Dvādasa akusalāni

365. KatameV0.99 dhammā akusalā ?

Yasmiṃ samaye akusalaṃ cittaṃ uppannaṃ hoti somanassasahagataṃ diṭṭhigatasampayuttaṃ rūpārammaṇaṃ vā saddārammaṇaṃ vā gandhārammaṇaṃ vā rasārammaṇaṃ vā phoṭṭhabbārammaṇaṃ vā dhammārammaṇaṃ vā yaṃ yaṃ vā panārabbha , tasmiṃ samaye phasso hoti , vedanā hoti , saññā hoti , cetanā hoti , cittaṃ hoti , vitakko hoti , vicāro hoti , pīti hoti , sukhaṃ hoti , cittassekaggatā hoti , vīriyindriyaṃ hoti , samādhindriyaṃ hoti , manindriyaṃ hoti , somanassindriyaṃ hoti , jīvitindriyaṃ hoti , micchādiṭṭhi hoti , micchāsaṅkappo hoti , micchāvāyāmo hoti , micchāsamādhi hoti , vīriyabalaṃ hoti , samādhibalaṃP0.76 hoti , ahirikabalaṃ hoti , anottappabalaṃ hoti , lobho hoti , moho hoti , abhijjhā hoti , micchādiṭṭhi hoti , ahirikaṃ hotiM0.91 , anottappaṃ hoti , samatho hoti , paggāho hoti , avikkhepo hotiT0.109 ;

ye vā pana tasmiṃ samaye aññepi atthi paṭiccasamuppannā arūpino dhammā – ime dhammā akusalā .

366. Katamo tasmiṃ samaye phasso hoti ?

Yo tasmiṃ samaye phasso phusanā saṃphusanā saṃphusitattaṃ – ayaṃ tasmiṃ samaye phasso hoti .

367. Katamā tasmiṃ samaye vedanā hoti ?

Yaṃ tasmiṃ samaye tajjāmanoviññāṇadhātusamphassajaṃ cetasikaṃ sātaṃ cetasikaṃ sukhaṃ cetosamphassajaṃ sātaṃ sukhaṃ vedayitaṃ cetosamphassajā sātā sukhā vedanā – ayaṃ tasmiṃ samaye vedanā hoti .

368. Katamā tasmiṃ samaye saññā hoti ?

Yā tasmiṃ samaye tajjāmanoviññāṇadhātusamphassajā saññā sañjānanā sañjānitattaṃ – ayaṃ tasmiṃ samaye saññā hoti .

369. Katamā tasmiṃ samaye cetanā hoti ?

Yā tasmiṃ samaye tajjāmanoviññāṇadhātusamphassajā cetanā sañcetanā cetayitattaṃ – ayaṃ tasmiṃ samaye cetanā hoti .

370. Katamaṃ tasmiṃ samaye cittaṃ hoti ?

Yaṃ tasmiṃ samaye cittaṃ mano mānasaṃ hadayaṃV0.100 paṇḍaraṃ mano manāyatanaṃ manindriyaṃ viññāṇaṃ viññāṇakkhandho tajjāmanoviññāṇadhātu – idaṃ tasmiṃ samaye cittaṃ hoti .

371. Katamo tasmiṃ samaye vitakko hoti ?

Yo tasmiṃ samaye takko vitakko saṅkappo appanā byappanā cetaso abhiniropanā micchāsaṅkappoT0.110 – ayaṃ tasmiṃ samaye vitakko hoti .

372. Katamo tasmiṃ samaye vicāro hoti ?

Yo tasmiṃ samaye cāro vicāro anuvicāro upavicāro cittassa anusandhānatāP0.77 anupekkhanatā – ayaṃ tasmiṃ samaye vicāro hoti .

373. KatamāM0.92 tasmiṃ samaye pīti hoti ?

Yā tasmiṃ samaye pīti pāmojjaṃ āmodanā pamodanā hāso pahāso vitti odagyaṃ attamanatā cittassa – ayaṃ tasmiṃ samaye pīti hoti .

374. Katamaṃ tasmiṃ samaye sukhaṃ hoti ?

Yaṃ tasmiṃ samaye cetasikaṃ sātaṃ cetasikaṃ sukhaṃ cetosamphassajaṃ sātaṃ sukhaṃ vedayitaṃ cetosamphassajā sātā sukhā vedanā – idaṃ tasmiṃ samaye sukhaṃ hoti .

375. Katamā tasmiṃ samaye cittassekaggatā hoti ?

Yā tasmiṃ samaye cittassa ṭhiti saṇṭhiti avaṭṭhiti avisāhāro avikkhepo avisāhaṭamānasatā samatho samādhindriyaṃ samādhibalaṃ micchāsamādhi – ayaṃ tasmiṃ samaye cittassekaggatā hoti .

376. Katamaṃ tasmiṃ samaye vīriyindriyaṃ hoti ?

Yo tasmiṃ samaye cetasiko vīriyārambho nikkamo parakkamo uyyāmo vāyāmo ussāho ussoḷhī thāmo dhiti asithilaparakkamatā anikkhittachandatā anikkhittadhuratā dhurasampaggāho vīriyaṃ vīriyindriyaṃ vīriyabalaṃ micchāvāyāmo – idaṃ tasmiṃ samaye vīriyindriyaṃ hoti .

377. KatamaṃV0.101 tasmiṃ samaye samādhindriyaṃ hoti ?

Yā tasmiṃ samaye cittassaT0.111 ṭhiti saṇṭhiti avaṭṭhiti avisāhāro avikkhepo avisāhaṭamānasatā samatho samādhindriyaṃ samādhibalaṃ micchāsamādhi – idaṃ tasmiṃ samaye samādhindriyaṃ hoti ?

378. Katamaṃ tasmiṃ samaye manindriyaṃ hoti ?

Yaṃ tasmiṃ samaye cittaṃ mano mānasaṃ hadayaṃ paṇḍaraṃ mano manāyatanaṃ manindriyaṃ viññāṇaṃ viññāṇakkhandho tajjāmanoviññāṇadhātu – idaṃ tasmiṃ samaye manindriyaṃ hoti .

379. Katamaṃ tasmiṃ samaye somanassindriyaṃ hoti ?

Yaṃ tasmiṃ samaye cetasikaṃ sātaṃ cetasikaṃ sukhaṃ cetosamphassajaṃ sātaṃ sukhaṃ vedayitaṃ cetosamphassajā sātā sukhā vedanā – idaṃ tasmiṃ samaye somanassindriyaṃ hoti .

380. KatamaṃM0.93 tasmiṃ samaye jīvitindriyaṃ hoti ?

Yo tesaṃ arūpīnaṃ dhammānaṃ āyu ṭhiti yapanā yāpanā iriyanāP0.78 vattanā pālanā jīvitaṃ jīvitindriyaṃ – idaṃ tasmiṃ samaye jīvitindriyaṃ hoti .

381. Katamā tasmiṃ samaye micchādiṭṭhi hoti ?

Yā tasmiṃ samaye diṭṭhi diṭṭhigataṃ diṭṭhigahanaṃ diṭṭhikantāro diṭṭhivisūkāyikaṃ diṭṭhivipphanditaṃ diṭṭhisaṃyojanaṃ gāho patiṭṭhāho [ paṭiggāho ( sī . syā .)] abhiniveso parāmāso kummaggo micchāpatho micchattaṃ titthāyatanaṃ vipariyāsaggāho [ vipariyesagāho ( ka .)]– ayaṃ tasmiṃ samaye micchādiṭṭhi hoti .

382. Katamo tasmiṃ samaye micchāsaṅkappo hoti ?

Yo tasmiṃ samayeT0.112 takko vitakko saṅkappo appanā byappanā cetaso abhiniropanā micchāsaṅkappo – ayaṃ tasmiṃ samaye micchāsaṅkappo hoti .

383. Katamo tasmiṃ samaye micchāvāyāmo hoti ?

Yo tasmiṃ samaye cetasiko vīriyārambho nikkamo parakkamo uyyāmo vāyāmo ussāho ussoḷhī thāmo dhiti asithilaparakkamatāV0.102 anikkhittachandatā anikkhittadhuratā dhurasampaggāho vīriyaṃ vīriyindriyaṃ vīriyabalaṃ micchāvāyāmo – ayaṃ tasmiṃ samaye micchāvāyāmo hoti .

384. Katamo tasmiṃ samaye micchāsamādhi hoti ?

Yā tasmiṃ samaye cittassa ṭhiti saṇṭhiti avaṭṭhiti avisāhāro avikkhepo avisāhaṭamānasatā samatho samādhindriyaṃ samādhibalaṃ micchāsamādhi – ayaṃ tasmiṃ samaye micchāsamādhi hoti .

385. Katamaṃ tasmiṃ samaye vīriyabalaṃ hoti ?

386. KatamaṃM0.94 tasmiṃ samaye samādhibalaṃ hoti ?

Yā tasmiṃ samaye cittassa ṭhiti saṇṭhiti avaṭṭhiti avisāhāro avikkhepo avisāhaṭamānasatā samatho samādhindriyaṃ samādhibalaṃ micchāsamādhi – idaṃ tasmiṃT0.113 samaye samādhibalaṃ hoti .

387. Katamaṃ tasmiṃ samaye ahirikabalaṃ hoti ?

Yaṃ tasmiṃ samaye na hirīyati hiriyitabbena na hirīyati pāpakānaṃ akusalānaṃ dhammānaṃ samāpattiyā – idaṃ tasmiṃ samaye ahirikabalaṃ hoti .

388. Katamaṃ tasmiṃ samaye anottappabalaṃ hoti ?

Yaṃ tasmiṃ samaye na ottappati ottappitabbena na ottappati pāpakānaṃ akusalānaṃ dhammānaṃ samāpattiyā – idaṃ tasmiṃ samaye anottappabalaṃ hoti .

389. Katamo tasmiṃ samaye lobho hoti ?

YoP0.79 tasmiṃ samaye lobho lubbhanā lubbhitattaṃ sārāgo sārajjanā sārajjitattaṃ abhijjhā lobho akusalamūlaṃ – ayaṃ tasmiṃ samaye lobho hoti .

390. KatamoV0.103 tasmiṃ samaye moho hoti ?

Yaṃ tasmiṃ samaye aññāṇaṃ adassanaṃ anabhisamayo ananubodho asambodho appaṭivedho asaṃgāhanā apariyogāhanā asamapekkhanā apaccavekkhanā apaccakkhakammaṃ dummejjhaṃ bālyaṃ asampajaññaṃ moho pamoho sammoho avijjā avijjogho avijjāyogo avijjānusayo avijjāpariyuṭṭhānaṃ avijjālaṅgī moho akusalamūlaṃ – ayaṃ tasmiṃ samaye moho hoti .

391. Katamā tasmiṃ samaye abhijjhā hoti ?

Yo tasmiṃ samaye lobho lubbhanā lubbhitattaṃ sārāgo sārajjanā sārajjitattaṃ abhijjhā lobho akusalamūlaṃ – ayaṃ tasmiṃ samaye abhijjhā hoti .

392. Katamā tasmiṃ samaye micchādiṭṭhi hoti ?

Yā tasmiṃ samayeT0.114 diṭṭhi diṭṭhigataṃ diṭṭhigahanaṃ diṭṭhikantāro diṭṭhivisūkāyikaṃ diṭṭhivipphanditaṃ diṭṭhisaṃyojanaṃ gāho patiṭṭhāho abhiniveso parāmāso kummaggo micchāpathoM0.95 micchattaṃ titthāyatanaṃ vipariyāsaggāho – ayaṃ tasmiṃ samaye micchādiṭṭhi hoti .

393. Katamaṃ tasmiṃ samaye ahirikaṃ hoti ?

Yaṃ tasmiṃ samaye na hirīyati hiriyitabbena na hirīyati pāpakānaṃ akusalānaṃ dhammānaṃ samāpattiyā – idaṃ tasmiṃ samaye ahirikaṃ hoti .

394. Katamaṃ tasmiṃ samaye anottappaṃ hoti ?

Yaṃ tasmiṃ samaye na ottappati ottappitabbena na ottappati pāpakānaṃ akusalānaṃ dhammānaṃ samāpattiyā – idaṃ tasmiṃ samaye anottappaṃ hoti .

395. Katamo tasmiṃ samaye samatho hoti ?

Yā tasmiṃ samaye cittassa ṭhiti saṇṭhiti avaṭṭhiti avisāhāro avikkhepo avisāhaṭamānasatā samatho samādhindriyaṃ samādhibalaṃ micchāsamādhi – ayaṃ tasmiṃ samaye samatho hoti .

396. Katamo tasmiṃ samaye paggāho hoti ?

Yo tasmiṃ samaye cetasiko vīriyārambhoV0.104 nikkamo parakkamo uyyāmo vāyāmo ussāho ussoḷhī thāmo dhiti asithilaparakkamatā anikkhittachandatā anikkhittadhuratā dhurasampaggāho vīriyaṃ vīriyindriyaṃ vīriyabalaṃ micchāvāyāmo – ayaṃ tasmiṃ samaye paggāho hoti .

397. Katamo tasmiṃ samaye avikkhepo hoti ?

Yā tasmiṃ samayeT0.115 cittassa ṭhiti saṇṭhiti avaṭṭhiti avisāhāro avikkhepo avisāhaṭamānasatā samatho samādhindriyaṃ samādhibalaṃ micchāsamādhi – ayaṃ tasmiṃ samaye avikkhepo hoti ;

ye vā pana tasmiṃ samaye aññepi atthi paṭiccasamuppannā arūpino dhammā – ime dhammā akusalā .

Tasmiṃ kho pana samaye cattāro khandhā honti , dvāyatanāni honti , dve dhātuyo honti , tayo āhārā honti , pañcindriyāni honti , pañcaṅgikaṃ jhānaṃ hoti , caturaṅgiko maggo hoti , cattāri balāni honti , dve hetū honti , eko phasso hoti … pe … ekaṃ dhammāyatanaṃP0.80 hoti , ekā dhammadhātu hoti ;

ye vā pana tasmiṃ samaye aññepi atthi paṭiccasamuppannā arūpino dhammā – ime dhammā akusalā … pe ….

398. KatamoM0.96 tasmiṃ samaye saṅkhārakkhandho hoti ?

Phasso cetanā vitakko vicāro pīti cittassekaggatā vīriyindriyaṃ samādhindriyaṃ jīvitindriyaṃ micchādiṭṭhi micchāsaṅkappo micchāvāyāmo micchāsamādhi vīriyabalaṃ samādhibalaṃ ahirikabalaṃ anottappabalaṃ lobho moho abhijjhā micchādiṭṭhi ahirikaṃ anottappaṃ samatho paggāho avikkhepo ;

ye vā pana tasmiṃ samaye aññepi atthi paṭiccasamuppannā arūpino dhammā ṭhapetvā vedanākkhandhaṃ ṭhapetvā saññākkhandhaṃ ṭhapetvā viññāṇakkhandhaṃ – ayaṃ tasmiṃ samaye saṅkhārakkhandho hoti … pe … imeT0.116 dhammā akusalā .

399. Katame dhammā akusalā ?

Yasmiṃ samaye akusalaṃ cittaṃ uppannaṃ hoti somanassasahagataṃ diṭṭhigatasampayuttaṃ sasaṅkhārena rūpārammaṇaṃ vā … pe … dhammārammaṇaṃ vā yaṃ yaṃ vā panārabbha , tasmiṃ samaye phasso hoti … pe … avikkhepo hoti … pe … ime dhammā akusalā .

400. KatameV0.105 dhammā akusalā ?

Yasmiṃ samaye akusalaṃ cittaṃ uppannaṃ hoti somanassasahagataṃ diṭṭhigatavippayuttaṃ rūpārammaṇaṃ vā saddārammaṇaṃ vā gandhārammaṇaṃ vā rasārammaṇaṃ vā phoṭṭhabbārammaṇaṃ vā dhammārammaṇaṃ vā yaṃ yaṃ vā panārabbha , tasmiṃ samaye phasso hoti , vedanā hoti , saññā hoti , cetanā hoti , cittaṃ hoti , vitakko hoti , vicāro hoti , pīti hoti , sukhaṃ hoti , cittassekaggatā hoti , vīriyindriyaṃ hoti , samādhindriyaṃ hoti , manindriyaṃ hoti , somanassindriyaṃ hoti , jīvitindriyaṃ hoti , micchāsaṅkappo hoti , micchāvāyāmo hoti , micchāsamādhi hoti , vīriyabalaṃ hoti , samādhibalaṃ hoti , ahirikabalaṃ hoti , anottappabalaṃ hoti , lobho hoti , moho hoti , abhijjhā hoti , ahirikaṃ hoti , anottappaṃ hoti , samatho hoti , paggāho hoti , avikkhepo hoti ;

ye vā pana tasmiṃ samaye aññepi atthi paṭiccasamuppannā arūpino dhammā – ime dhammā akusalā … pe ….

Tasmiṃ kho pana samayeP0.81 cattāro khandhā honti , dvāyatanāni hontiT0.117 , dve dhātuyo honti , tayo āhārā honti , pañcindriyāni honti , pañcaṅgikaṃ jhānaṃ hoti , tivaṅgiko maggo hoti , cattāri balāni honti , dve hetū honti , eko phasso hoti … pe … ekaṃ dhammāyatanaṃM0.97 hoti , ekā dhammadhātu hoti ;

ye vā pana tasmiṃ samaye aññepi atthi paṭiccasamuppannā arūpino dhammā – ime dhammā akusalā … pe ….

401. Katamo tasmiṃ samaye saṅkhārakkhandho hoti ?

Phasso cetanā vitakko vicāro pīti cittassekaggatā vīriyindriyaṃ samādhindriyaṃ jīvitindriyaṃ micchāsaṅkappo micchāvāyāmo micchāsamādhi vīriyabalaṃ samādhibalaṃ ahirikabalaṃ anottappabalaṃ lobho moho abhijjhā ahirikaṃ anottappaṃ samatho paggāho avikkhepo ;

402. KatameV0.106 dhammā akusalā ?

Yasmiṃ samaye akusalaṃ cittaṃ uppannaṃ hoti somanassasahagataṃ diṭṭhigatavippayuttaṃ sasaṅkhārena rūpārammaṇaṃ vā … pe … dhammārammaṇaṃ vā yaṃ yaṃ vā panārabbha , tasmiṃ samaye phasso hoti … pe … avikkhepo hoti … pe … ime dhammā akusalā .

403. Katame dhammā akusalā ?

Yasmiṃ samaye akusalaṃ cittaṃ uppannaṃT0.118 hoti upekkhāsahagataṃ diṭṭhigatasampayuttaṃ rūpārammaṇaṃ vā saddārammaṇaṃ vā gandhārammaṇaṃ vā rasārammaṇaṃ vā phoṭṭhabbārammaṇaṃ vā dhammārammaṇaṃ vā yaṃ yaṃ vā panārabbha , tasmiṃ samaye phasso hoti , vedanā hoti , saññā hoti , cetanā hoti , cittaṃ hoti , vitakko hoti , vicāro hoti , upekkhā hoti , cittassekaggatā hoti , vīriyindriyaṃ hoti , samādhindriyaṃ hoti , manindriyaṃ hoti , upekkhindriyaṃ hoti , jīvitindriyaṃ hoti , micchādiṭṭhi hoti , micchāsaṅkappo hoti , micchāvāyāmo hoti , micchāsamādhi hoti , vīriyabalaṃ hoti , samādhibalaṃ hoti , ahirikabalaṃ hoti , anottappabalaṃ hoti , lobho hoti , moho hoti , abhijjhā hoti , micchādiṭṭhi hoti , ahirikaṃ hoti , anottappaṃ hoti , samatho hoti , paggāho hoti , avikkhepo hoti ;

ye vā pana tasmiṃ samaye aññepi atthi paṭiccasamuppannā arūpino dhammā – ime dhammā akusalā .

404. KatamoM0.98 tasmiṃ samaye phasso hoti ?

Yo tasmiṃ samaye phasso phusanā saṃphusanā saṃphusitattaṃ – ayaṃ tasmiṃ samaye phasso hoti .

405. Katamā tasmiṃ samaye vedanā hoti ?

Yaṃ tasmiṃ samaye tajjāmanoviññāṇadhātusamphassajaṃ cetasikaṃ neva sātaṃ nāsātaṃ cetosamphassajaṃ adukkhamasukhaṃP0.82 vedayitaṃ cetosamphassajā adukkhamasukhā vedanā – ayaṃ tasmiṃ samaye vedanā hoti … pe ….

406. Katamā tasmiṃ samaye upekkhā hoti ?

Yaṃ tasmiṃ samaye cetasikaṃ neva sātaṃ nāsātaṃ cetosamphassajaṃ adukkhamasukhaṃT0.119 vedayitaṃ cetosamphassajā adukkhamasukhā vedanā – ayaṃ tasmiṃ samaye upekkhā hoti … pe ….

407. Katamaṃ tasmiṃ samaye upekkhindriyaṃ hoti ?

Yaṃ tasmiṃ samaye cetasikaṃ neva sātaṃ nāsātaṃ cetosamphassajaṃ adukkhamasukhaṃ vedayitaṃ cetosamphassajā adukkhamasukhā vedanā – idaṃ tasmiṃ samaye upekkhindriyaṃ hoti … pe … ye vā pana tasmiṃ samaye aññepi atthi paṭiccasamuppannā arūpino dhammā – ime dhammā akusalā .

Tasmiṃ kho pana samaye cattāro khandhā honti , dvāyatanāni honti , dve dhātuyo honti , tayoV0.107 āhārā honti , pañcindriyāni honti , caturaṅgikaṃ jhānaṃ hoti , caturaṅgiko maggo hoti , cattāri balāni honti , dve hetū honti , eko phasso hoti … pe … ekaṃ dhammāyatanaṃ hoti , ekā dhammadhātu hoti ;

ye vā pana tasmiṃ samaye aññepi atthi paṭiccasamuppannā arūpino dhammā – ime dhammā akusalā … pe ….

408. Katamo tasmiṃ samaye saṅkhārakkhandho hoti ?

Phasso cetanā vitakko vicāro cittassekaggatā vīriyindriyaṃ samādhindriyaṃ jīvitindriyaṃ micchādiṭṭhi micchāsaṅkappo micchāvāyāmo micchāsamādhi vīriyabalaṃ samādhibalaṃ ahirikabalaṃ anottappabalaṃ lobho moho abhijjhā micchādiṭṭhi ahirikaṃ anottappaṃ samatho paggāho avikkhepo ;

ye vā pana tasmiṃ samaye aññepi atthi paṭiccasamuppannā arūpino dhammā ṭhapetvā vedanākkhandhaṃ ṭhapetvā saññākkhandhaṃ ṭhapetvā viññāṇakkhandhaṃT0.120 – ayaṃ tasmiṃ samaye saṅkhārakkhandho hoti … pe … ime dhammā akusalā .

409. KatameM0.99 dhammā akusalā ?

Yasmiṃ samaye akusalaṃ cittaṃ uppannaṃ hoti upekkhāsahagataṃ diṭṭhigatasampayuttaṃ sasaṅkhārena rūpārammaṇaṃ vā … pe … dhammārammaṇaṃ vā yaṃ yaṃ vā panārabbha , tasmiṃ samaye phasso hoti … pe … avikkhepo hoti … pe … ime dhammā akusalā .

410. Katame dhammā akusalā ?

Yasmiṃ samaye akusalaṃ cittaṃ uppannaṃ hoti upekkhāsahagataṃ diṭṭhigatavippayuttaṃ rūpārammaṇaṃ vā saddārammaṇaṃ vā gandhārammaṇaṃ vā rasārammaṇaṃ vā phoṭṭhabbārammaṇaṃ vā dhammārammaṇaṃ vā yaṃ yaṃ vā panārabbha , tasmiṃ samaye phasso hoti , vedanā hoti , saññā hoti , cetanā hoti , cittaṃ hoti , vitakko hoti , vicāro hoti , upekkhā hoti , cittassekaggatā hoti , vīriyindriyaṃ hoti , samādhindriyaṃ hoti , manindriyaṃ hoti , upekkhindriyaṃ hotiP0.83 , jīvitindriyaṃ hoti , micchāsaṅkappo hoti , micchāvāyāmo hoti , micchāsamādhi hoti , vīriyabalaṃ hoti , samādhibalaṃ hoti , ahirikabalaṃ hoti , anottappabalaṃ hoti , lobho hoti , moho hoti , abhijjhā hoti , ahirikaṃ hoti , anottappaṃ hoti , samatho hoti , paggāho hoti , avikkhepo hoti ;

ye vā pana tasmiṃ samaye aññepi atthi paṭiccasamuppannā arūpino dhammā – ime dhammā akusalā … pe ….

TasmiṃV0.108 kho pana samaye cattāro khandhā honti , dvāyatanāni hontiT0.121 , dve dhātuyo honti , tayo āhārā honti , pañcindriyāni honti , caturaṅgikaṃ jhānaṃ hoti , tivaṅgiko maggo hoti , cattāri balāni honti , dve hetū honti , eko phasso hoti … pe … ekaṃ dhammāyatanaṃ hoti , ekā dhammadhātu hoti ;

ye vā pana tasmiṃ samaye aññepi atthi paṭiccasamuppannā arūpino dhammā – ime dhammā akusalā … pe ….

411. Katamo tasmiṃ samaye saṅkhārakkhandho hoti ?

Phasso cetanā vitakko vicāro cittassekaggatā vīriyindriyaṃ samādhindriyaṃ jīvitindriyaṃ micchāsaṅkappo micchāvāyāmo micchāsamādhi vīriyabalaṃ samādhibalaṃ ahirikabalaṃ anottappabalaṃ lobho moho abhijjhā ahirikaṃ anottappaṃ samatho paggāho avikkhepo ;

ye vā pana tasmiṃ samaye aññepi atthi paṭiccasamuppannā arūpino dhammā ṭhapetvā vedanākkhandhaṃM0.100 ṭhapetvā saññākkhandhaṃ ṭhapetvā viññāṇakkhandhaṃ – ayaṃ tasmiṃ samaye saṅkhārakkhandho hoti … pe … ime dhammā akusalā .

412. Katame dhammā akusalā ?

Yasmiṃ samaye akusalaṃ cittaṃ uppannaṃ hoti upekkhāsahagataṃ diṭṭhigatavippayuttaṃ sasaṅkhārena rūpārammaṇaṃ vā … pe … dhammārammaṇaṃ vā yaṃ yaṃ vā panārabbha , tasmiṃ samaye phasso hoti … pe … avikkhepo hoti … pe … ime dhammā akusalā .

413. Katame dhammā akusalā ?

Yasmiṃ samaye akusalaṃ cittaṃ uppannaṃT0.122 hoti domanassasahagataṃ paṭighasampayuttaṃ rūpārammaṇaṃ vā saddārammaṇaṃ vā gandhārammaṇaṃ vā rasārammaṇaṃ vā phoṭṭhabbārammaṇaṃ vā dhammārammaṇaṃ vā yaṃ yaṃ vā panārabbha , tasmiṃ samaye phasso hoti , vedanā hoti , saññā hoti , cetanā hoti , cittaṃ hoti , vitakko hoti , vicāro hoti , dukkhaṃ hoti , cittassekaggatā hoti , vīriyindriyaṃ hoti , samādhindriyaṃ hoti , manindriyaṃ hoti , domanassindriyaṃ hoti , jīvitindriyaṃ hoti , micchāsaṅkappo hoti , micchāvāyāmo hoti , micchāsamādhi hoti , vīriyabalaṃ hoti , samādhibalaṃ hoti , ahirikabalaṃ hoti , anottappabalaṃ hoti , doso hoti , moho hoti , byāpādo hoti , ahirikaṃ hoti , anottappaṃ hoti , samatho hoti , paggāho hoti , avikkhepo hoti ;

ye vā pana tasmiṃP0.84 samaye aññepi atthi paṭiccasamuppannā arūpino dhammā – ime dhammā akusalā .

414. KatamoV0.109 tasmiṃ samaye phasso hoti ?

Yo tasmiṃ samaye phasso phusanā saṃphusanā saṃphusitattaṃ – ayaṃ tasmiṃ samaye phasso hoti .

415. Katamā tasmiṃ samaye vedanā hoti ?

Yaṃ tasmiṃ samaye tajjāmanoviññāṇadhātusamphassajaṃ cetasikaṃ asātaṃ cetasikaṃ dukkhaṃ cetosamphassajaṃ asātaṃ dukkhaṃ vedayitaṃ cetosamphassajā asātā dukkhā vedanā – ayaṃ tasmiṃ samaye vedanā hoti … pe ….

416. Katamaṃ tasmiṃ samaye dukkhaṃ hoti ?

Yaṃ tasmiṃ samaye cetasikaṃ asātaṃ cetasikaṃ dukkhaṃ cetosamphassajaṃ asātaṃ dukkhaṃ vedayitaṃM0.101 cetosamphassajā asātā dukkhāT0.123 vedanā – idaṃ tasmiṃ samaye dukkhaṃ hoti … pe ….

417. Katamaṃ tasmiṃ samaye domanassindriyaṃ hoti ?

Yaṃ tasmiṃ samaye cetasikaṃ asātaṃ cetasikaṃ dukkhaṃ cetosamphassajaṃ asātaṃ dukkhaṃ vedayitaṃ cetosamphassajā asātā dukkhā vedanā – idaṃ tasmiṃ samaye domanassindriyaṃ hoti … pe ….

418. Katamo tasmiṃ samaye doso hoti ?

Yo tasmiṃ samaye doso dussanā dussitattaṃ byāpatti byāpajjanā byāpajjitattaṃ virodho paṭivirodho caṇḍikkaṃ asuropo anattamanatā cittassa – ayaṃ tasmiṃ samaye doso hoti … pe ….

419. Katamo tasmiṃ samaye byāpādo hoti ?

Yo tasmiṃ samaye doso dussanā dussitattaṃ byāpatti byāpajjanā byāpajjitattaṃ virodho paṭivirodho caṇḍikkaṃ asuropo anattamanatā cittassa – ayaṃ tasmiṃ samaye byāpādo hoti … pe … ye vā pana tasmiṃ samaye aññepi atthi paṭiccasamuppannā arūpino dhammā – ime dhammā akusalā .

Tasmiṃ kho pana samaye cattāro khandhā honti , dvāyatanāni honti , dve dhātuyo honti , tayo āhārā honti , pañcindriyāni honti , caturaṅgikaṃ jhānaṃ hoti , tivaṅgiko maggo hoti , cattāri balāni honti , dve hetū honti , eko phasso hoti … pe … ekaṃ dhammāyatanaṃ hotiV0.110 , ekā dhammadhātu hoti ;

ye vā pana tasmiṃ samaye aññepi atthi paṭiccasamuppannā arūpino dhammā – ime dhammā akusalā … pe ….

420. KatamoT0.124 tasmiṃ samaye saṅkhārakkhandho hoti ?

Phasso cetanā vitakko vicāro cittassekaggatā vīriyindriyaṃ samādhindriyaṃ jīvitindriyaṃ micchāsaṅkappo micchāvāyāmoP0.85 micchāsamādhi vīriyabalaṃ samādhibalaṃ ahirikabalaṃ anottappabalaṃ doso moho byāpādo ahirikaṃ anottappaṃ samatho paggāho avikkhepo ;

421. KatameM0.102 dhammā akusalā ?

Yasmiṃ samaye akusalaṃ cittaṃ uppannaṃ hoti domanassasahagataṃ paṭighasampayuttaṃ sasaṅkhārena rūpārammaṇaṃ vā … pe … dhammārammaṇaṃ vā yaṃ yaṃ vā panārabbha , tasmiṃ samaye phasso hoti … pe … avikkhepo hoti … pe … ime dhammā akusalā .

422. Katame dhammā akusalā ?

Yasmiṃ samaye akusalaṃ cittaṃ uppannaṃ hoti upekkhāsahagataṃ vicikicchāsampayuttaṃ rūpārammaṇaṃ vā saddārammaṇaṃ vā gandhārammaṇaṃ vā rasārammaṇaṃ vā phoṭṭhabbārammaṇaṃ vā dhammārammaṇaṃ vā yaṃ yaṃ vā panārabbha , tasmiṃ samaye phasso hoti , vedanā hoti , saññā hoti , cetanā hoti , cittaṃ hoti , vitakko hoti , vicāro hoti , upekkhā hoti , cittassekaggatā hoti , vīriyindriyaṃT0.125 hoti , manindriyaṃ hoti , upekkhindriyaṃ hoti , jīvitindriyaṃ hoti , micchāsaṅkappo hoti , micchāvāyāmo hoti , vīriyabalaṃ hoti , ahirikabalaṃ hoti , anottappabalaṃ hoti , vicikicchā hoti , moho hoti , ahirikaṃ hoti , anottappaṃ hoti , paggāho hoti ;

ye vā pana tasmiṃ samaye aññepi atthi paṭiccasamuppannā arūpino dhammā – ime dhammā akusalā .

423. Katamo tasmiṃ samaye phasso hoti ?

Yo tasmiṃ samaye phasso phusanā saṃphusanā saṃphusitattaṃ – ayaṃ tasmiṃ samaye phasso hoti … pe ….

424. KatamāV0.111 tasmiṃ samaye cittassekaggatā hoti ?

Yā tasmiṃ samaye cittassa ṭhiti – ayaṃ tasmiṃ samaye cittassekaggatā hoti … pe ….

425. Katamā tasmiṃ samaye vicikicchā hoti ?

Yā tasmiṃ samaye kaṅkhā kaṅkhāyanā kaṅkhāyitattaṃ vimati vicikicchā dveḷhakaṃ dvedhāpatho saṃsayo anekaṃsaggāho āsappanā parisappanā apariyogāhanā thambhitattaṃ cittassa manovilekho – ayaṃ tasmiṃ samaye vicikicchā hoti … pe …P0.86 ye vā pana tasmiṃ samaye aññepi atthi paṭiccasamuppannā arūpino dhammā – ime dhammā akusalā .

Tasmiṃ kho pana samaye cattāro khandhā honti , dvāyatanāni honti , dve dhātuyo honti , tayo āhārā honti , cattāri indriyāni hontiM0.103 , caturaṅgikaṃ jhānaṃ hoti , duvaṅgiko maggo hoti , tīṇi balāni honti , eko hetu hoti , eko phasso hoti … pe … ekaṃ dhammāyatanaṃ hotiT0.126 , ekā dhammadhātu hoti ;

ye vā pana tasmiṃ samaye aññepi atthi paṭiccasamuppannā arūpino dhammā – ime dhammā akusalā … pe ….

426. Katamo tasmiṃ samaye saṅkhārakkhandho hoti ?

Phasso cetanā vitakko vicāro cittassekaggatā vīriyindriyaṃ jīvitindriyaṃ micchāsaṅkappo micchāvāyāmo vīriyabalaṃ ahirikabalaṃ anottappabalaṃ vicikicchā moho ahirikaṃ anottappaṃ paggāho ;

427. Katame dhammā akusalā ?

Yasmiṃ samaye akusalaṃ cittaṃ uppannaṃ hoti upekkhāsahagataṃ uddhaccasampayuttaṃ rūpārammaṇaṃ vā … pe … yaṃ yaṃ vā panārabbha , tasmiṃ samaye phasso hoti , vedanā hoti , saññā hoti , cetanā hoti , cittaṃ hoti , vitakko hoti , vicāro hoti , upekkhā hoti , cittassekaggatā hoti , vīriyindriyaṃ hoti , samādhindriyaṃ hoti , manindriyaṃ hoti , upekkhindriyaṃ hoti , jīvitindriyaṃ hoti , micchāsaṅkappo hoti , micchāvāyāmo hoti , micchāsamādhi hoti , vīriyabalaṃ hoti , samādhibalaṃ hoti , ahirikabalaṃ hotiV0.112 , anottappabalaṃ hoti , uddhaccaṃ hoti , moho hoti , ahirikaṃ hoti , anottappaṃ hoti , samatho hoti , paggāho hoti , avikkhepo hoti ;

yeT0.127 vā pana tasmiṃ samaye aññepi atthi paṭiccasamuppannā arūpino dhammā – ime dhammā akusalā .

428. Katamo tasmiṃ samaye phasso hoti ?

Yo tasmiṃ samaye phasso phusanā saṃphusanā saṃphusitattaṃ – ayaṃ tasmiṃ samaye phasso hoti … pe ….

429. Katamaṃ tasmiṃ samaye uddhaccaṃ hoti ?

Yaṃ tasmiṃ samaye cittassa uddhaccaṃ avūpasamo cetaso vikkhepo bhantattaṃ cittassa – idaṃ tasmiṃ samayeM0.104 uddhaccaṃ hotiP0.87 … pe … ye vā pana tasmiṃ samaye aññepi atthi paṭiccasamuppannā arūpino dhammā – ime dhammā akusalā .

Tasmiṃ kho pana samaye cattāro khandhā honti , dvāyatanāni honti , dve dhātuyo honti , tayo āhārā honti , pañcindriyāni honti , caturaṅgikaṃ jhānaṃ hoti , tivaṅgiko maggo hoti , cattāri balāni honti , eko hetu hoti , eko phasso hoti … pe … ekaṃ dhammāyatanaṃ hoti , ekā dhammadhātu hoti ;

ye vā pana tasmiṃ samaye aññepi atthi paṭiccasamuppannā arūpino dhammā – ime dhammā akusalā … pe ….

430. Katamo tasmiṃ samaye saṅkhārakkhandho hoti ?

Phasso cetanā vitakko vicāro cittassekaggatā vīriyindriyaṃ samādhindriyaṃ jīvitindriyaṃ micchāsaṅkappo micchāvāyāmo micchāsamādhi vīriyabalaṃ samādhibalaṃ ahirikabalaṃ anottappabalaṃ uddhaccaṃ moho ahirikaṃ anottappaṃ samathoT0.128 paggāho avikkhepo ;

Dvādasa akusalacittāni .

Issues

Select Version

Dhammasaṅgaṇīpāḷi

Dhammasaṅgaṇīpāḷi