1. Paṇṇattiniddesavāravaṇṇanā
10-17.
Niddesavāre pana heṭṭhā khandhayamakassa paṇṇattivāraniddese vuttanayeneva attho veditabbo .
Aññatra visesā .
Tatrāyaṃ viseso – dibbacakkhūti dutiyavijjāñāṇaṃ .
Paññācakkhūti tatiyavijjāñāṇaṃ .
Dibbasotan ti dutiyaabhiññāñāṇaṃ .
Taṇhāsotan ti taṇhāva .
Avaseso kāyoti nāmakāyo , rūpakāyo , hatthikāyo , assakāyoti evamādi .
Avasesaṃ rūpan ti rūpāyatanato sesaṃ bhūtupādāyarūpañceva
P0.73 piyarūpasātarūpañca .Sīlagandhotiādīni vāyanaṭṭhena sīlādīnaṃyeva nāmāni .
Attharasotiādīnipi sādhumadhuraṭṭhena atthādīnaññeva nāmāni .
Avaseso dhammoti pariyattidhammādianekappabhedoti ayamettha viseso .
Paṇṇattiniddesavāravaṇṇanā .