampayuttakā khandhā ;
paṭisandhikkhaṇe … pe ….(1)
Nocittaṃ
M3.386 dhammaṃ paṭicca nocitto dhammo uppajjati ārammaṇapaccayā – nocittaṃ ekaṃ khandhaṃ paṭicca dve khandhā , dve khandhe … pe … paṭisandhikkhaṇe … pe … paṭisandhikkhaṇe vatthuṃ paṭicca khandhā .(1)Nocittaṃ dhammaṃ paṭicca citto dhammo uppajjati ārammaṇapaccayā – nocitte khandhe paṭicca cittaṃ ;
paṭisandhikkhaṇe nocitte khandhe paṭicca cittaṃ ;
paṭisandhikkhaṇe vatthuṃ paṭicca cittaṃ .(2)
Nocittaṃ dhammaṃ paṭicca citto ca nocitto ca dhammā uppajjanti ārammaṇapaccayā – nocittaṃ ekaṃ khandhaṃ paṭicca dve khandhā cittañca , dve khandhe paṭicca … pe … paṭisandhikkhaṇe nocittaṃ ekaṃ khandhaṃ paṭicca dve khandhā cittañca , dve khandhe … pe … paṭisandhikkhaṇe vatthuṃ paṭicca cittañca sampayuttakā ca khandhā .(3)
Cittañca
V3.476 nocittañca dhammaṃ paṭicca nocitto dhammo uppajjati ārammaṇapaccayā – nocittaṃ ekaṃ khandhañca cittañca paṭicca dve khandhā , dve khandhe ca … pe … paṭisandhikkhaṇe … pe … paṭisandhikkhaṇe cittañca vatthuñca paṭicca nocittā khandhā .(1)( Saṃkhittaṃ ).