Parāmāsagocchakaṃ
1515. Katame
T0.365 dhammā parāmāsā ?Diṭṭhiparāmāso catūsu diṭṭhigatasampayuttesu cittuppādesu uppajjati – ime dhammā parāmāsā .
1516. Katame dhammā no parāmāsā ?
Ṭhapetvā parāmāsaṃ avasesaṃ akusalaṃ , catūsu bhūmīsu kusalaṃ , catūsu bhūmīsu vipāko , tīsu bhūmīsu kiriyābyākataṃ , rūpañca , nibbānañca – ime dhammā no parāmāsā .
1517. Katame dhammā parāmaṭṭhā ?
Tīsu bhūmīsu kusalaṃ , akusalaṃ , tīsu bhūmīsu vipāko , tīsu bhūmīsu kiriyābyākataṃ , sabbañca rūpaṃ – ime dhammā parāmaṭṭhā .
1518. Katame
M0.286 dhammā aparāmaṭṭhā ?Cattāro maggā apariyāpannā , cattāri ca sāmaññaphalāni nibbānañca – ime dhammā aparāmaṭṭhā .
1519. Katame dhammā parāmāsasampayuttā ?
Cattāro diṭṭhigatasampayuttacittuppādā , etthuppannaṃ parāmāsaṃ ṭhapetvā – ime dhammā parāmāsasampayuttā .
1520. Katame dhammā parāmāsavippayuttā ?
Cattāro diṭṭhigatavippayuttalobhasahagatacittuppādā
V0.314 , dve domanassasahagatacittuppādā , vicikicchāsahagato cittuppādo , uddhaccasahagato cittuppādo , catūsu bhūmīsu kusalaṃ , catūsu bhūmīsu vipāko , tīsu bhūmīsu kiriyābyākataṃ , rūpañca , nibbānañca – ime dhammā parāmāsavippayuttā .Parāmāso na vattabbo – parāmāsasampayuttotipi , parāmāsavippayuttotipi .
1521. Katame dhammā parāmāsā ceva parāmaṭṭhā ca ?
So
P0.253 eva parāmāsoT0.366 parāmāso ceva parāmaṭṭho ca . 1522. Katame dhammā parāmaṭṭhā ceva no ca parāmāsā ?
Ṭhapetvā parāmāsaṃ avasesaṃ akusalaṃ , tīsu bhūmīsu kusalaṃ , tīsu bhūmīsu vipāko , tīsu bhūmīsu kiriyābyākataṃ , sabbañca rūpaṃ – ime dhammā parāmaṭṭhā ceva no ca parāmāsā .
Aparāmaṭṭhā dhammā na vattabbā – parāmāsā ceva parāmaṭṭhā cātipi , parāmaṭṭhā ceva no ca parāmāsātipi .
1523. Katame dhammā parāmāsavippayuttā parāmaṭṭhā ?
Cattāro diṭṭhigatavippayuttalobhasahagatacittuppādā , dve domanassasahagatacittuppādā , vicikicchāsahagato cittuppādo , uddhaccasahagato cittuppādo , tīsu bhūmīsu kusalaṃ , tīsu bhūmīsu vipāko , tīsu bhūmīsu kiriyābyākataṃ , sabbañca rūpaṃ – ime dhammā parāmāsavippayuttā parāmaṭṭhā .
1524. Katame dhammā parāmāsavippayuttā aparāmaṭṭhā ?
Cattāro maggā apariyāpannā , cattāri ca sāmaññaphalāni , nibbānañca – ime dhammā parāmāsavippayuttā aparāmaṭṭhā .
Parāmāsā ca parāmāsasampayuttā ca dhammā na vattabbā – parāmāsavippayuttā parāmaṭṭhātipi , parāmāsavippayuttā aparāmaṭṭhātipi .