Adhipatipaccayo
151. Lokiyo dhammo lokiyassa dhammassa adhipatipaccayena paccayo – ārammaṇādhipati , sahajātādhipati .
Ārammaṇādhipati – dānaṃ datvā sīlaṃ … pe … uposathakammaṃ
V3.174 … pe … pubbe … pe … jhānā … pe … sekkhā gotrabhuṃ garuṃ katvā paccavekkhanti , vodānaṃ garuṃ katvā paccavekkhanti ;cakkhuṃ … pe … vatthuṃ
M3.142 lokiye khandhe garuṃ katvā assādeti abhinandati , taṃ garuṃ katvā rāgo uppajjati , diṭṭhi uppajjati .Sahajātādhipati – lokiyādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo .(1)
152. Lokuttaro dhammo lokuttarassa dhammassa adhipatipaccayena paccayo – ārammaṇādhipati , sahajātādhipati .
Ārammaṇādhipati – nibbānaṃ maggassa , phalassa adhipatipaccayena paccayo .
Sahajātādhipati – lokuttarādhipati sampayuttakānaṃ khandhānaṃ adhipatipaccayena paccayo .(1)
Lokuttaro dhammo lokiyassa dhammassa adhipatipaccayena paccayo – ārammaṇādhipati , sahajātādhipati .
Ārammaṇādhipati – ariyā maggā vuṭṭhahitvā maggaṃ garuṃ katvā paccavekkhanti , phalaṃ garuṃ katvā paccavekkhanti , nibbānaṃ garuṃ katvā paccavekkhanti ;
nibbānaṃ gotrabhussa , vodānassa adhipatipaccayena paccayo .
Sahajātādhipati – lokuttarādhipati cittasamuṭṭhānānaṃ rūpānaṃ adhipatipaccayena paccayo .(2)
Lokuttaro dhammo lokiyassa ca lokuttarassa ca dhammassa adhipatipaccayena paccayo .
Sahajātādhipati
T3.164 – lokuttarādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo .(3)