Kilesagocchakaṃ
1565. Katame dhammā kilesā ?
Dasa kilesavatthūni – lobho , doso , moho , māno , diṭṭhi , vicikicchā , thinaṃ , uddhaccaṃ , ahirikaṃ , anottappaṃ .
Lobho aṭṭhasu lobhasahagatesu cittuppādesu
V0.320 uppajjati .Doso dvīsu domanassasahagatesu cittuppādesu uppajjati .
Moho sabbākusalesu uppajjati .
Māno catūsu diṭṭhigatavippayuttalobhasahagatesu cittuppādesu uppajjati .
Diṭṭhi catūsu diṭṭhigatasampayuttesu cittuppādesu uppajjati .
Vicikicchā vicikicchāsahagatesu cittuppādesu uppajjati .
Thinaṃ sasaṅkhārikesu akusalesu uppajjati .
Uddhaccañca ahirikañca anottappañca sabbākusalesu uppajjanti – ime dhammā kilesā .
1566. Katame dhammā no kilesā ?
Ṭhapetvā
P0.258 kilese avasesaṃ akusalaṃ , catūsu bhūmīsu kusalaṃ , catūsu bhūmīsu vipāko , tīsu bhūmīsu kiriyābyākataṃ , rūpañca , nibbānañca – ime dhammā no kilesā . 1567. Katame dhammā saṃkilesikā ?
Tīsu bhūmīsu kusalaṃ , akusalaṃ , tīsu bhūmīsu vipāko , tīsu bhūmīsu kiriyābyākataṃ sabbañca rūpaṃ – ime
T0.373 dhammā saṃkilesikā . 1568. Katame dhammā asaṃkilesikā ?
Cattāro maggā apariyāpannā , cattāri ca sāmaññaphalāni , nibbānañca – ime dhammā asaṃkilesikā .
1569. Katame
M0.292 dhammā saṃkiliṭṭhā ?Dvādasa akusalacittuppādā – ime dhammā saṃkiliṭṭhā .
1570. Katame dhammā asaṃkiliṭṭhā ?
Catūsu bhūmīsu kusalaṃ , catūsu bhūmīsu vipāko , tīsu bhūmīsu kiriyābyākataṃ , rūpañca , nibbānañca – ime dhammā asaṃkiliṭṭhā .
1571. Katame dhammā kilesasampayuttā ?
Dvādasa akusalacittuppādā – ime dhammā kilesasampayuttā .
1572. Katame dhammā kilesavippayuttā ?
Catūsu bhūmīsu kusalaṃ , catūsu bhūmīsu vipāko , tīsu bhūmīsu kiriyābyākataṃ , rūpañca , nibbānañca – ime dhammā kilesavippayuttā .
1573. Katame
V0.321 dhammā kilesā ceva saṃkilesikā ca ?Teva kilesā kilesā ceva saṃkilesikā ca .
1574. Katame dhammā saṃkilesikā ceva no ca kilesā ?
Ṭhapetvā kilese avasesaṃ akusalaṃ , tīsu bhūmīsu kusalaṃ , tīsu bhūmīsu vipāko , tīsu bhūmīsu kiriyābyākataṃ , sabbañca rūpaṃ – ime dhammā saṃkilesikā ceva no ca kilesā .
Asaṃkilesikā dhammā na vattabbā – kilesā ceva saṃkilesikā cātipi , saṃkilesikā ceva no ca kilesātipi .
1575. Katame dhammā kilesā ceva saṃkiliṭṭhā ca ?
Teva kilesā kilesā ceva saṃkiliṭṭhā ca .
1576. Katame dhammā saṃkiliṭṭhā ceva no ca kilesā ?
Ṭhapetvā kilese avasesaṃ akusalaṃ – ime dhammā saṃkiliṭṭhā ceva no ca kilesā
T0.374 .Asaṃkiliṭṭhā dhammā na vattabbā – kilesā ceva saṃkiliṭṭhā cātipi , saṃkiliṭṭhā ceva no ca kilesātipi .
1577. Katame
P0.259 dhammā kilesā ceva kilesasampayuttā ca ?Yattha dve tayo kilesā ekato uppajjanti – ime dhammā kilesā ceva kilesasampayuttā ca .
1578. Katame
M0.293 dhammā kilesasampayuttā ceva no ca kilesā ?Ṭhapetvā kilese avasesaṃ akusalaṃ – ime dhammā kilesasampayuttā ceva no ca kilesā .
Kilesavippayuttā dhammā na vattabbā – kilesā ceva kilesasampayuttā cātipi , kilesasampayuttā ceva no ca kilesātipi .
1579. Katame dhammā kilesavippayuttā saṃkilesikā ?
Tīsu bhūmīsu kusalaṃ , tīsu bhūmīsu vipāko , tīsu bhūmīsu kiriyābyākataṃ , sabbañca rūpaṃ – ime dhammā kilesavippayuttā saṃkilesikā .
1580. Katame dhammā kilesavippayuttā asaṃkilesikā ?
Cattāro maggā apariyāpannā
V0.322 , cattāri ca sāmaññaphalāni , nibbānañca – ime dhammā kilesavippayuttā asaṃkilesikā .Kilesasampayuttā dhammā na vattabbā – kilesavippayuttā saṃkilesikātipi , kilesavippayuttā asaṃkilesikātipi .