Cūḷantaradukaṃ
1453. Katame
M0.277V0.304 dhammā sappaccayā ?Catūsu bhūmīsu kusalaṃ , akusalaṃ , catūsu bhūmīsu vipāko , tīsu bhūmīsu kiriyābyākataṃ , sabbañca rūpaṃ – ime dhammā sappaccayā .
1454. Katame dhammā appaccayā ?
Nibbānaṃ – ime dhammā appaccayā .
1455. Katame dhammā saṅkhatā ?
Catūsu bhūmīsu kusalaṃ , akusalaṃ , catūsu bhūmīsu vipāko , tīsu bhūmīsu kiriyābyākataṃ , sabbañca rūpaṃ – ime dhammā saṅkhatā .
1456. Katame dhammā asaṅkhatā ?
Nibbānaṃ – ime dhammā asaṅkhatā .
1457. Katame dhammā sanidassanā ?
Rūpāyatanaṃ – ime dhammā sanidassanā .
1458. Katame dhammā anidassanā ?
Cakkhāyatanaṃ
P0.245 … pe … phoṭṭhabbāyatanaṃ , catūsu bhūmīsu kusalaṃ , akusalaṃ , catūsu bhūmīsu vipāko , tīsu bhūmīsu kiriyābyākataṃ , yañca rūpaṃ anidassanaṃ appaṭighaṃ dhammāyatanapariyāpannaṃ , nibbānañca – ime dhammā anidassanā . 1459. Katame dhammā sappaṭighā ?
Cakkhāyatanaṃ … pe … phoṭṭhabbāyatanaṃ – ime dhammā sappaṭighā .
1460. Katame dhammā appaṭighā ?
Catūsu bhūmīsu kusalaṃ , akusalaṃ , catūsu bhūmīsu vipāko , tīsu bhūmīsu kiriyābyākataṃ , yañca rūpaṃ anidassanaṃ appaṭighaṃ dhammāyatanapariyāpannaṃ , nibbānañca
T0.355 – ime dhammā appaṭighā . 1461. Katame dhammā rūpino ?
Cattāro ca mahābhūtā , catunnañca mahābhūtānaṃ upādāya rūpaṃ – ime dhammā rūpino .
1462. Katame
V0.305 dhammā arūpino ?Catūsu bhūmīsu kusalaṃ , akusalaṃ , catūsu bhūmīsu vipāko , tīsu bhūmīsu kiriyābyākataṃ , nibbānañca – ime dhammā arūpino .
1463. Katame
M0.278 dhammā lokiyā ?Tīsu bhūmīsu kusalaṃ , akusalaṃ , tīsu bhūmīsu vipāko , tīsu bhūmīsu kiriyābyākataṃ , sabbañca rūpaṃ – ime dhammā lokiyā .
1464. Katame dhammā lokuttarā ?
Cattāro maggā apariyāpannā , cattāri ca sāmaññaphalāni , nibbānañca – ime dhammā lokuttarā .
Sabbe [ sabbeva ( syā .)] dhammā kenaci viññeyyā , kenaci na viññeyyā .