5. Brahmacariyasuttavaṇṇanā
25. Pañcame
M2.275 janakuhanatthan ti tīhi kuhanavatthūhi janassa kuhanatthāya .Na janalapanatthan ti na janassa upalāpanatthaṃ .
Na lābhasakkārasilokānisaṃsatthan ti na cīvarādithutivacanatthaṃ .
Na itivādappamokkhānisaṃsatthan ti na tena tena kāraṇena
P3.42 katavādānisaṃsatthaṃ , na vādassa pamokkhānisaṃsatthaṃ .Na iti maṃ jano jānātūti na ‘‘ evaṃ kira esa bhikkhu , evaṃ kira esa bhikkhū ’’ ti janassa jānanatthāya .
Saṃvaratthan ti pañcahi saṃvarehi saṃvaraṇatthāya .
Pahānatthan ti tīhi pahānehi pajahanatthāya .
Virāgatthan ti rāgādīnaṃ virajjanatthāya .
Nirodhatthan ti tesaṃyeva nirujjhanatthāya .
Anītihan ti itihaparivajjitaṃ , aparapattiyanti attho .
Nibbānogadhagāminan ti nibbānassa antogāminaṃ .
Maggabrahmacariyañhi nibbānaṃ ārammaṇaṃ karitvā nibbānassa antoyeva vattati pavattati .
Paṭipajjantīti duvidhampi paṭipajjanti .
Imasmiṃ sutte vaṭṭavivaṭṭaṃ kathetvā gāthāsu vivaṭṭameva kathitaṃ .