Idampi aṭṭhakkhattukaṃ
244. Katame
P0.52 dhammā kusalā ?Yasmiṃ samaye rūpūpapattiyā maggaṃ bhāveti ajjhattaṃ arūpasaññī bahiddhā rūpāni passati appamāṇāni suvaṇṇadubbaṇṇāni , tāni abhibhuyya jānāmi passāmīti vivicceva kāmehi … pe … paṭhamaṃ jhānaṃ upasampajja viharati , tasmiṃ samaye phasso hoti … pe … avikkhepo hoti … pe … ime dhammā kusalā .
245. Katame dhammā kusalā ?
Yasmiṃ samaye rūpūpapattiyā maggaṃ bhāveti ajjhattaṃ arūpasaññī bahiddhā rūpāni passati appamāṇāni suvaṇṇadubbaṇṇāni , tāni abhibhuyya jānāmi passāmīti vitakkavicārānaṃ vūpasamā … pe … dutiyaṃ jhānaṃ … pe … tatiyaṃ jhānaṃ … pe … catutthaṃ jhānaṃ … pe … paṭhamaṃ jhānaṃ … pe … pañcamaṃ jhānaṃ upasampajja viharati , tasmiṃ samaye phasso hoti … pe … avikkhepo hoti … pe … ime dhammā kusalā .
Idampi aṭṭhakkhattukaṃ .
246. Katame dhammā kusalā ?
Yasmiṃ samaye rūpūpapattiyā maggaṃ bhāveti ajjhattaṃ arūpasaññī bahiddhā rūpāni passati nīlāni nīlavaṇṇāni nīlanidassanāni nīlanibhāsāni , tāni abhibhuyya jānāmi passāmīti vivicceva
M0.65 kāmehi … pe … paṭhamaṃ jhānaṃ upasampajja viharatiT0.74 , tasmiṃ samaye phasso hoti … pe … avikkhepo hoti … pe … ime dhammā kusalā . 247. Katame dhammā kusalā ?
Yasmiṃ samaye rūpūpapattiyā maggaṃ bhāveti ajjhattaṃ arūpasaññī
V0.72 bahiddhā rūpāni passati pītāni pītavaṇṇāni pītanidassanāni pītanibhāsāni … pe … lohitakāni lohitakavaṇṇāni lohitakanidassanāni lohitakanibhāsāni … pe … odātāni odātavaṇṇāni odātanidassanāni odātanibhāsāni , tāni abhibhuyya jānāmi passāmīti vivicceva kāmehi … pe … paṭhamaṃ jhānaṃ upasampajja viharati , tasmiṃ samaye phasso hoti … pe … avikkhepo hoti … pe … ime dhammā kusalā .Imānipi abhibhāyatanāni soḷasakkhattukāni .