Adhipatipaccayo
71. Saññojanasampayutto dhammo saññojanasampayuttassa dhammassa adhipatipaccayena paccayo – ārammaṇādhipati , sahajātādhipati .
Ārammaṇādhipati – rāgaṃ … pe … diṭṭhiṃ garuṃ katvā assādeti abhinandati , taṃ garuṃ katvā rāgo uppajjati , diṭṭhi uppajjati .
Sahajātādhipati – saññojanasampayuttādhipati sampayuttakānaṃ khandhānaṃ adhipatipaccayena paccayo .(1)
Saññojanasampayutto dhammo saññojanavippayuttassa dhammassa adhipatipaccayena paccayo .
Sahajātādhipati – saññojanasampayuttādhipati
T3.269 cittasamuṭṭhānānaṃ rūpānaṃ adhipatipaccayena paccayo .(2)Saññojanasampayutto
M3.234 dhammo saññojanasampayuttassa ca saññojanavippayuttassa ca dhammassa adhipatipaccayena paccayo .Sahajātādhipati – saññojanasampayuttādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo .(3)
72. Saññojanavippayutto dhammo saññojanavippayuttassa dhammassa adhipatipaccayena paccayo – ārammaṇādhipati , sahajātādhipati .
Ārammaṇādhipati – dānaṃ datvā sīlaṃ … pe … uposathakammaṃ katvā taṃ garuṃ katvā paccavekkhati , pubbe suciṇṇāni … pe … jhānā … pe … ariyā
V3.286 maggā … pe … phalaṃ … pe … nibbānaṃ … pe … nibbānaṃ gotrabhussa , vodānassa , maggassa , phalassa adhipatipaccayena paccayo .Sahajātādhipati – saññojanavippayuttādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo .(1)
Saññojanavippayutto dhammo saññojanasampayuttassa dhammassa adhipatipaccayena paccayo .
Ārammaṇādhipati – dānaṃ datvā sīlaṃ … pe … uposathakammaṃ katvā taṃ garuṃ katvā assādeti abhinandati , taṃ garuṃ katvā rāgo uppajjati , diṭṭhi uppajjati , pubbe suciṇṇāni … pe … jhānā … pe … cakkhuṃ … pe … vatthuṃ saññojanavippayutte khandhe garuṃ katvā assādeti abhinandati , taṃ garuṃ katvā rāgo uppajjati , diṭṭhi uppajjati .(2)