Issues
တည်းဖြတ်သူ
ဆက်တင်များ
ဗားရှင်းများ
ဗားရှင်းရွေးချယ်ပါ
中文翻译1
中文
元亨寺·CBETA
中文
顯學譯文
中文
Dhammasaṅgaṇīpāḷi
Dhammasaṅgaṇīpāḷi

Mātikā

စာရေးဆရာ： _System_Pali_VRI_ @ Administrator

Mātikā

1. Tikamātikā

1.( Ka ) kusalāT0.1M0.1P0.1V0.1 dhammā .
( Kha ) akusalā dhammā .
( Ga ) abyākatā dhammā .
2.( Ka ) sukhāyaV0.2 vedanāya sampayuttā dhammā .
( Kha ) dukkhāya vedanāya sampayuttā dhammā .
( Ga ) adukkhamasukhāya vedanāya sampayuttā dhammā .
3.( Ka ) vipākā dhammā .
( Kha ) vipākadhammadhammā .
( Ga ) nevavipākanavipākadhammadhammā .
4.( Ka ) upādiṇṇupādāniyā [ upādinnupādāniyā ( syā .)] dhammā .
( Kha ) anupādiṇṇupādāniyā dhammā .
( Ga ) anupādiṇṇaanupādāniyā [ anupādinnānupādāniyā ( syā .)] dhammā .
5.( Ka ) saṃkiliṭṭhasaṃkilesikā dhammā .
( Kha ) asaṃkiliṭṭhasaṃkilesikā dhammā .
( Ga ) asaṃkiliṭṭhaasaṃkilesikā [ asaṃkiliṭṭhāsaṃkilesikā ( syā .)] dhammā .
6.( Ka ) savitakkasavicārāM0.2 dhammā .
( Kha ) avitakkavicāramattā dhammā .
( Ga ) avitakkaavicārā [ avitakkāvicārā ( syā .)] dhammā .
7.( Ka ) pītisahagatā dhammā .
( Kha ) sukhasahagatā dhammā .
( Ga ) upekkhāsahagatā dhammā .
8.( Ka ) dassanena pahātabbā dhammā .
( Kha ) bhāvanāya pahātabbā dhammā .
( Ga ) neva dassanena na bhāvanāya pahātabbā dhammā .
9.( Ka ) dassanena pahātabbahetukā dhammā .
( Kha ) bhāvanāya pahātabbahetukā dhammā .
( Ga ) neva dassanena na bhāvanāya pahātabbahetukā dhammā .
10.( Ka ) ācayagāminoP0.2V0.3 dhammā .
( Kha ) apacayagāmino dhammā .
( Ga ) nevācayagāmināpacayagāmino [ nevācayagāmino nāpacayagāmino ( syā .)] dhammā .
11.( Ka ) sekkhā dhammā .
( Kha ) asekkhā dhammā .
( Ga ) nevasekkhanāsekkhā [ nevasekkhānāsekkhā ( sī . syā .)] dhammā .
12.( Ka ) parittā dhammā .
( Kha ) mahaggatā dhammā .
( Ga ) appamāṇā dhammā .
13.( Ka ) parittārammaṇā dhammā .
( Kha ) mahaggatārammaṇāT0.2 dhammā .
( Ga ) appamāṇārammaṇā dhammā .
14.( Ka ) hīnāM0.3 dhammā .
( Kha ) majjhimā dhammā .
( Ga ) paṇītā dhammā .
15.( Ka ) micchattaniyatā dhammā .
( Kha ) sammattaniyatā dhammā .
( Ga ) aniyatā dhammā .
16.( Ka ) maggārammaṇā dhammā .
( Kha ) maggahetukā dhammā .
( Ga ) maggādhipatino dhammā .
17.( Ka ) uppannā dhammā .
( Kha ) anuppannā dhammā .
( Ga ) uppādino dhammā .
18.( Ka ) atītāV0.4 dhammā .
( Kha ) anāgatā dhammā .
( Ga ) paccuppannā dhammā .
19.( Ka ) atītārammaṇā dhammā .
( Kha ) anāgatārammaṇā dhammā .
( Ga ) paccuppannārammaṇā dhammā .
20.( Ka ) ajjhattā dhammā .
( Kha ) bahiddhā dhammā .
( Ga ) ajjhattabahiddhā dhammā .
21.( Ka ) ajjhattārammaṇā dhammā .
( Kha ) bahiddhārammaṇā dhammā .
( Ga ) ajjhattabahiddhārammaṇā dhammā .
22.( Ka ) sanidassanasappaṭighā dhammā .
( Kha ) anidassanasappaṭighā dhammā .
( Ga ) anidassanaappaṭighā [ anidassanāppaṭighā ( syā .)] dhammā .
Tikamātikā .

2. Dukamātikā

Hetugocchakaṃ

1.( Ka ) hetūM0.4 dhammā .
( Kha ) na hetū dhammā .
2.( Ka ) sahetukāV0.5 dhammā .
( Kha ) ahetukā dhammā .
3.( Ka ) hetusampayuttā dhammā .
( Kha ) hetuvippayuttā dhammā .
4.( Ka ) hetū ceva dhammā sahetukā ca .
( Kha ) sahetukā ceva dhammā na ca hetū .
5.( Ka ) hetū ceva dhammā hetusampayuttā ca .
( Kha ) hetusampayuttā ceva dhammā na ca hetū .
6.( Ka ) na hetū kho pana dhammā sahetukāpi .
( Kha ) ahetukāpi .
Hetugocchakaṃ .

Cūḷantaradukaṃ

7.( Ka ) sappaccayā dhammā .
( Kha ) appaccayā dhammā .
8.( Ka ) saṅkhatā dhammā .
( Kha ) asaṅkhatā dhammā .
9.( Ka ) sanidassanāP0.3 dhammā .
( Kha ) anidassanā dhammā .
10.( Ka ) sappaṭighāV0.6 dhammā .
( Kha ) appaṭighā dhammā .
11.( Ka ) rūpinoM0.5 dhammā .
( Kha ) arūpino dhammā .
12.( Ka ) lokiyā dhammāT0.3 .
( Kha ) lokuttarā dhammā .
13.( Ka ) kenaci viññeyyā dhammā .
( Kha ) kenaci na viññeyyā dhammā .
Cūḷantaradukaṃ .

Āsavagocchakaṃ

14.( Ka ) āsavā dhammā .
( Kha ) no āsavā dhammā .
15.( Ka ) sāsavā dhammā .
( Kha ) anāsavā dhammā .
16.( Ka ) āsavasampayuttā dhammā .
( Kha ) āsavavippayuttā dhammā .
17.( Ka ) āsavā ceva dhammā sāsavā ca .
( Kha ) sāsavā ceva dhammā no ca āsavā .
18.( Ka ) āsavāV0.7 ceva dhammā āsavasampayuttā ca .
( Kha ) āsavasampayuttā ceva dhammā no ca āsavā .
19.( Ka ) āsavavippayuttā kho pana dhammā sāsavāpi .
( Kha ) anāsavāpi .
Āsavagocchakaṃ .

Saṃyojanagocchakaṃ

20.( Ka ) saṃyojanā dhammā .
( Kha ) no saṃyojanā dhammā .
21.( Ka ) saṃyojaniyāM0.6 dhammā .
( Kha ) asaṃyojaniyā dhammā .
22.( Ka ) saṃyojanasampayuttā dhammā .
( Kha ) saṃyojanavippayuttā dhammā .
23.( Ka ) saṃyojanā ceva dhammā saṃyojaniyā ca .
( Kha ) saṃyojaniyā ceva dhammā no ca saṃyojanā .
24.( Ka ) saṃyojanā ceva dhammā saṃyojanasampayuttā ca .
( Kha ) saṃyojanasampayuttā ceva dhammā no ca saṃyojanā .
25.( Ka ) saṃyojanavippayuttā kho pana dhammā saṃyojaniyāpi .
( Kha ) asaṃyojaniyāpi .
Saṃyojanagocchakaṃ .

Ganthagocchakaṃ

26.( Ka ) ganthāV0.8 dhammā .
( Kha ) no ganthā dhammā .
27.( Ka ) ganthaniyā dhammā .
( Kha ) aganthaniyā dhammā .
28.( Ka ) ganthasampayuttā dhammā .
( Kha ) ganthavippayuttā dhammā .
29.( Ka ) ganthā ceva dhammā ganthaniyā ca .
( Kha ) ganthaniyā ceva dhammā no ca ganthā .
30.( Ka ) ganthā ceva dhammāT0.4 ganthasampayuttā ca .
( Kha ) ganthasampayuttā ceva dhammā no ca ganthā .
31.( Ka ) ganthavippayuttāP0.4M0.7 kho pana dhammā ganthaniyāpi .
( Kha ) aganthaniyāpi .
Ganthagocchakaṃ .

Oghagocchakaṃ

32.( Ka ) oghā dhammā .
( Kha ) no oghā dhammā .
33.( Ka ) oghaniyā dhammā .
( Kha ) anoghaniyā dhammā .
34.( Ka ) oghasampayuttāV0.9 dhammā .
( Kha ) oghavippayuttā dhammā .
35.( Ka ) oghā ceva dhammā oghaniyā ca .
( Kha ) oghaniyā ceva dhammā no ca oghā .
36.( Ka ) oghā ceva dhammā oghasampayuttā ca .
( Kha ) oghasampayuttā ceva dhammā no ca oghā .
37.( Ka ) oghavippayuttā kho pana dhammā oghaniyāpi .
( Kha ) anoghaniyāpi .
Oghagocchakaṃ .

Yogagocchakaṃ

38.( Ka ) yogā dhammā .
( Kha ) no yogā dhammā .
39.( Ka ) yoganiyā dhammā .
( Kha ) ayoganiyā dhammā .
40.( Ka ) yogasampayuttā dhammā .
( Kha ) yogavippayuttā dhammā .
41.( Ka ) yogāM0.8 ceva dhammā yoganiyā ca .
( Kha ) yoganiyā ceva dhammā no ca yogā .
42.( Ka ) yogāV0.10 ceva dhammā yogasampayuttā ca .
( Kha ) yogasampayuttā ceva dhammā no ca yogā .
43.( Ka ) yogavippayuttā kho pana dhammā yoganiyāpi .
( Kha ) ayoganiyāpi .
Yogagocchakaṃ .

Nīvaraṇagocchakaṃ

44.( Ka ) nīvaraṇā dhammā .
( Kha ) no nīvaraṇā dhammā .
45.( Ka ) nīvaraṇiyā dhammā .
( Kha ) anīvaraṇiyā dhammā .
46.( Ka ) nīvaraṇasampayuttā dhammā .
( Kha ) nīvaraṇavippayuttā dhammā .
47.( Ka ) nīvaraṇā ceva dhammā nīvaraṇiyā ca .
( Kha ) nīvaraṇiyā ceva dhammā no ca nīvaraṇā .
48.( Ka ) nīvaraṇā ceva dhammā nīvaraṇasampayuttā ca .
( Kha ) nīvaraṇasampayuttā ceva dhammā no ca nīvaraṇā .
49.( Ka ) nīvaraṇavippayuttā kho pana dhammā nīvaraṇiyāpi .
( Kha ) anīvaraṇiyāpiT0.5 .
Nīvaraṇagocchakaṃ .

Parāmāsagocchakaṃ

50.( Ka ) parāmāsāM0.9P0.5V0.11 dhammā .
( Kha ) no parāmāsā dhammā .
51.( Ka ) parāmaṭṭhā dhammā .
( Kha ) aparāmaṭṭhā dhammā .
52.( Ka ) parāmāsasampayuttā dhammā .
( Kha ) parāmāsavippayuttā dhammā .
53.( Ka ) parāmāsā ceva dhammā parāmaṭṭhā ca .
( Kha ) parāmaṭṭhā ceva dhammā no ca parāmāsā .
54.( Ka ) parāmāsavippayuttā kho pana dhammā parāmaṭṭhāpi .
( Kha ) aparāmaṭṭhāpi .
Parāmāsagocchakaṃ .

Mahantaradukaṃ

55.( Ka ) sārammaṇā dhammā .
( Kha ) anārammaṇā dhammā .
56.( Ka ) cittā dhammā .
( Kha ) no cittā dhammā .
57.( Ka ) cetasikā dhammā .
( Kha ) acetasikā dhammā .
58.( Ka ) cittasampayuttāV0.12 dhammā .
( Kha ) cittavippayuttā dhammā .
59.( Ka ) cittasaṃsaṭṭhā dhammā .
( Kha ) cittavisaṃsaṭṭhā dhammā .
60.( Ka ) cittasamuṭṭhānā dhammā .
( Kha ) no cittasamuṭṭhānā dhammā .
61.( Ka ) cittasahabhunoM0.10 dhammā .
( Kha ) no cittasahabhuno dhammā .
62.( Ka ) cittānuparivattino dhammā .
( Kha ) no cittānuparivattino dhammā .
63.( Ka ) cittasaṃsaṭṭhasamuṭṭhānā dhammā .
( Kha ) no cittasaṃsaṭṭhasamuṭṭhānā dhammā .
64.( Ka ) cittasaṃsaṭṭhasamuṭṭhānasahabhuno dhammā .
( Kha ) no cittasaṃsaṭṭhasamuṭṭhānasahabhuno dhammā .
65.( Ka ) cittasaṃsaṭṭhasamuṭṭhānānuparivattino dhammā .
( Kha ) no cittasaṃsaṭṭhasamuṭṭhānānuparivattino dhammā .
66.( Ka ) ajjhattikā dhammā .
( Kha ) bāhirā dhammā .
67.( Ka ) upādā dhammā .
( Kha ) no upādā dhammā .
68.( Ka ) upādiṇṇāV0.13 [ upādinnā ( sī . syā .)] dhammā .
( Kha ) anupādiṇṇā dhammā .
Mahantaradukaṃ .

Upādānagocchakaṃ

69.( Ka ) upādānāT0.6 dhammā .
( Kha ) no upādānā dhammā .
70.( Ka ) upādāniyā dhammā .
( Kha ) anupādāniyā dhammā .
71.( Ka ) upādānasampayuttā dhammā .
( Kha ) upādānavippayuttā dhammā .
72.( Ka ) upādānā ceva dhammā upādāniyā ca .
( Kha ) upādāniyā ceva dhammā no ca upādānā .
73.( Ka ) upādānāM0.11 ceva dhammā upādānasampayuttā ca .
( Kha ) upādānasampayuttā ceva dhammā no ca upādānā .
74.( Ka ) upādānavippayuttāP0.6 kho pana dhammā upādāniyāpi .
( Kha ) anupādāniyāpi .
Upādānagocchakaṃ .

Kilesagocchakaṃ

75.( Ka ) kilesāV0.14 dhammā .
( Kha ) no kilesā dhammā .
76.( Ka ) saṃkilesikā dhammā .
( Kha ) asaṃkilesikā dhammā .
77.( Ka ) saṃkiliṭṭhā dhammā .
( Kha ) asaṃkiliṭṭhā dhammā .
78.( Ka ) kilesasampayuttā dhammā .
( Kha ) kilesavippayuttā dhammā .
79.( Ka ) kilesā ceva dhammā saṃkilesikā ca .
( Kha ) saṃkilesikā ceva dhammā no ca kilesā .
80.( Ka ) kilesā ceva dhammā saṃkiliṭṭhā ca .
( Kha ) saṃkiliṭṭhā ceva dhammā no ca kilesā .
81.( Ka ) kilesā ceva dhammā kilesasampayuttā ca .
( Kha ) kilesasampayuttā ceva dhammā no ca kilesā .
82.( Ka ) kilesavippayuttā kho pana dhammā saṃkilesikāpi .
( Kha ) asaṃkilesikāpi .
Kilesagocchakaṃ .

Piṭṭhidukaṃ

83.( Ka ) dassanenaM0.12V0.15 pahātabbā dhammā .
( Kha ) na dassanena pahātabbā dhammā .
84.( Ka ) bhāvanāya pahātabbā dhammā .
( Kha ) na bhāvanāya pahātabbā dhammā .
85.( Ka ) dassanena pahātabbahetukā dhammā .
( Kha ) na dassanena pahātabbahetukā dhammā .
86.( Ka ) bhāvanāya pahātabbahetukā dhammā .
( Kha ) na bhāvanāya pahātabbahetukā dhammā .
87.( Ka ) savitakkā dhammā .
( Kha ) avitakkā dhammā .
88.( Ka ) savicārā dhammā .
( Kha ) avicārā dhammā .
89.( Ka ) sappītikāT0.7 dhammā .
( Kha ) appītikā dhammā .
90.( Ka ) pītisahagatā dhammā .
( Kha ) na pītisahagatā dhammā .
91.( Ka ) sukhasahagatā dhammā .
( Kha ) na sukhasahagatā dhammā .
92.( Ka ) upekkhāsahagatā dhammā .
( Kha ) na upekkhāsahagatā dhammā .
93.( Ka ) kāmāvacarāV0.16 dhammā .
( Kha ) na kāmāvacarā dhammā .
94.( Ka ) rūpāvacarā dhammā .
( Kha ) na rūpāvacarā dhammā .
95.( Ka ) arūpāvacarā dhammā .
( Kha ) na arūpāvacarā dhammā .
96.( Ka ) pariyāpannāM0.13 dhammā .
( Kha ) apariyāpannā dhammā .
97.( Ka ) niyyānikā dhammā .
( Kha ) aniyyānikā dhammā .
98.( Ka ) niyatāP0.7 dhammā .
( Kha ) aniyatā dhammā .
99.( Ka ) sauttarā dhammā .
( Kha ) anuttarā dhammā .
100.( Ka ) saraṇā dhammā .
( Kha ) araṇā dhammā .
Piṭṭhidukaṃ .
Abhidhammadukamātikā .

Suttantikadukamātikā

101.( Ka ) vijjābhāginoV0.17 dhammā .
( Kha ) avijjābhāgino dhammā .
102.( Ka ) vijjūpamā dhammā .
( Kha ) vajirūpamā dhammā .
103.( Ka ) bālā dhammā .
( Kha ) paṇḍitā dhammā .
104.( Ka ) kaṇhā dhammā .
( Kha ) sukkā dhammā .
105.( Ka ) tapanīyā dhammā .
( Kha ) atapanīyā dhammā .
106.( Ka ) adhivacanā dhammā .
( Kha ) adhivacanapathā dhammā .
107.( Ka ) niruttiM0.14 dhammā .
( Kha ) niruttipathā dhammā .
108.( Ka ) paññatti dhammā .
( Kha ) paññattipathā dhammā .
109.( Ka ) nāmañca .
( Kha ) rūpañca .
110.( Ka ) avijjā ca .
( Kha ) bhavataṇhā ca .
111.( Ka ) bhavadiṭṭhiV0.18 ca .
( Kha ) vibhavadiṭṭhi ca .
112.( Ka ) sassatadiṭṭhi ca .
( Kha ) ucchedadiṭṭhi ca .
113.( Ka ) antavā diṭṭhi ca .
( Kha ) anantavā diṭṭhi ca .
114.( Ka ) pubbantānudiṭṭhi ca .
( Kha ) aparantānudiṭṭhi ca .
115.( Ka ) ahirikañca .
( Kha ) anottappañca .
116.( Ka ) hirī ca .
( Kha ) ottappañca .
117.( Ka ) dovacassatā ca .
( Kha ) pāpamittatā ca .
118.( Ka ) sovacassatā ca .
( Kha ) kalyāṇamittatā ca .
119.( Ka ) āpattikusalatā ca .
( Kha ) āpattivuṭṭhānakusalatā ca .
120.( Ka ) samāpattikusalatā ca .
( Kha ) samāpattivuṭṭhānakusalatā ca .
121.( Ka ) dhātukusalatāM0.15 ca .
( Kha ) manasikārakusalatāT0.8 ca .
122.( Ka ) āyatanakusalatāV0.19 ca .
( Kha ) paṭiccasamuppādakusalatā ca .
123.( Ka ) ṭhānakusalatā ca .
( Kha ) aṭṭhānakusalatā ca .
124.( Ka ) ajjavo ca .
( Kha ) maddavo ca .
125.( Ka ) khanti ca .
( Kha ) soraccañca .
126.( Ka ) sākhalyañca .
( Kha ) paṭisanthāro ca [ paṭisandhāro ca ( ka .)].
127.( Ka ) indriyesu aguttadvāratā ca .
( Kha ) bhojane amattaññutā ca .
128.( Ka ) indriyesu guttadvāratā ca .
( Kha ) bhojane mattaññutā ca .
129.( Ka ) muṭṭhasaccañca .
( Kha ) asampajaññañca .
130.( Ka ) sati ca .
( Kha ) sampajaññañca .
131.( Ka ) paṭisaṅkhānabalañca .
( Kha ) bhāvanābalañca .
132.( Ka ) samathoP0.8 ca .
( Kha ) vipassanā ca .
133.( Ka ) samathanimittañcaV0.20 .
( Kha ) paggāhanimittañca .
134.( Ka ) paggāhoM0.16 ca .
( Kha ) avikkhepo ca .
135.( Ka ) sīlavipatti ca .
( Kha ) diṭṭhivipatti ca .
136.( Ka ) sīlasampadā ca .
( Kha ) diṭṭhisampadā ca .
137.( Ka ) sīlavisuddhi ca .
( Kha ) diṭṭhivisuddhi ca .
138.( Ka ) diṭṭhivisuddhi kho pana .
( Kha ) yathādiṭṭhissa ca padhānaṃ .
139.( Ka ) saṃvego ca saṃvejaniyesu ṭhānesu .
( Kha ) saṃviggassa ca yoniso padhānaṃ .
140.( Ka ) asantuṭṭhitā ca kusalesu dhammesu .
( Kha ) appaṭivānitā ca padhānasmiṃ .
141.( Ka ) vijjā ca .
( Kha ) vimutti ca .
142.( Ka ) khaye ñāṇaṃ .
( Kha ) anuppāde ñāṇanti .
Suttantikadukamātikā [ suttantamātikā ( syā .)].
Mātikā niṭṭhitā .