11. Antavaggo
1. Antasuttavaṇṇanā
103. Aññamaññaṃ
M2.257 asaṃsaṭṭhabhāvena eti gacchatīti anto , bhāgoti āha ‘‘ antāti koṭṭhāsā ’’ ti .‘‘ Sakkāyanirodhanto ’’ ti nirodhapaccayassa gahitattā vuttaṃ ‘‘ catusaccavasena pañcakkhandhe yojetvā ’’ ti .
Antoti … pe … ajjhāsayavasena vuttaṃ yathānulomadesanattā suttantadesanāya .
Antasuttavaṇṇanā niṭṭhitā .
2-3.Dukkhasuttādivaṇṇanā
104-105.
Dutiyampīti api -saddo sampiṇḍanattho .
Tena na kevalaṃ paṭhamasuttameva , atha kho dutiyampīti .
Tatiyampi tathevāti iminā ‘‘ pañcakkhandhe catusaccavasena yojetvā ’’ ti idaṃ upasaṃharati .
Dukkhasuttādivaṇṇanā niṭṭhitā .
4. Pariññeyyasuttavaṇṇanā
106. Pariññeyyeti ettha tisso pariññā ñātapariññā , tīraṇapariññā , pahānapariññāti .
Tāsu ñātapariññā yāvadeva tīraṇapariññatthā .
Tīraṇapariññā ca yāvadeva pahānapariññatthāti
V2.230 .Tattha ukkaṭṭhāya pariññāya kiccadassanavasena atthaṃ dassento ‘‘ pariññeyyeti parijānitabbe samatikkamitabbe ’’ ti , pahātabbeti attho .
Tenāha bhagavā –
‘‘ katamā ca , bhikkhave , pariññā ?
Rāgakkhayo , dosakkhayo , mohakkhayo ’’ ti , tasmā samatikkaman ti , samatikkantaṃ pahānassa upāyaṃ .
Samatikkamitvā ṭhitan ti pajahitvā ṭhitanti ayamettha attho .
Pariññeyyasuttavaṇṇanā niṭṭhitā .
5-10.Samaṇasuttādivaṇṇanā
107-112.
Cattāri
M2.258 saccāni kathitāni assādādīnaṃ samudayādīnañca desitattā .Kilesappahānaṃ kathitaṃ rāgappahānassa jotitattā .
Samaṇasuttādivaṇṇanā niṭṭhitā .
Antavaggavaṇṇanā niṭṭhitā .