Issues
Editor
Settings
Versions
Select Version
中文翻译1
中文
Dhammasaṅgaṇīpāḷi
Dhammasaṅgaṇīpāḷi

Suddhikasuññataṃ

Author： _System_Pali_VRI_ @ Administrator

Suddhikasuññataṃ

510. Katame dhammā abyākatā ?
Yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vivicceva kāmehi … pe … paṭhamaṃ jhānaṃ upasampajja viharati suññataṃ , tasmiṃ samaye phasso hoti … pe … avikkhepo hoti … pe … ime dhammā kusalā .
Tasseva lokuttarassa kusalassa jhānassa katattā bhāvitattā vipākaṃ vivicceva kāmehi … pe … paṭhamaṃ jhānaṃ upasampajja viharati suññataṃ , tasmiṃ samaye phasso hoti … pe … avikkhepo hoti … pe … ime dhammā abyākatā .
511. Katame dhammā abyākatā ?
Yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vivicceva kāmehi … pe … paṭhamaṃ jhānaṃ upasampajja viharati suññataṃ , tasmiṃ samaye phasso hoti … pe … avikkhepo hoti … pe … ime dhammā kusalā .
Tasseva lokuttarassa kusalassa jhānassa katattā bhāvitattā vipākaṃ vivicceva kāmehi … pe … paṭhamaṃ jhānaṃ upasampajja viharatiT0.150 animittaṃ , tasmiṃ samaye phasso hoti … pe … avikkhepo hoti … pe … ime dhammā abyākatā .
512. Katame dhammā abyākatā ?
Yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vivicceva kāmehi … pe … paṭhamaṃ jhānaṃ upasampajja viharati suññataṃ , tasmiṃ samaye phasso hoti … pe … avikkhepo hoti … pe … ime dhammā kusalā .
Tasseva lokuttarassa kusalassa jhānassa katattā bhāvitattā vipākaṃV0.130 vivicceva kāmehi … pe … paṭhamaṃP0.102 jhānaṃ upasampajja viharati appaṇihitaṃ , tasmiṃ samaye phasso hoti … pe … avikkhepo hoti … pe … ime dhammā abyākatā .
513. KatameM0.121 dhammā abyākatā ?
Yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vitakkavicārānaṃ vūpasamā … pe … dutiyaṃ jhānaṃ … pe … tatiyaṃ jhānaṃ … pe … catutthaṃ jhānaṃ … pe … paṭhamaṃ jhānaṃ … pe … pañcamaṃ jhānaṃ upasampajja viharati suññatanti kusalaṃ … pe … suññatanti vipāko … pe … suññatanti kusalaṃ … pe … animittanti vipāko … pe … suññatanti kusalaṃ … pe … appaṇihitanti vipāko , tasmiṃ samaye phasso hoti … pe … avikkhepo hoti … pe … ime dhammā abyākatā .
Suddhikasuññataṃ .