1. Vibhaṅgavāro
Nahetupaccayo
5. Noāsavaṃ
V3.190 dhammaṃ paṭicca noāsavo dhammo uppajjati nahetupaccayā – ahetukaṃ noāsavaṃ ekaṃ khandhaṃ paṭicca tayo khandhā cittasamuṭṭhānañca rūpaṃ … pe … dve khandhe … pe … ahetukapaṭisandhikkhaṇe … pe … khandhe paṭicca vatthu , vatthuṃ paṭicca khandhā , ekaṃ mahābhūtaṃ … pe …( yāva asaññasattā ).(1)Noāsavaṃ dhammaṃ paṭicca āsavo dhammo uppajjati nahetupaccayā – vicikicchāsahagate uddhaccasahagate khandhe paṭicca vicikicchāsahagato uddhaccasahagato moho .(2)
Naārammaṇapaccayo
6. Āsavaṃ dhammaṃ paṭicca noāsavo dhammo uppajjati naārammaṇapaccayā – āsave paṭicca cittasamuṭṭhānaṃ rūpaṃ .(1)
Noāsavaṃ
M3.156 dhammaṃ paṭicca noāsavo dhammo uppajjati naārammaṇapaccayā – noāsave khandhe paṭicca cittasamuṭṭhānaṃ rūpaṃ ;paṭisandhikkhaṇe … pe … khandhe paṭicca vatthu , ekaṃ mahābhūtaṃ … pe …( yāva asaññasattā )
T3.179 .(1)Āsavañca noāsavañca dhammaṃ paṭicca noāsavo dhammo uppajjati naārammaṇapaccayā – āsave ca sampayuttake ca khandhe paṭicca cittasamuṭṭhānaṃ rūpaṃ ( saṃkhittaṃ ).(1)