Lokuttarakusalaṃ

Suddhikapaṭipadā

277. KatameV0.80 dhammā kusalā ?

Yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vivicceva kāmehi … pe … paṭhamaṃ jhānaṃ upasampajja viharati dukkhapaṭipadaṃ dandhābhiññaṃ , tasmiṃ samaye phasso hoti , vedanā hoti , saññā hoti , cetanā hoti , cittaṃ hoti , vitakko hoti , vicāro hoti , pīti hoti , sukhaṃ hoti , cittassekaggatā hoti , saddhindriyaṃ hoti , vīriyindriyaṃ hoti , satindriyaṃ hoti , samādhindriyaṃ hoti , paññindriyaṃ hoti , manindriyaṃ hoti , somanassindriyaṃ hoti , jīvitindriyaṃ hoti , anaññātaññassāmītindriyaṃ hoti , sammādiṭṭhi hoti , sammāsaṅkappo hoti , sammāvācā hoti , sammākammanto hoti , sammāājīvo hoti , sammāvāyāmo hoti , sammāsati hoti , sammāsamādhi hoti , saddhābalaṃ hoti , vīriyabalaṃ hoti , satibalaṃ hoti , samādhibalaṃ hoti , paññābalaṃ hoti , hiribalaṃ hoti , ottappabalaṃ hoti , alobho hoti , adoso hoti , amohoT0.84 hoti , anabhijjhā hoti , abyāpādo hoti , sammādiṭṭhi hoti , hirī hoti , ottappaṃ hoti , kāyapassaddhi hoti , cittapassaddhi hoti , kāyalahutā hoti , cittalahutā hoti , kāyamudutā hoti , cittamudutā hoti , kāyakammaññatā hoti , cittakammaññatā hoti , kāyapāguññatā hoti , cittapāguññatā hoti , kāyujukatā hoti , cittujukatā hoti , sati hoti , sampajaññaṃ hoti , samatho hoti , vipassanā hoti , paggāhoM0.73 hoti , avikkhepo hoti ;

ye vā pana tasmiṃ samaye aññepi atthi paṭiccasamuppannā arūpino dhammā – ime dhammā kusalā .

278. Katamo tasmiṃ samaye phasso hoti ?

Yo tasmiṃ samaye phasso phusanā saṃphusanā saṃphusitattaṃ – ayaṃ tasmiṃ samaye phasso hoti .

279. Katamā tasmiṃ samaye vedanā hoti ?

Yaṃ tasmiṃ samaye tajjāmanoviññāṇadhātusamphassajaṃP0.61 cetasikaṃ sātaṃ cetasikaṃ sukhaṃ cetosamphassajaṃ sātaṃ sukhaṃ vedayitaṃ cetosamphassajā sātā sukhā vedanā – ayaṃ tasmiṃ samaye vedanā hoti .

280. KatamāV0.81 tasmiṃ samaye saññā hoti ?

Yā tasmiṃ samaye tajjāmanoviññāṇadhātusamphassajā saññā sañjānanā sañjānitattaṃ – ayaṃ tasmiṃ samaye saññā hoti .

281. Katamā tasmiṃ samaye cetanā hoti ?

Yā tasmiṃ samaye tajjāmanoviññāṇadhātusamphassajā cetanā sañcetanā cetayitattaṃ – ayaṃ tasmiṃ samaye cetanā hoti .

282. KatamaṃT0.85 tasmiṃ samaye cittaṃ hoti ?

Yaṃ tasmiṃ samaye cittaṃ mano mānasaṃ hadayaṃ paṇḍaraṃ mano manāyatanaṃ manindriyaṃ viññāṇaṃ viññāṇakkhandho tajjāmanoviññāṇadhātu – idaṃ tasmiṃ samaye cittaṃ hoti .

283. Katamo tasmiṃ samaye vitakko hoti ?

Yo tasmiṃ samaye takko vitakko saṅkappo appanā byappanā cetaso abhiniropanā sammāsaṅkappo maggaṅgaṃ maggapariyāpannaṃ – ayaṃ tasmiṃ samaye vitakko hoti .

284. Katamo tasmiṃ samaye vicāro hoti ?

Yo tasmiṃ samaye cāro vicāro anuvicāro upavicāro cittassa anusandhānatā anupekkhanatā – ayaṃ tasmiṃ samaye vicāro hoti .

285. KatamāM0.74 tasmiṃ samaye pīti hoti ?

Yā tasmiṃ samaye pīti pāmojjaṃ āmodanā pamodanā hāso pahāso vitti odagyaṃ attamanatā cittassa pītisambojjhaṅgo – ayaṃ tasmiṃ samaye pīti hoti .

286. Katamaṃ tasmiṃ samaye sukhaṃ hoti ?

Yaṃ tasmiṃ samaye cetasikaṃ sātaṃ cetasikaṃ sukhaṃ cetosamphassajaṃ sātaṃ sukhaṃ vedayitaṃ cetosamphassajā sātā sukhā vedanā – idaṃ tasmiṃ samaye sukhaṃ hoti .

287. KatamāV0.82 tasmiṃ samaye cittassekaggatā hoti ?

Yā tasmiṃ samayeT0.86 cittassa ṭhiti saṇṭhiti avaṭṭhiti avisāhāro avikkhepo avisāhaṭamānasatā samatho samādhindriyaṃ samādhibalaṃ sammāsamādhi samādhisambojjhaṅgo maggaṅgaṃ maggapariyāpannaṃ – ayaṃ tasmiṃ samaye cittassekaggatā hoti .

288. KatamaṃP0.62 tasmiṃ samaye saddhindriyaṃ hoti ?

Yā tasmiṃ samaye saddhā saddahanā okappanā abhippasādo saddhā saddhindriyaṃ saddhābalaṃ – idaṃ tasmiṃ samaye saddhindriyaṃ hoti .

289. Katamaṃ tasmiṃ samaye vīriyindriyaṃ hoti ?

Yo tasmiṃ samaye cetasiko vīriyārambho nikkamo parakkamo uyyāmo vāyāmo ussāho ussoḷhī thāmo dhiti asithilaparakkamatā anikkhittachandatā anikkhittadhuratā dhurasampaggāho vīriyaṃ vīriyindriyaṃ vīriyabalaṃ sammāvāyāmo vīriyasambojjhaṅgo maggaṅgaṃ maggapariyāpannaṃ – idaṃ tasmiṃ samaye vīriyindriyaṃ hoti .

290. Katamaṃ tasmiṃ samaye satindriyaṃ hoti ?

Yā tasmiṃ samaye sati anussati paṭissati sati saraṇatā dhāraṇatā apilāpanatā asammussanatā sati satindriyaṃ satibalaṃ sammāsati satisambojjhaṅgo maggaṅgaṃ maggapariyāpannaṃ – idaṃ tasmiṃ samaye satindriyaṃ hoti .

291. Katamaṃ tasmiṃ samaye samādhindriyaṃ hoti ?

Yā tasmiṃ samaye cittassa ṭhiti saṇṭhiti avaṭṭhiti avisāhāro avikkhepo avisāhaṭamānasatāM0.75 samatho samādhindriyaṃ samādhibalaṃ sammāsamādhi samādhisambojjhaṅgoT0.87 maggaṅgaṃ maggapariyāpannaṃ – idaṃ tasmiṃ samaye samādhindriyaṃ hoti .

292. Katamaṃ tasmiṃ samaye paññindriyaṃ hoti ?

Yā tasmiṃ samaye paññā pajānanā vicayo pavicayo dhammavicayo sallakkhaṇā upalakkhaṇā paccupalakkhaṇā paṇḍiccaṃ kosallaṃ nepuññaṃ vebhabyā cintā upaparikkhā bhūrī medhā pariṇāyikā vipassanā sampajaññaṃ patodo paññā paññindriyaṃ paññābalaṃ paññāsatthaṃ paññāpāsādo paññāāloko paññāobhāso paññāpajjotoV0.83 paññāratanaṃ amoho dhammavicayo sammādiṭṭhi dhammavicayasambojjhaṅgo maggaṅgaṃ maggapariyāpannaṃ – idaṃ tasmiṃ samaye paññindriyaṃ hoti .

293. Katamaṃ tasmiṃ samaye manindriyaṃ hoti ?

Yaṃ tasmiṃ samaye cittaṃ mano mānasaṃ hadayaṃ paṇḍaraṃ mano manāyatanaṃ manindriyaṃ viññāṇaṃ viññāṇakkhandho tajjāmanoviññāṇadhātu – idaṃ tasmiṃ samaye manindriyaṃ hoti .

294. Katamaṃ tasmiṃ samaye somanassindriyaṃ hoti ?

YaṃP0.63 tasmiṃ samaye cetasikaṃ sātaṃ cetasikaṃ sukhaṃ cetosamphassajaṃ sātaṃ sukhaṃ vedayitaṃ cetosamphassajā sātā sukhā vedanā – idaṃ tasmiṃ samaye somanassindriyaṃ hoti .

295. Katamaṃ tasmiṃ samaye jīvitindriyaṃ hoti ?

Yo tesaṃ arūpīnaṃ dhammānaṃ āyu ṭhiti yapanā yāpanā iriyanā vattanā pālanā jīvitaṃT0.88 jīvitindriyaṃ – idaṃ tasmiṃ samaye jīvitindriyaṃ hoti .

296. Katamaṃ tasmiṃ samaye anaññātaññassāmītindriyaṃ hoti ?

Yā tesaṃ dhammānaṃ anaññātānaṃ adiṭṭhānaṃ appattānaṃ aviditānaṃ asacchikatānaṃ sacchikiriyāya paññā pajānanā vicayo pavicayo dhammavicayo sallakkhaṇā upalakkhaṇā paccupalakkhaṇā paṇḍiccaṃ kosallaṃ nepuññaṃ vebhabyā cintā upaparikkhā bhūrī medhā pariṇāyikā vipassanā sampajaññaṃ patodo paññāM0.76 paññindriyaṃ paññābalaṃ paññāsatthaṃ paññāpāsādo paññāāloko paññāobhāso paññāpajjoto paññāratanaṃ amoho dhammavicayo sammādiṭṭhi dhammavicayasambojjhaṅgo maggaṅgaṃ maggapariyāpannaṃ – idaṃ tasmiṃ samaye anaññātaññassāmītindriyaṃ hoti .

297. Katamā tasmiṃ samaye sammādiṭṭhi hoti ?

Yā tasmiṃ samaye paññā pajānanā vicayo pavicayo dhammavicayo sallakkhaṇā upalakkhaṇā paccupalakkhaṇā paṇḍiccaṃ kosallaṃ nepuññaṃ vebhabyā cintā upaparikkhā bhūrī medhā pariṇāyikā vipassanā sampajaññaṃ patodo paññā paññindriyaṃ paññābalaṃ paññāsatthaṃ paññāpāsādo paññāāloko paññāobhāso paññāpajjotoV0.84 paññāratanaṃ amoho dhammavicayo sammādiṭṭhi dhammavicayasambojjhaṅgo maggaṅgaṃ maggapariyāpannaṃ – ayaṃ tasmiṃ samaye sammādiṭṭhi hoti .

298. Katamo tasmiṃ samaye sammāsaṅkappo hoti ?

Yo tasmiṃ samayeT0.89 takko vitakko saṅkappo appanā byappanā cetaso abhiniropanā sammāsaṅkappo maggaṅgaṃ maggapariyāpannaṃ – ayaṃ tasmiṃ samaye sammāsaṅkappo hoti .

299. Katamā tasmiṃ samaye sammāvācā hoti ?

Yā tasmiṃ samaye catūhi vacīduccaritehi ārati virati paṭivirati veramaṇī akiriyā akaraṇaṃ anajjhāpatti velāanatikkamo setughāto sammāvācā maggaṅgaṃ maggapariyāpannaṃ – ayaṃ tasmiṃ samaye sammāvācā hoti .

300. KatamoP0.64 tasmiṃ samaye sammākammanto hoti ?

Yā tasmiṃ samaye tīhi kāyaduccaritehi ārati virati paṭivirati veramaṇī akiriyā akaraṇaṃ anajjhāpatti velāanatikkamo setughāto sammākammanto maggaṅgaṃ maggapariyāpannaṃ – ayaṃ tasmiṃ samaye sammākammanto hoti .

301. Katamo tasmiṃ samaye sammāājīvo hoti ?

Yā tasmiṃ samaye micchāājīvā ārati virati paṭivirati veramaṇī akiriyā akaraṇaṃ anajjhāpatti velāanatikkamo setughāto sammāājīvo maggaṅgaṃ maggapariyāpannaṃ – ayaṃ tasmiṃ samaye sammāājīvo hoti .

302. KatamoM0.77 tasmiṃ samaye sammāvāyāmo hoti ?

Yo tasmiṃ samaye cetasiko vīriyārambho nikkamo parakkamo uyyāmo vāyāmo ussāho ussoḷhī thāmo dhiti asithilaparakkamatā anikkhittachandatā anikkhittadhuratā dhurasampaggāho vīriyaṃ vīriyindriyaṃ vīriyabalaṃ sammāvāyāmoT0.90 vīriyasambojjhaṅgo maggaṅgaṃ maggapariyāpannaṃ – ayaṃ tasmiṃ samaye sammāvāyāmo hoti .

303. KatamāV0.85 tasmiṃ samaye sammāsati hoti ?

Yā tasmiṃ samaye sati anussati paṭissati sati saraṇatā dhāraṇatā apilāpanatā asammussanatā sati satindriyaṃ satibalaṃ sammāsati satisambojjhaṅgo maggaṅgaṃ maggapariyāpannaṃ – ayaṃ tasmiṃ samaye sammāsati hoti .

304. Katamo tasmiṃ samaye sammāsamādhi hoti ?

Yā tasmiṃ samaye cittassa ṭhiti saṇṭhiti avaṭṭhiti avisāhāro avikkhepo avisāhaṭamānasatā samatho samādhindriyaṃ samādhibalaṃ sammāsamādhi samādhisambojjhaṅgo maggaṅgaṃ maggapariyāpannaṃ – ayaṃ tasmiṃ samaye sammāsamādhi hoti .

305. Katamaṃ tasmiṃ samaye saddhābalaṃ hoti ?

Yā tasmiṃ samaye saddhā saddahanā okappanā abhippasādo saddhā saddhindriyaṃ saddhābalaṃ – idaṃ tasmiṃ samaye saddhābalaṃ hoti .

306. Katamaṃ tasmiṃ samaye vīriyabalaṃ hoti ?

Yo tasmiṃ samaye cetasiko vīriyārambho nikkamo parakkamo uyyāmo vāyāmo ussāho ussoḷhī thāmo dhiti asithilaparakkamatā anikkhittachandatā anikkhittadhuratā dhurasampaggāho vīriyaṃ vīriyindriyaṃ vīriyabalaṃ sammāvāyāmo vīriyasambojjhaṅgo maggaṅgaṃ maggapariyāpannaṃ – idaṃ tasmiṃ samaye vīriyabalaṃ hoti .

307. KatamaṃT0.91P0.65 tasmiṃ samaye satibalaṃ hoti ?

Yā tasmiṃ samaye sati anussati paṭissati sati saraṇatā dhāraṇatā apilāpanatā asammussanatā sati satindriyaṃ satibalaṃ sammāsati satisambojjhaṅgoM0.78 maggaṅgaṃ maggapariyāpannaṃ – idaṃ tasmiṃ samaye satibalaṃ hoti .

308. Katamaṃ tasmiṃ samaye samādhibalaṃ hoti ?

Yā tasmiṃ samaye cittassa ṭhiti saṇṭhiti avaṭṭhiti avisāhāro avikkhepo avisāhaṭamānasatā samatho samādhindriyaṃ samādhibalaṃ sammāsamādhi samādhisambojjhaṅgo maggaṅgaṃ maggapariyāpannaṃ – idaṃ tasmiṃ samaye samādhibalaṃ hoti .

309. Katamaṃ tasmiṃ samaye paññābalaṃ hoti ?

Yā tasmiṃ samaye paññā pajānanā vicayoV0.86 pavicayo dhammavicayo sallakkhaṇā upalakkhaṇā paccupalakkhaṇā paṇḍiccaṃ kosallaṃ nepuññaṃ vebhabyā cintā upaparikkhā bhūrī medhā pariṇāyikā vipassanā sampajaññaṃ patodo paññā paññindriyaṃ paññābalaṃ paññāsatthaṃ paññāpāsādo paññāāloko paññāobhāso paññāpajjoto paññāratanaṃ amoho dhammavicayo sammādiṭṭhi dhammavicayasambojjhaṅgo maggaṅgaṃ maggapariyāpannaṃ – idaṃ tasmiṃ samaye paññābalaṃ hoti .

310. Katamaṃ tasmiṃ samaye hiribalaṃ hoti ?

Yaṃ tasmiṃ samaye hirīyati hiriyitabbena hirīyati pāpakānaṃ akusalānaṃ dhammānaṃ samāpattiyā – idaṃ tasmiṃ samaye hiribalaṃ hoti .

311. KatamaṃT0.92 tasmiṃ samaye ottappabalaṃ hoti ?

Yaṃ tasmiṃ samaye ottappati ottappitabbena ottappati pāpakānaṃ akusalānaṃ dhammānaṃ samāpattiyā – idaṃ tasmiṃ samaye ottappabalaṃ hoti .

312. Katamo tasmiṃ samaye alobho hoti ?

Yo tasmiṃ samaye alobho alubbhanā alubbhitattaṃ asārāgo asārajjanā asārajjitattaṃ anabhijjhā alobho kusalamūlaṃ – ayaṃ tasmiṃ samaye alobho hoti .

313. Katamo tasmiṃ samaye adoso hoti ?

Yo tasmiṃ samaye adoso adussanā adussitattaṃ abyāpādo abyāpajjo adoso kusalamūlaṃ – ayaṃ tasmiṃ samaye adoso hoti .

314. KatamoM0.79 tasmiṃ samaye amoho hoti ?

Yā tasmiṃ samaye paññā pajānanā vicayo pavicayo dhammavicayo sallakkhaṇā upalakkhaṇā paccupalakkhaṇā paṇḍiccaṃ kosallaṃ nepuññaṃ vebhabyā cintā upaparikkhā bhūrī medhā pariṇāyikā vipassanā sampajaññaṃ patodo paññā paññindriyaṃ paññābalaṃ paññāsatthaṃ paññāpāsādo paññāāloko paññāobhāso paññāpajjoto paññāratanaṃ amoho dhammavicayo sammādiṭṭhi dhammavicayasambojjhaṅgoP0.66 maggaṅgaṃ maggapariyāpannaṃ – ayaṃ tasmiṃ samaye amoho hoti .

315. KatamāV0.87 tasmiṃ samaye anabhijjhā hoti ?

Yo tasmiṃ samaye alobho alubbhanā alubbhitattaṃ asārāgo asārajjanā asārajjitattaṃ anabhijjhā alobho kusalamūlaṃ – ayaṃ tasmiṃ samaye anabhijjhā hoti .

316. KatamoT0.93 tasmiṃ samaye abyāpādo hoti ?

Yo tasmiṃ samaye adoso adussanā adussitattaṃ abyāpādo abyāpajjo adoso kusalamūlaṃ – ayaṃ tasmiṃ samaye abyāpādo hoti .

317. Katamā tasmiṃ samaye sammādiṭṭhi hoti ?

Yā tasmiṃ samaye paññā pajānanā vicayo pavicayo dhammavicayo sallakkhaṇā upalakkhaṇā paccupalakkhaṇā paṇḍiccaṃ kosallaṃ nepuññaṃ vebhabyā cintā upaparikkhā bhūrī medhā pariṇāyikā vipassanā sampajaññaṃ patodo paññā paññindriyaṃ paññābalaṃ paññāsatthaṃ paññāpāsādo paññāāloko paññāobhāso paññāpajjoto paññāratanaṃ amoho dhammavicayo sammādiṭṭhi dhammavicayasambojjhaṅgo maggaṅgaṃ maggapariyāpannaṃ – ayaṃ tasmiṃ samaye sammādiṭṭhi hoti .

318. Katamā tasmiṃ samaye hirī hoti ?

Yaṃ tasmiṃ samaye hirīyati hiriyitabbena hirīyati pāpakānaṃ akusalānaṃ dhammānaṃ samāpattiyā – ayaṃ tasmiṃ samaye hirī hoti .

319. Katamaṃ tasmiṃ samaye ottappaṃ hoti ?

Yaṃ tasmiṃ samaye ottappati ottappitabbena ottappati pāpakānaṃ akusalānaṃ dhammānaṃ samāpattiyā – idaṃ tasmiṃ samaye ottappaṃ hoti .

320. KatamāM0.80 tasmiṃ samaye kāyapassaddhi hoti ?

Yā tasmiṃ samaye vedanākkhandhassa saññākkhandhassa saṅkhārakkhandhassa passaddhi paṭipassaddhi passambhanā paṭipassambhanā paṭipassambhitattaṃ passaddhisambojjhaṅgoT0.94 – ayaṃ tasmiṃ samaye kāyapassaddhi hoti .

321. Katamā tasmiṃ samaye cittapassaddhi hoti ?

Yā tasmiṃ samaye viññāṇakkhandhassaV0.88 passaddhi paṭipassaddhi passambhanā paṭipassambhanā paṭipassambhitattaṃ passaddhisambojjhaṅgo – ayaṃ tasmiṃ samaye cittapassaddhi hoti .

322. Katamā tasmiṃ samaye kāyalahutā hoti ?

Yā tasmiṃ samaye vedanākkhandhassa saññākkhandhassa saṅkhārakkhandhassa lahutā lahupariṇāmatā adandhanatā avitthanatā – ayaṃ tasmiṃ samaye kāyalahutā hoti .

323. Katamā tasmiṃ samaye cittalahutā hoti ?

Yā tasmiṃ samaye viññāṇakkhandhassa lahutā lahupariṇāmatāP0.67 adandhanatā avitthanatā – ayaṃ tasmiṃ samaye cittalahutā hoti .

324. Katamā tasmiṃ samaye kāyamudutā hoti ?

Yā tasmiṃ samaye vedanākkhandhassa saññākkhandhassa saṅkhārakkhandhassa mudutā maddavatā akakkhaḷatā akathinatā – ayaṃ tasmiṃ samaye kāyamudutā hoti .

325. Katamā tasmiṃ samaye cittamudutā hoti ?

Yā tasmiṃ samaye viññāṇakkhandhassa mudutā maddavatā akakkhaḷatā akathinatā – ayaṃ tasmiṃ samaye cittamudutā hoti .

326. Katamā tasmiṃ samaye kāyakammaññatā hoti ?

Yā tasmiṃ samaye vedanākkhandhassa saññākkhandhassa saṅkhārakkhandhassa kammaññatā kammaññattaṃT0.95 kammaññabhāvo – ayaṃ tasmiṃ samaye kāyakammaññatā hoti .

327. Katamā tasmiṃ samaye cittakammaññatā hoti ?

Yā tasmiṃ samaye viññāṇakkhandhassa kammaññatā kammaññattaṃ kammaññabhāvo – ayaṃ tasmiṃ samaye cittakammaññatā hoti .

328. KatamāM0.81 tasmiṃ samaye kāyapāguññatā hoti ?

Yā tasmiṃ samaye vedanākkhandhassa saññākkhandhassa saṅkhārakkhandhassa paguṇatā paguṇattaṃ paguṇabhāvo – ayaṃ tasmiṃ samaye kāyapāguññatā hoti .

329. KatamāV0.89 tasmiṃ samaye cittapāguññatā hoti ?

Yā tasmiṃ samaye viññāṇakkhandhassa paguṇatā paguṇattaṃ paguṇabhāvo – ayaṃ tasmiṃ samaye cittapāguññatā hoti .

330. Katamā tasmiṃ samaye kāyujukatā hoti ?

Yā tasmiṃ samaye vedanākkhandhassa saññākkhandhassa saṅkhārakkhandhassa ujutā ujukatā ajimhatā avaṅkatā akuṭilatā – ayaṃ tasmiṃ samaye kāyujukatā hoti .

331. Katamā tasmiṃ samaye cittujukatā hoti ?

Yā tasmiṃ samaye viññāṇakkhandhassa ujutā ujukatā ajimhatā avaṅkatā akuṭilatā – ayaṃ tasmiṃ samaye cittujukatā hoti .

332. Katamā tasmiṃ samaye sati hoti ?

Yā tasmiṃ samaye sati anussati paṭissati sati saraṇatā dhāraṇatā apilāpanatā asammussanatā sati satindriyaṃ satibalaṃ sammāsati satisambojjhaṅgo maggaṅgaṃT0.96 maggapariyāpannaṃ – ayaṃ tasmiṃ samaye sati hoti .

333. KatamaṃP0.68 tasmiṃ samaye sampajaññaṃ hoti ?

Yā tasmiṃ samaye paññā pajānanā vicayo pavicayo dhammavicayo sallakkhaṇā upalakkhaṇā paccupalakkhaṇā paṇḍiccaṃ kosallaṃ nepuññaṃ vebhabyā cintā upaparikkhā bhūrī medhā pariṇāyikā vipassanā sampajaññaṃ patodo paññā paññindriyaṃ paññābalaṃ paññāsatthaṃ paññāpāsādo paññāāloko paññāobhāso paññāpajjoto paññāratanaṃ amoho dhammavicayo sammādiṭṭhi dhammavicayasambojjhaṅgo maggaṅgaṃ maggapariyāpannaṃ – idaṃ tasmiṃ samaye sampajaññaṃ hoti .

334. Katamo tasmiṃ samaye samatho hoti ?

Yā tasmiṃ samaye cittassa ṭhiti saṇṭhiti avaṭṭhiti avisāhāro avikkhepo avisāhaṭamānasatā samatho samādhindriyaṃ samādhibalaṃ sammāsamādhi samādhisambojjhaṅgo maggaṅgaṃ maggapariyāpannaṃ – ayaṃ tasmiṃ samaye samatho hoti .

335. KatamāM0.82 tasmiṃ samaye vipassanā hoti ?

Yā tasmiṃ samaye paññā pajānanā vicayoV0.90 pavicayo dhammavicayo sallakkhaṇā upalakkhaṇā paccupalakkhaṇā paṇḍiccaṃ kosallaṃ nepuññaṃ vebhabyā cintā upaparikkhā bhūrī medhā pariṇāyikā vipassanā sampajaññaṃ patodo paññā paññindriyaṃ paññābalaṃ paññāsatthaṃ paññāpāsādo paññāāloko paññāobhāso paññāpajjoto paññāratanaṃT0.97 amoho dhammavicayo sammādiṭṭhi dhammavicayasambojjhaṅgo maggaṅgaṃ maggapariyāpannaṃ – ayaṃ tasmiṃ samaye vipassanā hoti .

336. Katamo tasmiṃ samaye paggāho hoti ?

Yo tasmiṃ samaye cetasiko vīriyārambho nikkamo parakkamo uyyāmo vāyāmo ussāho ussoḷhī thāmo dhiti asithilaparakkamatā anikkhittachandatā anikkhittadhuratā dhurasampaggāho vīriyaṃ vīriyindriyaṃ vīriyabalaṃ sammāvāyāmo vīriyasambojjhaṅgo maggaṅgaṃ maggapariyāpannaṃ – ayaṃ tasmiṃ samaye paggāho hoti .

337. Katamo tasmiṃ samaye avikkhepo hoti ?

Yā tasmiṃ samaye cittassa ṭhiti saṇṭhiti avaṭṭhiti avisāhāro avikkhepo avisāhaṭamānasatā samatho samādhindriyaṃ samādhibalaṃ sammāsamādhi samādhisambojjhaṅgo maggaṅgaṃ maggapariyāpannaṃ – ayaṃ tasmiṃ samaye avikkhepo hoti ;

ye vā pana tasmiṃ samaye aññepi atthi paṭiccasamuppannā arūpino dhammā – ime dhammā kusalā .

Tasmiṃ kho pana samaye cattāro khandhā honti , dvāyatanāni honti , dve dhātuyo honti , tayo āhārā honti , navindriyāni honti , pañcaṅgikaṃ jhānaṃ hoti , aṭṭhaṅgiko maggo hoti , satta balāni honti , tayo hetū honti , eko phasso hoti , ekā vedanā hoti , ekā saññā hoti , ekā cetanā hoti , ekaṃ cittaṃ hoti , eko vedanākkhandhoT0.98 hoti , eko saññākkhandho hoti , eko saṅkhārakkhandho hoti , eko viññāṇakkhandho hoti , ekaṃ manāyatanaṃ hoti , ekaṃ manindriyaṃ hoti , ekā manoviññāṇadhātu hoti , ekaṃ dhammāyatanaṃ hoti , ekā dhammadhātu hoti ;

ye vā pana tasmiṃ samaye aññepi atthi paṭiccasamuppannā arūpino dhammā – ime dhammā kusalā … pe ….

338. KatamoM0.83 tasmiṃ samaye saṅkhārakkhandho hoti ?

Phasso cetanā vitakko vicāro pītiV0.91 cittassekaggatā saddhindriyaṃ vīriyindriyaṃ satindriyaṃ samādhindriyaṃ paññindriyaṃP0.69 jīvitindriyaṃ anaññātaññassāmītindriyaṃ sammādiṭṭhi sammāsaṅkappo sammāvācā sammākammanto sammāājīvo sammāvāyāmo sammāsati sammāsamādhi saddhābalaṃ vīriyabalaṃ satibalaṃ samādhibalaṃ paññābalaṃ hiribalaṃ ottappabalaṃ alobho adoso amoho anabhijjhā abyāpādo sammādiṭṭhi hirī ottappaṃ kāyapassaddhi cittapassaddhi kāyalahutā cittalahutā kāyamudutā cittamudutā kāyakammaññatā cittakammaññatā kāyapāguññatā cittapāguññatā kāyujukatā cittujukatā sati sampajaññaṃ samatho vipassanā paggāho avikkhepo ;

ye vā pana tasmiṃ samaye aññepi atthi paṭiccasamuppannā arūpino dhammā ṭhapetvā vedanākkhandhaṃ ṭhapetvā saññākkhandhaṃ ṭhapetvā viññāṇakkhandhaṃ – ayaṃ tasmiṃ samaye saṅkhārakkhandho hoti … pe … ime dhammā kusalā .

339. Katame dhammā kusalā ?

Yasmiṃ samaye lokuttaraṃ jhānaṃ bhāvetiT0.99 niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vivicceva kāmehi … pe … paṭhamaṃ jhānaṃ upasampajja viharati dukkhapaṭipadaṃ khippābhiññaṃ , tasmiṃ samaye phasso hoti … pe … avikkhepo hoti … pe … ime dhammā kusalā .

340. Katame dhammā kusalā ?

Yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vivicceva kāmehi … pe … paṭhamaṃ jhānaṃ upasampajja viharati sukhapaṭipadaṃ dandhābhiññaṃ , tasmiṃ samaye phasso hoti … pe … avikkhepo hoti … pe … ime dhammā kusalā .

341. Katame dhammā kusalā ?

Yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vivicceva kāmehi … pe … paṭhamaṃ jhānaṃ upasampajja viharati sukhapaṭipadaṃ khippābhiññaṃ , tasmiṃ samaye phasso hoti … pe … avikkhepo hoti … pe … ime dhammā kusalā .

342. Katame dhammā kusalā ?

Yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyāM0.84 vitakkavicārānaṃ vūpasamāV0.92 … pe … dutiyaṃ jhānaṃ … pe … tatiyaṃ jhānaṃ … pe … catutthaṃ jhānaṃ … pe … paṭhamaṃ jhānaṃ … pe … pañcamaṃ jhānaṃ upasampajja viharati dukkhapaṭipadaṃ dandhābhiññaṃ … pe … dukkhapaṭipadaṃ khippābhiññaṃ … pe … sukhapaṭipadaṃ dandhābhiññaṃ … pe … sukhapaṭipadaṃ khippābhiññaṃ , tasmiṃ samaye phasso hoti … pe … avikkhepo hoti … pe … ime dhammā kusalā .

Suddhikapaṭipadā .

Suññataṃ

343. Katame dhammā kusalā ?

Yasmiṃ samaye lokuttaraṃ jhānaṃ bhāvetiT0.100 niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vivicceva kāmehi … pe … paṭhamaṃ jhānaṃ upasampajja viharati suññataṃ , tasmiṃ samaye phasso hoti … pe … avikkhepo hoti … pe … ime dhammā kusalā .

344. Katame dhammā kusalā ?

Yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vitakkavicārānaṃP0.70 vūpasamā … pe … dutiyaṃ jhānaṃ … pe … tatiyaṃ jhānaṃ … pe … catutthaṃ jhānaṃ … pe … paṭhamaṃ jhānaṃ … pe … pañcamaṃ jhānaṃ upasampajja viharati suññataṃ , tasmiṃ samaye phasso hoti … pe … avikkhepo hoti … pe … ime dhammā kusalā .

Suññataṃ .

Suññatamūlakapaṭipadā

345. KatameT0.101V0.93 dhammā kusalā ?

Yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vivicceva kāmehi … pe … paṭhamaṃ jhānaṃ upasampajja viharati dukkhapaṭipadaṃ dandhābhiññaṃ suññataṃ , tasmiṃ samaye phasso hoti … pe … avikkhepo hoti … pe … ime dhammā kusalā .

346. KatameM0.85 dhammā kusalā ?

Yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vivicceva kāmehi … pe … paṭhamaṃ jhānaṃ upasampajja viharati dukkhapaṭipadaṃ khippābhiññaṃ suññataṃ , tasmiṃ samaye phasso hoti … pe … avikkhepo hoti … pe … ime dhammā kusalā .

347. Katame dhammā kusalā ?

Yasmiṃ samaye lokuttaraṃ jhānaṃ bhāveti niyyānikaṃ apacayagāmiṃP0.71 diṭṭhigatānaṃ pahānāya paṭhamāya bhūmiyā pattiyā vivicceva kāmehi … pe … paṭhamaṃ jhānaṃ upasampajja viharati sukhapaṭipadaṃ dandhābhiññaṃ suññataṃ , tasmiṃ samaye phasso hoti … pe … avikkhepo hoti … pe … ime dhammā kusalā .

348. Katame dhammā kusalā ?

Yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vivicceva kāmehi … pe … paṭhamaṃ jhānaṃ upasampajja viharati sukhapaṭipadaṃ khippābhiññaṃ suññataṃ , tasmiṃ samaye phasso hoti … pe … avikkhepo hoti … pe … ime dhammā kusalā .

349. Katame dhammā kusalā ?

Yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃT0.102 pahānāya paṭhamāya bhūmiyā pattiyā vitakkavicārānaṃ vūpasamā … pe … dutiyaṃ jhānaṃ … pe … tatiyaṃ jhānaṃ … pe … catutthaṃ jhānaṃ … pe … paṭhamaṃ jhānaṃ … pe … pañcamaṃ jhānaṃ upasampajja viharati dukkhapaṭipadaṃ dandhābhiññaṃ suññataṃ … pe … dukkhapaṭipadaṃ khippābhiññaṃ suññataṃ … pe … sukhapaṭipadaṃ dandhābhiññaṃ suññataṃ … pe … sukhapaṭipadaṃV0.94 khippābhiññaṃ suññataṃ , tasmiṃ samaye phasso hoti … pe … avikkhepo hoti … pe … ime dhammā kusalā .

Suññatamūlakapaṭipadā .

Appaṇihitaṃ

350. Katame dhammā kusalā ?

Yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vivicceva kāmehi … pe … paṭhamaṃ jhānaṃ upasampajja viharati appaṇihitaṃM0.86 , tasmiṃ samaye phasso hoti … pe … avikkhepo hoti … pe … ime dhammā kusalā .

351. Katame dhammā kusalā ?

Yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vitakkavicārānaṃ vūpasamā … pe … dutiyaṃ jhānaṃ … pe … tatiyaṃ jhānaṃ … pe …P0.72 catutthaṃ jhānaṃ … pe … paṭhamaṃ jhānaṃ … pe … pañcamaṃ jhānaṃ upasampajja viharati appaṇihitaṃ , tasmiṃ samaye phasso hoti … pe … avikkhepo hoti … pe … ime dhammā kusalā .

Appaṇihitaṃ .

Appaṇihitamūlakapaṭipadā

352. KatameT0.103 dhammā kusalā ?

Yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vivicceva kāmehi … pe … paṭhamaṃV0.95 jhānaṃ upasampajja viharati dukkhapaṭipadaṃ dandhābhiññaṃ appaṇihitaṃ , tasmiṃ samaye phasso hoti … pe … avikkhepo hoti … pe … ime dhammā kusalā .

353. Katame dhammā kusalā ?

Yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vivicceva kāmehi … pe … paṭhamaṃ jhānaṃ upasampajja viharati dukkhapaṭipadaṃ khippābhiññaṃ appaṇihitaṃ , tasmiṃ samaye phasso hoti … pe … avikkhepo hoti … pe … ime dhammā kusalā .

354. Katame dhammā kusalā ?

Yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vivicceva kāmehi … pe … paṭhamaṃ jhānaṃ upasampajja viharati sukhapaṭipadaṃ dandhābhiññaṃ appaṇihitaṃ , tasmiṃ samaye phasso hoti … pe … avikkhepo hoti … pe … ime dhammā kusalā .

355. KatameM0.87 dhammā kusalā ?

Yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vivicceva kāmehi … pe … paṭhamaṃ jhānaṃ upasampajja viharati sukhapaṭipadaṃ khippābhiññaṃ appaṇihitaṃ , tasmiṃ samaye phasso hoti … pe … avikkhepo hoti … pe … ime dhammā kusalā .

356. Katame dhammā kusalā ?

Yasmiṃ samaye lokuttaraṃ jhānaṃ bhāveti niyyānikaṃ apacayagāmiṃT0.104 diṭṭhigatānaṃ pahānāya paṭhamāya bhūmiyā pattiyā vitakkavicārānaṃ vūpasamā … pe … dutiyaṃ jhānaṃ … pe … tatiyaṃ jhānaṃ … pe … catutthaṃ jhānaṃ … pe … paṭhamaṃ jhānaṃ … pe … pañcamaṃ jhānaṃ upasampajja viharati dukkhapaṭipadaṃ dandhābhiññaṃ appaṇihitaṃ … pe … dukkhapaṭipadaṃ khippābhiññaṃP0.73 appaṇihitaṃ … pe … sukhapaṭipadaṃ dandhābhiññaṃ appaṇihitaṃ … pe … sukhapaṭipadaṃ khippābhiññaṃ appaṇihitaṃ , tasmiṃ samaye phasso hoti … pe … avikkhepo hoti … pe … ime dhammā kusalā .

Appaṇihitamūlakapaṭipadā .

Vīsati mahānayā

357. KatameV0.96 dhammā kusalā ?

Yasmiṃ samaye lokuttaraṃ maggaṃ bhāveti … pe … lokuttaraṃ satipaṭṭhānaṃ bhāveti … pe … lokuttaraṃ sammappadhānaṃ bhāveti … pe … lokuttaraṃ iddhipādaṃ bhāveti … pe … lokuttaraṃ indriyaṃ bhāveti … pe … lokuttaraṃ balaṃ bhāveti … pe … lokuttaraṃ bojjhaṅgaṃ bhāveti … pe … lokuttaraṃ saccaṃ bhāveti … pe … lokuttaraṃ samathaṃ bhāveti … pe … lokuttaraṃ dhammaṃ bhāveti … pe … lokuttaraṃ khandhaṃ bhāveti … pe … lokuttaraṃ āyatanaṃ bhāveti … pe … lokuttaraṃ dhātuṃ bhāveti … pe … lokuttaraṃ āhāraṃ bhāveti … pe … lokuttaraṃ phassaṃ bhāveti … pe … lokuttaraṃ vedanaṃ bhāveti … pe … lokuttaraṃ saññaṃ bhāveti … pe … lokuttaraṃ cetanaṃ bhāveti … pe … lokuttaraṃ cittaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vivicceva kāmehi … pe … paṭhamaṃ jhānaṃ upasampajjaT0.105 viharati dukkhapaṭipadaṃ dandhābhiññaṃ , tasmiṃM0.88 samaye phasso hoti … pe … avikkhepo hoti … pe … ime dhammā kusalā .

Vīsati mahānayā .

Adhipati

358. Katame dhammā kusalā ?

Yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vivicceva kāmehi … pe … paṭhamaṃ jhānaṃ upasampajja viharati dukkhapaṭipadaṃ dandhābhiññaṃ chandādhipateyyaṃ … pe … vīriyādhipateyyaṃ … pe … cittādhipateyyaṃ … pe … vīmaṃsādhipateyyaṃ , tasmiṃ samaye phasso hoti … pe … avikkhepo hoti … pe … ime dhammā kusalā .

359. Katame dhammā kusalā ?

YasmiṃP0.74 samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vitakkavicārānaṃ vūpasamā … pe … dutiyaṃ jhānaṃ … pe … tatiyaṃ jhānaṃ … pe … catutthaṃ jhānaṃ … pe … paṭhamaṃ jhānaṃV0.97 … pe … pañcamaṃ jhānaṃ upasampajja viharati dukkhapaṭipadaṃ dandhābhiññaṃ chandādhipateyyaṃ … pe … vīriyādhipateyyaṃ … pe … cittādhipateyyaṃ … pe … vīmaṃsādhipateyyaṃ , tasmiṃ samaye phasso hoti … pe … avikkhepo hoti … pe … ime dhammā kusalā .

360. Katame dhammā kusalā ?

Yasmiṃ samaye lokuttaraṃ maggaṃ bhāveti … pe … lokuttaraṃ satipaṭṭhānaṃ bhāveti … pe … lokuttaraṃ sammappadhānaṃ bhāveti … pe … lokuttaraṃ iddhipādaṃ bhāveti … pe … lokuttaraṃ indriyaṃ bhāveti … pe … lokuttaraṃ balaṃ bhāveti … pe … lokuttaraṃ bojjhaṅgaṃ bhāveti … pe … lokuttaraṃT0.106 saccaṃ bhāveti … pe … lokuttaraṃ samathaṃ bhāveti … pe … lokuttaraṃ dhammaṃ bhāveti … pe … lokuttaraṃ khandhaṃ bhāveti … pe … lokuttaraṃ āyatanaṃ bhāveti … pe … lokuttaraṃ dhātuṃ bhāveti … pe … lokuttaraṃ āhāraṃ bhāveti … pe … lokuttaraṃ phassaṃ bhāveti … pe … lokuttaraṃ vedanaṃ bhāveti … pe … lokuttaraṃ saññaṃ bhāveti … pe … lokuttaraṃ cetanaṃ bhāveti … pe … lokuttaraṃ cittaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vivicceva kāmehi … pe …M0.89 paṭhamaṃ jhānaṃ upasampajja viharati dukkhapaṭipadaṃ dandhābhiññaṃ chandādhipateyyaṃ … pe … vīriyādhipateyyaṃ … pe … cittādhipateyyaṃ … pe … vīmaṃsādhipateyyaṃ , tasmiṃ samaye phasso hoti … pe … avikkhepo hoti … pe … ime dhammā kusalā .

Adhipati .

Paṭhamo maggo .

361. Katame dhammā kusalā ?

Yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ kāmarāgabyāpādānaṃ tanubhāvāya dutiyāya bhūmiyā pattiyā vivicceva kāmehi … pe … paṭhamaṃ jhānaṃ upasampajja viharati dukkhapaṭipadaṃ dandhābhiññaṃ , tasmiṃ samaye phasso hoti … pe … aññindriyaṃ hoti … pe … avikkhepo hoti … pe … ime dhammā kusalā .

Dutiyo maggo .

362. KatameT0.107V0.98 dhammā kusalā ?

Yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ kāmarāgabyāpādānaṃ anavasesappahānāya tatiyāya bhūmiyā pattiyā vivicceva kāmehi … pe … paṭhamaṃ jhānaṃ upasampajja viharati dukkhapaṭipadaṃ dandhābhiññaṃP0.75 , tasmiṃ samaye phasso hoti … pe … aññindriyaṃ hoti … pe … avikkhepo hoti … pe … ime dhammā kusalā .

Tatiyo maggo .

363. Katame dhammā kusalā ?

Yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ rūparāgaarūparāgamānauddhaccaavijjāya anavasesappahānāya catutthāya bhūmiyā pattiyā vivicceva kāmehi … pe … paṭhamaṃ jhānaṃ upasampajja viharati dukkhapaṭipadaṃ dandhābhiññaṃ , tasmiṃ samaye phassoM0.90 hoti … pe … aññindriyaṃ hoti … pe … avikkhepo hoti … pe … ime dhammā kusalā … pe ….

364. Katamaṃ tasmiṃ samaye aññindriyaṃ hoti ?

Yā tesaṃ dhammānaṃ ñātānaṃ diṭṭhānaṃ pattānaṃ viditānaṃ sacchikatānaṃ sacchikiriyāya paññā pajānanā vicayo pavicayo dhammavicayo sallakkhaṇā upalakkhaṇā paccupalakkhaṇā paṇḍiccaṃ kosallaṃ nepuññaṃ vebhabyā cintā upaparikkhā bhūrī medhā pariṇāyikā vipassanā sampajaññaṃ patodo paññā paññindriyaṃ paññābalaṃ paññāsatthaṃ paññāpāsādo paññāāloko paññāobhāso paññāpajjotoT0.108 paññāratanaṃ amoho dhammavicayo sammādiṭṭhi dhammavicayasambojjhaṅgo maggaṅgaṃ maggapariyāpannaṃ , idaṃ tasmiṃ samaye aññindriyaṃ hoti … pe … avikkhepo hoti … pe … ye vā pana tasmiṃ samaye aññepi atthi paṭiccasamuppannā arūpino dhammā – ime dhammā kusalā .

Catuttho maggo .

Lokuttaraṃ cittaṃ .

Issues

Select Version

Dhammasaṅgaṇīpāḷi

Dhammasaṅgaṇīpāḷi