Piṭṭhidukaṃ

1581. Katame dhammā dassanena pahātabbā ?

Cattāro diṭṭhigatasampayuttacittuppādā , vicikicchāsahagato cittuppādo – ime dhammā dassanena pahātabbā .

Cattāro diṭṭhigatavippayuttalobhasahagatacittuppādā , dve domanassasahagatacittuppādā – ime dhammāT0.375 siyā dassanena pahātabbā , siyā na dassanena pahātabbā .

1582. Katame dhammā na dassanena pahātabbā ?

Uddhaccasahagato cittuppādo , catūsu bhūmīsu kusalaṃ , catūsu bhūmīsu vipāko , tīsu bhūmīsu kiriyābyākataṃ , rūpañca , nibbānañca – ime dhammā na dassanena pahātabbā .

1583. Katame dhammā bhāvanāya pahātabbā ?

Uddhaccasahagato cittuppādo – ime dhammā bhāvanāya pahātabbā .

Cattāro diṭṭhigatavippayuttalobhasahagatacittuppādā , dve domanassasahagatacittuppādā – ime dhammā siyā bhāvanāya pahātabbā , siyā na bhāvanāya pahātabbā .

1584. KatameM0.294 dhammā na bhāvanāya pahātabbā ?

Cattāro diṭṭhigatasampayuttacittuppādā , vicikicchāsahagato cittuppādo , catūsu bhūmīsu kusalaṃ , catūsu bhūmīsu vipāko , tīsu bhūmīsu kiriyābyākataṃ , rūpañca , nibbānañca – ime dhammā na bhāvanāya pahātabbā .

1585. KatameP0.260 dhammā dassanena pahātabbahetukā ?

Cattāro diṭṭhigatasampayuttacittuppādā , vicikicchāsahagato cittuppādo , etthuppannaṃ mohaṃ ṭhapetvā – ime dhammā dassanena pahātabbahetukā .

Cattāro diṭṭhigatavippayuttalobhasahagatacittuppādā , dve domanassasahagatacittuppādā – ime dhammā siyā dassanena pahātabbahetukā , siyā na dassanena pahātabbahetukā .

1586. KatameV0.323 dhammā na dassanena pahātabbahetukā ?

Vicikicchāsahagato moho , uddhaccasahagato cittuppādo , catūsu bhūmīsu kusalaṃ , catūsu bhūmīsu vipāko , tīsuT0.376 bhūmīsu kiriyābyākataṃ , rūpañca , nibbānañca – ime dhammā na dassanena pahātabbahetukā .

1587. Katame dhammā bhāvanāya pahātabbahetukā ?

Uddhaccasahagato cittuppādo , etthuppannaṃ mohaṃ ṭhapetvā – ime dhammā bhāvanāya pahātabbahetukā .

Cattāro diṭṭhigatavippayuttalobhasahagatacittuppādā , dve domanassasahagatacittuppādā – ime dhammā siyā bhāvanāya pahātabbahetukā , siyā na bhāvanāya pahātabbahetukā .

1588. Katame dhammā na bhāvanāya pahātabbahetukā ?

Cattāro diṭṭhigatasampayuttacittuppādā , vicikicchāsahagato cittuppādo , uddhaccasahagato moho , catūsu bhūmīsu kusalaṃ , catūsu bhūmīsu vipāko , tīsu bhūmīsu kiriyābyākataṃ , rūpañca , nibbānañca – ime dhammā na bhāvanāya pahātabbahetukā .

1589. Katame dhammā savitakkā ?

Kāmāvacarakusalaṃ , akusalaṃ , kāmāvacarakusalassa vipākato ekādasa cittuppādā , akusalassa vipākato dve , kiriyato ekādasa , rūpāvacaraṃ paṭhamaṃ jhānaṃ kusalato ca vipākato ca kiriyato ca lokuttaraṃ paṭhamaṃ jhānaṃ kusalato ca vipākato ca , etthuppannaṃ vitakkaṃ ṭhapetvā – ime dhammā savitakkā .

1590. KatameM0.295 dhammā avitakkā ?

Dvepañcaviññāṇāni , rūpāvacaratikacatukkajjhānā kusalato ca vipākato ca kiriyato ca , cattāro arūpāvacarā kusalato ca vipākato ca kiriyato ca , lokuttaratikacatukkajjhānāT0.377 kusalato ca vipākato ca , vitakko ca , rūpañca , nibbānañca – ime dhammā avitakkā .

1591. Katame dhammā savicārā ?

KāmāvacarakusalaṃP0.261 , akusalaṃ , kāmāvacarakusalassa vipākato ekādasa cittuppādā , akusalassa vipākato dve kiriyato ekādasa , rūpāvacaraekakadukajjhānā kusalato ca vipākato ca kiriyato ca , lokuttaraekakadukajjhānā kusalato ca vipākato ca , etthuppannaṃ vicāraṃ ṭhapetvā – ime dhammā savicārā .

1592. KatameV0.324 dhammā avicārā ?

Dvepañcaviññāṇāni , rūpāvacaratikatikajjhānā kusalato ca vipākato ca kiriyato ca , cattāro āruppā kusalato ca vipākato ca kiriyato ca , lokuttaratikatikajjhānā kusalato ca vipākato ca , vicāro ca , rūpañca , nibbānañca – ime dhammā avicārā .

1593. Katame dhammā sappītikā ?

Kāmāvacarakusalato cattāro somanassasahagatacittuppādā , akusalato cattāro , kāmāvacarakusalassa vipākato pañca , kiriyato pañca , rūpāvacaradukatikajjhānā kusalato ca vipākato ca kiriyato ca , lokuttaradukatikajjhānā kusalato ca vipākato ca , etthuppannaṃ pītiṃ ṭhapetvā – ime dhammā sappītikā .

1594. Katame dhammā appītikā ?

Kāmāvacarakusalato cattāro upekkhāsahagatacittuppādā , akusalato aṭṭha , kāmāvacarakusalassa vipākato ekādasa , akusalassa vipākato satta , kiriyato cha , rūpāvacaradukadukajjhānā kusalatoT0.378 ca vipākato ca kiriyato ca , cattāro āruppā kusalato ca vipākato ca kiriyato ca , lokuttaradukadukajjhānā kusalato ca vipākato ca pīti ca , rūpañca , nibbānañca – ime dhammā appītikā .

1595. KatameM0.296 dhammā pītisahagatā ?

1596. Katame dhammā na pītisahagatā ?

Kāmāvacarakusalato cattāro upekkhāsahagatacittuppādā , akusalato aṭṭha , kāmāvacarakusalassa vipākato ekādasa , akusalassa vipākato satta , kiriyato cha , rūpāvacaradukadukajjhānā kusalato ca vipākato ca kiriyato ca , cattāro āruppā kusalato caP0.262 vipākato ca kiriyato ca , lokuttaradukadukajjhānāV0.325 kusalato ca vipākato ca , pīti ca , rūpañca , nibbānañca – ime dhammā na pītisahagatā .

1597. Katame dhammā sukhasahagatā ?

Kāmāvacarakusalato cattāro somanassasahagatacittuppādā , akusalato cattāro , kāmāvacarakusalassa vipākato cha , kiriyato pañca , rūpāvacaratikacatukkajjhānā kusalato ca vipākato ca kiriyato ca lokuttaratikacatukkajjhānā kusalato ca vipākato ca , etthuppannaṃ sukhaṃ ṭhapetvā – ime dhammāT0.379 sukhasahagatā .

1598. Katame dhammā na sukhasahagatā ?

Kāmāvacarakusalato cattāro upekkhāsahagatacittuppādā , akusalato aṭṭha , kāmāvacarakusalassa vipākato dasa , akusalassa vipākato satta , kiriyato cha , rūpāvacaraṃ catutthaṃ jhānaṃ kusalato ca vipākato ca kiriyato ca , cattāro āruppā kusalato ca vipākato ca kiriyato ca lokuttaraṃ catutthaṃ jhānaṃ kusalato ca vipākato ca , sukhañca , rūpañca , nibbānañca – ime dhammā na sukhasahagatā .

1599. Katame dhammā upekkhāsahagatā ?

Kāmāvacarakusalato cattāro upekkhāsahagatacittuppādā , akusalato cha , kāmāvacarakusalassa vipākato dasa , akusalassa vipākato cha , kiriyato chaM0.297 , rūpāvacaraṃ catutthaṃ jhānaṃ kusalato ca vipākato ca kiriyato ca , cattāro āruppā kusalato ca vipākato ca kiriyato ca , lokuttaraṃ catutthaṃ jhānaṃ kusalato ca vipākato ca , etthuppannaṃ upekkhaṃ ṭhapetvā – ime dhammā upekkhāsahagatā .

1600. Katame dhammā na upekkhāsahagatā ?

Kāmāvacarakusalato cattāro somanassasahagatacittuppādā , akusalato cha , kāmāvacarakusalassa vipākato cha , akusalassa vipākato eko , kiriyato pañca , rūpāvacaratikacatukkajjhānā kusalato ca vipākato ca kiriyato ca , lokuttaratikacatukkajjhānā kusalato ca vipākato ca , upekkhā ca , rūpañca , nibbānañca – ime dhammā na upekkhāsahagatā .

1601. KatameV0.326 dhammā kāmāvacarā ?

Kāmāvacarakusalaṃ , akusalaṃ , sabboT0.380 kāmāvacarassa vipāko , kāmāvacarakiriyābyākataṃ , sabbañca rūpaṃ – ime dhammā kāmāvacarā .

1602. Katame dhammā na kāmāvacarā ?

RūpāvacarāP0.263 , arūpāvacarā , apariyāpannā – ime dhammā na kāmāvacarā .

1603. Katame dhammā rūpāvacarā ?

Rūpāvacaracatukkapañcakajjhānā kusalato ca vipākato ca kiriyato ca – ime dhammā rūpāvacarā .

1604. Katame dhammā na rūpāvacarā ?

Kāmāvacarā , arūpāvacarā , apariyāpannā – ime dhammā na rūpāvacarā .

1605. Katame dhammā arūpāvacarā ?

Cattāro āruppā kusalato ca vipākato ca kiriyato ca – ime dhammā arūpāvacarā .

1606. Katame dhammā na arūpāvacarā ?

Kāmāvacarā , rūpāvacarā , apariyāpannā – ime dhammā na arūpāvacarā .

1607. Katame dhammā pariyāpannā ?

Tīsu bhūmīsu kusalaṃ , akusalaṃ , tīsu bhūmīsu vipāko , tīsu bhūmīsu kiriyābyākataṃ , sabbañca rūpaṃ – ime dhammā pariyāpannā .

1608. Katame dhammā apariyāpannā ?

Cattāro maggā apariyāpannā , cattāri ca sāmaññaphalāni , nibbānañca – ime dhammā apariyāpannā .

1609. KatameM0.298 dhammā niyyānikā ?

Cattāro maggā apariyāpannā – ime dhammā niyyānikā .

1610. Katame dhammā aniyyānikā ?

Tīsu bhūmīsu kusalaṃ , akusalaṃ , catūsu bhūmīsuV0.327 vipāko , tīsu bhūmīsu kiriyābyākataṃ , rūpañca , nibbānañca – ime dhammā aniyyānikā .

1611. KatameT0.381 dhammā niyatā ?

Cattāro diṭṭhigatasampayuttacittuppādā , dve domanassasahagatacittuppādā – ime dhammā siyā niyatā siyā aniyatā .

Cattāro maggā apariyāpannā – ime dhammā niyatā .

1612. Katame dhammā aniyatā ?

Cattāro diṭṭhigatavippayuttalobhasahagatacittuppādā , vicikicchāsahagato cittuppādo , uddhaccasahagato cittuppādo , tīsu bhūmīsu kusalaṃ , catūsu bhūmīsu vipāko , tīsu bhūmīsu kiriyābyākataṃ , rūpañca , nibbānañca – ime dhammā aniyatā .

1613. Katame dhammā sauttarā ?

Tīsu bhūmīsu kusalaṃ , akusalaṃ , tīsu bhūmīsu vipāko , tīsuP0.264 bhūmīsu kiriyābyākataṃ , sabbañca rūpaṃ – ime dhammā sauttarā .

1614. Katame dhammā anuttarā ?

Cattāro maggā apariyāpannā , cattāri ca sāmaññaphalāni , nibbānañca – ime dhammā anuttarā .

1615. Katame dhammā saraṇā ?

Dvādasa akusalacittuppādā – ime dhammā saraṇā .

1616. Katame dhammā araṇā ?

Catūsu bhūmīsu kusalaṃ , catūsu bhūmīsu vipāko , tīsu bhūmīsu kiriyābyākataṃ , rūpañca , nibbānañca – ime dhammā araṇā .

Atthuddhāro niṭṭhito .

Dhammasaṅgaṇīpakaraṇaṃ niṭṭhitaṃ .

Issues

Select Version

Dhammasaṅgaṇīpāḷi

Dhammasaṅgaṇīpāḷi