Appaṇihitapaṭipadā
523. Katame dhammā abyākatā ?
Yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vivicceva kāmehi … pe … paṭhamaṃ jhānaṃ upasampajja viharati dukkhapaṭipadaṃ dandhābhiññaṃ appaṇihitaṃ , tasmiṃ samaye phasso hoti … pe … avikkhepo hoti … pe … ime dhammā kusalā .
Tasseva lokuttarassa kusalassa jhānassa katattā bhāvitattā vipākaṃ vivicceva kāmehi … pe … paṭhamaṃ jhānaṃ upasampajja
V0.134 viharati dukkhapaṭipadaṃ dandhābhiññaṃ appaṇihitaṃ , tasmiṃ samaye phasso hoti … pe … avikkhepo hoti … pe … ime dhammā abyākatā . 524. Katame dhammā abyākatā ?
Yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vivicceva kāmehi … pe …
P0.106 paṭhamaṃ jhānaṃ upasampajja viharati dukkhapaṭipadaṃ dandhābhiññaṃ appaṇihitaṃ , tasmiṃ samaye phasso hoti … pe … avikkhepo hoti … pe … ime dhammā kusalā .Tasseva lokuttarassa kusalassa
T0.156 jhānassa katattā bhāvitattā vipākaṃ vivicceva kāmehi … pe … paṭhamaṃ jhānaṃ upasampajja viharati dukkhapaṭipadaṃ dandhābhiññaṃ animittaṃ , tasmiṃ samaye phasso hoti … pe … avikkhepo hoti … pe … ime dhammā abyākatā . 525. Katame dhammā abyākatā ?
Yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vivicceva kāmehi … pe … paṭhamaṃ jhānaṃ upasampajja viharati dukkhapaṭipadaṃ dandhābhiññaṃ appaṇihitaṃ , tasmiṃ samaye phasso hoti … pe … avikkhepo hoti … pe … ime dhammā kusalā .
Tasseva lokuttarassa kusalassa
M0.125 jhānassa katattā bhāvitattā vipākaṃ vivicceva kāmehi … pe … paṭhamaṃ jhānaṃ upasampajja viharati dukkhapaṭipadaṃ dandhābhiññaṃ suññataṃ , tasmiṃ samaye phasso hoti … pe … avikkhepo hoti … pe … ime dhammā abyākatā . 526. Katame dhammā abyākatā ?
Yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vitakkavicārānaṃ vūpasamā … pe … dutiyaṃ jhānaṃ … pe … tatiyaṃ jhānaṃ … pe … catutthaṃ jhānaṃ … pe … paṭhamaṃ jhānaṃ … pe … pañcamaṃ jhānaṃ upasampajja viharati dukkhapaṭipadaṃ dandhābhiññaṃ appaṇihitanti kusalaṃ … pe … dukkhapaṭipadaṃ dandhābhiññaṃ appaṇihitanti vipāko … pe … dukkhapaṭipadaṃ
T0.157 dandhābhiññaṃ appaṇihitanti kusalaṃ … pe … dukkhapaṭipadaṃ dandhābhiññaṃ animittanti vipāko … pe … dukkhapaṭipadaṃ dandhābhiññaṃ appaṇihitanti kusalaṃ … pe … dukkhapaṭipadaṃ dandhābhiññaṃ suññatanti vipāko , tasmiṃ samaye phasso hoti … pe … avikkhepo hoti … pe … ime dhammā abyākatā . 527. Katame
V0.135 dhammā abyākatā ?Yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vivicceva kāmehi … pe … paṭhamaṃ jhānaṃ upasampajja viharati dukkhapaṭipadaṃ khippābhiññaṃ appaṇihitaṃ … pe … sukhapaṭipadaṃ dandhābhiññaṃ appaṇihitaṃ … pe … sukhapaṭipadaṃ
P0.107 khippābhiññaṃ appaṇihitaṃ … pe … dutiyaṃ jhānaṃ … pe … tatiyaṃ jhānaṃ … pe … catutthaṃ jhānaṃ … pe … paṭhamaṃ jhānaṃ … pe … pañcamaṃ jhānaṃ upasampajja viharati sukhapaṭipadaṃ khippābhiññaṃ appaṇihitanti kusalaṃ … pe … sukhapaṭipadaṃ khippābhiññaṃ appaṇihitanti vipāko … pe … sukhapaṭipadaṃ khippābhiññaṃ appaṇihitanti kusalaṃ … pe … sukhapaṭipadaṃ khippābhiññaṃ animittanti vipāko … pe … sukhapaṭipadaṃ khippābhiññaṃ appaṇihitanti kusalaṃ … pe … sukhapaṭipadaṃ khippābhiññaṃ suññatanti vipāko , tasmiṃ samaye phasso hoti … pe … avikkhepo hoti … pe … ime dhammā abyākatā .Appaṇihitapaṭipadā .