Upādābhājanīyaṃ

595. KatamaṃP0.134V0.170 taṃ rūpaṃ upādā ?

Cakkhāyatanaṃ , sotāyatanaṃ , ghānāyatanaṃ , jivhāyatanaṃ , kāyāyatanaṃ , rūpāyatanaṃ , saddāyatanaṃ , gandhāyatanaṃ , rasāyatanaṃ , itthindriyaṃ , purisindriyaṃ , jīvitindriyaṃ , kāyaviññatti , vacīviññatti , ākāsadhātu , rūpassa lahutā , rūpassa mudutā , rūpassa kammaññatā , rūpassa upacayo , rūpassa santati , rūpassa jaratā , rūpassa aniccatā , kabaḷīkāro āhāro .

596. KatamaṃM0.157 taṃ rūpaṃ cakkhāyatanaṃ ?

Yaṃ cakkhu [ cakkhuṃ ( sī . syā .)] catunnaṃ mahābhūtānaṃ upādāya pasādo attabhāvapariyāpanno anidassano sappaṭigho , yena cakkhunā anidassanena sappaṭighena rūpaṃ sanidassanaṃ sappaṭighaṃ passi vā passati vā passissati vā passe vā , cakkhuṃ petaṃ cakkhāyatanaṃ petaṃ cakkhudhātu pesā cakkhundriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ nettaṃ petaṃ nayanaṃ petaṃ orimaṃT0.196 tīraṃ petaṃ suñño gāmopeso – idaṃ taṃ rūpaṃ cakkhāyatanaṃ .

597. Katamaṃ taṃ rūpaṃ cakkhāyatanaṃ ?

Yaṃ cakkhu catunnaṃ mahābhūtānaṃ upādāya pasādo attabhāvapariyāpanno anidassano sappaṭigho , yamhi cakkhumhi anidassanamhi sappaṭighamhi rūpaṃ sanidassanaṃ sappaṭighaṃ paṭihaññi vā paṭihaññati vā paṭihaññissati vā paṭihaññe vā , cakkhuṃ petaṃ cakkhāyatanaṃ petaṃ cakkhudhātu pesā cakkhundriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ nettaṃ petaṃ nayanaṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ cakkhāyatanaṃ .

598. Katamaṃ taṃ rūpaṃ cakkhāyatanaṃ ?

Yaṃ cakkhu catunnaṃ mahābhūtānaṃ upādāya pasādo attabhāvapariyāpanno anidassano sappaṭigho , yaṃ cakkhu anidassanaṃ sappaṭighaṃ rūpamhi sanidassanamhi sappaṭighamhi paṭihaññi vā paṭihaññati vā paṭihaññissati vā paṭihaññe vā , cakkhuṃ petaṃ cakkhāyatanaṃ petaṃ cakkhudhātu pesā cakkhundriyaṃ petaṃ loko peso dvārā pesāV0.171 samuddo peso paṇḍaraṃ petaṃ khettaṃ petaṃ vatthuṃ petaṃ nettaṃ petaṃ nayanaṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ cakkhāyatanaṃ .

599. Katamaṃ taṃ rūpaṃ cakkhāyatanaṃ ?

Yaṃ cakkhu catunnaṃ mahābhūtānaṃ upādāya pasādo attabhāvapariyāpanno anidassano sappaṭigho , yaṃ cakkhuṃP0.135 nissāya rūpaṃ ārabbha cakkhusamphasso uppajji vā uppajjati vā uppajjissati vā uppajje vā … pe … yaṃ cakkhuṃ nissāya rūpaṃ ārabbha cakkhusamphassajā vedanā … pe … saññā … pe … cetanā … pe … cakkhuviññāṇaṃT0.197 uppajji vā uppajjati vā uppajjissati vā uppajje vā … pe … yaṃ cakkhuṃ nissāya rūpārammaṇo cakkhusamphasso uppajji vā uppajjati vā uppajjissati vā uppajje vā … pe … yaṃ cakkhuṃ nissāya rūpārammaṇā cakkhusamphassajā vedanā … pe … saññā … pe … cetanā … pe … cakkhuviññāṇaṃM0.158 uppajji vā uppajjati vā uppajjissati vā uppajje vā , cakkhuṃ petaṃ cakkhāyatanaṃ petaṃ cakkhudhātu pesā cakkhundriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ nettaṃ petaṃ nayanaṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ cakkhāyatanaṃ .

600. Katamaṃ taṃ rūpaṃ sotāyatanaṃ ?

Yaṃ sotaṃ catunnaṃ mahābhūtānaṃ upādāya pasādo attabhāvapariyāpanno anidassano sappaṭigho , yena sotena anidassanena sappaṭighena saddaṃ anidassanaṃ sappaṭighaṃ suṇi vā suṇāti vā suṇissati vā suṇe vā , sotaṃ petaṃ sotāyatanaṃ petaṃ sotadhātu pesā sotindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ sotāyatanaṃ .

601. Katamaṃ taṃ rūpaṃ sotāyatanaṃ ?

Yaṃ sotaṃ catunnaṃ mahābhūtānaṃ upādāya pasādo attabhāvapariyāpanno anidassano sappaṭigho , yamhi sotamhi anidassanamhi sappaṭighamhi saddo anidassano sappaṭigho paṭihaññi vā paṭihaññati vā paṭihaññissati vā paṭihaññe vā , sotaṃ petaṃ sotāyatanaṃ petaṃ sotadhātu pesā sotindriyaṃ petaṃT0.198 loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ sotāyatanaṃ .

602. KatamaṃV0.172 taṃ rūpaṃ sotāyatanaṃ ?

Yaṃ sotaṃ catunnaṃ mahābhūtānaṃ upādāya pasādo attabhāvapariyāpanno anidassano sappaṭigho , yaṃ sotaṃ anidassanaṃ sappaṭighaṃ saddamhi anidassanamhi sappaṭighamhi paṭihaññi vā paṭihaññati vā paṭihaññissati vā paṭihaññe vā , sotaṃ petaṃ sotāyatanaṃ petaṃ sotadhātu pesā sotindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ sotāyatanaṃ .

603. Katamaṃ taṃ rūpaṃ sotāyatanaṃ ?

YaṃP0.136 sotaṃ catunnaṃ mahābhūtānaṃ upādāya pasādo attabhāvapariyāpanno anidassano sappaṭigho , yaṃ sotaṃ nissāya saddaṃ ārabbha sotasamphasso uppajji vā uppajjati vā uppajjissatiM0.159 vā uppajje vā … pe … yaṃ sotaṃ nissāya saddaṃ ārabbha sotasamphassajā vedanā … pe … saññā … pe … cetanā … pe … sotaviññāṇaṃ uppajji vā uppajjati vā uppajjissati vā uppajje vā … pe … yaṃ sotaṃ nissāya saddārammaṇo sotasamphasso uppajji vā uppajjati vā uppajjissati vā uppajje vā … pe … yaṃ sotaṃ nissāya saddārammaṇā sotasamphassajā vedanā … pe … saññā … pe … cetanā … pe … sotaviññāṇaṃ uppajji vā uppajjati vā uppajjissati vā uppajje vā , sotaṃ petaṃ sotāyatanaṃ petaṃ sotadhātu pesā sotindriyaṃ petaṃ lokoT0.199 peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ sotāyatanaṃ .

604. Katamaṃ taṃ rūpaṃ ghānāyatanaṃ ?

Yaṃ ghānaṃ catunnaṃ mahābhūtānaṃ upādāya pasādo attabhāvapariyāpanno anidassano sappaṭigho , yena ghānena anidassanena sappaṭighena gandhaṃ anidassanaṃ sappaṭighaṃ ghāyi vā ghāyati vā ghāyissati vā ghāye vā , ghānaṃ petaṃ ghānāyatanaṃ petaṃ ghānadhātu pesā ghānindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ ghānāyatanaṃ .

605. Katamaṃ taṃ rūpaṃ ghānāyatanaṃ ?

Yaṃ ghānaṃ catunnaṃ mahābhūtānaṃ upādāya pasādo attabhāvapariyāpanno anidassano sappaṭigho , yamhi ghānamhi anidassanamhi sappaṭighamhi gandho anidassano sappaṭigho paṭihaññi vā paṭihaññati vā paṭihaññissati vā paṭihaññe vā , ghānaṃV0.173 petaṃ ghānāyatanaṃ petaṃ ghānadhātu pesā ghānindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ ghānāyatanaṃ .

606. Katamaṃ taṃ rūpaṃ ghānāyatanaṃ ?

Yaṃ ghānaṃ catunnaṃ mahābhūtānaṃ upādāya pasādo attabhāvapariyāpanno anidassano sappaṭigho , yaṃ ghānaṃ anidassanaṃ sappaṭighaṃ gandhamhi anidassanamhi sappaṭighamhi paṭihaññi vā paṭihaññati vā paṭihaññissati vā paṭihaññe vā , ghānaṃ petaṃ ghānāyatanaṃ petaṃP0.137 ghānadhātu pesā ghānindriyaṃ petaṃ loko peso dvārā pesā samuddoT0.200 pesoM0.160 paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmopeso – idaṃ taṃ rūpaṃ ghānāyatanaṃ .

607. Katamaṃ taṃ rūpaṃ ghānāyatanaṃ ?

Yaṃ ghānaṃ catunnaṃ mahābhūtānaṃ upādāya pasādo attabhāvapariyāpanno anidassano sappaṭigho , yaṃ ghānaṃ nissāya gandhaṃ ārabbha ghānasamphasso uppajji vā uppajjati vā uppajjissati vā uppajje vā … pe … yaṃ ghānaṃ nissāya gandhaṃ ārabbha ghānasamphassajā vedanā … pe … saññā … pe … cetanā … pe … ghānaviññāṇaṃ uppajji vā uppajjati vā uppajjissati vā uppajje vā … pe … yaṃ ghānaṃ nissāya gandhārammaṇo ghānasamphasso uppajji vā uppajjati vā uppajjissati vā uppajje vā … pe … yaṃ ghānaṃ nissāya gandhārammaṇā ghānasamphassajā vedanā … pe … saññā … pe … cetanā … pe … ghānaviññāṇaṃ uppajji vā uppajjati vā uppajjissati vā uppajje vā , ghānaṃ petaṃ ghānāyatanaṃ petaṃ ghānadhātu pesā ghānindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ ghānāyatanaṃ .

608. Katamaṃ taṃ rūpaṃ jivhāyatanaṃ ?

Yā jivhā catunnaṃ mahābhūtānaṃ upādāya pasādo attabhāvapariyāpanno anidassano sappaṭigho , yāya jivhāya anidassanāya sappaṭighāya rasaṃ anidassanaṃ sappaṭighaṃ sāyi vā sāyati vā sāyissati vā sāye vā , jivhā pesā jivhāyatanaṃ petaṃ jivhādhātu pesā jivhindriyaṃ petaṃ loko peso dvārā pesā samuddo pesoT0.201 paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ jivhāyatanaṃ .

609. KatamaṃV0.174 taṃ rūpaṃ jivhāyatanaṃ ?

Yā jivhā catunnaṃ mahābhūtānaṃ upādāya pasādo attabhāvapariyāpanno anidassano sappaṭigho , yāya jivhāya anidassanāya sappaṭighāya raso anidassano sappaṭigho paṭihaññi vā paṭihaññati vā paṭihaññissati vā paṭihaññe vā , jivhā pesā jivhāyatanaṃ petaṃ jivhādhātu pesā jivhindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ jivhāyatanaṃ .

610. KatamaṃP0.138 taṃ rūpaṃ jivhāyatanaṃ ?

Yā jivhā catunnaṃ mahābhūtānaṃ upādāya pasādo attabhāvapariyāpanno anidassano sappaṭigho , yāM0.161 jivhā anidassanā sappaṭighā rasamhi anidassanamhi sappaṭighamhi paṭihaññi vā paṭihaññati vā paṭihaññissati vā paṭihaññe vā , jivhā pesā jivhāyatanaṃ petaṃ jivhādhātu pesā jivhindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ jivhāyatanaṃ .

611. Katamaṃ taṃ rūpaṃ jivhāyatanaṃ ?

Yā jivhā catunnaṃ mahābhūtānaṃ upādāya pasādo attabhāvapariyāpanno anidassano sappaṭigho , yaṃ jivhaṃ nissāya rasaṃ ārabbha jivhāsamphasso uppajji vā uppajjati vā uppajjissati vā uppajje vā … pe … yaṃ jivhaṃ nissāya rasaṃ ārabbha jivhāsamphassajā vedanā … pe … saññā … pe … cetanā … pe … jivhāviññāṇaṃT0.202 uppajji vā uppajjati vā uppajjissati vā uppajje vā … pe … yaṃ jivhaṃ nissāya rasārammaṇo jivhāsamphasso uppajji vā uppajjati vā uppajjissati vā uppajje vā … pe … yaṃ jivhaṃ nissāya rasārammaṇā jivhāsamphassajā vedanā … pe … saññā … pe … cetanā … pe … jivhāviññāṇaṃ uppajji vā uppajjati vā uppajjissati vā uppajje vā , jivhā pesā jivhāyatanaṃ petaṃ jivhādhātu pesā jivhindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ jivhāyatanaṃ .

612. Katamaṃ taṃ rūpaṃ kāyāyatanaṃ ?

Yo kāyo catunnaṃ mahābhūtānaṃ upādāya pasādo attabhāvapariyāpanno anidassano sappaṭigho , yena kāyena anidassanena sappaṭighena phoṭṭhabbaṃ anidassanasappaṭighaṃV0.175 phusi vā phusati vā phusissati vā phuse vā , kāyo peso kāyāyatanaṃ petaṃ kāyadhātu pesā kāyindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ kāyāyatanaṃ .

613. Katamaṃ taṃ rūpaṃ kāyāyatanaṃ ?

Yo kāyo catunnaṃ mahābhūtānaṃ upādāya pasādo attabhāvapariyāpanno anidassano sappaṭigho , yamhi kāyamhi anidassanamhi sappaṭighamhi phoṭṭhabbo anidassano sappaṭigho paṭihaññi vā paṭihaññati vā paṭihaññissatiP0.139 vā paṭihaññe vā , kāyo peso kāyāyatanaṃ petaṃ kāyadhātu pesā kāyindriyaṃT0.203 petaṃ loko peso dvārā pesā samuddo peso paṇḍaraṃ petaṃ khettaṃ petaṃM0.162 vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ kāyāyatanaṃ .

614. Katamaṃ taṃ rūpaṃ kāyāyatanaṃ ?

Yo kāyo catunnaṃ mahābhūtānaṃ upādāya pasādo attabhāvapariyāpanno anidassano sappaṭigho , yo kāyo anidassano sappaṭigho phoṭṭhabbamhi anidassanamhi sappaṭighamhi paṭihaññi vā paṭihaññati vā paṭihaññissati vā paṭihaññe vā , kāyo peso kāyāyatanaṃ petaṃ kāyadhātu pesā kāyindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ kāyāyatanaṃ .

615. Katamaṃ taṃ rūpaṃ kāyāyatanaṃ ?

Yo kāyo catunnaṃ mahābhūtānaṃ upādāya pasādo attabhāvapariyāpanno anidassano sappaṭigho , yaṃ kāyaṃ nissāya phoṭṭhabbaṃ ārabbha kāyasamphasso uppajji vā uppajjati vā uppajjissati vā uppajje vā … pe … yaṃ kāyaṃ nissāya phoṭṭhabbaṃ ārabbha kāyasamphassajā vedanā … pe … saññā … pe … cetanā … pe … kāyaviññāṇaṃ uppajji vā uppajjati vā uppajjissati vā uppajje vā … pe … yaṃ kāyaṃ nissāya phoṭṭhabbārammaṇo kāyasamphasso uppajji vā uppajjati vā uppajjissati vā uppajje vā … pe … yaṃ kāyaṃ nissāya phoṭṭhabbārammaṇā kāyasamphassajā vedanā … pe … saññā … pe … cetanā … pe … kāyaviññāṇaṃ uppajji vā uppajjati vā uppajjissatiT0.204 vā uppajje vā , kāyo peso kāyāyatanaṃ petaṃ kāyadhātu pesā kāyindriyaṃ petaṃ loko peso dvārāV0.176 pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ kāyāyatanaṃ .

616. Katamaṃ taṃ rūpaṃ rūpāyatanaṃ ?

Yaṃ rūpaṃ catunnaṃ mahābhūtānaṃ upādāya vaṇṇanibhā sanidassanaṃ sappaṭighaṃ nīlaṃ pītakaṃ lohitakaṃ odātaṃ kāḷakaṃ mañjiṭṭhakaṃ [ mañjeṭṭhakaṃ ( sī . syā .)] hari harivaṇṇaṃ ambaṅkuravaṇṇaṃ dīghaṃ rassaṃ aṇuṃ thūlaṃ vaṭṭaṃ parimaṇḍalaṃ caturaṃsaṃ [ caturassaṃ ( sī . ka .)] chaḷaṃsaṃ aṭṭhaṃsaṃ soḷasaṃsaṃ ninnaṃ thalaṃ chāyā ātapo āloko andhakāro abbhā mahikā dhūmo rajo candamaṇḍalassa vaṇṇanibhā sūriyamaṇḍalassa [ suriyamaṇḍalassa ( sī . syā .)] vaṇṇanibhā tārakarūpānaṃM0.163 vaṇṇanibhā ādāsamaṇḍalassa vaṇṇanibhā maṇisaṅkhamuttāveḷuriyassa vaṇṇanibhā jātarūparajatassa vaṇṇanibhā , yaṃ vā panaññampi atthi rūpaṃ catunnaṃ mahābhūtānaṃ upādāya vaṇṇanibhā sanidassanaṃ sappaṭighaṃ , yaṃ rūpaṃ sanidassanaṃ sappaṭighaṃ cakkhunā anidassanena sappaṭighena passi vā passati vā passissati vā passe vā , rūpaṃ petaṃ rūpāyatanaṃ petaṃ rūpadhātu pesā – idaṃ taṃ rūpaṃ rūpāyatanaṃ .

617. KatamaṃP0.140 taṃ rūpaṃ rūpāyatanaṃ ?

Yaṃ rūpaṃ catunnaṃ mahābhūtānaṃ upādāya vaṇṇanibhā sanidassanaṃ sappaṭighaṃ nīlaṃ pītakaṃ lohitakaṃ odātaṃ kāḷakaṃ mañjiṭṭhakaṃ hari harivaṇṇaṃ ambaṅkuravaṇṇaṃ dīghaṃ rassaṃ aṇuṃ thūlaṃ vaṭṭaṃ parimaṇḍalaṃ caturaṃsaṃ chaḷaṃsaṃ aṭṭhaṃsaṃ soḷasaṃsaṃ ninnaṃ thalaṃ chāyā ātapo āloko andhakāroT0.205 abbhā mahikā dhūmo rajo candamaṇḍalassa vaṇṇanibhā sūriyamaṇḍalassa vaṇṇanibhā tārakarūpānaṃ vaṇṇanibhā ādāsamaṇḍalassa vaṇṇanibhā maṇisaṅkhamuttāveḷuriyassa vaṇṇanibhā jātarūparajatassa vaṇṇanibhā , yaṃ vā panaññampi atthi rūpaṃ catunnaṃ mahābhūtānaṃ upādāya vaṇṇanibhā sanidassanaṃ sappaṭighaṃ , yamhi rūpamhi sanidassanamhi sappaṭighamhi cakkhuṃ anidassanaṃ sappaṭighaṃ paṭihaññi vā paṭihaññati vā paṭihaññissati vā paṭihaññe vā , rūpaṃ petaṃ rūpāyatanaṃ petaṃ rūpadhātu pesā – idaṃ taṃ rūpaṃ rūpāyatanaṃ .

618. Katamaṃ taṃ rūpaṃ rūpāyatanaṃ ?

Yaṃ rūpaṃ catunnaṃ mahābhūtānaṃ upādāya vaṇṇanibhā sanidassanaṃ sappaṭighaṃ nīlaṃ pītakaṃ lohitakaṃ odātaṃ kāḷakaṃ mañjiṭṭhakaṃ hari harivaṇṇaṃ ambaṅkuravaṇṇaṃ dīghaṃ rassaṃ aṇuṃ thūlaṃ vaṭṭaṃ parimaṇḍalaṃ caturaṃsaṃ chaḷaṃsaṃ aṭṭhaṃsaṃ soḷasaṃsaṃ ninnaṃ thalaṃ chāyā ātapo āloko andhakāro abbhā mahikā dhūmo rajo candamaṇḍalassa vaṇṇanibhā sūriyamaṇḍalassaV0.177 vaṇṇanibhā tārakarūpānaṃ vaṇṇanibhā ādāsamaṇḍalassa vaṇṇanibhā maṇisaṅkhamuttāveḷuriyassa vaṇṇanibhā jātarūparajatassa vaṇṇanibhā , yaṃ vā panaññampi atthi rūpaṃ catunnaṃ mahābhūtānaṃ upādāya vaṇṇanibhā sanidassanaṃ sappaṭighaṃ , yaṃ rūpaṃ sanidassanaṃ sappaṭighaṃ cakkhumhi anidassanamhi sappaṭighamhi paṭihaññi vā paṭihaññati vā paṭihaññissati vā paṭihaññe vā , rūpaṃ petaṃ rūpāyatanaṃ petaṃ rūpadhātu pesā – idaṃ taṃ rūpaṃ rūpāyatanaṃ .

619. KatamaṃM0.164 taṃ rūpaṃ rūpāyatanaṃ ?

YaṃT0.206 rūpaṃ catunnaṃ mahābhūtānaṃ upādāya vaṇṇanibhā sanidassanaṃ sappaṭighaṃ nīlaṃ pītakaṃ lohitakaṃ odātaṃ kāḷakaṃ mañjiṭṭhakaṃ hari harivaṇṇaṃ ambaṅkuravaṇṇaṃ dīghaṃ rassaṃ aṇuṃ thūlaṃ vaṭṭaṃ parimaṇḍalaṃ caturaṃsaṃ chaḷaṃsaṃ aṭṭhaṃsaṃ soḷasaṃsaṃ ninnaṃ thalaṃ chāyā ātapo āloko andhakāro abbhā mahikā dhūmo rajo candamaṇḍalassa vaṇṇanibhā sūriyamaṇḍalassa vaṇṇanibhā tārakarūpānaṃ vaṇṇanibhā ādāsamaṇḍalassa vaṇṇanibhā maṇisaṅkhamuttāveḷuriyassa vaṇṇanibhā jātarūparajatassa vaṇṇanibhā , yaṃ vā panaññampi atthi rūpaṃ catunnaṃ mahābhūtānaṃ upādāya vaṇṇanibhā sanidassanaṃ sappaṭighaṃ , yaṃ rūpaṃ ārabbha cakkhuṃ nissāya cakkhusamphasso uppajji vā uppajjati vā uppajjissati vā uppajje vā … pe … yaṃ rūpaṃ ārabbha cakkhuṃ nissāya cakkhusamphassajā vedanā … pe … saññā … pe … cetanā … pe … cakkhuviññāṇaṃ uppajji vā uppajjati vā uppajjissati vā uppajje vā … pe … yaṃ rūpārammaṇo cakkhuṃ nissāya cakkhusamphasso uppajji vā uppajjati vā uppajjissati vā uppajje vā … pe … yaṃ rūpārammaṇā cakkhuṃ nissāya cakkhusamphassajā vedanā … pe … saññā … pe … cetanā … pe … cakkhuviññāṇaṃ uppajji vā uppajjati vā uppajjissati vā uppajje vā , rūpaṃ petaṃ rūpāyatanaṃ petaṃ rūpadhātu pesā – idaṃ taṃ rūpaṃ rūpāyatanaṃ .

620. Katamaṃ taṃ rūpaṃ saddāyatanaṃ ?

Yo saddo catunnaṃ mahābhūtānaṃ upādāyaT0.207 anidassano sappaṭigho bherisaddo mudiṅgasaddo saṅkhasaddo paṇavasaddo gītasaddo vāditasaddo sammasaddo pāṇisaddo sattānaṃ nigghosasaddo dhātūnaṃ sannighātasaddo vātasaddo udakasaddo manussasaddo amanussasaddo , yo vā panaññopi atthi saddo catunnaṃ mahābhūtānaṃ upādāya anidassano sappaṭigho , yaṃ saddaṃ anidassanaṃ sappaṭighaṃ sotena anidassanena sappaṭighena suṇi vāV0.178 suṇāti vā suṇissati vā suṇe vā , saddo peso saddāyatanaṃ petaṃ saddadhātu pesā – idaṃ taṃ rūpaṃ saddāyatanaṃ .

621. Katamaṃ taṃ rūpaṃ saddāyatanaṃ ?

YoP0.141 saddo catunnaṃ mahābhūtānaṃ upādāya anidassano sappaṭigho bherisaddo mudiṅgasaddo saṅkhasaddo paṇavasaddo gītasaddo vāditasaddo sammasaddo pāṇisaddo sattānaṃ nigghosasaddo dhātūnaṃ sannighātasaddo vātasaddo udakasaddo manussasaddo amanussasaddo , yo vā panaññopi atthi saddo catunnaṃ mahābhūtānaṃM0.165 upādāya anidassano sappaṭigho , yamhi saddamhi anidassanamhi sappaṭighamhi sotaṃ anidassanaṃ sappaṭighaṃ paṭihaññi vā paṭihaññati vā paṭihaññissati vā paṭihaññe vā , saddo peso saddāyatanaṃ petaṃ saddadhātu pesā – idaṃ taṃ rūpaṃ saddāyatanaṃ .

622. Katamaṃ taṃ rūpaṃ saddāyatanaṃ ?

623. Katamaṃ taṃ rūpaṃ saddāyatanaṃ ?

Yo saddo catunnaṃ mahābhūtānaṃ upādāya anidassano sappaṭigho bherisaddo mudiṅgasaddo saṅkhasaddo paṇavasaddo gītasaddo vāditasaddo sammasaddo pāṇisaddo sattānaṃ nigghosasaddo dhātūnaṃ sannighātasaddo vātasaddo udakasaddo manussasaddo amanussasaddo , yo vā panaññopi atthi saddo catunnaṃ mahābhūtānaṃ upādāya anidassano sappaṭigho , yaṃ saddaṃ ārabbha sotaṃ nissāya sotasamphasso uppajji vā uppajjati vā uppajjissati vā uppajje vā … pe … yaṃ saddaṃ ārabbha sotaṃ nissāya sotasamphassajā vedanā … pe … saññā … pe … cetanā … pe … sotaviññāṇaṃ uppajji vā uppajjati vā uppajjissati vā uppajje vā … pe … yaṃ saddārammaṇo sotaṃ nissāya sotasamphasso uppajji vā uppajjati vā uppajjissati vā uppajje vā … pe … yaṃ saddārammaṇāV0.179 sotaṃ nissāya sotasamphassajā vedanā … pe … saññā … pe … cetanā … pe … sotaviññāṇaṃ uppajji vā uppajjati vā uppajjissati vā uppajje vā , saddo peso saddāyatanaṃ petaṃ saddadhātu pesā – idaṃT0.209 taṃ rūpaṃ saddāyatanaṃ .

624. Katamaṃ taṃ rūpaṃ gandhāyatanaṃ ?

625. Katamaṃ taṃ rūpaṃ gandhāyatanaṃ ?

626. Katamaṃ taṃ rūpaṃ gandhāyatanaṃ ?

627. Katamaṃ taṃ rūpaṃ gandhāyatanaṃ ?

Yo gandho catunnaṃ mahābhūtānaṃ upādāya anidassano sappaṭigho mūlagandho sāragandho tacagandho pattagandho pupphagandho phalagandho āmakagandho vissagandho sugandho duggandho , yo vā panaññopi atthi gandho catunnaṃ mahābhūtānaṃ upādāyaV0.180 anidassano sappaṭigho , yaṃ gandhaṃ ārabbha ghānaṃ nissāya ghānasamphasso uppajji vā uppajjati vā uppajjissati vā uppajje vā … pe … yaṃ gandhaṃ ārabbha ghānaṃ nissāya ghānasamphassajā vedanā … pe … saññā … pe … cetanā … pe … ghānaviññāṇaṃ uppajji vā uppajjati vā uppajjissati vā uppajje vā … pe … yaṃ gandhārammaṇo ghānaṃ nissāya ghānasamphasso uppajji vā uppajjati vā uppajjissatiM0.167 vā uppajje vā … pe … yaṃ gandhārammaṇā ghānaṃ nissāya ghānasamphassajā vedanā … pe … saññā … pe … cetanā … pe … ghānaviññāṇaṃ uppajji vā uppajjati vā uppajjissati vā uppajje vā , gandho peso gandhāyatanaṃ petaṃ gandhadhātu pesā – idaṃ taṃ rūpaṃ gandhāyatanaṃ .

628. Katamaṃ taṃ rūpaṃ rasāyatanaṃ ?

Yo raso catunnaṃ mahābhūtānaṃ upādāya anidassano sappaṭigho mūlaraso khandharaso tacaraso pattaraso puppharasoT0.211 phalaraso ambilaṃ madhuraṃ tittakaṃ kaṭukaṃ loṇikaṃ khārikaṃ lambilaṃ [ lapilakaṃ ( sī .)] kasāvo sādu asādu , yo vā panaññopi atthi raso catunnaṃ mahābhūtānaṃ upādāya anidassano sappaṭigho , yaṃ rasaṃ anidassanaṃ sappaṭighaṃ jivhāya anidassanāya sappaṭighāya sāyi vā sāyati vā sāyissati vā sāye vā , raso peso rasāyatanaṃ petaṃ rasadhātu pesā – idaṃ taṃ rūpaṃ rasāyatanaṃ .

629. Katamaṃ taṃ rūpaṃ rasāyatanaṃ ?

630. KatamaṃP0.143 taṃ rūpaṃ rasāyatanaṃ ?

631. KatamaṃM0.168 taṃ rūpaṃ rasāyatanaṃ ?

Yo raso catunnaṃ mahābhūtānaṃ upādāya anidassano sappaṭigho mūlaraso khandharaso tacaraso pattaraso puppharaso phalaraso ambilaṃ madhuraṃ tittakaṃ kaṭukaṃ loṇikaṃ khārikaṃ lambilaṃ kasāvo sādu asādu , yo vā panaññopi atthi raso catunnaṃ mahābhūtānaṃ upādāya anidassano sappaṭigho , yaṃ rasaṃ ārabbha jivhaṃ nissāya jivhāsamphasso uppajji vā uppajjati vā uppajjissati vā uppajje vā … pe … yaṃ rasaṃ ārabbha jivhaṃ nissāya jivhāsamphassajā vedanā … pe … saññā … pe … cetanā … pe … jivhāviññāṇaṃ uppajji vā uppajjati vā uppajjissati vā uppajje vā … pe … yaṃ rasārammaṇo jivhaṃ nissāya jivhāsamphasso uppajji vā uppajjati vā uppajjissati vā uppajje vā … pe … yaṃ rasārammaṇā jivhaṃ nissāya jivhāsamphassajā vedanā … pe … saññā … pe … cetanā … pe … jivhāviññāṇaṃ uppajji vā uppajjati vā uppajjissati vā uppajje vā , raso peso rasāyatanaṃ petaṃ rasadhātu pesā – idaṃ taṃ rūpaṃ rasāyatanaṃ .

632. Katamaṃ taṃ rūpaṃ itthindriyaṃ ?

Yaṃ itthiyā itthiliṅgaṃ itthinimittaṃ itthikuttaṃ itthākappo itthattaṃ itthibhāvo [ itthittaṃ itthībhāvo ( syā .)]– idaṃ taṃ rūpaṃ itthindriyaṃ .

633. KatamaṃT0.213 taṃ rūpaṃ purisindriyaṃ ?

Yaṃ purisassa purisaliṅgaṃ purisanimittaṃ purisakuttaṃ purisākappo purisattaṃ purisabhāvo – idaṃ taṃ rūpaṃ purisindriyaṃ .

634. Katamaṃ taṃ rūpaṃ jīvitindriyaṃ ?

Yo tesaṃ rūpīnaṃ dhammānaṃ āyu ṭhiti yapanā yāpanā iriyanā vattanā pālanā jīvitaṃ jīvitindriyaṃ – idaṃ taṃ rūpaṃ jīvitindriyaṃ .

635. Katamaṃ taṃ rūpaṃ kāyaviññatti ?

Yā kusalacittassa vā akusalacittassa vā abyākatacittassa vā abhikkamantassa vā paṭikkamantassa vā ālokentassa vā vilokentassa vā samiñjentassa vā pasārentassa vā kāyassa thambhanā santhambhanā santhambhitattaṃ viññatti viññāpanā viññāpitattaṃ – idaṃ taṃ rūpaṃ kāyaviññatti .

636. KatamaṃV0.182 taṃ rūpaṃ vacīviññatti ?

Yā kusalacittassa vā akusalacittassa vā abyākatacittassa vā vācā girā byappatho udīraṇaṃ ghoso ghosakammaṃ vācā vacībhedoP0.144 – ayaṃ vuccati vācā .

Yā tāya vācāya viññatti viññāpanā viññāpitattaṃ – idaṃ taṃ rūpaṃ vacīviññatti .

637. KatamaṃM0.169 taṃ rūpaṃ ākāsadhātu ?

Yo ākāso ākāsagataṃ aghaṃ aghagataṃ vivaro vivaragataṃ asamphuṭṭhaṃ catūhi mahābhūtehi – idaṃ taṃ rūpaṃ ākāsadhātu .

638. KatamaṃT0.214 taṃ rūpaṃ rūpassa lahutā ?

Yā rūpassa lahutā lahupariṇāmatā adandhanatā avitthanatā – idaṃ taṃ rūpaṃ rūpassa lahutā .

639. Katamaṃ taṃ rūpaṃ rūpassa mudutā ?

Yā rūpassa mudutā maddavatā akakkhaḷatā akathinatā – idaṃ taṃ rūpaṃ rūpassa mudutā .

640. Katamaṃ taṃ rūpaṃ rūpassa kammaññatā ?

Yā rūpassa kammaññatā kammaññattaṃ kammaññabhāvo – idaṃ taṃ rūpaṃ rūpassa kammaññatā .

641. Katamaṃ taṃ rūpaṃ rūpassa upacayo ?

Yo āyatanānaṃ ācayo , so rūpassa upacayo – idaṃ taṃ rūpaṃ rūpassa upacayo .

642. Katamaṃ taṃ rūpaṃ rūpassa santati ?

Yo rūpassa upacayo , sā rūpassa santati – idaṃ taṃ rūpaṃ rūpassa santati .

643. Katamaṃ taṃ rūpaṃ rūpassa jaratā ?

Yā rūpassa jarā jīraṇatā khaṇḍiccaṃ pāliccaṃ valittacatā āyuno saṃhāni indriyānaṃ paripāko – idaṃ taṃ rūpaṃ rūpassa jaratā .

644. Katamaṃ taṃ rūpaṃ rūpassa aniccatā ?

Yo rūpassa khayo vayo bhedo paribhedo aniccatā antaradhānaṃ – idaṃ taṃ rūpaṃ rūpassa aniccatā .

645. KatamaṃV0.183 taṃ rūpaṃ kabaḷīkāro āhāro ?

Odano kummāso sattu maccho maṃsaṃ khīraṃ dadhi sappi navanītaṃ telaṃ madhu phāṇitaṃ , yaṃ vā panaññampi atthi rūpaṃ yamhi yamhi janapade tesaṃ tesaṃT0.215 sattānaṃ mukhāsiyaṃ dantavikhādanaṃ galajjhoharaṇīyaṃ kucchivitthambhanaṃ , yāya ojāya sattā yāpenti – idaṃ taṃ rūpaṃ kabaḷīkāro āhāro .

Idaṃ taṃ rūpaṃ upādā .

Upādābhājanīyaṃ .

Rūpakaṇḍe paṭhamabhāṇavāro .

646. KatamaṃM0.170P0.145 taṃ rūpaṃ no upādā ?

Phoṭṭhabbāyatanaṃ , āpodhātu .

647. Katamaṃ taṃ rūpaṃ phoṭṭhabbāyatanaṃ ?

Pathavīdhātu tejodhātu vāyodhātu kakkhaḷaṃ mudukaṃ saṇhaṃ pharusaṃ sukhasamphassaṃ dukkhasamphassaṃ garukaṃ lahukaṃ , yaṃ phoṭṭhabbaṃ anidassanaṃ sappaṭighaṃ kāyena anidassanena sappaṭighena phusi vā phusati vā phusissati vā phuse vā phoṭṭhabbo peso phoṭṭhabbāyatanaṃ petaṃ phoṭṭhabbadhātu pesā – idaṃ taṃ rūpaṃ phoṭṭhabbāyatanaṃ .

648. Katamaṃ taṃ rūpaṃ phoṭṭhabbāyatanaṃ ?

Pathavīdhātu tejodhātu vāyodhātu kakkhaḷaṃ mudukaṃ saṇhaṃ pharusaṃ sukhasamphassaṃ dukkhasamphassaṃ garukaṃ lahukaṃ , yamhi phoṭṭhabbamhi anidassanamhi sappaṭighamhi kāyo anidassano sappaṭigho paṭihaññi vā paṭihaññati vā paṭihaññissati vā paṭihaññe vā , phoṭṭhabbo peso phoṭṭhabbāyatanaṃ petaṃ phoṭṭhabbadhātu pesā – idaṃ taṃ rūpaṃ phoṭṭhabbāyatanaṃ .

649. Katamaṃ taṃ rūpaṃ phoṭṭhabbāyatanaṃ ?

Pathavīdhātu tejodhātu vāyodhātu kakkhaḷaṃ mudukaṃ saṇhaṃ pharusaṃ sukhasamphassaṃ dukkhasamphassaṃ garukaṃ lahukaṃ , yo phoṭṭhabbo anidassano sappaṭigho kāyamhi anidassanamhiT0.216 sappaṭighamhi paṭihaññi vā paṭihaññati vā paṭihaññissati vā paṭihaññe vā , phoṭṭhabbo peso phoṭṭhabbāyatanaṃ petaṃ phoṭṭhabbadhātu pesā – idaṃ taṃ rūpaṃ phoṭṭhabbāyatanaṃ .

650. KatamaṃV0.184 taṃ rūpaṃ phoṭṭhabbāyatanaṃ ?

Pathavīdhātu tejodhātu vāyodhātu kakkhaḷaṃ mudukaṃ saṇhaṃ pharusaṃ sukhasamphassaṃ dukkhasamphassaṃ garukaṃ lahukaṃ , yaṃ phoṭṭhabbaṃ ārabbha kāyaṃ nissāya kāyasamphasso uppajji vā uppajjati vā uppajjissati vā uppajje vā … pe … yaṃ phoṭṭhabbaṃ ārabbha kāyaṃ nissāya kāyasamphassajā vedanā … pe … saññā … pe … cetanā … pe … kāyaviññāṇaṃ uppajji vā uppajjati vā uppajjissati vā uppajje vā … pe … yaṃ phoṭṭhabbārammaṇo kāyaṃ nissāya kāyasamphasso uppajji vā uppajjati vā uppajjissati vā uppajje vā … pe … yaṃ phoṭṭhabbārammaṇā kāyaṃ nissāya kāyasamphassajā vedanā … pe … saññā … pe … cetanā … pe … kāyaviññāṇaṃ uppajji vā uppajjati vā uppajjissati vā uppajje vā , phoṭṭhabbo peso phoṭṭhabbāyatanaṃ petaṃ phoṭṭhabbadhātu pesā – idaṃ taṃ rūpaṃ phoṭṭhabbāyatanaṃ .

651. KatamaṃM0.171 taṃ rūpaṃ āpodhātu ?

YaṃP0.146 āpo āpogataṃ sineho sinehagataṃ bandhanattaṃ rūpassa – idaṃ taṃ rūpaṃ āpodhātu .

Idaṃ taṃ rūpaṃ no upādā .

652. KatamaṃT0.217 taṃ rūpaṃ upādiṇṇaṃ ?

Cakkhāyatanaṃ sotāyatanaṃ ghānāyatanaṃ jivhāyatanaṃ kāyāyatanaṃ itthindriyaṃ purisindriyaṃ jīvitindriyaṃ , yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādiṇṇaṃ .

653. Katamaṃ taṃ rūpaṃ anupādiṇṇaṃ ?

Saddāyatanaṃ kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā , yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ anupādiṇṇaṃ .

654. Katamaṃ taṃ rūpaṃ upādiṇṇupādāniyaṃ ?

Cakkhāyatanaṃ … pe … kāyāyatanaṃ itthindriyaṃV0.185 purisindriyaṃ jīvitindriyaṃ , yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādiṇṇupādāniyaṃ .

655. Katamaṃ taṃ rūpaṃ anupādiṇṇupādāniyaṃ ?

Saddāyatanaṃ kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā , yaṃ vā panaññampi atthi rūpaṃ na kammassa katattā , rūpāyatanaṃ gandhāyatanaṃ rasāyatanaṃ phoṭṭhabbāyatanaṃT0.218 ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ anupādiṇṇupādāniyaṃ .

656. Katamaṃ taṃ rūpaṃ sanidassanaṃ ?

Rūpāyatanaṃ – idaṃ taṃ rūpaṃ sanidassanaṃ .

657. KatamaṃM0.172 taṃ rūpaṃ anidassanaṃ ?

Cakkhāyatanaṃ … pe … kabaḷīkāro āhāro – idaṃ taṃ rūpaṃ anidassanaṃ .

658. KatamaṃP0.147 taṃ rūpaṃ sappaṭighaṃ ?

Cakkhāyatanaṃ sotāyatanaṃ ghānāyatanaṃ jivhāyatanaṃ kāyāyatanaṃ rūpāyatanaṃ saddāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ sappaṭighaṃ .

659. Katamaṃ taṃ rūpaṃ appaṭighaṃ ?

Itthindriyaṃ … pe … kabaḷīkāro āhāro – idaṃ taṃ rūpaṃ appaṭighaṃ .

660. Katamaṃ taṃ rūpaṃ indriyaṃ ?

Cakkhundriyaṃ sotindriyaṃ ghānindriyaṃ jivhindriyaṃ kāyindriyaṃ itthindriyaṃ purisindriyaṃ jīvitindriyaṃ – idaṃ taṃ rūpaṃ indriyaṃ .

661. Katamaṃ taṃ rūpaṃ na indriyaṃ ?

Rūpāyatanaṃ … pe … kabaḷīkāro āhāro – idaṃ taṃ rūpaṃ na indriyaṃ .

662. Katamaṃ taṃ rūpaṃ mahābhūtaṃ ?

Phoṭṭhabbāyatanaṃ āpodhātu – idaṃ taṃ rūpaṃ mahābhūtaṃ .

663. KatamaṃV0.186 taṃ rūpaṃ na mahābhūtaṃ ?

Cakkhāyatanaṃ … pe … kabaḷīkāro āhāro – idaṃ taṃ rūpaṃ na mahābhūtaṃ .

664. Katamaṃ taṃ rūpaṃ viññatti ?

Kāyaviññatti vacīviññatti – idaṃ taṃ rūpaṃ viññatti .

665. Katamaṃ taṃ rūpaṃ na viññatti ?

Cakkhāyatanaṃ … pe … kabaḷīkāro āhāro – idaṃ taṃ rūpaṃ na viññatti .

666. Katamaṃ taṃ rūpaṃ cittasamuṭṭhānaṃ ?

Kāyaviññatti vacīviññatti yaṃT0.219 vā panaññampi atthi rūpaṃ cittajaṃ cittahetukaṃ cittasamuṭṭhānaṃ rūpāyatanaṃ saddāyatanaṃ gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa lahutā rūpassa mudutā rūpassa kammaññatā rūpassa upacayo rūpassa santati kabaḷīkāro āhāro – idaṃ taṃ rūpaṃ cittasamuṭṭhānaṃ .

667. Katamaṃ taṃ rūpaṃ na cittasamuṭṭhānaṃ ?

Cakkhāyatanaṃ … pe … kāyāyatanaṃ itthindriyaṃ purisindriyaṃ jīvitindriyaṃ rūpassa jaratā rūpassa aniccatā , yaṃ vā panaññampi atthi rūpaṃ na cittajaṃ na cittahetukaṃ na cittasamuṭṭhānaṃ rūpāyatanaṃ saddāyatanaṃM0.173 gandhāyatanaṃP0.148 rasāyatanaṃ phoṭṭhabbāyatanaṃ ākāsadhātu āpodhātu rūpassa lahutā rūpassa mudutā rūpassa kammaññatā rūpassa upacayo rūpassa santati kabaḷīkāro āhāro – idaṃ taṃ rūpaṃ na cittasamuṭṭhānaṃ .

668. Katamaṃ taṃ rūpaṃ cittasahabhu ?

Kāyaviññatti vacīviññatti – idaṃ taṃ rūpaṃ cittasahabhu .

669. Katamaṃ taṃ rūpaṃ na cittasahabhu ?

Cakkhāyatanaṃ … pe … kabaḷīkāro āhāro – idaṃ taṃ rūpaṃ na cittasahabhu .

670. Katamaṃ taṃ rūpaṃ cittānuparivatti ?

Kāyaviññatti vacīviññatti – idaṃ taṃ rūpaṃ cittānuparivatti .

671. KatamaṃV0.187 taṃ rūpaṃ na cittānuparivatti ?

Cakkhāyatanaṃ … pe … kabaḷīkāro āhāro – idaṃ taṃ rūpaṃ na cittānuparivatti .

672. Katamaṃ taṃ rūpaṃ ajjhattikaṃ ?

Cakkhāyatanaṃ … pe … kāyāyatanaṃ – idaṃ taṃ rūpaṃ ajjhattikaṃ .

673. Katamaṃ taṃ rūpaṃ bāhiraṃ ?

Rūpāyatanaṃ … pe … kabaḷīkāro āhāro – idaṃ taṃ rūpaṃ bāhiraṃ .

674. KatamaṃT0.220 taṃ rūpaṃ oḷārikaṃ ?

Cakkhāyatanaṃ … pe … phoṭṭhabbāyatanaṃ – idaṃ taṃ rūpaṃ oḷārikaṃ .

675. Katamaṃ taṃ rūpaṃ sukhumaṃ ?

Itthindriyaṃ … pe … kabaḷīkāro āhāro – idaṃ taṃ rūpaṃ sukhumaṃ .

676. Katamaṃ taṃ rūpaṃ dūre ?

Itthindriyaṃ … pe … kabaḷīkāro āhāro – idaṃ taṃ rūpaṃ dūre .

677. Katamaṃ taṃ rūpaṃ santike ?

Cakkhāyatanaṃ … pe … phoṭṭhabbāyatanaṃ – idaṃ taṃ rūpaṃ santike .

678. Katamaṃ taṃ rūpaṃ cakkhusamphassassa vatthu ?

Cakkhāyatanaṃ – idaṃ taṃ rūpaṃ cakkhusamphassassa vatthu .

679. KatamaṃM0.174 taṃ rūpaṃ cakkhusamphassassa na vatthu ?

Sotāyatanaṃ … pe … kabaḷīkāro āhāro – idaṃ taṃ rūpaṃ cakkhusamphassassa na vatthu .

680. KatamaṃP0.149 taṃ rūpaṃ cakkhusamphassajāya vedanāya … pe … saññāya … pe … cetanāyaV0.188 … pe … cakkhuviññāṇassa vatthu ?

Cakkhāyatanaṃ – idaṃ taṃ rūpaṃ cakkhuviññāṇassa vatthu .

681. Katamaṃ taṃ rūpaṃ cakkhuviññāṇassa na vatthu ?

Sotāyatanaṃ … pe … kabaḷīkāro āhāro – idaṃ taṃ rūpaṃ cakkhuviññāṇassa na vatthu .

682. Katamaṃ taṃ rūpaṃ sotasamphassassa … pe … ghānasamphassassa … pe … jivhāsamphassassa … pe … kāyasamphassassa vatthu ?

Kāyāyatanaṃ – idaṃ taṃ rūpaṃ kāyasamphassassa vatthu .

683. Katamaṃ taṃ rūpaṃ kāyasamphassassa na vatthu ?

Cakkhāyatanaṃ … pe … kabaḷīkāro āhāro – idaṃ taṃ rūpaṃ kāyasamphassassa na vatthu .

684. KatamaṃT0.221 taṃ rūpaṃ kāyasamphassajāya vedanāya … pe … saññāya … pe … cetanāya … pe … kāyaviññāṇassa vatthu ?

Kāyāyatanaṃ – idaṃ taṃ rūpaṃ kāyaviññāṇassa vatthu .

685. Katamaṃ taṃ rūpaṃ kāyaviññāṇassa na vatthu ?

Cakkhāyatanaṃ … pe … kabaḷīkāro āhāro – idaṃ taṃ rūpaṃ kāyaviññāṇassa na vatthu .

686. Katamaṃ taṃ rūpaṃ cakkhusamphassassa ārammaṇaṃ ?

Rūpāyatanaṃ – idaṃ taṃ rūpaṃ cakkhusamphassassa ārammaṇaṃ .

687. Katamaṃ taṃ rūpaṃ cakkhusamphassassa na ārammaṇaṃ ?

Cakkhāyatanaṃ … pe … kabaḷīkāro āhāro – idaṃ taṃ rūpaṃ cakkhusamphassassa na ārammaṇaṃ .

688. Katamaṃ taṃ rūpaṃ cakkhusamphassajāya vedanāya … pe … saññāya … pe … cetanāya … pe … cakkhuviññāṇassa ārammaṇaṃ ?

Rūpāyatanaṃ – idaṃ taṃ rūpaṃ cakkhuviññāṇassa ārammaṇaṃ .

689. Katamaṃ taṃ rūpaṃ cakkhuviññāṇassa na ārammaṇaṃ ?

Cakkhāyatanaṃ … pe … kabaḷīkāro āhāro – idaṃ taṃ rūpaṃ cakkhuviññāṇassa na ārammaṇaṃ .

690. KatamaṃM0.175V0.189 taṃ rūpaṃ sotasamphassassa … pe … ghānasamphassassaP0.150 … pe … jivhāsamphassassa … pe … kāyasamphassassa ārammaṇaṃ ?

Phoṭṭhabbāyatanaṃ – idaṃ taṃ rūpaṃ kāyasamphassassa ārammaṇaṃ .

691. Katamaṃ taṃ rūpaṃ kāyasamphassassa na ārammaṇaṃ ?

Cakkhāyatanaṃ … pe … kabaḷīkāro āhāro – idaṃ taṃ rūpaṃ kāyasamphassassa na ārammaṇaṃ .

692. Katamaṃ taṃ rūpaṃ kāyasamphassajāya vedanāya … pe … saññāya … pe … cetanāya … pe …T0.222 kāyaviññāṇassa ārammaṇaṃ ?

Phoṭṭhabbāyatanaṃ – idaṃ taṃ rūpaṃ kāyaviññāṇassa ārammaṇaṃ .

693. Katamaṃ taṃ rūpaṃ kāyaviññāṇassa na ārammaṇaṃ ?

Cakkhāyatanaṃ … pe … kabaḷīkāro āhāro – idaṃ taṃ rūpaṃ kāyaviññāṇassa na ārammaṇaṃ .

694. Katamaṃ taṃ rūpaṃ cakkhāyatanaṃ ?

Yaṃ cakkhu catunnaṃ mahābhūtānaṃ upādāya pasādo … pe … suñño gāmo peso – idaṃ taṃ rūpaṃ cakkhāyatanaṃ .

695. Katamaṃ taṃ rūpaṃ na cakkhāyatanaṃ ?

Sotāyatanaṃ … pe … kabaḷīkāro āhāro – idaṃ taṃ rūpaṃ na cakkhāyatanaṃ .

696. Katamaṃ taṃ rūpaṃ sotāyatanaṃ … pe … ghānāyatanaṃ … pe … jivhāyatanaṃ … pe … kāyāyatanaṃ ?

Yo kāyo catunnaṃ mahābhūtānaṃ upādāya pasādo … pe … suñño gāmo peso – idaṃ taṃ rūpaṃ kāyāyatanaṃ .

697. Katamaṃ taṃ rūpaṃ na kāyāyatanaṃ ?

Cakkhāyatanaṃ … pe … kabaḷīkāro āhāro – idaṃ taṃ rūpaṃ na kāyāyatanaṃ .

698. KatamaṃV0.190 taṃ rūpaṃ rūpāyatanaṃ ?

Yaṃ rūpaṃ catunnaṃ mahābhūtānaṃ upādāya vaṇṇanibhā … pe … rūpadhātu pesā – idaṃ taṃ rūpaṃ rūpāyatanaṃ .

699. Katamaṃ taṃ rūpaṃ na rūpāyatanaṃ ?

Cakkhāyatanaṃ … pe … kabaḷīkāro āhāro – idaṃ taṃ rūpaṃ na rūpāyatanaṃ .

700. Katamaṃ taṃ rūpaṃ saddāyatanaṃ … pe … gandhāyatanaṃP0.151 … pe … rasāyatanaṃ … pe … phoṭṭhabbāyatanaṃ ?

Pathavīdhātu … pe … phoṭṭhabbadhātu pesā – idaṃ taṃ rūpaṃ phoṭṭhabbāyatanaṃ .

701. Katamaṃ taṃ rūpaṃ na phoṭṭhabbāyatanaṃT0.223 ?

Cakkhāyatanaṃ … pe … kabaḷīkāro āhāro – idaṃ taṃ rūpaṃ na phoṭṭhabbāyatanaṃ .

702. KatamaṃM0.176 taṃ rūpaṃ cakkhudhātu ?

Cakkhāyatanaṃ – idaṃ taṃ rūpaṃ cakkhudhātu .

703. Katamaṃ taṃ rūpaṃ na cakkhudhātu ?

Sotāyatanaṃ … pe … kabaḷīkāro āhāro – idaṃ taṃ rūpaṃ na cakkhudhātu .

704. Katamaṃ taṃ rūpaṃ sotadhātu … pe … ghānadhātu … pe … jivhādhātu … pe … kāyadhātu ?

Kāyāyatanaṃ – idaṃ taṃ rūpaṃ kāyadhātu .

705. Katamaṃ taṃ rūpaṃ na kāyadhātu ?

Cakkhāyatanaṃ … pe … kabaḷīkāro āhāro – idaṃ taṃ rūpaṃ na kāyadhātu .

706. Katamaṃ taṃ rūpaṃ rūpadhātu ?

Rūpāyatanaṃ – idaṃ taṃ rūpaṃ rūpadhātu .

707. Katamaṃ taṃ rūpaṃ na rūpadhātu ?

Cakkhāyatanaṃ … pe … kabaḷīkāro āhāro – idaṃ taṃ rūpaṃ na rūpadhātu .

708. KatamaṃV0.191 taṃ rūpaṃ saddadhātu … pe … gandhadhātu … pe … rasadhātu … pe … phoṭṭhabbadhātu ?

Phoṭṭhabbāyatanaṃ – idaṃ taṃ rūpaṃ phoṭṭhabbadhātu .

709. Katamaṃ taṃ rūpaṃ na phoṭṭhabbadhātu ?

Cakkhāyatanaṃ … pe … kabaḷīkāro āhāro – idaṃ taṃ rūpaṃ na phoṭṭhabbadhātu .

710. Katamaṃ taṃ rūpaṃ cakkhundriyaṃ ?

Yaṃ cakkhu catunnaṃ mahābhūtānaṃ upādāya pasādo … pe … suñño gāmo peso – idaṃ taṃ rūpaṃ cakkhundriyaṃ .

711. Katamaṃ taṃ rūpaṃ na cakkhundriyaṃ ?

Sotāyatanaṃ … pe … kabaḷīkāro āhāro – idaṃ taṃ rūpaṃ na cakkhundriyaṃ .

712. KatamaṃT0.224 taṃ rūpaṃ sotindriyaṃ … pe … ghānindriyaṃ … pe … jivhindriyaṃ … pe … kāyindriyaṃ ?

Yo kāyo catunnaṃ mahābhūtānaṃ upādāya pasādo … pe … suñño gāmo peso – idaṃ taṃ rūpaṃ kāyindriyaṃ .

713. Katamaṃ taṃ rūpaṃ na kāyindriyaṃ ?

Cakkhāyatanaṃ … pe … kabaḷīkāro āhāro – idaṃ taṃ rūpaṃ na kāyindriyaṃ .

714. Katamaṃ taṃ rūpaṃ itthindriyaṃ ?

YaṃP0.152 itthiyā itthiliṅgaṃ itthinimittaṃ itthikuttaṃ itthākappo itthattaṃ itthibhāvo – idaṃ taṃ rūpaṃ itthindriyaṃ .

715. KatamaṃM0.177 taṃ rūpaṃ na itthindriyaṃ ?

Cakkhāyatanaṃ … pe … kabaḷīkāro āhāro – idaṃ taṃ rūpaṃ na itthindriyaṃ .

716. KatamaṃV0.192 taṃ rūpaṃ purisindriyaṃ ?

Yaṃ purisassa purisaliṅgaṃ purisanimittaṃ purisakuttaṃ purisākappo purisattaṃ purisabhāvo – idaṃ taṃ rūpaṃ purisindriyaṃ .

717. Katamaṃ taṃ rūpaṃ na purisindriyaṃ ?

Cakkhāyatanaṃ … pe … kabaḷīkāro āhāro – idaṃ taṃ rūpaṃ na purisindriyaṃ .

718. Katamaṃ taṃ rūpaṃ jīvitindriyaṃ ?

Yo tesaṃ rūpīnaṃ dhammānaṃ āyu ṭhiti yapanā yāpanā iriyanā vattanā pālanā jīvitaṃ jīvitindriyaṃ – idaṃ taṃ rūpaṃ jīvitindriyaṃ .

719. Katamaṃ taṃ rūpaṃ na jīvitindriyaṃ ?

Cakkhāyatanaṃ … pe … kabaḷīkāro āhāro – idaṃ taṃ rūpaṃ na jīvitindriyaṃ .

720. Katamaṃ taṃ rūpaṃ kāyaviññatti ?

Yā kusalacittassa vā akusalacittassa vā abyākatacittassa vā abhikkamantassa vā paṭikkamantassa vā ālokentassa vā vilokentassa vā samiñjentassaT0.225 vā pasārentassa vā kāyassa thambhanā santhambhanā santhambhitattaṃ viññatti viññāpanā viññāpitattaṃ – idaṃ taṃ rūpaṃ kāyaviññatti .

721. Katamaṃ taṃ rūpaṃ na kāyaviññatti ?

Cakkhāyatanaṃ … pe … kabaḷīkāro āhāro – idaṃ taṃ rūpaṃ na kāyaviññatti .

722. Katamaṃ taṃ rūpaṃ vacīviññatti ?

Yā kusalacittassa vā akusalacittassa vā abyākatacittassa vā vācā girā byappatho udīraṇaṃ ghoso ghosakammaṃ vācā vacībhedo , ayaṃ vuccati vācā .

Yā tāya vācāya viññatti viññāpanā viññāpitattaṃ – idaṃ taṃ rūpaṃ vacīviññatti .

723. Katamaṃ taṃ rūpaṃ na vacīviññatti ?

Cakkhāyatanaṃ … pe … kabaḷīkāro āhāro – idaṃ taṃ rūpaṃ na vacīviññatti .

724. Katamaṃ taṃ rūpaṃ ākāsadhātu ?

Yo ākāso ākāsagataṃ aghaṃ aghagataṃ vivaro vivaragataṃ asamphuṭṭhaṃ catūhi mahābhūtehi – idaṃ taṃ rūpaṃ ākāsadhātu .

725. KatamaṃM0.178V0.193 taṃ rūpaṃ na ākāsadhātu ?

CakkhāyatanaṃP0.153 … pe … kabaḷīkāro āhāro – idaṃ taṃ rūpaṃ na ākāsadhātu .

726. Katamaṃ taṃ rūpaṃ āpodhātu ?

Yaṃ āpo āpogataṃ sineho sinehagataṃ bandhanattaṃ rūpassa – idaṃ taṃ rūpaṃ āpodhātu .

727. Katamaṃ taṃ rūpaṃ na āpodhātu ?

Cakkhāyatanaṃ … pe … kabaḷīkāro āhāro – idaṃ taṃ rūpaṃ na āpodhātu .

728. Katamaṃ taṃ rūpaṃ rūpassa lahutā ?

Yā rūpassa lahutā lahupariṇāmatā adandhanatā avitthanatā – idaṃ taṃ rūpaṃ rūpassa lahutāT0.226 .

729. Katamaṃ taṃ rūpaṃ rūpassa na lahutā ?

Cakkhāyatanaṃ … pe … kabaḷīkāro āhāro – idaṃ taṃ rūpaṃ rūpassa na lahutā .

730. Katamaṃ taṃ rūpaṃ rūpassa mudutā ?

Yā rūpassa mudutā maddavatā akakkhaḷatā akathinatā – idaṃ taṃ rūpaṃ rūpassa mudutā .

731. Katamaṃ taṃ rūpaṃ rūpassa na mudutā ?

Cakkhāyatanaṃ … pe … kabaḷīkāro āhāro – idaṃ taṃ rūpaṃ rūpassa na mudutā .

732. Katamaṃ taṃ rūpaṃ rūpassa kammaññatā ?

Yā rūpassa kammaññatā kammaññattaṃ kammaññabhāvo – idaṃ taṃ rūpaṃ rūpassa kammaññatā .

733. Katamaṃ taṃ rūpaṃ rūpassa na kammaññatā ?

Cakkhāyatanaṃ … pe … kabaḷīkāro āhāro – idaṃ taṃ rūpaṃ rūpassa na kammaññatā .

734. KatamaṃV0.194 taṃ rūpaṃ rūpassa upacayo ?

Yo āyatanānaṃ ācayo , so rūpassa upacayo – idaṃ taṃ rūpaṃ rūpassa upacayo .

735. Katamaṃ taṃ rūpaṃ rūpassa na upacayo ?

Cakkhāyatanaṃ … pe … kabaḷīkāro āhāro – idaṃ taṃ rūpaṃ rūpassa na upacayo .

736. Katamaṃ taṃ rūpaṃ rūpassa santati ?

Yo rūpassa upacayo , sā rūpassa santati – idaṃ taṃ rūpaṃ rūpassa santati .

737. Katamaṃ taṃ rūpaṃ rūpassa na santati ?

Cakkhāyatanaṃ … pe … kabaḷīkāro āhāro – idaṃ taṃ rūpaṃ rūpassa na santati .

738. KatamaṃM0.179P0.154 taṃ rūpaṃ rūpassa jaratā ?

Yā rūpassa jarā jīraṇatā khaṇḍiccaṃ pāliccaṃ valittacatā āyuno saṃhāni indriyānaṃ paripākoT0.227 – idaṃ taṃ rūpaṃ rūpassa jaratā .

739. Katamaṃ taṃ rūpaṃ rūpassa na jaratā ?

Cakkhāyatanaṃ … pe … kabaḷīkāro āhāro – idaṃ taṃ rūpaṃ rūpassa na jaratā .

740. Katamaṃ taṃ rūpaṃ rūpassa aniccatā ?

Yo rūpassa khayo vayo bhedo paribhedo aniccatā antaradhānaṃ – idaṃ taṃ rūpaṃ rūpassa aniccatā .

741. Katamaṃ taṃ rūpaṃ rūpassa na aniccatā ?

Cakkhāyatanaṃ … pe … kabaḷīkāro āhāro – idaṃ taṃ rūpaṃ rūpassa na aniccatā .

742. Katamaṃ taṃ rūpaṃ kabaḷīkāro āhāro ?

Odano kummāso sattu maccho maṃsaṃ khīraṃ dadhi sappi navanītaṃ telaṃ madhu phāṇitaṃ , yaṃ vā panaññampi atthi rūpaṃ yamhi yamhi janapade tesaṃ tesaṃ sattānaṃ mukhāsiyaṃ dantavikhādanaṃ galajjhoharaṇīyaṃ kucchivitthambhanaṃ , yāya ojāya sattā yāpenti – idaṃ taṃ rūpaṃ kabaḷīkāro āhāro .

743. KatamaṃV0.195 taṃ rūpaṃ na kabaḷīkāro āhāro ?

Cakkhāyatanaṃ … pe … rūpassa aniccatā – idaṃ taṃ rūpaṃ na kabaḷīkāro āhāro .

Evaṃ duvidhena rūpasaṅgaho .

Dukaniddeso .

Tikaniddeso

744. Katamaṃ taṃ rūpaṃ ajjhattikaṃ upādā ?

Cakkhāyatanaṃ … pe … kāyāyatanaṃ – idaṃ taṃ rūpaṃ ajjhattikaṃ upādā .

745. Katamaṃ taṃ rūpaṃ bāhiraṃ upādā ?

Rūpāyatanaṃ … pe … kabaḷīkāro āhāro – idaṃ taṃ rūpaṃ bāhiraṃ upādā .

746. Katamaṃ taṃ rūpaṃ bāhiraṃ no upādā ?

PhoṭṭhabbāyatanaṃT0.228 āpodhātu – idaṃ taṃ rūpaṃ bāhiraṃ no upādā .

747. KatamaṃM0.180 taṃ rūpaṃ ajjhattikaṃ upādiṇṇaṃ ?

Cakkhāyatanaṃ … pe … kāyāyatanaṃ – idaṃ taṃ rūpaṃ ajjhattikaṃ upādiṇṇaṃ .

748. KatamaṃP0.155 taṃ rūpaṃ bāhiraṃ upādiṇṇaṃ ?

Itthindriyaṃ purisindriyaṃ jīvitindriyaṃ , yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ bāhiraṃ upādiṇṇaṃ .

749. Katamaṃ taṃ rūpaṃ bāhiraṃ anupādiṇṇaṃ ?

Saddāyatanaṃ kāyaviññatti vacīviññatti rūpassaV0.196 lahutā rūpassa mudutā rūpassa kammaññatā rūpassa jaratā rūpassa aniccatā , yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ bāhiraṃ anupādiṇṇaṃ .

750. Katamaṃ taṃ rūpaṃ ajjhattikaṃ upādiṇṇupādāniyaṃ .

Cakkhāyatanaṃ … pe … kāyāyatanaṃ – idaṃ taṃ rūpaṃ ajjhattikaṃ upādiṇṇupādāniyaṃ .

751. Katamaṃ taṃ rūpaṃ bāhiraṃ upādiṇṇupādāniyaṃ ?

752. Katamaṃ taṃ rūpaṃ bāhiraṃ anupādiṇṇupādāniyaṃT0.229 ?

753. Katamaṃ taṃ rūpaṃ ajjhattikaṃ anidassanaṃ ?

Cakkhāyatanaṃ … pe … kāyāyatanaṃ – idaṃ taṃ rūpaṃ ajjhattikaṃ anidassanaṃ .

754. Katamaṃ taṃ rūpaṃ bāhiraṃ sanidassanaṃ ?

Rūpāyatanaṃ – idaṃ taṃ rūpaṃ bāhiraṃ sanidassanaṃ .

755. KatamaṃM0.181 taṃ rūpaṃ bāhiraṃ anidassanaṃ ?

SaddāyatanaṃP0.156 … pe … kabaḷīkāro āhāro – idaṃ taṃ rūpaṃ bāhiraṃ anidassanaṃ .

756. KatamaṃV0.197 taṃ rūpaṃ ajjhattikaṃ sappaṭighaṃ ?

Cakkhāyatanaṃ … pe … kāyāyatanaṃ – idaṃ taṃ rūpaṃ ajjhattikaṃ sappaṭighaṃ .

757. Katamaṃ taṃ rūpaṃ bāhiraṃ sappaṭighaṃ ?

Rūpāyatanaṃ … pe … phoṭṭhabbāyatanaṃ – idaṃ taṃ rūpaṃ bāhiraṃ sappaṭighaṃ .

758. Katamaṃ taṃ rūpaṃ bāhiraṃ appaṭighaṃ ?

Itthindriyaṃ … pe … kabaḷīkāro āhāro – idaṃ taṃ rūpaṃ bāhiraṃ appaṭighaṃ .

759. Katamaṃ taṃ rūpaṃ ajjhattikaṃ indriyaṃ ?

Cakkhundriyaṃ … pe … kāyindriyaṃ – idaṃ taṃ rūpaṃ ajjhattikaṃ indriyaṃ .

760. Katamaṃ taṃ rūpaṃ bāhiraṃ indriyaṃ ?

Itthindriyaṃ purisindriyaṃ jīvitindriyaṃ – idaṃ taṃ rūpaṃ bāhiraṃ indriyaṃ .

761. Katamaṃ taṃ rūpaṃ bāhiraṃ na indriyaṃ ?

Rūpāyatanaṃ … pe … kabaḷīkāroT0.230 āhāro – idaṃ taṃ rūpaṃ bāhiraṃ na indriyaṃ .

762. Katamaṃ taṃ rūpaṃ ajjhattikaṃ na mahābhūtaṃ ?

Cakkhāyatanaṃ … pe … kāyāyatanaṃ – idaṃ taṃ rūpaṃ ajjhattikaṃ na mahābhūtaṃ .

763. Katamaṃ taṃ rūpaṃ bāhiraṃ mahābhūtaṃ ?

Phoṭṭhabbāyatanaṃ āpodhātu – idaṃ taṃ rūpaṃ bāhiraṃ mahābhūtaṃ .

764. Katamaṃ taṃ rūpaṃ bāhiraṃ na mahābhūtaṃ ?

Rūpāyatanaṃ … pe … kabaḷīkāro āhāro – idaṃ taṃ rūpaṃ bāhiraṃ na mahābhūtaṃ .

765. Katamaṃ taṃ rūpaṃ ajjhattikaṃ na viññatti ?

Cakkhāyatanaṃ … pe … kāyāyatanaṃ – idaṃ taṃ rūpaṃ ajjhattikaṃ na viññatti ?

766. Katamaṃ taṃ rūpaṃ bāhiraṃ viññatti ?

Kāyaviññatti vacīviññatti – idaṃ taṃ rūpaṃ bāhiraṃ viññatti .

767. KatamaṃV0.198 taṃ rūpaṃ bāhiraṃ na viññatti ?

Rūpāyatanaṃ … pe … kabaḷīkāro āhāro – idaṃ taṃ rūpaṃ bāhiraṃ na viññatti .

768. KatamaṃM0.182P0.157 taṃ rūpaṃ ajjhattikaṃ na cittasamuṭṭhānaṃ ?

Cakkhāyatanaṃ … pe … kāyāyatanaṃ – idaṃ taṃ rūpaṃ ajjhattikaṃ na cittasamuṭṭhānaṃ .

769. Katamaṃ taṃ rūpaṃ bāhiraṃ cittasamuṭṭhānaṃ ?

Kāyaviññatti vacīviññatti , yaṃ vā panaññampi atthi rūpaṃ cittajaṃ cittahetukaṃ cittasamuṭṭhānaṃ rūpāyatanaṃ saddāyatanaṃ gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa lahutā rūpassa mudutā rūpassa kammaññatā rūpassa upacayo rūpassa santati kabaḷīkāro āhāro – idaṃ taṃ rūpaṃ bāhiraṃ cittasamuṭṭhānaṃ .

770. Katamaṃ taṃ rūpaṃ bāhiraṃ na cittasamuṭṭhānaṃ ?

Itthindriyaṃ purisindriyaṃ jīvitindriyaṃ rūpassa jaratā rūpassa aniccatā , yaṃT0.231 vā panaññampi atthi rūpaṃ na cittajaṃ na cittahetukaṃ na cittasamuṭṭhānaṃ rūpāyatanaṃ saddāyatanaṃ gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa lahutā rūpassa mudutā rūpassa kammaññatā rūpassa upacayo rūpassa santati kabaḷīkāro āhāro – idaṃ taṃ rūpaṃ bāhiraṃ na cittasamuṭṭhānaṃ .

771. Katamaṃ taṃ rūpaṃ ajjhattikaṃ na cittasahabhu ?

Cakkhāyatanaṃ … pe … kāyāyatanaṃ – idaṃ taṃ rūpaṃ ajjhattikaṃ na cittasahabhu .

772. Katamaṃ taṃ rūpaṃ bāhiraṃ cittasahabhu ?

Kāyaviññatti vacīviññatti – idaṃ taṃ rūpaṃ bāhiraṃ cittasahabhu .

773. Katamaṃ taṃ rūpaṃ bāhiraṃ na cittasahabhu ?

Rūpāyatanaṃ … pe … kabaḷīkāro āhāro – idaṃ taṃ rūpaṃ bāhiraṃ na cittasahabhu ?

774. KatamaṃV0.199 taṃ rūpaṃ ajjhattikaṃ na cittānuparivatti ?

Cakkhāyatanaṃ … pe … kāyāyatanaṃ – idaṃ taṃ rūpaṃ ajjhattikaṃ na cittānuparivatti .

775. Katamaṃ taṃ rūpaṃ bāhiraṃ cittānuparivatti ?

Kāyaviññatti vacīviññatti – idaṃ taṃ rūpaṃ bāhiraṃ cittānuparivatti .

776. Katamaṃ taṃ rūpaṃ bāhiraṃ na cittānuparivatti ?

Rūpāyatanaṃ … pe … kabaḷīkāro āhāro – idaṃ taṃ rūpaṃ bāhiraṃ na cittānuparivatti .

777. Katamaṃ taṃ rūpaṃ ajjhattikaṃ oḷārikaṃ ?

CakkhāyatanaṃP0.158 … pe … kāyāyatanaṃ – idaṃ taṃ rūpaṃ ajjhattikaṃ oḷārikaṃ .

778. KatamaṃM0.183 taṃ rūpaṃ bāhiraṃ oḷārikaṃ ?

Rūpāyatanaṃ … pe … phoṭṭhabbāyatanaṃ – idaṃ taṃ rūpaṃ bāhiraṃ oḷārikaṃ .

779. Katamaṃ taṃ rūpaṃ bāhiraṃ sukhumaṃ ?

Itthindriyaṃ … pe … kabaḷīkāroT0.232 āhāro – idaṃ taṃ rūpaṃ bāhiraṃ sukhumaṃ .

780. Katamaṃ taṃ rūpaṃ ajjhattikaṃ santike ?

Cakkhāyatanaṃ … pe … kāyāyatanaṃ – idaṃ taṃ rūpaṃ ajjhattikaṃ santike .

781. Katamaṃ taṃ rūpaṃ bāhiraṃ dūre ?

Itthindriyaṃ … pe … kabaḷīkāro āhāro – idaṃ taṃ rūpaṃ bāhiraṃ dūre .

782. Katamaṃ taṃ rūpaṃ bāhiraṃ santike ?

Rūpāyatanaṃ … pe … phoṭṭhabbāyatanaṃ – idaṃ taṃ rūpaṃ bāhiraṃ santike .

783. KatamaṃV0.200 taṃ rūpaṃ bāhiraṃ cakkhusamphassassa na vatthu ?

Rūpāyatanaṃ … pe … kabaḷīkāro āhāro – idaṃ taṃ rūpaṃ bāhiraṃ cakkhusamphassassa na vatthu .

784. Katamaṃ taṃ rūpaṃ ajjhattikaṃ cakkhusamphassassa vatthu ?

Cakkhāyatanaṃ – idaṃ taṃ rūpaṃ ajjhattikaṃ cakkhusamphassassa vatthu .

785. Katamaṃ taṃ rūpaṃ ajjhattikaṃ cakkhusamphassassa na vatthu ?

Sotāyatanaṃ … pe … kāyāyatanaṃ – idaṃ taṃ rūpaṃ ajjhattikaṃ cakkhusamphassassa na vatthu .

786. Katamaṃ taṃ rūpaṃ bāhiraṃ cakkhusamphassajāya vedanāya … pe … saññāya … pe … cetanāya … pe … cakkhuviññāṇassa na vatthu ?

Rūpāyatanaṃ … pe … kabaḷīkāro āhāro – idaṃ taṃ rūpaṃ bāhiraṃ cakkhuviññāṇassa na vatthu .

787. Katamaṃ taṃ rūpaṃ ajjhattikaṃ cakkhuviññāṇassa vatthu ?

Cakkhāyatanaṃ – idaṃ taṃ rūpaṃ ajjhattikaṃ cakkhuviññāṇassa vatthu .

788. KatamaṃP0.159 taṃ rūpaṃ ajjhattikaṃ cakkhuviññāṇassa na vatthu ?

Sotāyatanaṃ … pe … kāyāyatanaṃ – idaṃ taṃ rūpaṃ ajjhattikaṃ cakkhuviññāṇassa na vatthu ?

789. KatamaṃT0.233 taṃ rūpaṃ bāhiraṃ sotasamphassassa … pe … ghānasamphassassa … pe … jivhāsamphassassa … pe … kāyasamphassassa na vatthu ?

Rūpāyatanaṃ … pe … kabaḷīkāro āhāro – idaṃ taṃ rūpaṃ bāhiraṃ kāyasamphassassa na vatthu .

790. Katamaṃ taṃ rūpaṃ ajjhattikaṃ kāyasamphassassa vatthu ?

Kāyāyatanaṃ – idaṃ taṃ rūpaṃ ajjhattikaṃ kāyasamphassassa vatthu .

791. KatamaṃM0.184 taṃ rūpaṃ ajjhattikaṃ kāyasamphassassa na vatthu ?

Cakkhāyatanaṃ … pe … jivhāyatanaṃ – idaṃ taṃ rūpaṃ ajjhattikaṃ kāyasamphassassa na vatthu .

792. KatamaṃV0.201 taṃ rūpaṃ bāhiraṃ kāyasamphassajāya vedanāya … pe … saññāya … pe … cetanāya … pe … kāyaviññāṇassa na vatthu ?

Rūpāyatanaṃ … pe … kabaḷīkāro āhāro – idaṃ taṃ rūpaṃ bāhiraṃ kāyaviññāṇassa na vatthu .

793. Katamaṃ taṃ rūpaṃ ajjhattikaṃ kāyaviññāṇassa vatthu ?

Kāyāyatanaṃ – idaṃ taṃ rūpaṃ ajjhattikaṃ kāyaviññāṇassa vatthu .

794. Katamaṃ taṃ rūpaṃ ajjhattikaṃ kāyaviññāṇassa na vatthu ?

Cakkhāyatanaṃ … pe … jivhāyatanaṃ – idaṃ taṃ rūpaṃ ajjhattikaṃ kāyaviññāṇassa na vatthu .

795. Katamaṃ taṃ rūpaṃ ajjhattikaṃ cakkhusamphassassa na ārammaṇaṃ ?

Cakkhāyatanaṃ … pe … kāyāyatanaṃ – idaṃ taṃ rūpaṃ ajjhattikaṃ cakkhusamphassassa na ārammaṇaṃ .

796. Katamaṃ taṃ rūpaṃ bāhiraṃ cakkhusamphassassa ārammaṇaṃ ?

Rūpāyatanaṃ – idaṃ taṃ rūpaṃ bāhiraṃ cakkhusamphassassa ārammaṇaṃ .

797. KatamaṃP0.160 taṃ rūpaṃ bāhiraṃ cakkhusamphassassa na ārammaṇaṃ ?

Saddāyatanaṃ … pe …T0.234 kabaḷīkāro āhāro – idaṃ taṃ rūpaṃ bāhiraṃ cakkhusamphassassa na ārammaṇaṃ .

798. Katamaṃ taṃ rūpaṃ ajjhattikaṃ cakkhusamphassajāya vedanāya … pe … saññāya … pe … cetanāya … pe … cakkhuviññāṇassa na ārammaṇaṃ ?

Cakkhāyatanaṃ … pe … kāyāyatanaṃ – idaṃ taṃ rūpaṃ ajjhattikaṃ cakkhuviññāṇassa na ārammaṇaṃ .

799. Katamaṃ taṃ rūpaṃ bāhiraṃ cakkhuviññāṇassa ārammaṇaṃ ?

Rūpāyatanaṃ – idaṃ taṃ rūpaṃ bāhiraṃ cakkhuviññāṇassa ārammaṇaṃ .

800. Katamaṃ taṃ rūpaṃ bāhiraṃ cakkhuviññāṇassa na ārammaṇaṃ ?

Saddāyatanaṃ … pe … kabaḷīkāro āhāro – idaṃ taṃ rūpaṃ bāhiraṃ cakkhuviññāṇassa na ārammaṇaṃ .

801. KatamaṃV0.202 taṃ rūpaṃ ajjhattikaṃ sotasamphassassa … pe … ghānasamphassassa … pe … jivhāsamphassassa … pe … kāyasamphassassa na ārammaṇaṃ ?

Cakkhāyatanaṃ … pe …M0.185 kāyāyatanaṃ – idaṃ taṃ rūpaṃ ajjhattikaṃ kāyasamphassassa na ārammaṇaṃ .

802. Katamaṃ taṃ rūpaṃ bāhiraṃ kāyasamphassassa ārammaṇaṃ ?

Phoṭṭhabbāyatanaṃ – idaṃ taṃ rūpaṃ bāhiraṃ kāyasamphassassa ārammaṇaṃ .

803. Katamaṃ taṃ rūpaṃ bāhiraṃ kāyasamphassassa na ārammaṇaṃ ?

Rūpāyatanaṃ … pe … kabaḷīkāro āhāro – idaṃ taṃ rūpaṃ bāhiraṃ kāyasamphassassa na ārammaṇaṃ .

804. Katamaṃ taṃ rūpaṃ ajjhattikaṃ kāyasamphassajāya vedanāya … pe … saññāya … pe … cetanāya … pe … kāyaviññāṇassa na ārammaṇaṃ ?

Cakkhāyatanaṃ … pe …T0.235 kāyāyatanaṃ – idaṃ taṃ rūpaṃ ajjhattikaṃ kāyaviññāṇassa na ārammaṇaṃ .

805. Katamaṃ taṃ rūpaṃ bāhiraṃ kāyaviññāṇassa ārammaṇaṃ ?

PhoṭṭhabbāyatanaṃP0.161 – idaṃ taṃ rūpaṃ bāhiraṃ kāyaviññāṇassa ārammaṇaṃ .

806. Katamaṃ taṃ rūpaṃ bāhiraṃ kāyaviññāṇassa na ārammaṇaṃ ?

Rūpāyatanaṃ … pe … kabaḷīkāro āhāro – idaṃ taṃ rūpaṃ bāhiraṃ kāyaviññāṇassa na ārammaṇaṃ .

807. Katamaṃ taṃ rūpaṃ bāhiraṃ na cakkhāyatanaṃ ?

Rūpāyatanaṃ … pe … kabaḷīkāro āhāro – idaṃ taṃ rūpaṃ bāhiraṃ na cakkhāyatanaṃ .

808. Katamaṃ taṃ rūpaṃ ajjhattikaṃ cakkhāyatanaṃ ?

Yaṃ cakkhu catunnaṃ mahābhūtānaṃ upādāya pasādo … pe … suñño gāmo peso – idaṃ taṃ rūpaṃ ajjhattikaṃ cakkhāyatanaṃ .

809. Katamaṃ taṃ rūpaṃ ajjhattikaṃ na cakkhāyatanaṃ ?

Sotāyatanaṃ … pe … kāyāyatanaṃ – idaṃ taṃ rūpaṃ ajjhattikaṃ na cakkhāyatanaṃ .

810. KatamaṃV0.203 taṃ rūpaṃ bāhiraṃ na sotāyatanaṃ … pe … na ghānāyatanaṃ … pe … na jivhāyatanaṃ … pe … na kāyāyatanaṃ ?

Rūpāyatanaṃ … pe … kabaḷīkāro āhāro – idaṃ taṃ rūpaṃ bāhiraṃ na kāyāyatanaṃ .

811. KatamaṃM0.186 taṃ rūpaṃ ajjhattikaṃ kāyāyatanaṃ ?

Yo kāyo catunnaṃ mahābhūtānaṃ upādāya pasādo … pe … suñño gāmo peso – idaṃ taṃ rūpaṃ ajjhattikaṃ kāyāyatanaṃ .

812. Katamaṃ taṃ rūpaṃ ajjhattikaṃ na kāyāyatanaṃ ?

Cakkhāyatanaṃ … pe … jivhāyatanaṃ – idaṃ taṃ rūpaṃ ajjhattikaṃ na kāyāyatanaṃ .

813. Katamaṃ taṃ rūpaṃ ajjhattikaṃ na rūpāyatanaṃ ?

Cakkhāyatanaṃ … pe … kāyāyatanaṃT0.236 – idaṃ taṃ rūpaṃ ajjhattikaṃ na rūpāyatanaṃ .

814. Katamaṃ taṃ rūpaṃ bāhiraṃ rūpāyatanaṃ ?

Yaṃ rūpaṃ catunnaṃ mahābhūtānaṃ upādāya vaṇṇanibhā … pe … rūpadhātu pesā – idaṃ taṃ rūpaṃ bāhiraṃ rūpāyatanaṃ .

815. Katamaṃ taṃ rūpaṃ bāhiraṃ na rūpāyatanaṃ ?

Saddāyatanaṃ … pe … kabaḷīkāro āhāro – idaṃ taṃ rūpaṃ bāhiraṃ na rūpāyatanaṃ .

816. Katamaṃ taṃ rūpaṃ ajjhattikaṃ na saddāyatanaṃ … pe …P0.162 na gandhāyatanaṃ … pe … na rasāyatanaṃ … pe … na phoṭṭhabbāyatanaṃ ?

Cakkhāyatanaṃ … pe … kāyāyatanaṃ – idaṃ taṃ rūpaṃ ajjhattikaṃ na phoṭṭhabbāyatanaṃ .

817. Katamaṃ taṃ rūpaṃ bāhiraṃ phoṭṭhabbāyatanaṃ ?

Pathavīdhātu … pe … phoṭṭhabbadhātu pesā – idaṃ taṃ rūpaṃ bāhiraṃ phoṭṭhabbāyatanaṃ .

818. Katamaṃ taṃ rūpaṃ bāhiraṃ na phoṭṭhabbāyatanaṃ ?

Rūpāyatanaṃ … pe … kabaḷīkāro āhāro – idaṃ taṃ rūpaṃ bāhiraṃ na phoṭṭhabbāyatanaṃ .

819. KatamaṃV0.204 taṃ rūpaṃ bāhiraṃ na cakkhudhātu ?

Rūpāyatanaṃ … pe … kabaḷīkāro āhāro – idaṃ taṃ rūpaṃ bāhiraṃ na cakkhudhātu .

820. Katamaṃ taṃ rūpaṃ ajjhattikaṃ cakkhudhātu ?

Cakkhāyatanaṃ – idaṃ taṃ rūpaṃ ajjhattikaṃ cakkhudhātu .

821. Katamaṃ taṃ rūpaṃ ajjhattikaṃ na cakkhudhātu ?

Sotāyatanaṃ … pe … kāyāyatanaṃ – idaṃ taṃ rūpaṃ ajjhattikaṃ na cakkhudhātu .

822. Katamaṃ taṃ rūpaṃ bāhiraṃ na sotadhātu … pe … na ghānadhātu … pe … na jivhādhātu … pe … na kāyadhātu ?

Rūpāyatanaṃ … pe … kabaḷīkāro āhāro – idaṃ taṃ rūpaṃ bāhiraṃ na kāyadhātu .

823. KatamaṃM0.187 taṃ rūpaṃT0.237 ajjhattikaṃ kāyadhātu ?

Kāyāyatanaṃ – idaṃ taṃ rūpaṃ ajjhattikaṃ kāyadhātu .

824. Katamaṃ taṃ rūpaṃ ajjhattikaṃ na kāyadhātu ?

Cakkhāyatanaṃ … pe … jivhāyatanaṃ – idaṃ taṃ rūpaṃ ajjhattikaṃ na kāyadhātu .

825. Katamaṃ taṃ rūpaṃ ajjhattikaṃ na rūpadhātu ?

Cakkhāyatanaṃ … pe … kāyāyatanaṃ – idaṃ taṃ rūpaṃ ajjhattikaṃ na rūpadhātu .

826. Katamaṃ taṃ rūpaṃ bāhiraṃ rūpadhātu ?

Rūpāyatanaṃ – idaṃ taṃ rūpaṃ bāhiraṃ rūpadhātu .

827. Katamaṃ taṃ rūpaṃ bāhiraṃ na rūpadhātu ?

Saddāyatanaṃ … pe … kabaḷīkāro āhāro – idaṃ taṃ rūpaṃ bāhiraṃ na rūpadhātu .

828. Katamaṃ taṃ rūpaṃ ajjhattikaṃ na saddadhātu … pe …P0.163 na gandhadhātu … pe … na rasadhātuV0.205 … pe … na phoṭṭhabbadhātu ?

Cakkhāyatanaṃ … pe … kāyāyatanaṃ – idaṃ taṃ rūpaṃ ajjhattikaṃ na phoṭṭhabbadhātu .

829. Katamaṃ taṃ rūpaṃ bāhiraṃ phoṭṭhabbadhātu ?

Phoṭṭhabbāyatanaṃ – idaṃ taṃ rūpaṃ bāhiraṃ phoṭṭhabbadhātu .

830. Katamaṃ taṃ rūpaṃ bāhiraṃ na phoṭṭhabbadhātu ?

Rūpāyatanaṃ … pe … kabaḷīkāro āhāro – idaṃ taṃ rūpaṃ bāhiraṃ na phoṭṭhabbadhātu .

831. Katamaṃ taṃ rūpaṃ bāhiraṃ na cakkhundriyaṃ ?

Rūpāyatanaṃ … pe … kabaḷīkāro āhāro – idaṃ taṃ rūpaṃ bāhiraṃ na cakkhundriyaṃ .

832. Katamaṃ taṃ rūpaṃ ajjhattikaṃ cakkhundriyaṃ ?

Yaṃ cakkhu catunnaṃ mahābhūtānaṃ upādāya pasādo … pe … suñño gāmo peso – idaṃ taṃ rūpaṃ ajjhattikaṃ cakkhundriyaṃ .

833. Katamaṃ taṃ rūpaṃ ajjhattikaṃ na cakkhundriyaṃ ?

Sotāyatanaṃ … pe … kāyāyatanaṃ – idaṃ taṃ rūpaṃ ajjhattikaṃ na cakkhundriyaṃ .

834. KatamaṃT0.238 taṃ rūpaṃ bāhiraṃ na sotindriyaṃ … pe … na ghānindriyaṃ … pe … na jivhindriyaṃ … pe … na kāyindriyaṃ ?

Rūpāyatanaṃ … pe … kabaḷīkāro āhāro – idaṃ taṃ rūpaṃ bāhiraṃ na kāyindriyaṃ .

835. KatamaṃM0.188 taṃ rūpaṃ ajjhattikaṃ kāyindriyaṃ ?

Yo kāyo catunnaṃ mahābhūtānaṃ upādāya pasādo … pe … suñño gāmo peso – idaṃ taṃ rūpaṃ ajjhattikaṃ kāyindriyaṃ .

836. Katamaṃ taṃ rūpaṃ ajjhattikaṃ na kāyindriyaṃ ?

Cakkhāyatanaṃ … pe … jivhāyatanaṃ – idaṃ taṃ rūpaṃ ajjhattikaṃ na kāyindriyaṃ .

837. KatamaṃV0.206 taṃ rūpaṃ ajjhattikaṃ na itthindriyaṃ ?

Cakkhāyatanaṃ … pe … kāyāyatanaṃ – idaṃ taṃ rūpaṃ ajjhattikaṃ na itthindriyaṃ .

838. Katamaṃ taṃ rūpaṃ bāhiraṃ itthindriyaṃ ?

Yaṃ itthiyā itthiliṅgaṃ itthinimittaṃ itthikuttaṃ itthākappo itthattaṃ itthibhāvo – idaṃ taṃ rūpaṃ bāhiraṃ itthindriyaṃ .

839. KatamaṃP0.164 taṃ rūpaṃ bāhiraṃ na itthindriyaṃ ?

Rūpāyatanaṃ … pe … kabaḷīkāro āhāro – idaṃ taṃ rūpaṃ bāhiraṃ na itthindriyaṃ .

840. Katamaṃ taṃ rūpaṃ ajjhattikaṃ na purisindriyaṃ ?

Cakkhāyatanaṃ … pe … kāyāyatanaṃ – idaṃ taṃ rūpaṃ ajjhattikaṃ na purisindriyaṃ .

841. Katamaṃ taṃ rūpaṃ bāhiraṃ purisindriyaṃ ?

Yaṃ purisassa purisaliṅgaṃ purisanimittaṃ purisakuttaṃ purisākappo purisattaṃ purisabhāvo – idaṃ taṃ rūpaṃ bāhiraṃ purisindriyaṃ .

842. Katamaṃ taṃ rūpaṃ bāhiraṃ na purisindriyaṃ ?

Rūpāyatanaṃ … pe … kabaḷīkāro āhāro – idaṃ taṃ rūpaṃ bāhiraṃ na purisindriyaṃ .

843. Katamaṃ taṃ rūpaṃ ajjhattikaṃ na jīvitindriyaṃ ?

Cakkhāyatanaṃ … pe … kāyāyatanaṃT0.239 – idaṃ taṃ rūpaṃ ajjhattikaṃ na jīvitindriyaṃ .

844. Katamaṃ taṃ rūpaṃ bāhiraṃ jīvitindriyaṃ ?

Yo tesaṃ rūpīnaṃ dhammānaṃ āyu ṭhiti yapanā yāpanā iriyanā vattanā pālanā jīvitaṃ jīvitindriyaṃ – idaṃ taṃ rūpaṃ bāhiraṃ jīvitindriyaṃ .

845. Katamaṃ taṃ rūpaṃ bāhiraṃ na jīvitindriyaṃ ?

Rūpāyatanaṃ … pe … kabaḷīkāro āhāro – idaṃ taṃ rūpaṃ bāhiraṃ na jīvitindriyaṃ .

846. KatamaṃV0.207 taṃ rūpaṃ ajjhattikaṃ na kāyaviññatti ?

Cakkhāyatanaṃ … pe … kāyāyatanaṃ – idaṃ taṃ rūpaṃ ajjhattikaṃ na kāyaviññatti .

847. KatamaṃM0.189 taṃ rūpaṃ bāhiraṃ kāyaviññatti ?

848. Katamaṃ taṃ rūpaṃ bāhiraṃ na kāyaviññatti ?

Rūpāyatanaṃ … pe … kabaḷīkāro āhāro – idaṃ taṃ rūpaṃ bāhiraṃ na kāyaviññatti .

849. Katamaṃ taṃ rūpaṃ ajjhattikaṃ na vacīviññatti ?

Cakkhāyatanaṃ … pe … kāyāyatanaṃ – idaṃ taṃ rūpaṃ ajjhattikaṃ na vacīviññatti .

850. KatamaṃP0.165 taṃ rūpaṃ bāhiraṃ vacīviññatti ?

Yā kusalacittassa vā akusalacittassa vā abyākatacittassa vā vācā girā byappatho udīraṇaṃ dhoso ghosakammaṃ vācā vacībhedo , ayaṃ vuccati vācā .

Yā tāya vācāya viññatti viññāpanā viññāpitattaṃ – idaṃ taṃ rūpaṃ bāhiraṃ vacīviññattiT0.240 .

851. Katamaṃ taṃ rūpaṃ bāhiraṃ na vacīviññatti ?

Rūpāyatanaṃ … pe … kabaḷīkāro āhāro – idaṃ taṃ rūpaṃ bāhiraṃ na vacīviññatti .

852. Katamaṃ taṃ rūpaṃ ajjhattikaṃ na ākāsadhātu ?

Cakkhāyatanaṃ … pe … kāyāyatanaṃ – idaṃ taṃ rūpaṃ ajjhattikaṃ na ākāsadhātu .

853. Katamaṃ taṃ rūpaṃ bāhiraṃ ākāsadhātu ?

Yo ākāso ākāsagataṃ aghaṃ aghagataṃ vivaro vivaragataṃ asamphuṭṭhaṃ catūhi mahābhūtehi – idaṃ taṃ rūpaṃ bāhiraṃ ākāsadhātu .

854. KatamaṃV0.208 taṃ rūpaṃ bāhiraṃ na ākāsadhātu ?

Rūpāyatanaṃ … pe … kabaḷīkāro āhāro – idaṃ taṃ rūpaṃ bāhiraṃ na ākāsadhātu .

855. Katamaṃ taṃ rūpaṃ ajjhattikaṃ na āpodhātu ?

Cakkhāyatanaṃ … pe … kāyāyatanaṃ – idaṃ taṃ rūpaṃ ajjhattikaṃ na āpodhātu .

856. Katamaṃ taṃ rūpaṃ bāhiraṃ āpodhātu ?

Yaṃ āpo āpogataṃ sineho sinehagataṃ bandhanattaṃ rūpassa – idaṃ taṃ rūpaṃ bāhiraṃ āpodhātu .

857. Katamaṃ taṃ rūpaṃ bāhiraṃ na āpodhātu ?

Rūpāyatanaṃ … pe … kabaḷīkāro āhāro – idaṃ taṃ rūpaṃ bāhiraṃ na āpodhātu .

858. KatamaṃM0.190 taṃ rūpaṃ ajjhattikaṃ rūpassa na lahutā ?

Cakkhāyatanaṃ … pe … kāyāyatanaṃ – idaṃ taṃ rūpaṃ ajjhattikaṃ rūpassa na lahutā .

859. Katamaṃ taṃ rūpaṃ bāhiraṃ rūpassa lahutā ?

Yā rūpassa lahutā lahupariṇāmatā adandhanatā avitthanatā – idaṃ taṃ rūpaṃ bāhiraṃ rūpassa lahutā .

860. Katamaṃ taṃ rūpaṃ bāhiraṃ rūpassa na lahutā ?

Rūpāyatanaṃ … pe … kabaḷīkāro āhāro – idaṃ taṃ rūpaṃ bāhiraṃ rūpassa na lahutā .

861. KatamaṃT0.241 taṃ rūpaṃ ajjhattikaṃ rūpassa na mudutā ?

Cakkhāyatanaṃ … pe … kāyāyatanaṃ – idaṃ taṃ rūpaṃ ajjhattikaṃ rūpassa na mudutā .

862. Katamaṃ taṃ rūpaṃ bāhiraṃ rūpassa mudutā ?

YāP0.166 rūpassa mudutā maddavatā akakkhaḷatā akathinatā – idaṃ taṃ rūpaṃ bāhiraṃ rūpassa mudutā .

863. KatamaṃV0.209 taṃ rūpaṃ bāhiraṃ rūpassa na mudutā ?

Rūpāyatanaṃ … pe … kabaḷīkāro āhāro – idaṃ taṃ rūpaṃ bāhiraṃ rūpassa na mudutā .

864. Katamaṃ taṃ rūpaṃ ajjhattikaṃ rūpassa na kammaññatā ?

Cakkhāyatanaṃ … pe … kāyāyatanaṃ – idaṃ taṃ rūpaṃ ajjhattikaṃ rūpassa na kammaññatā .

865. Katamaṃ taṃ rūpaṃ bāhiraṃ rūpassa kammaññatā ?

Yā rūpassa kammaññatā kammaññattaṃ kammaññabhāvo – idaṃ taṃ rūpaṃ bāhiraṃ rūpassa kammaññatā .

866. Katamaṃ taṃ rūpaṃ bāhiraṃ rūpassa na kammaññatā ?

Rūpāyatanaṃ … pe … kabaḷīkāro āhāro – idaṃ taṃ rūpaṃ bāhiraṃ rūpassa na kammaññatā .

867. Katamaṃ taṃ rūpaṃ ajjhattikaṃ rūpassa na upacayo ?

Cakkhāyatanaṃ … pe … kāyāyatanaṃ – idaṃ taṃ rūpaṃ ajjhattikaṃ rūpassa na upacayo .

868. Katamaṃ taṃ rūpaṃ bāhiraṃ rūpassa upacayo ?

Yo āyatanānaṃ ācayo , so rūpassa upacayo – idaṃ taṃ rūpaṃ bāhiraṃ rūpassa upacayo .

869. Katamaṃ taṃ rūpaṃ bāhiraṃ rūpassa na upacayo ?

Rūpāyatanaṃ … pe … kabaḷīkāro āhāro – idaṃ taṃ rūpaṃ bāhiraṃ rūpassa na upacayo .

870. Katamaṃ taṃ rūpaṃ ajjhattikaṃ rūpassa na santati ?

Cakkhāyatanaṃ … pe … kāyāyatanaṃ – idaṃ taṃ rūpaṃ ajjhattikaṃ rūpassa na santati .

871. KatamaṃT0.242M0.191 taṃ rūpaṃ bāhiraṃ rūpassa santati ?

Yo rūpassa upacayo , sā rūpassa santati – idaṃ taṃ rūpaṃ bāhiraṃ rūpassa santati .

872. KatamaṃV0.210 taṃ rūpaṃ bāhiraṃ rūpassa na santati ?

Rūpāyatanaṃ … pe … kabaḷīkāro āhāro – idaṃ taṃ rūpaṃ bāhiraṃ rūpassa na santati .

873. Katamaṃ taṃ rūpaṃ ajjhattikaṃ rūpassa na jaratā ?

Cakkhāyatanaṃ … pe … kāyāyatanaṃ – idaṃ taṃ rūpaṃ ajjhattikaṃ rūpassa na jaratā .

874. Katamaṃ taṃ rūpaṃ bāhiraṃ rūpassa jaratā ?

Yā rūpassa jarā jīraṇatā khaṇḍiccaṃ pāliccaṃ valittacatā āyuno saṃhāni indriyānaṃ paripāko – idaṃ taṃ rūpaṃ bāhiraṃ rūpassa jaratā .

875. Katamaṃ taṃ rūpaṃ bāhiraṃ rūpassa na jaratā ?

Rūpāyatanaṃ … pe … kabaḷīkāro āhāro – idaṃ taṃ rūpaṃ bāhiraṃ rūpassa na jaratā .

876. KatamaṃP0.167 taṃ rūpaṃ ajjhattikaṃ rūpassa na aniccatā ?

Cakkhāyatanaṃ … pe … kāyāyatanaṃ – idaṃ taṃ rūpaṃ ajjhattikaṃ rūpassa na aniccatā .

877. Katamaṃ taṃ rūpaṃ bāhiraṃ rūpassa aniccatā ?

Yo rūpassa khayo vayo bhedo paribhedo aniccatā antaradhānaṃ – idaṃ taṃ rūpaṃ bāhiraṃ rūpassa aniccatā .

878. Katamaṃ taṃ rūpaṃ bāhiraṃ rūpassa na aniccatā ?

Rūpāyatanaṃ … pe … kabaḷīkāro āhāro – idaṃ taṃ rūpaṃ bāhiraṃ rūpassa na aniccatā .

879. Katamaṃ taṃ rūpaṃ ajjhattikaṃ na kabaḷīkāro āhāro ?

Cakkhāyatanaṃ … pe … kāyāyatanaṃ – idaṃ taṃ rūpaṃ ajjhattikaṃ na kabaḷīkāro āhāroT0.243 .

880. Katamaṃ taṃ rūpaṃ bāhiraṃ kabaḷīkāro āhāro ?

Odano kummāso sattu maccho maṃsaṃ khīraṃ dadhi sappi navanītaṃ telaṃ madhu phāṇitaṃ , yaṃ vā panaññampi atthi rūpaṃ yamhi yamhiV0.211 janapade tesaṃ tesaṃ sattānaṃ mukhāsiyaṃ dantavikhādanaṃ galajjhoharaṇīyaṃ kucchivitthambhanaṃ yāya ojāya sattā yāpenti – idaṃ taṃ rūpaṃ bāhiraṃ kabaḷīkāro āhāro .

881. KatamaṃM0.192 taṃ rūpaṃ bāhiraṃ na kabaḷīkāro āhāro ?

Rūpāyatanaṃ … pe … rūpassa aniccatā – idaṃ taṃ rūpaṃ bāhiraṃ na kabaḷīkāro āhāro .

Evaṃ tividhena rūpasaṅgaho .

Tikaniddeso .

Issues

Select Version

Dhammasaṅgaṇīpāḷi

Dhammasaṅgaṇīpāḷi