Catukkaṃ
882. Katamaṃ taṃ rūpaṃ upādā upādiṇṇaṃ ?
Cakkhāyatanaṃ … pe … kāyāyatanaṃ , itthindriyaṃ purisindriyaṃ jīvitindriyaṃ , yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ ākāsadhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādā upādiṇṇaṃ .
883. Katamaṃ taṃ rūpaṃ upādā anupādiṇṇaṃ ?
Saddāyatanaṃ kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā , yaṃ vā panaññampi atthi rūpaṃ na kammassa katattā
P0.168 rūpāyatanaṃ gandhāyatanaṃ rasāyatanaṃ ākāsadhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādā anupādiṇṇaṃ . 884. Katamaṃ taṃ rūpaṃ no upādā upādiṇṇaṃ ?
Kammassa katattā phoṭṭhabbāyatanaṃ āpodhātu – idaṃ
T0.244 taṃ rūpaṃ no upādā upādiṇṇaṃ . 885. Katamaṃ
V0.212 taṃ rūpaṃ no upādā anupādiṇṇaṃ ?Na kammassa katattā phoṭṭhabbāyatanaṃ āpodhātu – idaṃ taṃ rūpaṃ no upādā anupādiṇṇaṃ .
886. Katamaṃ taṃ rūpaṃ upādā upādiṇṇupādāniyaṃ ?
Cakkhāyatanaṃ … pe … kāyāyatanaṃ , itthindriyaṃ purisindriyaṃ jīvitindriyaṃ , yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ ākāsadhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādā upādiṇṇupādāniyaṃ .
887. Katamaṃ taṃ rūpaṃ upādā anupādiṇṇupādāniyaṃ ?
Saddāyatanaṃ kāyaviññatti vacīviññatti rūpassa lahutā rūpassa mudutā rūpassa kammaññatā rūpassa
M0.193 jaratā rūpassa aniccatā , yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ ākāsadhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādā anupādiṇṇupādāniyaṃ . 888. Katamaṃ taṃ rūpaṃ no upādā upādiṇṇupādāniyaṃ ?
Kammassa katattā phoṭṭhabbāyatanaṃ āpodhātu – idaṃ taṃ rūpaṃ no upādā upādiṇṇupādāniyaṃ .
889. Katamaṃ taṃ rūpaṃ no upādā anupādiṇṇupādāniyaṃ ?
Na kammassa katattā phoṭṭhabbāyatanaṃ āpodhātu – idaṃ taṃ rūpaṃ no upādā anupādiṇṇupādāniyaṃ .
890. Katamaṃ taṃ rūpaṃ upādā sappaṭighaṃ ?
Cakkhāyatanaṃ … pe … rasāyatanaṃ – idaṃ taṃ rūpaṃ upādā sappaṭighaṃ .
891. Katamaṃ taṃ rūpaṃ upādā
T0.245 appaṭighaṃ ?Itthindriyaṃ … pe … kabaḷīkāro āhāro – idaṃ taṃ rūpaṃ upādā appaṭighaṃ .
892. Katamaṃ taṃ rūpaṃ no upādā sappaṭighaṃ ?
Phoṭṭhabbāyatanaṃ – idaṃ taṃ rūpaṃ no upādā sappaṭighaṃ .
893. Katamaṃ
P0.169V0.213 taṃ rūpaṃ no upādā appaṭighaṃ ?Āpodhātu – idaṃ taṃ rūpaṃ no upādā appaṭighaṃ .
894. Katamaṃ taṃ rūpaṃ upādā oḷārikaṃ ?
Cakkhāyatanaṃ … pe … rasāyatanaṃ – idaṃ taṃ rūpaṃ upādā oḷārikaṃ .
895. Katamaṃ taṃ rūpaṃ upādā sukhumaṃ itthindriyaṃ … pe … kabaḷīkāro āhāro – idaṃ taṃ rūpaṃ upādā sukhumaṃ .
896. Katamaṃ taṃ rūpaṃ no upādā oḷārikaṃ ?
Phoṭṭhabbāyatanaṃ – idaṃ taṃ rūpaṃ no upādā oḷārikaṃ .
897. Katamaṃ taṃ rūpaṃ no upādā sukhumaṃ ?
Āpodhātu – idaṃ taṃ rūpaṃ no upādā sukhumaṃ .
898. Katamaṃ taṃ rūpaṃ upādā dūre ?
Itthindriyaṃ … pe … kabaḷīkāro āhāro – idaṃ taṃ rūpaṃ upādā dūre .
899. Katamaṃ
M0.194 taṃ rūpaṃ upādā santike ?Cakkhāyatanaṃ … pe … rasāyatanaṃ – idaṃ taṃ rūpaṃ upādā santike .
900. Katamaṃ taṃ rūpaṃ no upādā dūre ?
Āpodhātu – idaṃ taṃ rūpaṃ no upādā dūre .
901. Katamaṃ taṃ rūpaṃ no upādā santike ?
Phoṭṭhabbāyatanaṃ – idaṃ taṃ rūpaṃ no upādā santike .
902. Katamaṃ taṃ rūpaṃ upādiṇṇaṃ sanidassanaṃ ?
Kammassa katattā rūpāyatanaṃ – idaṃ taṃ rūpaṃ upādiṇṇaṃ sanidassanaṃ .
903. Katamaṃ
V0.214 taṃ rūpaṃ upādiṇṇaṃ anidassanaṃ ?Cakkhāyatanaṃ … pe … kāyāyatanaṃ , itthindriyaṃ purisindriyaṃ jīvitindriyaṃ , yaṃ vā panaññampi atthi rūpaṃ kammassa katattā
T0.246 gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādiṇṇaṃ anidassanaṃ . 904. Katamaṃ taṃ rūpaṃ anupādiṇṇaṃ sanidassanaṃ ?
Na kammassa katattā rūpāyatanaṃ – idaṃ taṃ rūpaṃ anupādiṇṇaṃ sanidassanaṃ .
905. Katamaṃ taṃ rūpaṃ anupādiṇṇaṃ anidassanaṃ ?
Saddāyatanaṃ kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā
P0.170 , yaṃ vā panaññampi atthi rūpaṃ na kammassa katattā gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ anupādiṇṇaṃ anidassanaṃ . 906. Katamaṃ taṃ rūpaṃ upādiṇṇaṃ sappaṭighaṃ ?
Cakkhāyatanaṃ … pe … kāyāyatanaṃ , yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ upādiṇṇaṃ sappaṭighaṃ .
907. Katamaṃ taṃ rūpaṃ upādiṇṇaṃ appaṭighaṃ ?
Itthindriyaṃ purisindriyaṃ jīvitindriyaṃ , yaṃ vā panaññampi atthi rūpaṃ kammassa katattā ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādiṇṇaṃ appaṭighaṃ .
908. Katamaṃ
M0.195 taṃ rūpaṃ anupādiṇṇaṃ sappaṭighaṃ ?Saddāyatanaṃ , yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ anupādiṇṇaṃ sappaṭighaṃ .
909. Katamaṃ taṃ rūpaṃ anupādiṇṇaṃ appaṭighaṃ ?
Kāyaviññatti vacīviññatti
T0.247 rūpassa lahutā rūpassa mudutā rūpassa kammaññatā rūpassa jaratā rūpassa aniccatā , yaṃ vā panaññampiV0.215 atthi rūpaṃ na kammassa katattā ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ anupādiṇṇaṃ appaṭighaṃ . 910. Katamaṃ taṃ rūpaṃ upādiṇṇaṃ mahābhūtaṃ ?
Kammassa katattā phoṭṭhabbāyatanaṃ āpodhātu – idaṃ taṃ rūpaṃ upādiṇṇaṃ mahābhūtaṃ .
911. Katamaṃ taṃ rūpaṃ upādiṇṇaṃ na mahābhūtaṃ ?
Cakkhāyatanaṃ … pe … kāyāyatanaṃ itthindriyaṃ purisindriyaṃ jīvitindriyaṃ , yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ ākāsadhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādiṇṇaṃ na mahābhūtaṃ .
912. Katamaṃ taṃ rūpaṃ anupādiṇṇaṃ mahābhūtaṃ ?
Na kammassa katattā phoṭṭhabbāyatanaṃ āpodhātu – idaṃ taṃ rūpaṃ anupādiṇṇaṃ mahābhūtaṃ .
913. Katamaṃ taṃ rūpaṃ anupādiṇṇaṃ na mahābhūtaṃ ?
Saddāyatanaṃ
P0.171 kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā , yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ ākāsadhātu rūpassa upacayo rūpassa santati kabaḷīkāro āhāro – idaṃ taṃ rūpaṃ anupādiṇṇaṃ na mahābhūtaṃ . 914. Katamaṃ taṃ rūpaṃ upādiṇṇaṃ oḷārikaṃ ?
Cakkhāyatanaṃ … pe … kāyāyatanaṃ , yaṃ vā panaññampi atthi rūpaṃ kammassa katattā rūpāyatanaṃ
T0.248 gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ upādiṇṇaṃ oḷārikaṃ . 915. Katamaṃ taṃ rūpaṃ upādiṇṇaṃ sukhumaṃ ?
Itthindriyaṃ purisindriyaṃ jīvitindriyaṃ , yaṃ vā panaññampi atthi rūpaṃ kammassa katattā ākāsadhātu āpodhātu rūpassa
M0.196 upacayo rūpassa santati kabaḷīkāro āhāro – idaṃ taṃ rūpaṃ upādiṇṇaṃ sukhumaṃ . 916. Katamaṃ
V0.216 taṃ rūpaṃ anupādiṇṇaṃ oḷārikaṃ ?Saddāyatanaṃ , yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ anupādiṇṇaṃ oḷārikaṃ .
917. Katamaṃ taṃ rūpaṃ anupādiṇṇaṃ sukhumaṃ ?
Kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā , yaṃ vā panaññampi atthi rūpaṃ na kammassa katattā ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ anupādiṇṇaṃ sukhumaṃ .
918. Katamaṃ taṃ rūpaṃ upādiṇṇaṃ dūre ?
Itthindriyaṃ purisindriyaṃ jīvitindriyaṃ , yaṃ vā panaññampi atthi rūpaṃ kammassa katattā ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādiṇṇaṃ dūre .
919. Katamaṃ taṃ rūpaṃ upādiṇṇaṃ santike ?
Cakkhāyatanaṃ … pe … kāyāyatanaṃ , yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ upādiṇṇaṃ santike .
920. Katamaṃ taṃ rūpaṃ anupādiṇṇaṃ dūre ?
Kāyaviññatti
T0.249 vacīviññatti rūpassa lahutā rūpassa mudutā rūpassaP0.172 kammaññatā rūpassa jaratā rūpassa aniccatā , yaṃ vā panaññampi atthi rūpaṃ na kammassa katattā ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ anupādiṇṇaṃ dūre . 921. Katamaṃ taṃ rūpaṃ anupādiṇṇaṃ santike ?
Saddāyatanaṃ , yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ anupādiṇṇaṃ santike .
922. Katamaṃ taṃ rūpaṃ upādiṇṇupādāniyaṃ sanidassanaṃ ?
Kammassa katattā rūpāyatanaṃ – idaṃ taṃ rūpaṃ upādiṇṇupādāniyaṃ sanidassanaṃ .
923. Katamaṃ
M0.197V0.217 taṃ rūpaṃ upādiṇṇupādāniyaṃ anidassanaṃ ?Cakkhāyatanaṃ … pe … kāyāyatanaṃ , itthindriyaṃ purisindriyaṃ jīvitindriyaṃ , yaṃ vā panaññampi atthi rūpaṃ kammassa katattā gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādiṇṇupādāniyaṃ anidassanaṃ .
924. Katamaṃ taṃ rūpaṃ anupādiṇṇupādāniyaṃ sanidassanaṃ ?
Na kammassa katattā rūpāyatanaṃ – idaṃ taṃ rūpaṃ anupādiṇṇupādāniyaṃ sanidassanaṃ .
925. Katamaṃ taṃ rūpaṃ anupādiṇṇupādāniyaṃ anidassanaṃ ?
Saddāyatanaṃ kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā , yaṃ vā panaññampi atthi rūpaṃ na kammassa katattā gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu
T0.250 rūpassa upacayo rūpassa santati kabaḷīkāro āhāro – idaṃ taṃ rūpaṃ anupādiṇṇupādāniyaṃ anidassanaṃ . 926. Katamaṃ taṃ rūpaṃ upādiṇṇupādāniyaṃ sappaṭighaṃ ?
Cakkhāyatanaṃ … pe … kāyāyatanaṃ , yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ
P0.173 rasāyatanaṃ phoṭṭhabbāyatanaṃ – idaṃ taṃ rūpaṃ upādiṇṇupādāniyaṃ sappaṭighaṃ . 927. Katamaṃ taṃ rūpaṃ upādiṇṇupādāniyaṃ appaṭighaṃ ?
Itthindriyaṃ purisindriyaṃ jīvitindriyaṃ , yaṃ vā panaññampi atthi rūpaṃ kammassa katattā ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādiṇṇupādāniyaṃ appaṭighaṃ .
928. Katamaṃ taṃ rūpaṃ anupādiṇṇupādāniyaṃ sappaṭighaṃ ?
Saddāyatanaṃ , yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ anupādiṇṇupādāniyaṃ sappaṭighaṃ .
929. Katamaṃ taṃ rūpaṃ anupādiṇṇupādāniyaṃ appaṭighaṃ ?
Kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā , yaṃ vā
V0.218 panaññampi atthi rūpaṃ na kammassa katattā ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ anupādiṇṇupādāniyaṃ appaṭighaṃ . 930. Katamaṃ
M0.198 taṃ rūpaṃ upādiṇṇupādāniyaṃ mahābhūtaṃ ?Kammassa katattā phoṭṭhabbāyatanaṃ āpodhātu – idaṃ taṃ rūpaṃ upādiṇṇupādāniyaṃ mahābhūtaṃ
T0.251 . 931. Katamaṃ taṃ rūpaṃ upādiṇṇupādāniyaṃ na mahābhūtaṃ ?
Cakkhāyatanaṃ … pe … kāyāyatanaṃ itthindriyaṃ purisindriyaṃ jīvitindriyaṃ , yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ ākāsadhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādiṇṇupādāniyaṃ na mahābhūtaṃ .
932. Katamaṃ taṃ rūpaṃ anupādiṇṇupādāniyaṃ mahābhūtaṃ ?
Na kammassa katattā phoṭṭhabbāyatanaṃ āpodhātu – idaṃ taṃ rūpaṃ anupādiṇṇupādāniyaṃ mahābhūtaṃ .
933. Katamaṃ taṃ rūpaṃ anupādiṇṇupādāniyaṃ na mahābhūtaṃ ?
Saddāyatanaṃ
P0.174 kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā , yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ ākāsadhātu rūpassa upacayo rūpassa santati kabaḷīkāro āhāro – idaṃ taṃ rūpaṃ anupādiṇṇupādāniyaṃ na mahābhūtaṃ . 934. Katamaṃ taṃ rūpaṃ upādiṇṇupādāniyaṃ oḷārikaṃ ?
Cakkhāyatanaṃ … pe … kāyāyatanaṃ , yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ upādiṇṇupādāniyaṃ oḷārikaṃ .
935. Katamaṃ taṃ rūpaṃ upādiṇṇupādāniyaṃ sukhumaṃ ?
Itthindriyaṃ purisindriyaṃ jīvitindriyaṃ , yaṃ vā panaññampi atthi rūpaṃ kammassa katattā ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādiṇṇupādāniyaṃ
T0.252 sukhumaṃ . 936. Katamaṃ
V0.219 taṃ rūpaṃ anupādiṇṇupādāniyaṃ oḷārikaṃ ?Saddāyatanaṃ , yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ anupādiṇṇupādāniyaṃ oḷārikaṃ .
937. Katamaṃ
M0.199 taṃ rūpaṃ anupādiṇṇupādāniyaṃ sukhumaṃ ?Kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā , yaṃ vā panaññampi atthi rūpaṃ na kammassa katattā ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ anupādiṇṇupādāniyaṃ sukhumaṃ .
938. Katamaṃ taṃ rūpaṃ upādiṇṇupādāniyaṃ dūre ?
Itthindriyaṃ purisindriyaṃ jīvitindriyaṃ , yaṃ vā panaññampi atthi rūpaṃ kammassa katattā ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādiṇṇupādāniyaṃ dūre .
939. Katamaṃ taṃ rūpaṃ upādiṇṇupādāniyaṃ santike cakkhāyatanaṃ … pe … kāyāyatanaṃ , yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ upādiṇṇupādāniyaṃ santike .
940. Katamaṃ
P0.175 taṃ rūpaṃ anupādiṇṇupādāniyaṃ dūre ?Kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā , yaṃ vā panaññampi atthi rūpaṃ na kammassa katattā ākāsadhātu āpodhātu rūpassa upacayo rūpassa santati
T0.253 kabaḷīkāro āhāro – idaṃ taṃ rūpaṃ anupādiṇṇupādāniyaṃ dūre . 941. Katamaṃ taṃ rūpaṃ anupādiṇṇupādāniyaṃ santike ?
Saddāyatanaṃ , yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ anupādiṇṇupādāniyaṃ santike .
942. Katamaṃ taṃ rūpaṃ sappaṭighaṃ indriyaṃ ?
Cakkhundriyaṃ … pe … kāyindriyaṃ – idaṃ taṃ rūpaṃ sappaṭighaṃ indriyaṃ .
943. Katamaṃ
V0.220 taṃ rūpaṃ sappaṭighaṃ na indriyaṃ ?Rūpāyatanaṃ … pe … phoṭṭhabbāyatanaṃ – idaṃ taṃ rūpaṃ sappaṭighaṃ na indriyaṃ .
944. Katamaṃ taṃ rūpaṃ appaṭighaṃ indriyaṃ ?
Itthindriyaṃ purisindriyaṃ jīvitindriyaṃ – idaṃ taṃ rūpaṃ appaṭighaṃ indriyaṃ .
945. Katamaṃ
M0.200 taṃ rūpaṃ appaṭighaṃ na indriyaṃ ?Kāyaviññatti vacīviññatti … pe … kabaḷīkāro āhāro – idaṃ taṃ rūpaṃ appaṭighaṃ na indriyaṃ .
946. Katamaṃ taṃ rūpaṃ sappaṭighaṃ mahābhūtaṃ ?
Phoṭṭhabbāyatanaṃ – idaṃ taṃ rūpaṃ sappaṭighaṃ mahābhūtaṃ .
947. Katamaṃ taṃ rūpaṃ sappaṭighaṃ na mahābhūtaṃ ?
Cakkhāyatanaṃ … pe … rasāyatanaṃ – idaṃ taṃ rūpaṃ sappaṭighaṃ na mahābhūtaṃ .
948. Katamaṃ taṃ rūpaṃ appaṭighaṃ mahābhūtaṃ ?
Āpodhātu – idaṃ taṃ rūpaṃ appaṭighaṃ mahābhūtaṃ .
949. Katamaṃ taṃ rūpaṃ appaṭighaṃ na mahābhūtaṃ ?
Itthindriyaṃ … pe … kabaḷīkāro āhāro – idaṃ taṃ rūpaṃ appaṭighaṃ na mahābhūtaṃ .
950. Katamaṃ taṃ rūpaṃ indriyaṃ oḷārikaṃ ?
Cakkhundriyaṃ … pe … kāyindriyaṃ – idaṃ taṃ rūpaṃ indriyaṃ oḷārikaṃ .
951. Katamaṃ taṃ rūpaṃ indriyaṃ sukhumaṃ ?
Itthindriyaṃ
P0.176 purisindriyaṃ jīvitindriyaṃ – idaṃ taṃ rūpaṃ indriyaṃT0.254 sukhumaṃ . 952. Katamaṃ
V0.221 taṃ rūpaṃ na indriyaṃ oḷārikaṃ ?Rūpāyatanaṃ … pe … phoṭṭhabbāyatanaṃ – idaṃ taṃ rūpaṃ na indriyaṃ oḷārikaṃ .
953. Katamaṃ taṃ rūpaṃ na indriyaṃ sukhumaṃ ?
Kāyaviññatti vacīviññatti … pe … kabaḷīkāro āhāro – idaṃ taṃ rūpaṃ na indriyaṃ sukhumaṃ .
954. Katamaṃ taṃ rūpaṃ indriyaṃ dūre ?
Itthindriyaṃ purisindriyaṃ jīvitindriyaṃ – idaṃ taṃ rūpaṃ indriyaṃ dūre .
955. Katamaṃ taṃ rūpaṃ indriyaṃ santike ?
Cakkhundriyaṃ … pe … kāyindriyaṃ – idaṃ taṃ rūpaṃ indriyaṃ santike .
956. Katamaṃ taṃ rūpaṃ na indriyaṃ dūre ?
Kāyaviññatti vacīviññatti … pe … kabaḷīkāro āhāro – idaṃ taṃ rūpaṃ na indriyaṃ dūre .
957. Katamaṃ taṃ rūpaṃ na indriyaṃ santike ?
Rūpāyatanaṃ … pe … phoṭṭhabbāyatanaṃ – idaṃ taṃ rūpaṃ na indriyaṃ santike .
958. Katamaṃ taṃ rūpaṃ mahābhūtaṃ oḷārikaṃ ?
Phoṭṭhabbāyatanaṃ – idaṃ taṃ rūpaṃ mahābhūtaṃ oḷārikaṃ .
959. Katamaṃ
M0.201 taṃ rūpaṃ mahābhūtaṃ sukhumaṃ ?Āpodhātu – idaṃ taṃ rūpaṃ mahābhūtaṃ sukhumaṃ .
960. Katamaṃ taṃ rūpaṃ na mahābhūtaṃ oḷārikaṃ ?
Cakkhāyatanaṃ … pe … rasāyatanaṃ – idaṃ taṃ rūpaṃ na mahābhūtaṃ oḷārikaṃ .
961. Katamaṃ
V0.222 taṃ rūpaṃ na mahābhūtaṃ sukhumaṃ ?Itthindriyaṃ … pe … kabaḷīkāro āhāro – idaṃ taṃ rūpaṃ na mahābhūtaṃ sukhumaṃ .
962. Katamaṃ taṃ rūpaṃ mahābhūtaṃ dūre ?
Āpodhātu – idaṃ taṃ rūpaṃ mahābhūtaṃ dūre .
963. Katamaṃ taṃ rūpaṃ mahābhūtaṃ santike ?
Phoṭṭhabbāyatanaṃ – idaṃ taṃ rūpaṃ mahābhūtaṃ santike .
964. Katamaṃ taṃ rūpaṃ na mahābhūtaṃ dūre ?
Itthindriyaṃ … pe …
T0.255 kabaḷīkāro āhāro – idaṃ taṃ rūpaṃ na mahābhūtaṃ dūre . 965. Katamaṃ
P0.177 taṃ rūpaṃ na mahābhūtaṃ santike ?Cakkhāyatanaṃ … pe … rasāyatanaṃ – idaṃ taṃ rūpaṃ na mahābhūtaṃ santike .
966. Rūpāyatanaṃ diṭṭhaṃ , saddāyatanaṃ sutaṃ , gandhāyatanaṃ rasāyatanaṃ phoṭṭhabbāyatanaṃ mutaṃ , sabbaṃ rūpaṃ manasā viññātaṃ rūpaṃ .
Evaṃ catubbidhena rūpasaṅgaho .
Catukkaṃ .