Purejātapaccayo
28. Noāsavo dhammo noāsavassa dhammassa purejātapaccayena paccayo – ārammaṇapurejātaṃ , vatthupurejātaṃ .
Ārammaṇapurejātaṃ – cakkhuṃ
M3.165 … pe … vatthuṃ ( evaṃ vitthāretabbaṃ ), phoṭṭhabbāyatanaṃ kāyaviññāṇassa purejātapaccayena paccayo .Vatthupurejātaṃ – cakkhāyatanaṃ cakkhuviññāṇassa … pe … kāyāyatanaṃ kāyaviññāṇassa , vatthu noāsavānaṃ
T3.189 khandhānaṃ purejātapaccayena paccayo .(1)Noāsavo dhammo āsavassa dhammassa purejātapaccayena paccayo – ārammaṇapurejātaṃ , vatthupurejātaṃ .
Ārammaṇapurejātaṃ – cakkhuṃ … pe … vatthuṃ assādeti abhinandati , taṃ ārabbha āsavā uppajjanti .
Vatthupurejātaṃ – vatthu āsavānaṃ purejātapaccayena paccayo .(2)
Noāsavo dhammo āsavassa ca noāsavassa ca dhammassa purejātapaccayena paccayo – ārammaṇapurejātaṃ , vatthupurejātaṃ .
Ārammaṇapurejātaṃ – cakkhuṃ … pe … vatthuṃ assādeti abhinandati
V3.202 , taṃ ārabbha āsavā ca sampayuttakā ca khandhā uppajjanti .Vatthupurejātaṃ – vatthu āsavānañca āsavasampayuttakānañca khandhānaṃ purejātapaccayena paccayo .(3)