Ganthagocchakaṃ
1489. Katame dhammā ganthā ?
Cattāro
P0.249 ganthā – abhijjhākāyagantho , byāpādo kāyagantho , sīlabbataparāmāso kāyagantho , idaṃsaccābhiniveso kāyagantho .Abhijjhākāyagantho aṭṭhasu lobhasahagatesu
M0.282 cittuppādesu uppajjati .Byāpādo kāyagantho dvīsu domanassasahagatesu cittuppādesu uppajjati .
Sīlabbataparāmāso kāyagantho ca idaṃsaccābhiniveso kāyagantho ca catūsu diṭṭhigatasampayuttesu cittuppādesu uppajjanti – ime dhammā ganthā .
1490. Katame dhammā no ganthā ?
Ṭhapetvā ganthe , avasesaṃ akusalaṃ , catūsu bhūmīsu kusalaṃ , catūsu bhūmīsu vipāko , tīsu bhūmīsu kiriyābyākataṃ , rūpañca , nibbānañca – ime dhammā no ganthā .
1491. Katame dhammā ganthaniyā ?
Tīsu bhūmīsu kusalaṃ , akusalaṃ , tīsu bhūmīsu vipāko , tīsu bhūmīsu kiriyābyākataṃ , sabbañca rūpaṃ – ime dhammā ganthaniyā .
1492. Katame dhammā aganthaniyā ?
Cattāro maggā
T0.361 apariyāpannā , cattāri ca sāmaññaphalāni , nibbānañca – ime dhammā aganthaniyā . 1493. Katame dhammā ganthasampayuttā ?
Cattāro diṭṭhigatasampayuttacittuppādā
V0.310 , cattāro diṭṭhigatavippayuttalobhasahagatacittuppādā , etthuppannaṃ lobhaṃ ṭhapetvā , dve domanassasahagatacittuppādā , etthuppannaṃ paṭighaṃ ṭhapetvā – ime dhammā ganthasampayuttā . 1494. Katame dhammā ganthavippayuttā ?
Catūsu diṭṭhigatavippayuttalobhasahagatesu cittuppādesu uppanno lobho , dvīsu domanassasahagatesu cittuppādesu uppannaṃ paṭighaṃ , vicikicchāsahagato cittuppādo , uddhaccasahagato cittuppādo , catūsu bhūmīsu kusalaṃ , catūsu bhūmīsu vipāko , tīsu bhūmīsu kiriyābyākataṃ , rūpañca , nibbānañca – ime dhammā ganthavippayuttā .
1495. Katame dhammā ganthā ceva ganthaniyā ca ?
Teva ganthā ganthā ceva ganthaniyā ca .
1496. Katame dhammā ganthaniyā ceva no ca ganthā ?
Ṭhapetvā ganthe avasesaṃ akusalaṃ , tīsu bhūmīsu kusalaṃ , tīsu bhūmīsu vipāko , tīsu bhūmīsu kiriyābyākataṃ , sabbañca rūpaṃ – ime dhammā ganthaniyā ceva no ca ganthā .
Aganthaniyā
P0.250 dhammā na vattabbā – ganthā ceva ganthaniyā cātipi , ganthaniyā ceva no ca ganthātipi . 1497. Katame
M0.283 dhammā ganthā ceva ganthasampayuttā ca ?Yattha diṭṭhi ca lobho ca ekato uppajjanti – ime dhammā ganthā ceva ganthasampayuttā
T0.362 ca . 1498. Katame dhammā ganthasampayuttā ceva no ca ganthā ?
Aṭṭha lobhasahagatacittuppādā dve domanassasahagatacittuppādā , etthuppanne ganthe ṭhapetvā – ime dhammā ganthasampayuttā ceva no ca ganthā .
Ganthavippayuttā dhammā na vattabbā – ganthā ceva ganthasampayuttā cātipi , ganthasampayuttā ceva no ca ganthātipi .
1499. Katame dhammā ganthavippayuttā ganthaniyā ?
Catūsu diṭṭhigatavippayuttalobhasahagatesu cittuppādesu uppanno lobho , dvīsu domanassasahagatesu cittuppādesu uppannaṃ paṭighaṃ , vicikicchāsahagato cittuppādo , uddhaccasahagato cittuppādo , tīsu bhūmīsu kusalaṃ , tīsu
V0.311 bhūmīsu vipāko , tīsu bhūmīsu kiriyābyākataṃ , sabbañca rūpaṃ – ime dhammā ganthavippayuttā ganthaniyā . 1500. Katame dhammā ganthavippayuttā aganthaniyā ?
Cattāro maggā apariyāpannā , cattāri ca sāmaññaphalāni , nibbānañca – ime dhammā ganthavippayuttā aganthaniyā .
Ganthasampayuttā dhammā na vattabbā – ganthavippayuttā ganthaniyātipi , ganthavippayuttā aganthaniyātipi .