Ārammaṇapaccayo
28. Sārammaṇo
V3.466 dhammo sārammaṇassa dhammassa ārammaṇapaccayena paccayo – dānaṃ … pe … sīlaṃ … pe … uposathakammaṃ katvā taṃ paccavekkhati assādeti abhinandati , taṃ ārabbha rāgo uppajjati … pe … domanassaṃ uppajjati ;pubbe suciṇṇāni … pe … jhānā … pe … ariyā maggā vuṭṭhahitvā maggaṃ paccavekkhanti , phalaṃ paccavekkhanti , pahīne kilese … pe … vikkhambhite kilese … pe … pubbe samudāciṇṇe kilese jānanti , sārammaṇe khandhe aniccato … pe … domanassaṃ uppajjati ;
cetopariyañāṇena sārammaṇacittasamaṅgissa cittaṃ jānāti , ākāsānañcāyatanaṃ viññāṇañcāyatanassa … pe … ākiñcaññāyatanaṃ nevasaññānāsaññāyatanassa … pe … sārammaṇā khandhā iddhividhañāṇassa , cetopariyañāṇassa , pubbenivāsānussatiñāṇassa , yathākammūpagañāṇassa , anāgataṃsañāṇassa , āvajjanāya ārammaṇapaccayena paccayo .(1)
29. Anārammaṇo dhammo sārammaṇassa dhammassa ārammaṇapaccayena paccayo – ariyā nibbānaṃ paccavekkhanti , nibbānaṃ gotrabhussa , vodānassa , maggassa
M3.378 , phalassa , āvajjanāya ārammaṇapaccayena paccayo ;cakkhuṃ … pe … vatthuṃ aniccato … pe … domanassaṃ uppajjati ;
dibbena cakkhunā rūpaṃ passati , dibbāya sotadhātuyā saddaṃ
T4.11 suṇāti .Rūpāyatanaṃ cakkhuviññāṇassa … pe … phoṭṭhabbāyatanaṃ kāyaviññāṇassa … pe … anārammaṇā khandhā iddhividhañāṇassa , pubbenivāsānussatiñāṇassa , anāgataṃsañāṇassa , āvajjanāya ārammaṇapaccayena paccayo .(1)