Ārammaṇapaccayo
334. Ajjhattikaṃ dhammaṃ paccayā ajjhattiko dhammo uppajjati ārammaṇapaccayā – cakkhāyatanaṃ paccayā cakkhuviññāṇaṃ … pe … kāyāyatanaṃ
T4.158 … pe ….Ajjhattikaṃ dhammaṃ paccayā bāhiro dhammo uppajjati ārammaṇapaccayā – cakkhāyatanañca
M3.499 cakkhuviññāṇañca paccayā cakkhuviññāṇasahagatā khandhā … pe … kāyāyatanañca … pe … cittaṃ paccayā sampayuttakā khandhā ;paṭisandhikkhaṇe … pe ….
Ajjhattikaṃ dhammaṃ paccayā ajjhattiko ca bāhiro ca dhammā uppajjanti ārammaṇapaccayā – cakkhāyatanaṃ paccayā cakkhuviññāṇaṃ sampayuttakā ca khandhā … pe … kāyāyatanaṃ … pe ….(3)
Bāhiraṃ dhammaṃ paccayā bāhiro dhammo uppajjati ārammaṇapaccayā – bāhiraṃ ekaṃ khandhaṃ paccayā dve khandhā , dve khandhe … pe … paṭisandhikkhaṇe … pe … vatthuṃ paccayā bāhirā khandhā .
Bāhiraṃ dhammaṃ paccayā ajjhattiko dhammo uppajjati ārammaṇapaccayā – bāhire khandhe paccayā cittaṃ , vatthuṃ paccayā cittaṃ ( paṭisandhikkhaṇe dvepi kātabbā ).
Bāhiraṃ dhammaṃ paccayā ajjhattiko ca bāhiro ca dhammā uppajjanti ārammaṇapaccayā – vatthuṃ paccayā cittañca sampayuttakā ca khandhā ( paṭisandhikkhaṇe ekaṃ kātabbaṃ ).(3)
335. Ajjhattikañca bāhirañca dhammaṃ paccayā ajjhattiko dhammo uppajjati ārammaṇapaccayā
V3.617 – cakkhuviññāṇasahagate khandhe ca cakkhāyatanañca paccayā cakkhuviññāṇaṃ … pe … kāyaviññāṇasahagate … pe ….Ajjhattikañca bāhirañca dhammaṃ paccayā bāhiro dhammo uppajjati ārammaṇapaccayā – cakkhuviññāṇasahagataṃ ekaṃ khandhañca cakkhāyatanañca cakkhuviññāṇañca paccayā dve khandhā , dve khandhe … pe … kāyaviññāṇasahagataṃ … pe … bāhiraṃ
T4.159 ekaṃ khandhañca cittañca paccayā dve khandhā , dve khandhe … pe … cittañca vatthuñca paccayā bāhirā khandhā ( paṭisandhikkhaṇe dvepi kātabbā ).Ajjhattikañca bāhirañca dhammaṃ paccayā ajjhattiko ca bāhiro ca dhammā uppajjanti ārammaṇapaccayā – cakkhuviññāṇasahagataṃ ekaṃ khandhañca cakkhāyatanañca paccayā dve khandhā cakkhuviññāṇañca , dve khandhe … pe …( saṃkhittaṃ ).(3)