Kusalavipākamanodhātu
455. Katame
P0.91 dhammā abyākatā ?Yasmiṃ samaye kāmāvacarassa kusalassa kammassa katattā upacitattā vipākā manodhātu uppannā hoti upekkhāsahagatā rūpārammaṇā vā … pe … phoṭṭhabbārammaṇā vā yaṃ yaṃ vā panārabbha , tasmiṃ samaye phasso hoti , vedanā hoti , saññā hoti , cetanā hoti , cittaṃ hoti , vitakko hoti , vicāro hoti
M0.109 , upekkhā hoti , cittassekaggatā hoti , manindriyaṃ hotiT0.134 , upekkhindriyaṃ hoti , jīvitindriyaṃ hoti ;ye vā pana tasmiṃ samaye aññepi atthi paṭiccasamuppannā arūpino dhammā – ime dhammā abyākatā .
456. Katamo tasmiṃ samaye phasso hoti ?
Yo tasmiṃ samaye phasso phusanā saṃphusanā saṃphusitattaṃ – ayaṃ tasmiṃ samaye phasso hoti .
457. Katamā tasmiṃ samaye vedanā hoti ?
Yaṃ tasmiṃ samaye tajjāmanodhātusamphassajaṃ cetasikaṃ neva sātaṃ nāsātaṃ cetosamphassajaṃ adukkhamasukhaṃ vedayitaṃ cetosamphassajā adukkhamasukhā vedanā – ayaṃ tasmiṃ samaye vedanā hoti .
458. Katamā tasmiṃ samaye saññā hoti ?
Yā tasmiṃ samaye tajjāmanodhātusamphassajā saññā sañjānanā sañjānitattaṃ – ayaṃ tasmiṃ samaye saññā hoti .
459. Katamā
V0.118 tasmiṃ samaye cetanā hoti ?Yā tasmiṃ samaye tajjāmanodhātusamphassajā cetanā sañcetanā cetayitattaṃ – ayaṃ tasmiṃ samaye cetanā hoti .
460. Katamaṃ tasmiṃ samaye cittaṃ hoti ?
Yaṃ tasmiṃ samaye cittaṃ mano mānasaṃ hadayaṃ paṇḍaraṃ mano manāyatanaṃ manindriyaṃ viññāṇaṃ viññāṇakkhandho tajjāmanodhātu – idaṃ tasmiṃ samaye cittaṃ hoti .
461. Katamo tasmiṃ samaye vitakko hoti ?
Yo tasmiṃ samaye takko vitakko saṅkappo appanā byappanā cetaso abhiniropanā – ayaṃ
T0.135 tasmiṃ samaye vitakko hoti . 462. Katamo tasmiṃ samaye vicāro hoti ?
Yo tasmiṃ samaye cāro vicāro anuvicāro upavicāro cittassa anusandhānatā anupekkhanatā – ayaṃ tasmiṃ samaye vicāro hoti .
463. Katamā
M0.110 tasmiṃ samaye upekkhā hoti ?Yaṃ
P0.92 tasmiṃ samaye cetasikaṃ neva sātaṃ nāsātaṃ cetosamphassajaṃ adukkhamasukhaṃ vedayitaṃ cetosamphassajā adukkhamasukhā vedanā – ayaṃ tasmiṃ samaye upekkhā hoti . 464. Katamā tasmiṃ samaye cittassekaggatā hoti ?
Yā tasmiṃ samaye cittassa ṭhiti – ayaṃ tasmiṃ samaye cittassekaggatā hoti .
465. Katamaṃ tasmiṃ samaye manindriyaṃ hoti ?
Yaṃ tasmiṃ samaye cittaṃ mano mānasaṃ hadayaṃ paṇḍaraṃ mano manāyatanaṃ manindriyaṃ viññāṇaṃ viññāṇakkhandho tajjāmanodhātu – idaṃ tasmiṃ samaye manindriyaṃ hoti .
466. Katamaṃ tasmiṃ samaye upekkhindriyaṃ hoti ?
Yaṃ tasmiṃ samaye cetasikaṃ neva sātaṃ nāsātaṃ cetosamphassajaṃ adukkhamasukhaṃ vedayitaṃ cetosamphassajā adukkhamasukhā vedanā – idaṃ tasmiṃ samaye upekkhindriyaṃ hoti .
467. Katamaṃ
V0.119 tasmiṃ samaye jīvitindriyaṃ hoti ?Yo tesaṃ arūpīnaṃ dhammānaṃ āyu ṭhiti yapanā yāpanā iriyanā vattanā pālanā jīvitaṃ jīvitindriyaṃ – idaṃ tasmiṃ samaye jīvitindriyaṃ hoti ;
ye
T0.136 vā pana tasmiṃ samaye aññepi atthi paṭiccasamuppannā arūpino dhammā – ime dhammā abyākatā .Tasmiṃ kho pana samaye cattāro khandhā honti , dvāyatanāni honti , dve dhātuyo honti , tayo āhārā honti , tīṇindriyāni honti , eko phasso hoti … pe … ekā manodhātu hoti , ekaṃ dhammāyatanaṃ hoti , ekā dhammadhātu hoti ;
ye vā pana tasmiṃ samaye aññepi atthi paṭiccasamuppannā arūpino dhammā – ime dhammā abyākatā … pe ….
468. Katamo tasmiṃ samaye saṅkhārakkhandho hoti ?
Phasso cetanā vitakko vicāro cittassekaggatā jīvitindriyaṃ ;
ye vā pana tasmiṃ samaye aññepi atthi paṭiccasamuppannā arūpino dhammā ṭhapetvā vedanākkhandhaṃ
M0.111 ṭhapetvā saññākkhandhaṃ ṭhapetvā viññāṇakkhandhaṃ – ayaṃ tasmiṃ samaye saṅkhārakkhandho hoti … pe … ime dhammā abyākatā .Kusalavipākā manodhātu .